古早味休閒台灣 (已結業)

好耐無食過台灣野，個日係旺角行街，見到有間樓上台式料理，就決定試下。餐廳嘅樓梯畫滿壁畫，好有台灣特色。食台灣野當然唔可以小得飲品，我同朋友分別點左胚芽奶綠同芋香牛奶，飲品唔太甜，水準不過不失。小食就叫左五味透抽，鮮魷爽口，醬汁開胃，令人食指大動。我地亦點左台灣刈包，第一次食刈包就愛上左，刈包包皮又香又軟，配合入面肥豬肉，令人食到停唔到口。之後主食就叫左台式滷肉飯同台南擔仔麵，滷肉飯個汁調得唔錯，滷肉肥瘦均勻，配飯食好正。至於台南擔仔麵就一般，面比較粗同林。最後甜品叫左芭樂玫瑰刨冰，刨冰一上就已經聞到玫瑰香，伴碟水果新鮮，刨冰唔會好甜，味道恰當。而香酥繽紛炸芋圓就好有驚喜，之前剩係試過普通芋圓，今次炸完都好軟熟，又唔油膩，食得出三隻顔色唔同味道，值得推介！

今日喺旺角行完街街之後，偶爾抬頭一望，見到有間食肆叫做 “古早味” 覺得個名幾特別, 但係唔知食咩, 所以行過去睇睇，原來係食台灣嘢嘅……………啱我🤗舖頭唔係位於地下，要行樓梯上， 但係樓梯同埋牆身都有極富台灣特色既油畫，幾特別 ！(原諒我影相技術差😂)望望餐牌， 價錢一啲都唔貴，而且食物，飲品款式選擇多， 有小菜啦、主食啦、套餐啦、小食啦、甜品啦 而飲品除咗一般台灣嘢飲之外，仲有新鮮水果茶、黑茶、奶蓋、竟然連酒類都有😲威士忌至中國白酒都有😁 而甜品呢，有刨冰啦、奶凍啦、拿破崙蛋糕啦、心太軟、窩夫， 應有盡有我叫咗雞扒滷肉飯:雞扒唔會好乾身，仲好juicy，雞肉好滑，魯肉唔似出面咁淨係得啲肉碎, 佢真係滷肉, 仲要係半肥瘦, 非常入味， 分量十足， 同行之男性朋友都食唔曬😊😊牛肉麵:其實係牛展嚟嘅， 望落非常厚身，諗住會好韌， 但出奇地好稔喎，而且湯底好濃嘅牛肉味， 而麵條同一般嘅唔同，麵條較為粗身， 好似正宗台灣麵咁，口感更為豐富，好滿意花枝蝦餅:外皮鬆脆，而且裏面真係有鮮蝦㗎， 真材實料奶蓋綠茶加珍珠: 奶蓋好幼滑， 加埋珍珠好實在， 又解渴😍😍以後掛住台灣美食又多一個選擇啦

好耐無食台灣野，Lunch set幾多選擇就揀左呢間了！從地面門口走到樓上，間野都幾大，地方好寛敞，有d似cafe。其實台灣野都係果啲，牛肉麵滷肉飯等等~但餐牌有好多款選擇，而每個套餐都會包括前菜、主菜、一杯$16飲品，仲可以用半價追加小食，但兩個女仔覺得都夠食就無貪平追加😂先講少少前菜，木耳不過不失，酸酸地爽口果種都幾開胃！台灣香腸就出名夠晒香味，唔錯～新竹炒米粉－ $68一黎到估唔到份量咁大！材料豐富，已經首先加左分～食落味道ok但整體偏油。米粉好幼，爽口但唔會太硬身，炒得好惹味，似乎都幾正宗！古早味牛肉麵－ $65賣相幾吸引，湯底香濃，牛肉油脂均勻，唔會韌，好稔身超容易咬開，夠入味！而啲麵質都滿意，夠咬口不過唔會太硬。+$15蟲草花燉鴨湯味道正常，唔算驚喜，睇得出都幾多料，我地兩人share，過下口癮。飲品～桂圓紅棗茶＋香芋鮮奶 (+$2)香芋鮮奶幾濃，唔會好甜，加$3可加埋珍珠，如果加埋都應該幾襯呢！埋單～每人$70幾蚊唔算超平，但份量十足，性價比ok，值得一試

之前都聽過古早味台灣既餐廳，但原來旺角鬧市中都有開了店舖，就在"先達"斜對面女人街頭位置上樓，我老婆約左人，為有自己去食下啦，有時都好掛住台灣既牛肉麵，近近地於事去旺角這間店舖。【古早味牛肉麵】來到台灣菜店舖每次都想吃牛肉麵，因為我真係非常鍾意食。碗麵一來到點都會試頭啖湯，它們的湯底非常特別，又濃郁。見到麵條粗幼度適中，係手工打既麵，質感好好，牛肉有三大塊，牛肉都算厚又夠腍。【宜蘭蔥餡餅】蔥餡餅比想像中有驚喜，一來到有四細個，不要太大啖咬，內裡餡料非常多湯汁，食落估不到有濃濃的蔥味，比想像中做得唔錯。

台灣古早味，旺角都有唔同類型既餐廳，今次食左呢間，尚算唔錯，還好的而且地方尚算寬敞，環境還算舒服啊。點了：大雞扒滷肉飯，鳳梨檸檬生果茶，拼盤(豬腸豬耳雞翼)。大雞扒滷肉飯，滷肉份量都唔細，雞扒炸得黎既口感都算脆脆的，所以整體還算好，份量足夠，加上滷肉夠同有汁，所以成個飯食上黎都唔乾。$75拼盤，豬腸無腥味，口感少少林，幾好味。豬耳都算少少彈口，所以都唔錯，雞翼就沒有甚麼特別，不過不失啊。鳳梨檸檬生果茶，算足料不過唔夠菠蘿味道，不過杯內真係都有生果，今次都算是真係生果茶了，比之前其他地方的好，有西瓜，火龍果，mango等，當然呢個盛惠$33。抵唔抵就無特別啦，一般啦 本人食評全部都係自己親身光顧，與餐廳沒有任何關係，為個人真實感覺而寫，唔會因為多人覺得好味就會跟風比好評，反之亦然，敬請留意。總結算唔錯，可以試下啦。

旺角長期人多, 係繁囂嘅鬧市中都搵到間好餐廳真係好難得! 對於係香港食台灣野, 我本身一直都唔會有好高期望, 周日適逢下午茶時間, 肚餓嚟到古早味食野, 估唔到有意外驚喜! 初時只係諗住簡簡單單食少少野就算, 上到去坐底睇一睇個menu, 先發覺有好多選擇! 好多款都想食! 差唔多諗咗成10分鐘先諗定食咩好, 好彩啲店員一啲都無比壓力催我地快啲落單~ 我決定影低個menu下次睇定食咩再黎食由於我地得兩個人, 雖然好肚餓, 但都唔會食得多, 所以只係每人叫咗個飯再share甜品~ 大概order完5-10分鐘, 好快就上菜!先講講我個紅燒豬軟骨麵, 老老實實初時見到個份量好似唔太大都擔心食唔飽, 不過佢有小菜又有大大杯餐飲, 作為一個下午茶真係好夠! (我係當做lunch的XD) 熱辣辣+大大塊豬軟骨肉, 味道唔錯! 好有台灣味好正宗!同行友人叫嘅嘉義雞肉飯~佢都話幾好食, 有碗湯另上, 我都有飲, 係紫菜豆腐湯, 都好好味! 想飲湯叫飯會啱啲~再講講個甜品, 仲大驚喜呀! 以為一般台式餐廳嘅甜品都係得啲芋圓呀waffles呀etc..other than that 竟然有西式甜品, 仲

朋友帶我去旺角食台灣菜，估唔到價錢都好適中，要行少少樓梯，好近地鐵站。裝修有台灣的特色感覺，而且有卡位坐得比較舒服。A49 台式滷肉飯$50上面啲肉真係好靚，肉黐住啲豬皮好彈牙又好入味，色水均勻而且入味，鹹味適中，而且粉粒每一粒都夠濕潤，攪拌一起進食很不錯。A25 雙色台灣香腸$38不同顏色香港有些微不同口感，但係最主要係油分十足，調味做得剛剛好，而且表皮香脆，味道香口好吃。806 杯芽奶茶$18加珍珠加$3我們兩位選擇一杯飲品分享，質素也OK，最主要是價錢分分鐘比起你街上外賣的更加便宜，又可以再在這裏慢慢飲真是值回票價！A70 草莓蜜糖方磚$75最後食甜品物份量好大，大家應該都有聽過一開始這類型食物最出名的是「茶X」，不過這裏就更加細心，細心把每條麵包已經有適當的cutting，而且會發現包圍着也是香甜的蜜糖。所以吃起來香脆得來味道亦非常豐富，不過還是建議多人一點吃，我們兩位吃得有點撐啦！

今日約咗閨蜜去旺角行街，兼食好西，在女人街行完一輪之後，又到三點三喇，於是🤔吓 食啲乜，咁就揾吓附近有冇台灣野食，Yo😚~ 揀咗👇間🥤🍰🍲。沿途從101地標拾級而上，周圍牆身畫上具有台灣特色嘅油畫，十分吸睛😚 ，未食先興奮🤩餐廳地方闊落,感覺非常休閒🤩下午茶餐也非常豐富，有飯、麵餐，最驚喜居然有甜品下午茶餐,仲可以以半價追加小食……woo古早味牛肉麵十 宜蘭蔥餡餅湯頭香氣撲鼻，十分濃郁， 有兩塊厚切牛肉，筋肉分佈啱啱好，口感十足，易咬，麵條爽滑煙韌，蔥餡餅也用料十足，令我十分滿足草莓窩夫配雪糕十手抓餅Marvel!!! 好好食呀舐脷指數 鬆脆可口，不會太甜，配埋雪糕生果，好味指數爆😎燈， 手抓餅~ 唔油膩、乾身、可口，讚！讚！讚！珍珠奶茶、炭燒烏龍奶茶👩‍⚖

旺角有好多臺灣茶座 我就貪呢間地方闊落，坐低有歌聽。盡顯休閒的臺灣風味。水果茶，水果總共有士多啤梨，蘋果，火龍果，配上台式茶底。充滿臺式田園風味。開胃消滯。臺式小餛飩一共有12粒，一口一粒非常抵食。餡料用上鮮豬肉美味可口。會上小小台式醋，和台式辣醬。，非常之醒胃。全單才67元，優質抵食。換碟好靚有奇異果士多啤梨。拿破崙餅，餅底鬆化，唔算太甜。咬落好脆卜卜。絕對係優質下午茶之選。地方座位歡樂優雅播住音樂充滿臺式休閒風味。

今日去左旺角行街 想食台灣菜 就去咗試依間古早味台灣餐廳 我同朋友七點半去到 唔洗等位就入得佢嘅餐牌由小食煮食甜品同飲品都好多選擇 全部都係充滿台灣風味嘅嘢食小食方面我就叫咗辣味鹽酥雞 花枝蝦餅 同埋台灣手抓餅🤪個鹽酥雞炸得好香好脆 上面有啲辣味粉 食落有啲辣味 又唔會太辣 幾香口 好食!而個花枝蝦餅外皮都炸得好香脆 個蝦味好香 蝦肉亦都好彈牙 配上特製嘅醬汁 酸酸地 好味!🤪另外 個台灣手抓餅都係餐廳餐牌上既推介 佢就係簡單地有啲葱花既餅 個皮脆 入面都好鬆化 配埋葱花既香味 好有台灣風味主食方面 就叫咗個古早味牛肉麵 啲牛肉好香好入味 夠曬林 唔會韌 而啲麵質都好好 配埋個湯 正!🤪飲品方面 今次想試下清新系列水果茶 佢有好多水果茶選擇 今次就試咗白桃西柚水果茶 個茶有好多水果 都好香白桃西柚味 茶味亦濃 唔錯😙

和朋友行經旺角女人街，真的完全是被這間的裝修吸引着，古早味，好似在銅鑼灣都有分店，決定今晚晚餐就在這裏解決。餐廳在一樓位置，經過樓梯時被那些色彩繽紛的壁畫吸引着，好像走進歡樂世界一樣，上到一樓餐廳面積算大，座位間隔都闊落，而且非常開陽，可以望到街景，感覺好休閒。古早味，與台式風味為主，見到Menu色彩繽紛好吸引，由主食小食甜品嘢飲，應有盡有。我們點了滷肉飯有驚喜，好喜歡這間的滷肉飯，他的肉碎肥瘦分明，醬汁好好味，飯身煮到好軟，但是又可以做到粒粒分明，滷肉配飯一口食落去，口感好豐富。牛肉牛筋面，個碗底好深，面是粗身的闊條麵，有口感，牛肉牛筋有大概四至五件，非常大件，滷到好淋，牛筋入口即溶，不錯不錯。酥炸蚵仔，面層炸粉是鹽酥雞的味道，蚵仔大隻飽滿。滷水三拼，滷水雞翼好大隻，滷得非常入味，還有豬大腸和豬肚，爽口彈牙。餐廳價錢不貴，菜式出品高，可以在encore☺️

前排去完台灣 好掛住台灣既古早味野食食完晚飯又想食甜品 所以入左呢間窩夫迷既我又出動喇 睇中左呢款窩夫 食落唔差 份量都好大 食完晚飯再食真係好飽芋圓係台灣口味 口感有咬口 不過不失！下次經過會再試埋啲正餐

我都唔知點解，呢排不斷食台灣菜😂，好在都是好食又不貴的，今晚這一間也是。在女人街街頭，位置方便但不算起眼，要俾一些留意才發現它。餐廳要行上一層樓梯，沿途有一些台灣壁畫，例如西門町紅樓。餐牌選擇不少，特別在於有一在台灣很道地的小吃和很豐富的甜品選擇。我們點了香芋珍珠奶茶和珍珠奶綠，珍珠幾煙韌，不過記得叫少甜😂主食方面點了兩個麵，紅燒豬軟骨麵（$60）和牛筋牛肉麵（$68），兩個都大推！豬軟骨熬得非常容易咬開，但仍有軟骨的口感，而牛筋就真是入口即刻feel到豐富的膠質湧出來，牛肉是牛𦟌來的，店家給得超大方，有兩件超大的牛𦟌，又是超容易咬開，但又保留了一些口感，總之煮得啱啱好。麵應該是刀削麵，有一點咬口，唔會話俾湯浸到腍左。湯底唔算好靚但也不會飲到覺得涸喉。還點了一個甜品，綜合芋圓（$45）原本期望不是很高，但個芋圓竟然比外面一些出名食芋圓的店還要好食，煙韌得來是真的食得出食材的味道，還要頗大顆，其他配料表現可圈可點，值得一點。以後如果在旺角想食台灣菜，我想我都會想到這餐廳😆

經常經過亞皆老街這古早台灣店， 有時還會買杯台灣特飲，但沒為意它有卡座，直至今日友人約食晏才如夢初醒。朋友推介我點了個她滿覺台灣味濃厚的紅燒豬軟骨麵套餐，包一杯飲品外，還有九款小食可半價選購，結果選了花枝蝦排。麵來到，湯色加香味大洒香料誘惑，盡顯台灣味道，所以店選名古早可能就是這原因。 先嚐一口湯，如意料香料味重但入口甘甜是我杯茶， 咬口豬骨，好腍軟入味， 易咬又多汁配QQ的麵很地道。那花枝蝦餅，蝦搞得彈牙非常添上綿實爽口的墨魚, 相得益彰，ㄡ炸得甘香不油，好味。台式小雲吞，不要以為佢咁細便無餡，一口一隻，隻隻皮薄餡靚，$28有好似十二隻， 好抵食。最後來的台式蔥餡餅也有驚，它未必以三星蔥為餡， 但蔥味都是濃濃的，餡能鎖住澤，不乾， 做得唔錯。

食食食食食，又黎食好野喇。好掛住台灣既牛肉麵呀！因工作關係又黎到旺角區，新開既呢間樓上鋪環境舒適，唔算太難搵，樓下有即沖外賣飲品，轉角上樓就到。景觀都唔差架。餐牌都厚厚一本，選擇十分多。小食麵食，甜食，飲品既種類都十分多。先上場既係奶蓋咖啡，奶蓋用料充足，香滑又濃郁。至於我個杯呢就係鳳梨🍍檸檬水果茶，水果配料十足，總有少有係外面餐廳見到既士多啤梨呀！而且唔算太甜，岩哂我呀！話咁快小食就上菜喇，有雞軟骨同椒鹽豆腐，兩樣都新鮮熱辣炸起，豆腐外脆內嫩，雞軟骨都十分香口好食再黎既，當然就係主角啦，因為工作應酬，肚仔其實唔算太肚餓，所以只係叫左一碗三寶麵同蝦刈包。碗麵果然份量十足，牛肉香軟，牛根又好膠質同林身，牛肚都一d都唔難咬開，重點係！湯頭十分好食！濃郁下帶有微辣，同少少酸，感覺十分開胃。老實講，香港開好多台灣店，又有賣牛肉麵，但呢開鋪絕對會翻check 再翻check!!!!我一定會再試佢其他麵架！因為個古早味湯！真係好好食！可惜係個紅蘿蔔🥕差少少，如果再煮林身少少就okay架！至於個蝦餅刈包，又係另一個驚喜，咬落去juicy又有蝦肉，全個包都唔乾身。好吃！肚，永遠都係得咁細，我好想食三色