叉燒大王

营业中

休息中

要講到Hong Kong 燒味 Style，一定唔少得叉燒，連家燕媽媽都食到合唔埋口既叉燒絕對係香港美食燒味類既Signature，但要食到真心好味既叉燒又唔係咁易搵到，今次專程黎到沙田就係要試下呢間個個都讚口不絕既【叉燒大王】。【叉燒大王】就開係沙田河畔花園D座地下，搭港鐵到沙田圍站下車，再從C出口步行約十分鐘左右即可到達。周邊都係形形色色既餐廳，但唯獨叉燒大王坐無虛席，店舖内坐位的確多，一入小店已經傳來源源不絕既歡笑聲，熱熱鬧鬧，令人感覺放心無壓力。叉燒大王係一間港式中菜飯店，店頭可以看到一串串美味可口的燒鴨燒鵝叉燒。除左有引以為傲既叉燒之外，仲有好多唔同既小炒、煲菜、河鮮等美食，淨係睇住份menu都流晒口水。主要就是為了叉燒而來，畢竟是叉燒大王嘛。🔹特選蜜汁叉燒王 $88先拔頭籌既當然係主角叉燒王，端上來果然是肥瘦適中且有點微焦的叉燒，吃叉燒不吃「肥燶」的話，不如不吃。例牌既特選蜜汁叉燒王同老公2個人食份量岩岩好，每件叉燒都沾滿蜜汁，甜甜既外層夾住鬆軟嫩滑既肉質，口感合格。最重要係叉燒製作火喉適當，平時最怕食到乾猙猙既叉燒，呢到既叉燒絕對燒得岩岩好。點解？！除了他們的叉燒使用肥瘦

叉燒大王即使平日夜晚都係好旺好多人食。晚飯時段都經常見到好多人係門口排隊斬料返屋企～ 叉燒大王除左叉燒、燒味出色，小炒、海鮮、粥粉麵飯全部都好唔錯！首先必點皇牌蜜汁叉燒 $88 例牌叉燒份量足，例牌已經好夠2個人食。蜜汁叉燒肥瘦均勻，蜜汁香濃，好啱送飯食啊！我呢碟就一半肥嘅多d，一半瘦嘅多d。個人鍾意肥d ，口感就比較juicy嫩滑有肉汁，瘦d 嘅就乾身d燒烤味濃d冇咁膩。整體熱辣辣，都幾鬆化嫩滑，味道唔錯！蜜汁薯仔牛柳粒 真係好有鍋氣！！上台都係冒緊煙，熱辣辣，d 薯仔外脆內軟，表面香脆熱辣，入面係薯蓉質感，小心唔好辣親，真係好熱。蜜汁調味加上黑椒即刻降低甜膩度，而且變得香口惹味。牛仔粒大細適中，上台即刻食係熱辣鬆化！肉質嫩、肥瘦均勻、入味、夠鍋氣！好味～蒜蓉蒸貴妃蚌 $98 4隻d 貴妃蚌好大隻新鮮，肉質結實彈牙，味道鮮甜，加上蒜蓉粉絲，真係好惹味～叉燒大王真係keep水準，夠曬鍋氣！門口斬料每日有唔同特價燒味，價錢真係幾抵！

今次又嚟到沙田河畔花園搵嘢食啦 經過朋友介紹 發現咗呢間隱世小菜餐廳 叫做叉燒大王啱啱見到呢個名嘅時候 覺得呢間餐廳真係好大口氣 竟然話自己係叉燒大王 所以就一定要入去試一試佢 今次食完 兩個字： 佩服佩服！！！ 果然名不虛傳 叉燒大王！同我朋友嚟到先嗌左一壺普洱 侍應隨即遞上熱茶 態度幾好👍👍 我哋當然嗌咗 鎮店之寶叉燒皇例牌 再嗌咗一份蜜薯牛仔粒 再加上 一份生啫芥蘭 兩份白飯蜜汁叉燒王 例牌（$88）蜜汁叉燒王上菜 見得到每一嚿叉燒 肥瘦均勻 愛情充滿蜜糖嘅光澤 就已經知道非池中物 一定有番咁上下水準😋 咬落去 每一嚿叉燒充滿肉汁 八成嘅瘦肉加上兩成嘅肥膏 充滿香味嘅油脂充斥著成嚿叉燒 每一啖都係幸福 對一個叉燒愛好者黎講 簡直係天堂 未食過嘅人一定要試下 同太興街市食到嗰啲叉燒簡直有天淵之別 我大力推介蜜汁叉燒王👍👍蜜薯牛仔粒 （$88）呢度菜就係蜜糖薯仔加上牛仔粒 薯仔係炸過再沾上蜜糖 再同埋牛仔粒一齊炒 造成薯仔外脆內軟嘅感覺 因為一齊落鑊炒 所以牛仔粒每一粒都係好有鑊氣 非常好食 送飯一流😋生啫芥蘭（$68）呢一種芥蘭嘅食法都係第一次 芥蘭落上豬油 少少蒜頭 一齊放一個鐵

平時見呢間餐廳都幾多人排隊同埋幾大 今次同靚女同事一齊黎試下 環境雖然多人 但係唔會好逼 唔會話逼哂d客人坐同一枱睇餐牌都幾多野簡 一開始以為只係得燒味 原來都有其他茶記有特餐果d我地一坐低 店員就同我地推介個特餐 黑椒牛扒公仔面 ($45) 雖然好吸引呀 不過黎到叉燒大王 點可以唔試下燒味我地叫佐一個燒腩仔燒鴨飯($48)，一個 叉燒腩仔飯($48) 一食落個燒腩仔脆卜卜， 好鬆化；叉燒好入味，好軟,好好食。朋友個燒鴨都話腌得好入味同埋唔太肥。 唔記得講我地呢個係餐 包埋野飲嫁!所以真係幾抵食!!評話: 價錢合理 侍應服務態度好 食物水準高 cp值之選

男友食過呢間,話呢到D叉燒一流,一定要黎試下一試之下,果然連我對燒味普普通通既都覺得好食喎幾鍾意佢呢個用手機拎籌既系統可以去緊果陣已經拎籌,咁就唔洗等就有位裝修好舒服,唔同茶記難怪未到食飯時間已經咁多捧場客食叉燒大王梗係要叫叉燒叫左個例牌叉燒,份量都幾多叉燒肥瘦適中,入口軟熟而且外層燒到少少焦香,夠晒香口蜜汁甜而不膩,仲有少少咸香,更能帶得出叉燒既焦香,而且好入味真不愧係叉燒大王蜜薯牛仔粒牛仔粒唔會韌,而且大細適中蜜汁甜甜地,同牛仔粒都好夾薯仔夠晒淋,而且入晒味,淨係食呢個都已經夠晒滿足石窩生啫芥蘭生啫芥蘭夠晒惹味而且石窩保溫能力好食到尾都仲暖暖地呢一餐兩個人食三個餸又有牛又有燒味食到飽飽先二百七抵食

成日行過沙田圍都見呢間鋪頭好多人排隊, 小妹今日終於忍唔住要試下好多人買燒味呀 環境係一般酒樓格局, 但有卡位餐牌當然有叉燒LA , 仲有小菜, 同是日海鮮  小妹就叫左3 個餸叉燒: 舊舊叉燒都係半肥瘦既! 仲有脆口既燶邊, 好香口, 蜜汁既甜度岩岩好, 唔怪之得咁多人排隊買燒味 石窩臘味椰菜炒粉絲: 呢個餸送飯一流! 有椰菜, 有粉絲, 仲有主角臘味, 唔會太咸 , 味道調得岩岩好 蜜薯牛仔粒: 呢個蜜薯應該係炸過既, 十分香口, 個汁甜甜地, 牛肉唔UN, 又係好岩送飯既菜 小妹都食左1大碗飯 食完三個餸已經好飽了, 下次再試下其他小菜 

今日又來到沙田圍食嘢，見到一間叉燒大王有啲小菜同埋啲小炒好似唔錯，於事就同朋友入咗嚟啦。店內環境舒適，而且我同朋友都坐到卡位。餐牌上面嘅選擇都幾多，有各式各樣同種類嘅小菜，任君選擇。食叉燒大王當然要叫叉燒喇！咁我呢就叫咗一個例牌叉燒。 叉燒嘅肥瘦適中，而且入口溶化，調味唔會太濃烈，啱啱好！ 確實係好好食嘅叉燒，好推介大家叫！另外叫咗西蘭花炒帶子！帶子非常之大粒，咬落去好彈牙而且有鮮味。西蘭花炒咗一啲汁，都非常之入味。另外叫咗金沙蝦膠蒸滑豆腐，豆腐真係非常之滑嫩，而且配上蝦膠，更顯鮮味，啲豉油送飯一流呀！整體係價錢合理，而又非常好食嘅小菜晚飯喇。應該都會再嚟食過嘅！

今日到沙田圍食嘢見到一間叉燒大王有啲小菜同埋啲小炒好似唔錯於事就同朋友入咗嚟啦😊店內環境舒適👍🏻✨而且我同朋友都坐到卡位餐牌上面嘅選擇都幾多有各式各樣唔同種類嘅小菜任君選擇😍食叉燒大王當然要叫叉燒喇！🤣🤣🤣咁叫咗一個例牌叉燒。 叉燒嘅肥瘦適中而且入口溶化👍🏻✨調味唔會太濃烈，啱啱好！ 確實係好好食嘅叉燒好推介大家叫！🎉🎉🎉另外叫咗西蘭花炒帶子帶子非常之大粒😍😍咬落去好彈牙而且有鮮味西蘭花的汁都非常之入味。👍🏻另外叫咗金沙蝦膠蒸滑豆腐豆腐真係非常之滑嫩😍😍而且配上蝦膠，更顯鮮味！啲豉油送飯一流呀！整體係價錢合理👍🏻而又非常好食嘅小菜晚飯喇應該都會再嚟食過嘅！😍

行過成日見外賣排長龍，星期五7點半去到都已經排緊隊入去食，多數家庭顧客多，方便聚會坐滿曬人，似茶樓式首先必食特選蜜汁叉燒王，我朋友平時唔太愛食燒味，但呢個叉燒令佢添上一碗又一碗嘅白飯叉燒肥瘦恰好，外皮帶少少脆，佈滿蜜汁，一口咬落，有汁湧岀，肉質極之鬆化，非常冧身，超級好食，真真真真真心推介👍🏼👍🏼其二有黃金蝦，蛋黃炸得金黃色，整個外殻都十分脆，可以連殻吃掉，入面蝦肉也很有鮮味其三有雲南火腿蝦干炒韭花菜🥦，火腿係偏咸硬身個隻，淨吃好咸，一定送飯食，但用佢嚟炒韭菜花，增添不少風味，蝦干份量適中，挺特別每枱也有茶，可自選要咩茶，價錢亦都合理，每個小茶$88，3個菜十分滿足，飽住走，老少咸宜中菜式🥰

通常如果我要買外賣返屋企食我都會去呢一間叉燒大王，因為佢嘅燒臘真係好好味，但通常外賣都會好多人等（晚飯時間超級多人）講返佢嘅叉燒如果喜歡食比較濃味嘅叉燒呢度啱啦，我每次都會叫佢切一啲窿啲嘅俾我，因為比較濃味但又不會好硬！第二選擇就是燒鵝，呢度食燒鵝一定要食比，隻隻都好肥美，完全唔乾身超級多肉汁，價錢不算太貴本人覺得是中價錢，如果堂食就會比較快啲外賣通常大約等10分鐘左右，泊車方便，所以鍾意食燒臘嘅人快啲去試吓啦！

叉燒大王喎，聽個名就知勁啦～是日同姨媽食生日飯，傳統d地揀番中菜食，又黎試一試佢d叉燒係咪真係咁得！話就話例牌，但分量都唔小，的確係有佢特色之處，蜜汁好香濃，甜味適中，兩層叉燒可能係唔同部位？覺得口感唔一樣，上層係肉感重d，比較實，下層就軟身d，估唔到同一碟都有兩種口感，外皮同樣燒得好香，叉燒邊有小小肥膏，好香，我仲鐘意就食呢d邊位！金銀蛋時菜（豆苗）呢味好多地方都有，但就好少有得揀豆苗，好幼嫩，打散左嘅咸蛋花配上豆苗都好好食豉油王炒大蝦比較重味的一道菜，最驚喜係蝦身同頭都有膏，而且食到入面調味反而剛好，如果蝦殼都炸到吞得咁就完美喇！

今晚同朋友黎左呢間「叉燒大王」食飯。左邊可以買燒味外賣，都幾多人排隊。而右邊就係堂食，入面有好多張大檯，亦有卡位同細檯。我同朋友點左蝦乾雲南火腿韮菜花、黃金蝦，另外當然唔少得叉燒啦！蝦乾雲南火腿韮菜花，韮菜花食落好清甜，配埋雲南火腿同蝦乾，咁樣配搭味道岩岩好！黃金蝦，鹹蛋黃好惹味，蝦🦐好新鮮，食到蝦既鮮甜味。因為炸過，所以蝦殻都算食到。第一次鹹蛋黃配鮮蝦咁一齊食，感覺幾特別，幾好食！到主角叉燒喇！叉燒肥瘦均勻，無論帶點肥或者完全無肥肉，都一樣唔會老唔會鞋，好易咬，而且好夠味，叫「叉燒大王」真係實至名歸！算係我食過既叉燒入面，排名前三位！原本同朋友淨係叫左一碗飯，但d餸實在太惹味，所以要再叫多碗飯配埋d餸一齊食！

呢間店服務態度實在太差，上了湯比我地！我同服務講，我地無叫過湯，問她是不是送的！她居然說你放低錢就飲啦！今時今日還有這種服務態度！菜色也不是特別好食過人！上餐又慢！

早排去搵我住沙田既親戚食飯，佢介紹咗我地去呢間叫「叉燒大王」到食燒味間野入面裝修正常，衛生乾淨，入邊仲有卡位。我親戚介紹左個叉燒燒鵝拼盤，沙嗲金菇牛肉煲同埋西芹豬頸肉，3道餸菜。值得推介嘅係佢哋啲叉燒 送來嘅時候熱辣辣軟硬適中，好適合配白飯，試想想一碗香噴噴嘅白飯配熱辣辣既蜜汁叉燒，好食程度真係只得呢間佐飯都食左我3碗飯，我相信我下次去沙田探望親戚 我都會再去呢間仲食👍🏼👍🏼👍🏼👍🏼👍🏼👍🏼

父母生日通常都係食中菜!上次食日本菜經過叉燒大王勁多人等位，唔知係咪咁好食,睇過食評又唔差決定試一試!不過初時擔心要等位，好在有得通預枱!今日食左叉燒，半隻桶子油雞，避風塘豆腐，雜菜煲，拔絲骨，蛋黃魷魚!賣相不錯味道亦唔差!桶子油雞即豉油雞，色澤靚，入味，雖然侍應介紹我食用鮮雞整個款，但我覺得這個已經很好味!叉燒不過不失，未至於超好食呀!雜菜煲個煲好大，份量正常，遲風塘豆腐好味!炸蒜好香，不辣!蛋黃魷魚一般，無咩蛋黃味!拔絲骨味道不錯!整體滿意，食得開心!