古早味休閒台灣 (已結業)

早前與朋友一齊在旺角食台灣菜 旺角有好多不同餐廳 今次試台灣菜感覺都十分唔錯古早味係一間樓上餐廳~ 一路行上去見到色彩繽紛壁畫可以同朋友一齊打個卡 影下相 餐廳是主打台灣菜 台灣小食當然唔少得啦 有好多不同小食選擇 我地就點左個台灣雙色腸一食落應該真係有台灣街邊風味有d油油地 好香 我地仲點左薯波剛剛炸好 食落脆卜卜 仲有啲煙韌嘅感覺好香蕃薯味炸豆腐 ~~~ 大贊豆腐好滑 又有豆味~~ 分量大大碟 食完一粒又一粒 停唔到口雞肉飯 感覺飯有好香豬油味!? 極香 唔使雞肉 就咁食飯都可以食一碗 台灣甜品 冰等等都好出名~~ 見到芒果拿破崙都好想試試最後都是叫左大大碗冰同朋友一齊食生果好fresh 仲有最愛的芋圓 仙草!!! 牛奶加冰 甜甜地 好正 ❤❤花茶💛💛💛💛點一壺花茶 同朋友傾傾計 享受難得的休閒💛

心血來潮想食返碗台灣魯肉飯見到OPENRICE度D相吸引，幾有台灣個種休閒特色牆畫整得幾靚魯肉飯的份量非常大碗，飯量十足，同樣地魯肉的份量也不容睇少。黃蘿蔔好酸，好正、有埋半隻魯蛋架~~~豬耳豬肚都魯到人曬色水，好深啊~~~加上，D位好脆架~~~卜卜脆咁樣樣都有D，不會悶提一提既就係佢地既豬腸洗得好乾淨脂肪都多，啖啖豬油香味，啖啖肉最正的是炸花枝丸，好似自己整架，因為食落去既口感有別於其他家，食到花枝丸入面多左D軟骨、丸非常彈口、鮮甜符合預期的珍珠奶茶，厚厚的牛奶層，底部的珍珠同時Q彈的

今日同朋友嚟到一間台灣餐廳 地點位於旺角好就腳 感覺上好休閒可以慢慢坐一個晚上☺️ 餐廳係2樓 沿着樓梯行上去 牆壁上滿佈着充滿台灣特色嘅壁畫 好有特色😆 打開餐牌有好多選擇 見到有晚餐套餐 最抵食 有飯有飲品仲可以半價加小食😝 我地叫左兩個套餐加小食🤤 古早味牛肉麵 $88 湯底牛肉味濃 牛肉煮得入味而且軟腍 有少許牛筋部份😝 至於麵方面係比較闊厚嘅手打麵 很有咬口👍嘉義雞肉飯 $65 充滿油香嘅白飯上鋪滿了雞絲 每一粒白飯都軟綿綿充滿油滑嘅感覺 簡單得黎好好味😻 面上黃色的蘿蔔乾酸酸甜甜 好開胃😝宜蘭蔥餡餅 皮薄而餡飽滿 煎得微脆 內裡係多汁豬肉加蔥粒🤤 台式滷水拼盤 揀左 腩肉 雞翼 豬肚 醃得幾入味 好快被我地清左 🙈 加埋杯珍珠奶茶 肧牙奶綠 味道正常 大大杯同出面差唔多味 但單叫都係$16 杯 比出面平 我地係套餐 唔洗加錢👍👍

同朋友行街心思思掛住台灣既野食 咁岩見到呢間餐廳就一於試下 一路行上去樓上餐廳時都見到牆上畫左台灣既景點，幾有風味打開menu都望到價錢都OK望到佢個dinner set 都好似幾正咁 所以我地就叫左個大雞扒滷肉飯同埋嘉義雞肉飯 跟餐仲享有半價小食優惠嘉義雞肉飯既飯加上少少既雞(豬)油，有心思，食落去都似我之前係嘉義食到既味道不過如果雞肉方面再滑啲就好了朋友既大雞扒滷肉飯既份量夠晒大呀 佢明明食野之前係咁叫肚餓都食唔晒，雞扒夠晒大塊 而且炸得夠脆！我地都有叫到啲小食試下 ，分別叫左台式醬牛肉同埋鹽酥雞前者有少少辣，不過可以接受，再加埋有青瓜絲配搭後者就係朋友指定要叫既 再加上有點九層塔 ，而且雞肉味道岩岩好 唔會炸得太乾食台灣野當然要飲珍珠奶茶先夠perfect😋

難得星期日梗係瞓晏D啦！所以早餐都係10點幾先食，自自然然午餐就食唔落啦！所以就打算食個下午茶，當減下肥！其實初初冇諗住食呢間「古早味」，但比Menu入面嗰個士多啤梨窩夫吸引到，就情不自禁入咗去啦！呢個士多啤梨窩夫係熱架，係熱㗎，係熱㗎！（重要嘅事要講三次）因為平時出街食多數都係凍嘅，仲要幾軟熟，同埋佢唔係好甜，啱晒我口味叫咗個細牛肉麵餐，刀削麵煙煙un un，好有口感啊！（係咬感至真）牛肉炆得好琳，冇牙嘅朋友都食到😆芋香奶綠，略嫌甜左少少珍珠奶綠，都係略嫌甜左少少，都係珍珠奶茶岩飲d 🙃

男人的浪漫都吾一定要豆腐火腩飯嘅, 休休閒閒食件 cake, 嘆翻杯茶, 其實都 okay 架.今日食呢間休閒台灣就吾錯, 好夠男人的浪漫, 哈哈. 沿住樓梯行上一樓, 四周圍都畫滿晒畫, 幾有台灣風格. 餐廳裡面裝修就簡單干淨, 多窗夠光猛, 坐得幾舒服. 食甜品之前, 叫碗飯食, 係咁易墊下個肚先. 古早味油飯, 香港吾係周圍有得食, 就點佢啦 --- 煙煙韌韌都幾香口, 油油地, 林林地, 細細碗, 幾啖就食晒, 做我嘅頭盤份量啱啱好, 仲可以有空間食甜品, good跟住到今餐個主角出場 la : 芒果拿破倫蛋糕賣相絕對靚la, 同餐牌張相一模一樣, 完全無欺場喎. 芒果夠甜呀! 個custard 做得真係堅好食, 好滑, 少少甜, 感覺吾漏, good job 3層酥皮脆得嚟吾硬, 正呀! 呢個甜品真係好得, 要推介下最後 order埋杯仙茶奶茶, 大大嚿仙茶, 又係無欺場, 今餐夠晒完滿, perfect.

放假約左朋友仔去旺角街街食飯, 第一站佢地帶我嚟食呢間新開嘅台灣嘢醫肚, 話平/靚/正, 哈哈哈~ gogogo~~呢間鋪要行一條樓梯上一樓, 樓梯牆壁畫滿畫, 好有 feel, 的確吾似係香港. 睇下個餐牌, 都好多選擇, 同真係好平喎!!咖哩豬扒飯午餐定食. 超抵食, $50.有大大件炸豬扒, 外邊脆脆地, 幾香口, 豬扒仲好林, 個日式咖哩汁最好味, 甜甜地少少辣, 好好送飯, 如果d汁可以多D 仲正.海帶湯~ 味道幾濃. 3個小食添~ 今餐係芽菜/海蜇同蘿蔔~ 個海蜇好好味呀, 好耐未食過咁爽口又入味嘅海蜇啦!!!餐茶點左凍可可奶茶少甜, OK nice~古早油飯原來係糯米飯, 有蝦米同些少肉碎, 質地林過港式糯米飯好多, 易咬, 夠香口~店員介紹我地食鹽酥豆腐, 真係ok喎~ 點解炸完仲可以咁滑ga 五味雞嘅份量比較少, 6件, 我地一人2件. 跟有5款汁, 中間個綠色係wasabi, 食落巧得意呀~ 台灣刈包就無我期待果塊 du~a du~a 嘅肥豬肉… … 吾夠邪惡… … 豬肉都炆得夠入味, 再肥d就100分啦!最後一定要讃下 D waiter & waitress, 個

同朋友黎到旺角搵野食，好掛住台灣嘅美食，附近就見到古早味大大個Banner😆，行樓睇上到一樓，發現地方頗大，以木枱木凳為主體，整間餐廳裝修簡潔，於人來人往的旺角中，也有這樣舒適的台式餐廳！！！☺️打開menu，選擇配搭很多，有新品推介的memu，set dinner的menu，亦有本主menu，經討論後，決定散叫幾款美食🤭小食方面叫左蚵仔煎和蒜泥白肉，另外叫了台式滷肉飯，以及一杯珍珠奶茶，一杯珍珠奶綠。兩杯飲品最先來到，最令我們驚訝的是，以餐廳來說，價錢竟可做得比街邊的台式飲品店還要便宜！！🧐珍珠奶茶的茶味香濃，珍珠亦有咬口；而珍珠奶綠味道清甜，兩杯飲料各有特色。蚵仔煎跟足台灣的做法，較有黏性，不是港式的煎/炸蠔餅，很有台灣的味道；蒜泥白肉有驚喜，帶少少辣，但很香蒜油味，愛蒜的朋友不能錯過！🤤台式滷肉飯份量適中，滷肉十分多，而且肉質夠肥，吃落口有陣陣油香味🤓不用去台灣，留在香港，也能食到台灣的味道😍

之前係交流團識到班好友,約左好耐，終於約到大家食飯，我地就揀左係旺角既古早味，貪佢夠就腳我地一坐底，店員就遞左好多餐牌黎，真係花多眼亂，野食種類多之餘，以晚餐黎講，價錢唔算好貴我地叫左兩個dinner set,會送野飲之餘仲可以享有半價小食優惠😋首先就係古早味牛肉麵，以前係其他台式餐廳食過牛肉麵覺得冇咩特別，但呢到既令我有少少驚喜，牛肉一啖咬落去好夠牛味，麵都非常之彈牙另一個set叫左個大雞扒滷肉飯，依加大部分台式餐廳都係賣燥肉飯多，估唔到呢到係賣滷肉！真係台灣食過滷肉飯既味道！雞扒都好大塊，而且炸到外皮好穌脆，咬落好有口感！跟餐要左個手抓餅同台式醬牛肉手抓餅同平時街邊食既唔同，冇餡，但就咁食都唔覺得dry😆醬牛肉都唔錯，食到尾先知有少少辣粉係上面😚我地另外仲叫左d小食，一路食一路傾左兩個幾鐘，店員都冇趕我地走或者比面色我地睇，呢到環境好好，坐落又舒服，真係好岩夜晚同班朋友黎敘舊！

開頭打算近近地搵野食，繁華的街道出現一間台灣小食既店鋪，係女人街既街口，我點左個蝦餅，台灣牛肉麵，雞排同花茶，點知食落有意想不到，味道真係幾好，蝦餅又唔膩味道又夠，花茶既味道特別，比同區果啲coffee好得多，地方環境又唔會好窄，價錢平，值得推介

同朋友去旺角行街，行到攰想搵個地方坐下，又想食台灣野，就黎左呢到食下小食，抖下咁身為甜品愛好者，一睇餐牌就揭去甜品果版！見到d方磚就好想食！最後諗左好耐，揀左個草莓蜜糖方磚個甜品一上到黎就忍唔住影相，個賣相都ok的，方磚上面有球雪糕，最上面就淋左一層cream,再用士多啤梨點綴，仲有d應該係草莓乾果粒？我都唔係好肯定個方磚係金黃色，一睇就只好多蜜糖！咬落去真係夠哂甜，而且仲暖暖地，襯雪糕同d cream 食好夾

這間位於旺角，富有台灣風味特色嘅樓上餐廳，環境十分舒適，由一樓上頂樓，有很多油畫，很美麗。我朋友叫了一杯仙草飲品，味道一流，比得上在台灣當地飲嘅仙草奶茶。這碗是豬軟骨麵，豬軟骨十分爽口彈牙，入口即溶， 豬肉與軟骨嘅比例十分好， 刀削麵條也十分彈牙， 麵身軟硬度適中。刀削麵也附有三款小食， 分別有酸青瓜，炸春捲 ，醃菜， 新款小食各有台灣特色。我就點了一款鹽酥炸雞刀削麵， 我要讚一讚這款炸雞， 雞嘅外層非常鬆脆， 雞肉也十分新鮮彈牙， 這裏的炸雞必定要試。食完正餐後，我們便點了一款甜品 ，這款甜品係士多啤梨窩夫。聽這裏的店員講窩夫是叫即做 ，所以窩夫嘅外層非常鬆脆，內裏非常柔軟，再配上雪糕， 吃落去嘅口感像冰火交融一樣。這裏人流也非常多， 可見是非常受歡迎的一間台灣地道餐廳。 這款是最原味嘅珍珠奶茶 ，口感也非常好。員工嘅服務態度亦十分好。

素來喜歡吃韓國和日本菜的，間中也要吃吃其他，位於旺角細街的古早味休閒台灣，近來也是朋友之間的話題呢。吃台灣菜無非不是試牛肉麵和鹽酥雞等等，原來這裡都有很多不同的菜式，有點花多眼亂蒜味鹽酥雞 (HKD 38)鹽酥雞即點即製，上到檯已經熱辣辣，雞肉嫩滑多汁，吃到出陣陣蒜味，但吃完口不會臭臭的鹽酥豆腐(HKD 38)豆腐好嫩滑，外層鹽酥皮好香口，豆腐清淡但配上鹹鹹的鹽酥味道，令人一吃想再吃牛肉牛筋麵 (HKD 68)台灣菜必吃的牛肉麵，麵底是寬條麵，煙煙韌韌，牛肉好軟綿，一咬即開，而牛筋煮得好像啫喱一樣，一點都不韌，好食炭燒烏龍奶茶 (HKD 16)在淡淡的炭燒烏龍茶味上加上奶茶，奶茶變得比平時有層次黑糖奶茶(HKD 16)近來好多手搖飲品店都勁推黑糖珍珠奶茶，特地在這裡點了一杯來試試，果然同樣陣陣黑糖味，甜甜的，沒有加珍珠是怕吃得太飽了

今日同朋友一齊去旺角行街，順便一齊食個飯，咁啱上openrice 見到呢間台灣餐廳喺D出口附近，於是同朋友去試。餐廳座位係2樓，上樓梯嘅時候見到牆邊畫左關於台灣嘅壁畫，裝修同環境好有心思。我哋六點半到嘅時候餐廳人唔算多，仲可以坐卡位，可以好舒服咁同朋友傾計食飯。店員服務好好，積極向我哋介紹餐廳特色嘅小食。首先有藥燉烏雞骨雞湯晚餐跟餐嘅話燉湯半價，值得一試👍除咗燉湯之外，仲有小食都係半價，我哋叫咗花枝蝦餅一試。跟住正餐叫咗古早味牛肉麵分量剛剛好，牛肉量多同大大件，湯底味道都算濃郁👍另外仲有大雞扒滷肉飯雞扒分量非常多，滷肉飯都剛剛好，味道非常可口。飲品方面，左邊係凍紅茶奶綠，右邊係荔枝草莓水果茶（跟餐補價$17），水果茶甜度剛好，唔會好似外面台灣飲料嘅太甜，配料亦非常足料，除咗草莓之外，更加有橙、西瓜、火龍果、奇異果都有等等，配上椰果，適合鍾意除左飲又要有口感嘅你。食完正餐之後，當然仲要食甜品，我哋叫咗一個手工綜合芋圓，配料非常多，除咗有三色芋圓外，仲有仙草、紅豆、綠豆、珍珠等等，下面則係冰。不過食晒配料之後，下面仲剩返好多冰，如果配料分量更多更好。整體而言，價錢合理，食物種類同款式都多，

旺角享受台灣滋味，在亞皆老街與通菜街交界的>>>古早味休閒台灣<<<餐廳。 餐廳位於閣樓，由街口拾級而上，沿路見到色彩繽紛的壁畫，心情豁然開朗。 餐牌圖文並茂，有助揀選心水食品。 先點一杯胚芽珍珠奶茶(HKD19)，懷緬一下青蔥歲月與摯友在台式飲料店聊天的日子。最教人驚訝的，是經歷近二十個寒暑，一杯胚芽珍珠奶茶的售價，竟然絲毫不變，完全不受通漲影響。 主食是台式擔仔麵(HKD45)，小小的一碗，是清淡的滋味，很有台灣街邊小吃的特色，只是碰巧當晚廚房出餐有點慢，這個麵可要等好一陣子。 小吃揀了兩個，均是熱氣的喲。炸花枝圓(HKD38)香氣吸引，內裡還真的有花枝片，彈牙以外添了結實口感。 炸地瓜圓(HKD22)令冰回想墾丁夜市吃到的美味地瓜球，可惜這相當失色，過於油膩，而地瓜圓沒有任何味道，只得圓滾滾的一個粉團而矣。 加一後是餐消費HKD136。