古早味休閒台灣 (已結業)

係女人街行完街街，經過見到有間台灣風味，好耐冇食台灣野，入去試下先。啱啱係下午茶時間，有下午茶餐，睇下有咩好食先。古早味牛肉牛筋麵，雖然呢個係下午茶份量，但都有一塊大牛肉，兩條大牛筋，伴碟小菜條春卷都炸得好香口，食落有D似越南春卷，麵條好彈牙，牛筋亦炆得夠淋夠入味。雙色台灣腸，腸皮烤得好脆身，腸仔係蜜味，甜甜地，我又食到台灣既味道了。半價可加小食，除左台灣腸，可加其他小食。跟餐包一杯台式飲料，芋香奶綠，好香香芋味，夾雜小小綠茶香，好飲。香蕉聖代，見到個餐牌已經覺得非常吸引，原本實物同張相係一樣架，係米影印出黎?上面個Cream打得好靚，食落creamy 得來唔糊口，入口即溶，下面就有雲呢嗱雪糕加穀物，我又食到幸福感了。

自從之前去台灣旅行食過台灣野之後，好耐都冇食過台灣嘢啦，今日喺朋友嘅推薦之下，就嚟到旺角試一間！一入到餐廳，就感受到濃濃嘅台灣風味，店員會用台語講歡迎光臨！餐牌都算幾精緻，而且每張枱會有一瓶水，自助斟水，好方便！因為我哋兩個都唔算好肚餓就叫咗少少嘢食算啦！「引人入勝」台式雞肉飯係一個比較豐富嘅飯，一黎到就見到雞肉非常多，而且係雞絲，放入口啖啖肉！ 雞肉上面有少少炸蒜做點綴，增添色調之餘亦都增加咗口。 雞肉算腍，而且入味，送飯一流！「別出心裁」雞扒刈包入面個雞扒係炸雞排嚟嘅，原本以為係燒雞扒，不過原來炸雞扒同個刈包都幾夾，咬落好多汁，中間重夾咗少少榨菜，增加濕潤感。刈包本身都軟熟，偏暖，唔錯！台式醬牛肉，係令我比較驚艷嘅一碟小菜，因為佢個外貌非常吸引，而且有陣陣嘅微辣香氣，牛肉幾入味，有種好濃嘅麻味。牛肉下面嘅青瓜絲就偏辣，如果唔食得辣嘢，記住唔好就咁食青瓜！「七星拱照」宜蘭卜肉係我第一次食，見到餐牌上面個名，我覺得幾得意就叫咗黎試下，佢個感覺有啲似係條狀炸豬扒！咬落個皮幾脆口，入面唔算好鹹，但有小小韌，好岩做傾計小食。「喜出望外」最後餐廳竟然提供黑糖鮮奶！因為我唔飲奶茶，問過店員可唔可

與朋友到旺角閒逛，說起當年到台灣旅行的舊事，就立即想吃一餐台式料理緬懷一下。為食朋友立即推介了這間位於先達對面的古早味，說質素不錯，即管一試！一入門口便看到一幅漂亮的壁畫，畫滿台灣名勝，很有心思店子有6款晚餐選擇，有飯有麵由於一向喜歡台灣牛肉麵湯底，故二話不說立即選了古早味牛三寶麵（$78），先呷一口湯底，有濃濃的肉味及藥材味，香得不得了，差不多整碗湯都喝光。牛肉十分厚切，而且燉得軟軟的，夠入味，有水準。牛肚及牛根亦香口軟熟，值得一點！以隨餐半價加了一份炸蝦餅（$19），炸得香脆不油膩，而且吃得出一粒粒真蝦肉，不錯加點了一入宜蘭蔥餡餅（$14），咬下去肉香四溢，而且極多汁！隨餐附送珍珠奶茶，十分超值！甜品亦高水準，朱古力香蕉窩夫咬落充滿牛油味，外脆內軟，推介！

果日行經旺角女人街街頭，經過呢間台式餐廳，畀佢哋嘅特式長樓梯所吸引，一級級樓梯畫係每級樓梯上，一於入去食下見到佢哋個餐牌好多選擇，好多種類嘅食品同飲品，真係令你會選擇困難！朋友叫左酥炸雞扒滷肉飯，配炭燒烏龍奶茶。炭燒烏龍奶茶還真的有炭燒的味道，幾特別！至於酥炸雞扒麵，雞扒看上去的分量都算有不少，切成了很多件，味道還可以。飯方面，滷肉飯使用了新鮮豬肉製成，除了味道一洗之外，滷肉更煮得十分細嫩，入口即溶。肉味也很香濃。我叫左古早味牛肉麵，接著來我不清楚這牛肉麵是否真的是所謂的古早味，但味道都不錯。牛肉麵的湯底十分重要。先喝一口，不算很濃但飲得到有藥材味，配上麵更好食，比朋友的清湯底優勝許多。配料大概有三片有厚度但不算大塊的牛肉，三件紅蘿蔔，菜，蔥，梅菜絲。牛肉質地夠淋，肉味都算重，少許黏牙味道不錯！而飲品就叫左珍珠奶茶，雖然最普通但好好飲！小食同甜品就叫左醬煮牛肉同酒糟丸子，都係水平之上！整體而言，「古早味休閒台灣」的食物質素不錯，定價而較為宜人，是一間性格比很高的台式餐廳。

其實香港都算多台灣菜😀好似中環既check in taipei, 啊元來了咁 各有特色同大玩fusion 🔮而古早我會形容為中低價價中穩健既台菜代表😊地點係旺中對面行過女人街果邊就係樓上鋪位置較大 Car位坐得舒服滷肉飯$50啱啱九月先去完台北 我覺得佢嘅滷肉飯味道同台灣嘅好相似 （除左價錢lol 但係香港又點可以做到台灣20點蚊一碗嘅價錢wor...)蚵仔酥 $48椒鹽炸蚵仔既做法 個椒鹽粉自己袐方做得幾好 但香口野好易傾傾下計就食曬如果盡量可以再多啲嘅話就好啦古早味番茄牛肉麵 $63牛肉好大舊 份量多唔係想用面整飽人果隻同某間台式連鎖台茶x 既八十幾蚊牛肉面水準一樣咁大家都明😏手工綜合芋圓$45見好多甜品選擇今次簡左芋圓個咬口我好中意 番薯丸嘅味最重 平均每款有7粒左右配搭同平時食開既芋圓差不多下次我會想試佢既豆沙餅兩個人食四樣置埋單二百蚊 合理既

今晚同朋友在旺角食飯，去咗一間叫古早味的台式餐廳，環境舒服，冷氣充足，服務員也很有禮貌。店內装修好有特式，晚飯時段，生意也很好，看完了餐牌，食物種類很多，台式食物好有台灣風味，叫咗大雞扒滷肉飯，份量夠大，雞扒又入味道。古早味牛三寶麵非常好食，尤其牛，又新鲜，口感一流，這個是必食的食物。另外再叫台湾手抓餅，熱熱地，又薄又有口感，非常出色，花枝蝦餅等小食同樣做得非常出色，新鲜炸出來，味道又好食。蝦味好濃，十分難忘。古早油飯卷也很特別。飲品方面，叫咗凍紅豆奶茶，夠冷凍，紅豆軟綿绵，好好飲，朋友則叫咗百香果西瓜水果茶，同類夠特別，味道也非常好 。绝對是非常豐富的一餐，下次必定再光顧。物有所值的一餐。值得在此一讚。

收工後約左朋友聚聚舊，當然揀旺角中心點方便大家，同埋大把美食，之前去完台灣好掛住台灣既牛肉麵同珍珠奶茶，上網就搵到呢間餐廳經過地下上樓梯見到呢幅好有特色既油畫餐廳唔算太多人，可能係平日既關係叫左台灣牛肉麵，有三塊厚厚既牛肉同蘿蔔，湯底中藥味唔重，不錯另外朋友叫左麻油炒豬腰配白飯，用左疆黎炒，所以唔太腥仲有叫左個小食-花枝蝦餅，我的摯愛，炸得鬆脆可口，好食真係有蝦係裹面仲可以半價加$15有藥膳烏雞湯，好抵又好補，而且飲落去冇咩藥味，入到口野飲方面我叫左朱古力珍珠奶茶，濃濃朱古力味加煙韌珍珠，好飲朋友就叫左珍珠奶茶，都唔錯最後買單每人一百蚊左右餐廳都有好多甜品食，可惜太飽食唔落滿足既一餐，有機會再黎食

同男友除左鐘情食越南泰國野外，都好鐘意食台灣野，於是呢日我地係附近睇完戲就去旺角古早味。入到去環境唔錯，地方幾大下，燈光柔和，望得幾舒服。揀左兩個晚餐，跟餐加17蚊我揀左杯水果茶、加7蚊幫男友揀左杯珍珠奶茶燉湯都幾抵好想試，不過點左太多野食驚飲埋湯太飽，最後被勸阻無點到另外跟餐半價有小食揀幾抵，分別手抓餅同花枝蝦餅花枝蝦餅炸得火候剛好，熱辣辣上，餅入面真係有蝦同花枝一大大粒，幾脆同香口，配上酸辣汁，正手抓餅唔錯椒鹽脆豆腐，新鮮熱炸，重口味得沁既清新之選，小食必點主菜男友叫左個古早味牛三寶麵，入面有牛鍵、牛筋同金錢肚三種，，麵有D挺身，幾彈份量幾多下，牛腱鹵得很入味，腍而彈牙，而且不會很韌，值得稱讚的湯底濃郁，重牛肉味，湯底仲有一股八角味道我點左大雞扒滷肉飯，本身鐘意食滷肉飯，鐘意撈汁食飯，唔DRY夠晒重口味，滷肉無太乾或太咸, 仲有半隻滷蛋，撈埋落D熱飯到食，係重口味智者之選跟餐飲品叫左杯珍珠奶茶同水果茶。珍珠好有咬口，味道不會過甜, 而且茶底亦非常清香。水果茶用料好新鮮，沖得唔甜，反而先真係飲到水果原味，不錯另外再點左個油飯，賣相幾別緻有D似韓國既蛋卷，店員提我地要要襯熱食唔係油飯凍

嗰日約朋友出嚟食飯 之後佢哋大家都話好想食台灣野 之後朋友就search到呢間台灣餐廳 而且咁岩大家都糧尾😢睇到呢間餐廳嘅價錢又唔係太貴 所以就決定去呢度試吓🙈眼見呢度其實都幾闊落 同朋友食飯吹下水都幾好 之後我地就每一叫左樣野食首先嗌左個木耳開下胃先個木耳酸酸地好醒胃 但就偏辣 食完忍唔住要飲水再嚟多一個前菜就係酥炸蚵仔食得出佢哋係新鮮炸出嚟 因為仲係好熱但就略嫌多左少少粉🙈呢個都係其中一個必食嘅台灣野之一 手抓餅味道就算唔錯 幾香口 但如果有其他配料一齊食就更好🙈之後就叫左個餐廳推薦嘅五味雞一件雞可以試曬五隻味都幾得意 雞肉都幾嫩但就唔係每隻味都啱的 🙈之後就到主菜啦我地喺台灣都好鐘意食牛肉麵 所以今次都叫左個試下呢碗牛肉麵嘅湯底有藥味 食得到有用心煮過 而且牛肉都好大件同幾多 口感亦都煮得幾冧幾入味👍🏻另外食左咁多野都想飲番啲野清一清新下我地就叫左個洋甘匊花茶 仲話可以減壓添架☺️個花茶會有個蠟燭底左不停座熱佢 包佢唔會涷😂味道都幾清新 食完野飲仲可以解膩 而且噴落都幾香 同埋可以同朋友一齊share👍🏻呢餐埋單每人都係$70幾蚊 所以都幾抵🙈

突然好想飲珍珠奶茶，又好想坐低食野，就隨便食台式餐廳，咁食到一間真係有古早味嘅餐廳，要mark實佢！！Lunch set menu 飯 湯麵 乾伴麵都有，套餐仲有跟三款小食，同埋嗌珍珠奶茶唔使加錢！！仲有埋甜品會唔會太邪惡...午飯時段大家都趕頭趕命，我地快速落單之後，珍珠奶茶就快速送到～珍珠奶茶／炭培烏龍奶茶普普通通的珍珠奶茶，珍珠都煙韌而且超多，奶同茶味好平均，唔會太勁奶味，頂下癮還是不錯的。我叫咗有牛𦟌牛肚牛筋嘅三寶麵，湯頭非常濃郁！！牛三寶都炆煮得非常入味，牛肚仲有少少藥材香，牛𦟌腍得來帶少少咬口，牛筋就入口即溶，非常豐富嘅骨膠原🤩麵條係不規則個種粗麵，比普通麵條更有咬口，女仔食完一碗岩岩好，份量對男士黎講應該唔係好夠～餐前小菜有三款，海哲雲耳同南瓜餅，南瓜餅好甜好好味呀！略嫌雲耳個酸辣汁唔夠，飲完個牛肉湯先食會變到好似冇乜味咁，所以就盡快食晒佢啦～朋友的滷肉蛋包飯套餐，係半肥瘦嘅滷肉呀，飯亦都預先炒過～同埋個蛋係厚厚的，切開中間嘅炒蛋有流心效果，蛋漿炒到半熟保持到滑滑的質感～

今日同兩個朋友去開旺角, 四圍都係人, 又唔想食譚仔, 有人提意去食台灣野~ 我突然醒起係女人街有一間新開叫"古早味"既台式料理店~ 今日就一於去試下~ 星期五晚9點~ 去到古早味, 都幾FULL~ 8成入座, 好好彩我地WALK IN 都有2人位~ 實在係太好了~ 坐底睇下個餐牌又唔貴喎~ 我地叫咗兩個古早味牛肉面餐$68 包珍珠奶茶, 哩個價錢係旺角真係好難得, 仲要可以用半價追加小食, 我地叫咗宜蘭蔥餡餅$14 (原價28) 花枝蝦餅 $19 (原價38) 首先講下佢個珍珠奶茶, 好耐都無飲過真係手搖出黎既珍珠奶茶(睇面頭D奶泡) 係真係香滑D, 珍珠有咬口, 好飲過出面個D啦~ 又有得坐下~ 古早味牛肉面--- 牛肉好厚, 面我唔識講~ 好似係手幹面, 又似刀削面~ 好煙UN~ 湯底好濃, 有少少肉骨茶~ 整體成碗面都好高分~~ 小食宜蘭蔥餡餅, 係爆汁架~ 蔥好香, 肉饀多汁~ 小心熱~ 花枝蝦餅--蝦膠入面再有蝦肉粒~ 口感層次多咗~ 濃蝦味~ 又炸得好脆~ 正~~~全部食物都好好味~ 值得推介~ GOOD~

旺角依頭好似無咩台式餐廳，咁岩行過一條小路見到依間古早味，見佢評價很不錯，就同有人一齊入去試餐廳都幾多人，見佢有午市套餐，就每人叫一份先，然後再叫幾份小食首先上既係餐飲我地補差價叫左台式飲品，友人叫既水果茶就補左17蚊，而我既奶蓋茶就補左7蚊，我覺得都抵既，因為佢都好大杯同埋好飲特別推介奶蓋系列我叫左干撈麵餐麵質極彈牙QQ採用台式粗扁麵，好食上面既牛應該係牛軟骨，煮得好柔軟，汁濃惹味友人想食得健康啲，叫左蕃茄牛肉麵牛肉係似牛𦟌，但煮得好腍好入味湯底清甜同樣採用台式粗麵彈牙每款午餐都配有既小吃依味椒鹽豆腐係必食新鮮炸好熱辣辣豆腐香滑，外脆內軟，堅好食依味紅糖薑母雞翼味道不俗最後依味又係必食推介，炸紅槽肉味道似是脆炸叉燒咁，但肉質爽口，油脂同肉既比例好，外圍脆，好食整體來說，餐廳服務好，坐得舒適，食物性價比高，相信係旺角依頭都難搵到更好既台式餐廳啦

旺角開左古早味分店，台式食店，樓上雅座，環境寬敞，價錢合理，絕對適合一家大細、三五知己、好友良朋，歡聚歡聚。✔️白桃西柚水果茶足料大大杯，可按照個人喜好，選擇走冰小冰小糖等。大大嚿西瓜，大大嚿火龍果，大大片西柚，加埋椰果，配合白桃茶清香，消暑涼快又清潤。✔️午市套餐：古早味牛肉麵配小食三款及飲品（特飲需加錢）（小食配搭天天不同）粗面有口感又彈牙，推介湯底濃郁，牛肉夠林、夠入味。非常好味！是日小食，10分開胃。✔️椒鹽炸豆腐做得非常出色！外皮又薄又脆又香口，內裏豆腐又熱又香滑， 令人食唔停口，必叫之選！✔️紅糖薑母雞亦樣子平平無奇，食落係微甜，唔辣，都幾新奇既，話哂薑母都係台灣名物。💁🏻‍♀️

好開心好開心揾到呢間餐廳同好耐無見嘅朋友眾舊！佢位置方便，由旺角東地鐵A出口，行五分鐘就到。到達餐廳，映入眼簾嘅係色彩繽紛壁畫！沿住啲壁畫一直走，就到達位於一樓全層嘅餐廳內部！一望就見無整窗，但係做曬大塊玻璃，可以望到少少旺角嘅街道，空間感十足，完全唔會覺得好迫，無旺角人多 擠迫嘅感覺！餐廳仲有一直播放輕鬆慢活，富台灣味嘅流行音樂，整個氣氛都好舒適，整體環境我俾90分！！！食物方面，佢夜晚有晚市套餐，$60-80有主食加一杯台式飲品，價錢算公道味道方面，台灣牛肉麵個湯底好味唔會太鹹， 麵質唔會太淋，有手做刀削麵嘅感覺 大雞扒滷肉飯嘅雞扒味道一般，略嫌鹽酥嘅感覺差啲啲，不過size算大！ 甜品方面，佢有好多好多唔同嘅台式甜品選擇，我哋試咗拿破崙蛋糕同埋穀物棒棒泡芙，好好味，唔會太甜，價錢又好平好值得試，性價比高，好正呀！！ 呢間餐廳仲要冇 時間限制，我同朋友由七點坐到十點半，都冇人趕我哋走呀，真係一個好啱朋友聚會嘅餐廳選擇，推介各位想係旺角同好朋友休閒傾計聚會嘅朋友試呢間

台灣野平時食得多，今次嘗試了一間新的餐廳—古早味！餐廳名字的意思台灣傳統的味道，很有意思。牆上畫滿了油畫，位於臺灣台北市萬華區嘅西門紅樓，係一處好著名嘅文藝場所。看過餐牌，價錢非常合理，除咗傳統嘅滷肉飯、珍珠芋丸甜品等等。。仲有好多小食嘅選擇，感覺有少少fushion添！台式飲品，差唔多每一台都叫咗珍珠奶茶。我們先點了一份蒜泥白肉$48 ，幾好食，而且份量多，係開胃首選。朋友好想食鹽酥雞，佢叫咗一份鹽酥雞扒包$26，佢話鹽酥雞扒的味道剛剛好，不會太鹹，加起來味道非常匹配。包好軟熟點少得台灣滷肉飯？只係$50 ，食到飽一飽，仲有一隻蛋係上面，肉操用的是五花腩，啖啖肉，好好食，醬油唔會話太鹹。跟我在台灣老街吃過的味道差不多！最後叫咗一份手工綜合芋丸$40，芋丸和地瓜圓不算很甜，咬口十足！紅豆蓉好甜，珍珠彈牙爽口，帶有一份黑糖仙草味，非常推介！紅茶☕️$12