古今二 (The ONE)

营业中

休息中

The One Shopping 後，當然要醫肚。見到就開嘅古今二，不妨試一試。食物選擇種類好多，座位舒適。沙律，刺身，串燒，卷物，應有盡有⋯⋯樣樣都想食，但二人行唔敢叫太多。首先清清地叫咗個沙律🥗個名好得意*䄂想蝦你*聽個名都知道有䄂子，材料多，新鮮，仲好大碟，抵食。古今日式煎餃子🥟即叫即整，個皮仲好脆👍🏻特式卷物*蜘蛛*，裏面有軟殼蟹，青瓜，牛油果，蟹柳， 賣相幾得意，畫咗蜘蛛網伴碟。再來一個*金龍卷*，裏面有三文魚，炸蝦，芝士。佢哋嘅卷物細細件，唔會太飽，啱啱好，可以食多幾樣😋櫻花蝦茄子燒🍆製作需時，賣相我味道都唔錯，值得一試😋整體來講唔錯，食物質素幾好，坐得舒服，水準平均。

我係一個唔食生野既人，男朋友突然話帶我去食壽司大餐，心諗都唔食生野，連壽司朗都唔食，做乜仲食壽司店，原來依間鋪有好多特別既壽司，仲要有生有熟，適合晒唔同既人。鋪面唔算好大，但枱同枱之間有適當距離。餐紙好多選擇呀，有好多特別名既壽司、串燒、刺身去到鍋物都有。我地叫左啲特色卷物：辣妹: 好靚既粉紅色，佢係將一舊有芝士同炸蝦既卷物打橫放，再加辣味吞拿魚係面頭，成舊放晒入口食，真係正，辣+芝士真係絕配，炸蝦令口感更有層次。綠野仙蹤: 食完辣壽司，就要食啲refresh d既壽司，依個卷有八爪魚、蘋果、蟹柳、牛油果、飛魚子，蘋果再加牛油果好清新，蘋果既微甜再加上八爪魚都幾match。龍卷風沙律: 好大兜入面有蔬菜、海藻、蟹柳、脆片，配以燒汁同小小辣汁，味道同口感都好豐富。椒鹽雞腎: 椒鹽味好足，雞腎新鮮，好爽脆雜錦天婦羅: 新鮮炸，炸衣唔太厚，材料唔錯，食到蔬菜同蝦原味。服務態度都Ok，會有侍應定期加水、收碟。總結，依間餐廳食物質素好好，啲壽司好岩鍾意食熟食既人，而且個配搭好正，賣相好靚，已經諗住帶埋啲親戚既小朋友去食，因為佢地都係鍾意食熟既壽司🍣

「古今二」近期越開越多分店，今日約左朋友去位於尖沙咀The One 分店，店內裝修以日式木系風格為主，餐檯亦都好闊落，絕對係同朋友飯聚嘅好地方。餐牌上除左有各樣卷物之外，仲有鍋物、沙律、刺身、串燒同埋各式各樣嘅小食，當中較為有特色當然係佢地嘅卷物，無論味道定係菜式都非常特別同出色架。我地一行兩人，叫左一個沙律，兩款小食同兩款卷物。龍捲風沙律:菜式嘅名好特別，沙律好大兜，配料都好多，賣相好靚，沙律菜上放上蟹柳絲同海藻，上面加左蟹籽做點綴，加配香脆嘅脆片後更令到整體口感提升，非常豐富，配埋沙律汁，撈埋一齊食真係相當清新，食得好開胃。雜錦天婦羅：天婦羅分別有蝦，秋葵同蕃薯，即叫即炸，熱呼呼，粉醬夠薄，入口外脆內軟，食落酥酥脆脆，非常好味，作為餐前小食簡直係一流。自家玉子燒：玉子燒擺盤精美，入口蛋皮層次分明，熟嘅程度剛剛好，口感軟綿綿，水份十足。火山：點解呢道菜叫「火山」？係因為卷物疊到好似座山之後再喺上面點火。店員送上來嘅時候會喺我地面前為卷物點火，真係名副其實嘅火山呀，非常吸睛，火勢維持左大約1分鐘，燒完之後就可以食㗎啦。卷物包住蟹柳，青瓜同牛油果，八小件卷物疊到好似山嘅形狀之後係上面鋪上

之前喺觀塘嘅工廈食過古今二，覺得性價比勁高，原來佢而家都已經做到有聲有色，慢慢地開咗好多分店，今日就去到尖沙咀The One嘅分店再次回味，入面嘅環境都靚咗好多。最鍾意食沙律做前菜，呢個名為柚想蝦你沙律係有柚子同甜蝦，而且仲包括蟹籽、豆腐、沙律菜等，味道清新又鮮甜。彩虹卷係必點嘅菜式，非常打卡able。三款唔同顏色嘅刺身再以沙律生菜作伴，猶如一幅風景畫。彩虹卷入面卷有牛油果同蟹柳，感覺幾清新。另外就揀咗超級龍捲風，上面灑滿咗脆片。兩端仲露出炸蝦尾。而入面除咗有炸蝦，仲有鰻魚同芝士，呢個就比較惹味得多。另外仲叫咗雜錦天婦羅，除咗有炸蝦之外，仲有秋葵同迷你紫薯。三款之中我覺得秋葵最驚喜，以天婦羅製作嘅秋葵冇咗滑潺潺嘅感覺，變得最好食嘅一款。我最鍾意食茄子，而朋友就鍾意食櫻花蝦，呢個櫻花蝦燒茄子對我哋來講簡直係完美嘅組合。一絲絲嘅茄子肉掛住香烤過嘅櫻花蝦，味道實在令人回味。最後食個日式炒烏冬，配料唔多，但好味嘅日式醬汁混入彈牙嘅烏冬就已經足夠，確係簡單而好味嘅菜式。

之前朋友推介，食過觀塘果間，覺得幾好。得知尖沙咀有分店，馬上帶埋男友去試😍古今二嘅卷物好多款式選擇，menu 上嘅卷物真係眼花撩亂🤪雖然細細舊，但食落都幾飽。今次叫左個「火山」，卷物一黎到，店員仲提我，問我要唔要影相，因為會有呢個點火儀式🔥一點火果下，我即刻嘩左一聲😂真係好吸睛，連隔籬枱都忍唔住望😝除左讚，有一樣野要彈嘅就係，串燒牛舌比較失望🙍，食落好韌，咬極都咬唔開….我以為自己食緊擦紙膠。除咗呢樣之外，佢哋嘅卷物係好食嘅，值得一試。

終於等到日本開關，奈何我無咁AL可以獻比隔離酒店唯有繼續留港消費，掛住日本菜，香港都有唔少選擇嘅! 約埋同事去食好西，Blue Monday來個Happy Lunch先，點亮一星期的午餐第一次幫襯古今二，睇Menu已覺得食物選擇多又有特色坐位有卡位闊落舒服，有落地玻璃望街景，舒舒服服嘆返個LUNCH都係一個幾好的選擇。因為想試多Ｄ唔同的菜式，所以我地2個人就散叫咗5樣料理首先講講前菜及小食 – 龍卷風沙津及古今日式煎餃先龍卷風沙津賣相吸引，份量勁多，配埋個特色古今醬，辣辣地好過癮～越食越想食，食到停唔到口，仲相當開胃添! 而個煎餃呢，真係有日本的味道，熱辣辣上枱都幾好味然後鐘意食豆腐的同事就點咗昭和豆腐煎幾特別的豆腐煎，面層有糖膠，煙煙靭靭的幾特別豆腐煎完都保留住好重的豆味，清清地唔錯最後食埋個飽肚主食: 招牌金龍卷 及 蜘蛛上枱果下好驚喜，賣相一流! 相機不停地食先金龍卷擺位真係成條金龍一樣，創作手卷真係寧舍有特色芝士炸蝦配上三文魚，入口好爽脆脆的又有鮮味，好多重口感係平時就咁食壽司無得比的好特別好正! 然後 蜘蛛仲特別！真係有好多隻腳架～講緊係軟殼蟹腳軟殼蟹＋蟹柳+牛油果好脆好清新

炎炎夏日吃日本料理就最好不過，尖沙咀The One 一直很多有名的食肆林立，今次介紹呢間食肆-本身由九龍東觀塘進駐到此地「古今二」，一如以往以特色的日本菜為名。入內以簡約風格坐得舒適，並有卡位的設計概念，朋友相聚的好地方。餐牌上的種類繁多，包括有前菜、小食、刺身、一品料理或創意壽司等，並有各款酒精類飲品，例如：清酒、燒酒或日本果汁酒等。日式麻醬秋葵豆腐沙律 $78份量相當多的日式麻醬秋葵豆腐沙律 ，新鮮的沙律菜配上胡麻醬口感清新，加上有豆腐及秋葵富有口感並相當健康。彩虹卷 $116卷物呈現彩虹色的配搭，完美演繹創意壽司。以吞拿魚、三文魚、牛油果、蟹柳、青瓜，顏色相當鮮艷奪目，多元化滿有口感。安格斯蔥牛卷 $72小食會有安格斯蔥牛卷，頗多的蔥段包著安格斯牛肉，相當爽脆的蔥段並有牛肉香，令人回味無窮。自家製香菇雞肉串 $32串燒選擇了自家製香菇雞肉串 ，巨型的香菇雞肉有粒粒的雞軟骨的口感，添上醬油燒得恰到好處，不俗之選。火山 $128最後一道菜相當吸晴，呈現火艶的顏色並有蟹柳絲、青瓜絲、牛油果、帶子等，能造到冷熱共融，倍感滋味。

Modern Japanese restaurant🍣🥢 🍶🏮💫..呢晚出開尖沙咀按摩💆🏻‍♀️，行街經過the one 見到有新餐廳🍽，愛試新野既我當然唔放過👻，仲要係日本菜更加係我既菜❤️！餐廳以日式裝潢簡約帶懷舊風格，感覺舒服自在。供應多款日式料理，其中Sushi Roll 系列最Signature，色彩繽紛配搭多樣必點 item呢！🥗 ll蔬菜、海藻、蟹柳、脆片 (份量十足)🍣 ll 炸軟殼蟹、青瓜、牛油果、蟹柳 (口感融和)🍣 ll吞拿魚、炸蝦、芝士 (醬汁帶微辣）🐮 llEDO BBQ Beef Short Ribs (惹味juicy)🥟 llPan-fried Dumpling (肉汁滿滿)..×××××ש尖沙咀彌敦道100號The ONE5樓502號舖..

-🔸火山 $128🔸青龍卷 $98🔸龍卷風沙律 $76🔸櫻花蝦茄子燒 $68🔸炸軟殼蟹天婦羅 $88-成日幫襯觀塘嘅日本壽司店竟然悄悄地開到嚟尖沙咀，今日出去行街諗都唔諗就食佢啦，裝修比觀塘店時髦呢！先叫前菜食份沙律，份量超巨型，好多新鮮生菜、蟹柳絲、蟹籽同炸脆脆粒，超級fresh。叫咗兩款必食嘅特色卷物。青龍卷係鰻魚同蟹柳反卷，面頭鋪上牛油果，好味～火山上枱時超級誇張，竟然喺側邊點火，勁吸睛！內容係青瓜、牛油果小卷，上面嘅蟹柳、帶子等堆到真係好似火山咁，少少辣好開胃～軟殼蟹天婦羅大大隻，熱辣辣，炸粉亦唔會太厚。櫻花蝦燒茄子都好好味，大量鹹香嘅櫻花蝦乾配日式甜醬料，茄子都燒得剛剛好，一口接一口停唔到啊！

黎到尖沙咀行街街，行到咁上下肚仔餓，想食日本野，但唔想食得咁普通，想食d特別少少嘅菜式，我即刻諗起古今二，上網一搵就發現原來尖沙咀都有分店，我即刻勁開心，拉埋個friend二話不說走去The one。😋 龍卷風沙律 ＄76好大碟嘅沙律！有好多蟹柳絲，味道鮮甜，加上蟹籽同爽口嘅生菜，配上酸甜嘅醬汁，口感豐富，而且非常開胃！‼️好食指數 8/10‼️推介指數 9/10😋 蜘蛛 $96唔好畀佢個名嚇親，飯卷入面有炸軟殼蟹、青瓜、蟹柳，同牛油果，炸軟殼蟹同蟹柳分惹味同鮮甜，而青瓜同牛油果就解除炸軟殼蟹嘅油膩。‼️好食指數 7/10‼️推介指數 7/10😋 辣妹 ＄72最面層有蟹籽都吞拿魚蓉，口感不一，但同樣好有鮮味，而且中和到炸蝦嘅油膩感。酸甜嘅醬汁十分惹味。‼️好食指數8/10‼️推介指數8/10😋 網燒牛舌 ＄78牛舌肉好厚身，燒得香口美味！‼️好食指數7/10‼️推介指數7/10😋 清酒煮蜆 ＄128清酒好清甜，唔會太濃酒味，湯頭好好飲。蜆份量好足夠，而且隻隻飽滿鮮甜。‼️好食指數8/10‼️推介指數9/10🍽️ 古今二📌 尖沙咀彌敦道100號The ONE5樓502號舖☎️ 31888098⏰ 星期一至日 1

呢間餐廳幾間分店都去過，係未嚟過The One店，喺TST行完街街過嚟幫襯下先。要留意佢哋下晝4點會落場 柚想蝦你沙律蔬菜|海草|車厘茄|蘋果|柚子|蟹籽|牛油果|甜蝦|柚子汁Amaebi & Pomelo Salad Lettuce|Seaweed|Cheery Tomato|Apple|Grapefruit|Crab|Fillet|Avocado|Amaebi|Grapefruit Juice> 好豐富，有我最鍾意食嘅卜卜脆蟹籽同甜蝦都算幾新鮮，牛油果夠熟軟滑，底部好多沙律菜，仲有爽脆蘋果粒，用柚子汁調味、整體非常清新，係啲柚子肉澀澀地爭咗dd 彩虹卷刺身|牛油果|青瓜|蟹柳Rainbow RollSashimi|Avocado|Cucumber|Crab Fillet > 呢款手卷個賣相顏色夠曬搶fo。吞拿魚、三文魚梅花間竹咁捲法係好靚，刺身味道狀態okay，夾埋牛油果、中間有炸蝦天婦羅就加多重脆嘅口感，傍邊仲灑咗黑白芝麻更為香口古今日式煎餃▪︎Pan Fried Dumplings > 之前喺另一分店食過，個人覺得尖咀店嘅餃子煎得較香脆好正，大隻多餡肉汁豐

位於K11 嘅古今二，地方好大，坐位都好多，不過撞岩食飯時段，等位都係唔洗講架啦，所以我每次都會先卜定枱，咁就慳番好多時間啦😉。🥗柚想蝦你- 😂個名好趣緻😆，甜蝦鋪面，鮮甜黏口，下面一層滿滿柚子，入口好甜好多汁，再下一層係中華沙律同沙律菜，沙律菜爽口新鮮，好開胃嘅前菜。黎到古今二，食卷物一定係必點，今次點左兩款：🍣搖滾樂 - 鰻魚鋪面，卷物中間係炸蝦、芝士同牛油果🥑；基本上燒過嘅鰻魚味道係冇得輸，入口爽彈，油脂豐富，成件入口，同炸蝦口感一軟一脆，成強烈對比⋯⋯。🍣煙花 - 辣味三文魚mix辣味吞拿魚，再加埋芝士碎片，兩者魚溶撈埋味道鮮甜，入口口感順滑，呢個芝士味較鰻魚卷突出。🥟日式煎餃 - 成隻餃子脹卜卜，入邊肉汁都保持得好好，而且外層個皮絕對做到蕉脆效果。燒雞翼，正常發揮，雞皮燒得香脆，肉質嫩滑。🍆櫻花蝦茄子燒 - 茄子上層滿滿鋪上櫻花蝦， 茄子味道雖然偏淡，但櫻花蝦絕對係呢個菜嘅靈魂，將整個茄子味道提升；呢個係下次必點👍🏻。

火山🍙賣相做到成個火山，壽司飯上面鋪滿：帶子、青瓜、牛油果、蟹柳仲有好多蟹籽，最驚喜係連個設計都有心思，點着火🔥好似活火山🌋蜘蛛🕷️有最好味嘅炸軟殼蟹、青瓜、牛油果、蟹柳，卷物方便在一啖一口，加埋醬汁特別好味😋日式麻醬秋葵豆腐沙律🥗大大碗足夠兩個人食，麻醬撈豆腐最夾，原來加左秋葵仲好味，沙律菜又新鮮，仲有蟹籽添…..安格斯蔥牛卷🥙蔥控嘅朋友啱晒喇，用牛卷埋唔油膩之餘又好食。雞泡魚干🐡切到一條條，熱熱地好香口，點埋沙律醬小食一流。

係The One行完街搵左呢間日本餐廳食嘢，食物質素相當唔錯，有驚喜喎！而且坐得好舒服，好多卡位，係一個聚餐好去處～🔹柚想蝦你🥗沙律份量好大 絕對足夠二人食入面嘅配料十分之多 蝦 柚子 牛油果 蘋果 車厘茄 中華沙律 沙律菜真係超多嘢食 味道豐富🔹古今日式煎餃🥟一客共有六件外皮煎得稍為香脆皮薄但餡料都幾多🔹網燒牛舌🐮牛舌簡單用鹽燒已經足夠帶出濃郁牛味燒得好香口 每塊都好厚切口感嫩滑不韌🔹超級龍捲風🌪卷物內有鰻魚同海蝦兩款份量都比得好足 入口有爆餡嘅感覺食完真係好滿足🔹煙花🎇呢款卷物有齊辣味吞拿魚同埋辣味三文魚面頭仲有脆片同蟹籽 口感十足

今日收工又去咗做facial，舒服完當然要醫埋肚。睇呢間嘅舖頭名好似台灣嘢，但係原來係食日本嘢。全部餐牌上面嘅名都好搞笑，其中有一個就係柚想蝦你。佢係一個甜蝦沙律嚟嘅，除咗又有字之外仲有牛油果，再加埋啲麻醬，真係幾開胃。然後仲有呢個安格斯蔥牛卷都好驚喜，我原本係一個唔食蔥嘅人，但係見佢攞獎就即管一試。食落完全唔似蔥，反而好似食緊菜咁好清新爽脆，加埋佢哋好Juicy嘅安格斯牛，真係好夾。另外仲揀咗個燒牛舌，佢呢度啲牛舌係厚切，佢呢個牛舌嗰陣特別嘅清香味，味道都幾好。然後呢一個火山都係一個驚喜，初頭佢問我點唔點火，我以為燒舊壽司，原來係燒側邊隻碟，真係大鄉里出城。佢呢一款壽司係以帶子同埋蟹柳為主，中間再配埋青瓜同牛油果，再配埋佢個辣沙律醬，真係好好味。最後就係呢個辣妹，佢上邊係一啲辣吞拿魚，不過食落一啲都唔辣。而中間就有脆卜卜嘅炸蝦，口感都幾豐富。兩個人食咁多嘢，份量啱啱好，價錢都啱啱好，絕對可以返嚟再食過。