晚飯時段都經常見到好多人係門口排隊斬料返屋企～
叉燒大王除左叉燒、燒味出色，小炒、海鮮、粥粉麵飯全部都好唔錯！
首先必點皇牌蜜汁叉燒 $88 例牌
叉燒份量足，例牌已經好夠2個人食。
蜜汁叉燒肥瘦均勻，蜜汁香濃，好啱送飯食啊！我呢碟就一半肥嘅多d，一半瘦嘅多d。個人鍾意肥d ，口感就比較juicy嫩滑有肉汁，瘦d 嘅就乾身d燒烤味濃d冇咁膩。
整體熱辣辣，都幾鬆化嫩滑，味道唔錯！
蜜汁薯仔牛柳粒 
真係好有鍋氣！！上台都係冒緊煙，熱辣辣，d 薯仔外脆內軟，表面香脆熱辣，入面係薯蓉質感，小心唔好辣親，真係好熱。蜜汁調味加上黑椒即刻降低甜膩度，而且變得香口惹味。牛仔粒大細適中，上台即刻食係熱辣鬆化！肉質嫩、肥瘦均勻、入味、夠鍋氣！好味～
蒜蓉蒸貴妃蚌 $98 4隻
d 貴妃蚌好大隻新鮮，肉質結實彈牙，味道鮮甜，加上蒜蓉粉絲，真係好惹味～
叉燒大王真係keep水準，夠曬鍋氣！
門口斬料每日有唔同特價燒味，價錢真係幾抵！
