友源美食

营业中

休息中

態度差 ，又唔衛生一個手帶用全日，比$買難受， 唔會再去，有更好既選擇 大把野食 做服務業仲黑口黑面 。記唔到客既野又唔問多次亂咁來，大家可以少一個選擇，相信荃灣之友都知

呢間店食過好多次，睇住佢不停加價，辣椒醬好香，但實在係太辣，屋企人平時食辣都話太辣食唔到，豉油唔夠But。。今日食居然發現有一條腸粉好多黑點，因天氣熱，唔確定係咪霉點，定係個爐唔乾淨，唔敢再食。。

由開張食到現在，皆因佢既辣椒醬太好味😋每次都買幾盒走，有時仲豐富口感而叫2份食材合併做一份腸！睇住由呀叔整到現在後生仔整，有時仲係呀姐幫手整⋯⋯我一路幫襯！但只從請左個態度惡劣，西面兼且反白眼既呀姐，聽唔明要叫咩餸，收錯錢，要多一份辣醬就黑面鬧人話已經比左做乜再要！係人前就黑面唔出聲，一轉身就大聲講極難聽說話！我通常要多一份醬既時候都係買幾盒先拎！我明白可能太多人買一盒拎好多醬⋯⋯已經好聲好氣拎唔拎得？我覺得唔需要係咁樣。🚫🚫🚫西面呀姐麻煩跟進一下！

不知所謂，之前幫襯過，今次都諗住再食過。見到個嬸嬸帶住手套又撳電話，又撩牙😰😰😰😰極度唔衛生仲要唔再抺手或者換手套，又冇帶口罩嘅情況下，再掂份腸粉幫我蓋盒🫠🫠🫠🫠🫠好嘔心喎跟住佢問要唔要鼓油同辣油，我話要各二，佢話唔可以，最多一樣一個，話係公司規定。。。我聽到一頭霧水😑😑完全唔明點解上次又可以，今次又話唔得！！明顯係龍門任佢搬！！衛生極差不再講，做食肆眼不見為淨就算，但今次俾我見到！態度又勁衰，規矩日日唔同！唔會再幫襯！！！！！

早餐必選嘅櫃桶即叫即整腸粉👍🏻👍🏻👍🏻腸粉皮好薄易入口，唔係出面嗰啲啲皮勁厚勁多粉，呢到啲腸粉醬教得岩岩好！打多隻雞蛋，份量岩岩好，有時仲會送埋杯豆漿😌😌啲辣油係最出色，係用蒜頭炒過，味道好特別！好夾咁滑嘅腸粉！！！

經過咗好多次呢一間小店終於有機會一試，叫左個手撕雞腸粉，食落都夠滑，手撕雞唔鞋，加埋豉油同辣醬一齊食係唔錯，不過啲腸粉好吸豉油，食幾啖好快就冇晒🙈建議要多少少豉油，不過佢哋嘅豉油就相對唔太濃，加咗辣椒嘢味啲，食得辣嘅話建議加埋辣一齊食

天寒地凍🥶 一大清早 要碌到南豐中心上堂🏢📚經過見到呢間有熱辣辣🔥腸粉🔥食 好似幾吸引咁 見仲有時間就試下味先😋腸粉全部都係 即叫即整既櫃桶腸粉 👨🏻‍🍳櫃桶腸粉呢樣美食😋😋 真係買少見少 腸粉選擇有好多款 有肉🥩無肉❌🥩既 任君選擇由於太早既關係🕖 未有食肉既胃口 所以擇左最簡單既蔥花雞蛋腸🥚唔鍾意食蔥既朋友可以走蔥🌿但係我就覺得有少少蔥香 食落會無咁單調雖然我前面有幾個人排隊等緊 🚶🏻🚶🏿‍♂️🚶🏻‍♀️但我都唔係等左好耐就有得拎喇 師傅都幾快手 🏃🏻🏃🏻呢到只有外賣🍱 無得堂食買完行到去南豐中心就即刻開餐喇🍽️🍽️一打香就有陣蛋香飄出黎🥚💨💨💨加豉油 我唔客氣啦😊開初都有啲驚焗住係個盒 腸粉會老左👵🏿🧓🏿但原來我既擔心係多餘架😂腸粉依然香滑美味 豉油份量都應該係計過度過➖➕✖️➗豉油一包既份量恰到好處💯✅食到最尾個啖都仲有豉油 食完個盒又唔會剩太多豉油💭一切工序看似簡單 但其實全部都要講經驗 一D都唔簡單當然 呢間鋪絕對無令人失望值得推薦❤️❤️❤️❤️❤️

叫咗一件格仔餅，同雞蛋菜莆腸粉，等咗勁耐件格餅放到乾晒，中間又裂開嘅，仲話：好靚喎，我呆阿姐背住鬼鼠搽醬汁，返家先發現，係冇醬㗎腸粉好似係招牌菜，點知又係勁乾，豉油好咸，我今日食齋菜，又留咗上手嘅蝦米，OMG冇下次

8-1-2022(Sat)晚市禁堂食,同老公返到荃灣掃街做晚餐啦,咁啱呢日朝早,男友人NT whatsapp咗段路德圍掃街片俾我,話想食呢間嘅腸粉,咁我又未食過呢間,而老公又係鍾意食腸粉嘅,就嚟試吓啦.我哋決定要$15.00嘅家鄉菜脯腸,好快,老公就買到返嚟,我哋搵個地方坐低食,我食先喇,佢都幾厚,米味好濃,都幾滑,爽口嘅家鄉菜脯唔太多亦唔太鹹,OK嘅.之後老公至同我講,原來呢個係加咗蛋嘅,原因係佢買嘅時候,個亞姐問佢:”要唔要蛋?唔使蛋嘅.”(真係咁講),我老公答唔要蛋.亞姐就話:”唔係,之前有個客唔要蔥但加蛋,佢唔記得走蔥,個客唔要,o衣o家有一份唔使蛋.”我老公至明佢講乜,咁就要咗加$3.00.但我食嘅時間一啲都唔覺有蛋.而呢個一共有6條.

完完全全真係垃圾…嗌咗個雞蛋腸粉 同 三溝（生菜、魚肉 同 碗仔翅）腸粉味道正正常常… 入得口食得下..哩到就唔再作多餘嘅評論真正令我火起嘅就係呢碗碗仔翅睇下上圖都知，呢碗係成碗都係水… 完全唔係碗仔翅嘅狀態完全係湯嚟…乜料啊？魚肉亦都唔彈牙…質地好硬..真係好差食物質素得都算…個阿姐仲要唔老實嗰度餐牌寫住三溝係$20… 但個阿姐收咗我$25，後尾我發現…跟住我問佢唔係$20咩？佢答我… 「大碗係$25… 細碗先係$20…啲魚肉都煮緊啦…我以為你要大碗」你餐牌又無寫有分大碗細碗…我第一次幫襯….點知你點為止大，點為止細？你自己亂噏都得啦…你唔成煲嘢拎出嚟話賣我$100？完全覺得係欺騙顧客…你咁做…俾你賺多$5又如何？啲人都唔會再回頭幫襯你間嘢啦…更何你碗嘢係咁嘅質素

次次早收工都會特登行去買份豬潤腸，之前係男人整既一路都好好食（唔係性別歧視,我都係女人）但最近呢幾次都變左收銀個呀姐整，就係差咁啲野咁，例如腸粉皮少左彈性，厚左，冇咁皺，索多左豉油等等。呢幾樣野加加埋埋令到口感差左好多，有啲似食緊一啲爛pat pat 既野，都仲未計佢一定會落少啲料。食到灰灰地都諗緊搵過第二間食。如果店主見到既麻煩正視呢個問題，我由你哋開鋪一路都有支持開，一黎住果區廢事搵第二間皺皮腸粉，二黎覺得冇理由做好左個朵又放棄佢。定係有冇人知其他時間係個男人整番？請留言 多謝。

呢間友源美食主要係賣即磨既腸粉，亦都有賣好多其他小食，好似魚蛋、燒賣、碗仔翅、撈麵等等。今次就嗌左份腸粉，見住佢係鋪頭入面即刻磨，好正🤩 1⃣️雞蛋瘦肉腸（$17）佢唔係果啲滑捋捋既腸粉，係皺皮腸😌好耐冇食過。腸粉皮幾薄幾透，加埋雞蛋係入面食更加香，入面既肉份量唔算好多，但係都夠食。  腸粉本身加左啲蔥花，蔥香同埋甜豉油夾埋幾好味。覺得呢個腸粉一定要加佢地既辣椒醬🌶️入面望到啲指天椒既粒粒，食落真係幾辣下😬但係辣得黎好香好爽👅

本身好鍾意食腸粉會周圍睇下響邊度有腸粉食去試下！ 無意中發現呢間腸粉，雖然冇乜裝修又冇得堂食，但係腸粉質素好好。係捲嗰啲皺皮腸，夠煙韌又唔太厚，米漿味又够，加埋個辣椒醬真係好好食嗰甜豉油有心機。

細細個已經好鍾意食石磨腸粉，特別係大陸過新年個時，好食到返香港個日會買多盒同人分享，仲試過淘寶買左石磨腸粉粉，想試整下搵下感覺，比啲憧憬自己去台灣做生意，投資移民做老闆娘！咁岩路過見到呢間有埋部機，又有人排隊，雖然冇堂食，但價錢平，好似都幾吸引。呢間好深得我心，好有回憶味再加新元素。腸真係薄同滑，半透到用咩料，唔算最慳/冇心機，蛋又多，豉油香，加埋獨家辣椒油勁正！手撕雞，冇得輸豬潤，有時晚上會賣晒先落豉油辣油，真係好味❤️

近來早上到荃灣工作，突然想起腸粉來。知道路徳圍有一店開業已久，做的是近年頗受歡迎的皺皮腸，昨天來了卻碰上休息一天。今天又來了，果然心癮不可忍。其實腸粉分兩大主流，香港一般食到是布拉腸，皺皮腸則多見於潮汕，有的除了放醬油，也會放湯汁或海鮮。對布拉腸而言，是泰半香港人的情意結，10蚊4條的工場腸粉或是小時跟大人上酒樓的叉燒腸，相信都是不少人的回憶。說實話我對皺皮腸有偏見。以技術含量來說，皺皮腸用蒸櫃，抹油，下米醬，蒸，出爐，剷埋一碟，上菜。對比布拉腸，講的是火侯，蒸完手快，手要扺得熱，放料反捲，成型要齊整靚仔。但今天還是來一探究竟。除了腸粉，也有其他小食，例如三寶燒賣，但眼見也是行貨。主打自家石磨米漿。其實現今科技發達，即使石磨，也是電動，不知對比真正手磨，又會如何？等了五分鐘左右。返回公司路程五分鐘，立刻就要嚐一下。腸粉配料不同價錢也有别。一般牛肉鮮蝦都是鹼水貨，不是我所好。看似最普通，其實最好的選擇，菠菜雞蛋。外型整齊，也不是求其剷埋一碟就算。先嚐不放漿料的味道。首先腸粉漿調得好，淡淡的米香，稍有煙韌感。一般腸粉也放澄麵，作用為定型，但多了則嫌硬，這裡比例很好。再說因為有别布拉腸不用包