友源美食

营业中

休息中

本身好鍾意食腸粉會周圍睇下響邊度有腸粉食去試下！ 無意中發現呢間腸粉，雖然冇乜裝修又冇得堂食，但係腸粉質素好好。係捲嗰啲皺皮腸，夠煙韌又唔太厚，米漿味又够，加埋個辣椒醬真係好好食嗰甜豉油有心機。

細細個已經好鍾意食石磨腸粉，特別係大陸過新年個時，好食到返香港個日會買多盒同人分享，仲試過淘寶買左石磨腸粉粉，想試整下搵下感覺，比啲憧憬自己去台灣做生意，投資移民做老闆娘！咁岩路過見到呢間有埋部機，又有人排隊，雖然冇堂食，但價錢平，好似都幾吸引。呢間好深得我心，好有回憶味再加新元素。腸真係薄同滑，半透到用咩料，唔算最慳/冇心機，蛋又多，豉油香，加埋獨家辣椒油勁正！手撕雞，冇得輸豬潤，有時晚上會賣晒先落豉油辣油，真係好味❤️

近來早上到荃灣工作，突然想起腸粉來。知道路徳圍有一店開業已久，做的是近年頗受歡迎的皺皮腸，昨天來了卻碰上休息一天。今天又來了，果然心癮不可忍。其實腸粉分兩大主流，香港一般食到是布拉腸，皺皮腸則多見於潮汕，有的除了放醬油，也會放湯汁或海鮮。對布拉腸而言，是泰半香港人的情意結，10蚊4條的工場腸粉或是小時跟大人上酒樓的叉燒腸，相信都是不少人的回憶。說實話我對皺皮腸有偏見。以技術含量來說，皺皮腸用蒸櫃，抹油，下米醬，蒸，出爐，剷埋一碟，上菜。對比布拉腸，講的是火侯，蒸完手快，手要扺得熱，放料反捲，成型要齊整靚仔。但今天還是來一探究竟。除了腸粉，也有其他小食，例如三寶燒賣，但眼見也是行貨。主打自家石磨米漿。其實現今科技發達，即使石磨，也是電動，不知對比真正手磨，又會如何？等了五分鐘左右。返回公司路程五分鐘，立刻就要嚐一下。腸粉配料不同價錢也有别。一般牛肉鮮蝦都是鹼水貨，不是我所好。看似最普通，其實最好的選擇，菠菜雞蛋。外型整齊，也不是求其剷埋一碟就算。先嚐不放漿料的味道。首先腸粉漿調得好，淡淡的米香，稍有煙韌感。一般腸粉也放澄麵，作用為定型，但多了則嫌硬，這裡比例很好。再說因為有别布拉腸不用包

由佢開張至今光顧過幾次 佢腸粉夠薄夠滑 價錢又公道 點知今年不但加左價仲俾人呃 做生意咁唔老實 好食都冇用 佢有唔同類型嘅腸粉 紅框標示嘅地方可以按個人喜好加肉($5)或加蛋($2) 揀左菠菜雞蛋腸加牛肉 按餐牌價錢應該係菠菜雞蛋腸($15)+牛肉($5)=$20 點知佢今次話唔係咁計 要計牛肉腸($20)+雞蛋($2)+菠菜($2)=$24 每份相差$4 叫左三份即係相差$12 餐牌明明冇得單加菠菜 亦冇寫菠菜雞蛋腸冇得加肉 究竟佢咁堅持嘅說法係點嚟？唔係錢嘅問題 只係個人最討厭商家唔按標價收費 胡亂加價當人水魚咁呃 佢最有趣係改左叫完整好先俾錢 整左冇得唔要 變相㩒住嚟搶 屋企人唔計較但個人認為係原則問題唔係價錢 之前買過幾次係落單時計好價錢收埋錢攞籌等 有咩價錢疑問可以即時搞清楚 咁嘅做生意手法之後未必再光顧啦

雞蛋瘦肉腸粉😏$15早餐食腸粉😋天氣又濕又涼🙈食返啲熱嘢最舒服😌即叫即整👍夠香夠滑👌醬汁味道好香🤝非常惹味😝抵食✌️ 可惜只有立食😂不過老闆都幾好人👌俾咗張櫈我坐😉友源美食 (荃灣)荃灣大河道11號地舖

最近成日比朋友叫去食宵夜哩兩次都要買哩間既腸粉今次試左蝦腸加蛋同煎釀三寶佢個腸粉個水準有d唔太穩定雖然都唔差但我食過兩次一次係薄d既😍仲有佢d蔥好似特別香咁煎釀三寶就比較油，同埋個魚肉比其他店更少Ps 其他店已經唔係大舊架啦個魚肉不過佢幾特別既係佢個三寶有苦瓜揀😅

香港叫皺皮腸粉，東莞叫燙粉。試過好多間石磨腸粉，終於找到一間係做到皺皮效果，食過幾次，唔係次次做好薄好多的皺皺。這種腸粉一定要加蛋，味道會好出。試過叉燒同蝦仁，蝦仁係細隻蝦，都係雞蛋腸最好（淨蛋腸會連蔥，唔好蔥的朋友要問下可唔可以走蔥） ，蔥味好香，豉油有調過味，唔太油😋👍🏻不過煎釀三寶就失色點，係好大舊但魚肉太太太薄同佢好窩心咁即時翻炸，結果變成油浸。第一次食苦瓜的煎釀三寶，係深紋較苦嗰種，好苦好特別。下次試埋三溝店員都好態度

我最憎人打尖！用咗open rice咁多年，都未寫過食評，呢間我堅嬲！今朝諗住買一份腸粉試，前面有2個排緊隊，我照跟。一分鐘後，有位藍衣呀叔，攞住張$100行埋嚟旁邊打牙鉸，我諗佢可能一早落單，過嚟比錢攞野，到我果陣，呀姐問我要乜，我照講，但同一時間，藍衣呀叔又講佢要乜，呀姐就收佢錢幫佢落order，我就企咗響度。我：嘩，呢度熟客可以打尖？呀姐：er，佢嚟先既我：我排緊隊，睇住佢行埋嚟傾計，如果佢嚟先，就排咗我前面，而唔係旁邊啦！跟住呀姐當無野，叫我比錢，我話：咁我唔買喇，以後都唔會買。

星期日我多數在荃灣揾吃！這天到了由女神雅迪斯介紹在路德圍的友源美食！吃近來火紅的石磨腸粉，這兒的腸粉由＄10起已有交易，最貴的口味如手撕雞腸粉就要＄20份！   點了腸粉後店員會即刻製作當然要耐心等候吧！！當天排隊客人不多等了不消5分鐘已可取了。我們本選豬膶腸粉可惜沒有貨！最後換上了叉燒腸粉＄18份量沒有海天美食那麼澎湃，腸粉吃下都算滑口但感覺較粉口，叉燒餡料亦不少可惜鋪得不夠平均！弄得吃至一口有一口冇餡的情況！ 而豉油調味則一般而且偏鹹了少許，整體都未能討我歡心呢！！

近來好似好興食石磨皺皺腸粉，行得去路德圍就梗係想食野啦，經過呢間友源腸粉就買左個豬膶腸試下落單既時候店員話加蛋會滑好多，只需＄2，好啦咁就試下啦～腸粉到手！好香呀！一食落去，好香蛋味，腸粉本身好滑，加左蛋原來並唔係滑D，而係香D喎！其實最正最正最正係D豉油呀！簡直就係點精！平時食豬腸粉都係為左個醬，但呢個只需豉油就已經勁好味！唯一美中不足既就係D豬膶帶苦味，其實淨腸粉加蛋已經好正！下次試下其他味先～

由開店至今一直人氣高企，經常見倒有人等拎外賣😮佢主要係賣各款既腸粉，腸粉係由店舖自己磨漿😃----------雞蛋瘦肉腸 $15腸粉份量算多，又薄又滑，蛋香味令到腸粉味道更加豐富😋佢落左蔥花，蔥花蛋當然係配啦😍瘦肉本身有少少鹹味，再加上佢既豉油甜甜地，正😙香茜牛肉腸 $18香茜味超濃，腸粉一樣薄同滑😃但係綿羊覺得下次應該加埋蛋，可能會香好多😂

齋腸粉$10份量夠多．都滑身．但真係好齋，因為得soy sauce同辣醬提供．吾食辣，只可淋soy sauce...本身可能腸粉好味也變得難食．..吃不下，掉左大半了！燒賣$10/10粒吾係細粒，口感ok.但同一問題，乾蒸...冇sauce...又變得難食了

友源美食 抵食的葱花腸$10見到排隊的人唔多 今日去試一試友源腸粉王的石磨腸粉，叫了一客蔥花腸粉售價只是$10 ，現在買一個麵包也要10多元，這個產品相當便宜。因為鋪頭只是外賣食物，沒有提供座位所以要拿回家品嚐。其實腸粉質素非常好，一打開蓋仍是熱辣辣的，特製豉油和辣椒油是分開提供。這個腸粉因為是由一大片粉皮推成的，所以很有風琴的奏摺，質感很好、不會太腍身，跟吃一般腸粉有所不同。十元已可以買到一個輕盈午餐，很不錯哦。

依間腸粉之前分享過，大部分評論都唔太好。而佢熟食部分亦越嚟越多，當中就有留言分享台灣腸值得食。原味同黑椒味兩款，$12/2條，對上見到依個價係葵廣，脂肪量唔多，亦無熱到啲肉乾哂，感覺確實唔錯，有黑橋牌嘅影子。當然我相信唔係黑橋牌，依個牌子個價應該做唔到六蚊條，但絕對有依個質素！

係荃灣路德圍近橋底邊新開左一間小食店有最近都幾多人鍾意食嘅即磨腸粉黎到好多人主要都係買腸粉，佢哋都係即叫即整蔥花腸質感鬆散，味道真係唔係好得。唔知咩嘢關係食到啲葱有少少怪味😕😕😕