叉燒大王

营业中

休息中

朋友於面書開心share咗多張喺沙田河畔花園地下間叉燒大王晚飯相片，仲話👉定必會再光顧👈。對飲食有要求嘅朋友都話一定會再光顧， 於是同honey入沙田踩踩單車🚴🚴，會會呢位我哋7點前到達，餐廳已坐滿九成食客，相當熱鬧，唔知係咪都係為咗叉燒而來呢！？餐牌上嘅菜式相當豐富，而且唔使加一，當真價廉物美。尤其是對燒味製作，選材十分認真，烹調方法相當講究，令人垂涎三尺。今次拜訪呢位，除了"叉燒"外，仲點咗兩個食材相當熟悉，但用另類煮法嘅菜式。登登登凳主角粉墨登場啦👏👏叉燒肥瘦肉比例均勻，色澤鮮明，肉質鬆軟，每一啖都散發着香甜嘅蜜汁味同焦香味。果真色香味俱全。胡椒浸豆卜開始以為只係用豆卜代替蔬菜嘅胡椒豆卜煲。原來有驚喜㗎豆卜釀滿用豬肉同馬蹄混合嘅餡料，再煎至金黃色。加上蝦米、粉絲、芹菜、仲有好似係蔥菜等食材作湯底，除了味道鮮甜外，再多一股胡椒嘅香辣味，味道更提升。酥脆炸淮山經常用淮山煲湯，炸鮮淮山就第一次食。原本味道清淡嘅鮮淮山，經過酥炸之後，外層香脆，內裡清新爽口，完全冇滑潺潺或糊口嘅感覺。灑上淮鹽再點埋味带微酸嘅醋，更加美味。三五知己拎住杯啤酒🍻🍺除咗可以~斬料~斬料~斬大舊叉燒之外，又多個選

最近天氣都轉涼咗，約埋啲朋友一齊去沙田踩單車，喺新城市交完車，行過去河畔食飯見到（叉燒大王）門口排隊，燒味最夠惹味，踩單車食下燒味飲下啤酒最過癮。豉椒炒花甲，豉椒汁夠稠身，花甲大隻而很索汁，充滿豉椒鹹鮮香。黑椒牛仔骨，最緊要肉夠大塊、夠厚、夠腍身。先炒黑椒，再落鐵板黑椒香味更加突出。薑蔥鐵板炒田雞，田雞大大隻，應該是即叫即劏，芡汁打得非常好，令田雞更滑身，濃稠汁掛上薑蔥香氣。叫得自己做叉燒大王，肯定對食物有一份堅持，有一份執著。多年嚟屹立在沙田，先可以贏得街坊嘅掌聲。三色蛋浸小白菜， 做浸菜最緊要湯底夠先甜，這裡應該有放些肉類提鮮，令菜更鮮甜。到叉燒大王當然少不了主角，叉燒。叫咗半肥瘦，顔色鮮紅面頭有少少焦脆，更富層次。 蜜汁蜜味充足不會死甜，豬肉更香口清甜。

假期~出下街食lunch, 唔洗成日係樓下食黎食去果幾間,食到悶揸車去左河畔睇下有咩食,之前試過平日黎都超級多車,完全無位攝@@好彩今次假日都ok, 泊好車就好叉燒大王,等位既唔算好多,15分鐘左右入得原來而家叉燒大王除左燒味,仲有炒粉麵飯咖哩果d食@@見隔離枱既干炒牛河炒得幾好,我就叫左咸蛋4寶飯,如果要叉燒就無咸蛋…我揀左咸蛋有紅腸,鴨,燒肉,咸蛋,可以見到份量都唔少,唔會因為4寶就每樣得少少,幾件鴨都係肉黎好香,燒肉唔鞋口,皮脆,紅腸咸蛋正常好食 好滿足

星期五晚收工約左朋友去happy hour，去之前就梗係食d 野打個底先可以飲得更盡慶，是但入左呢間出名食叉燒/燒味既港式餐廳。除左燒味之外，原來仲有唔少小菜同埋海鮮可以選擇，難怪高朋滿座要等一陣先有位。黎到叉燒大王當然要叫番份例牌既蜜汁叉燒王 ($88)。剛好係我最鐘意既半肥瘦叉，肉質鮮嫩多汁，唔好燒到太燶，有小小肥膏又唔會太油膩，配埋個白飯可以堪稱係一碗"黯然銷魂飯" 呀。🤣豉椒炒花甲 ($78) 都係d 大路既小炒菜式，配料都足夠，有青椒、紅椒、洋蔥同辣椒，個汁就偏咸，鑊氣還算足夠，整體無咩特別。鐵板黑椒牛仔骨 ($98) 同炒花甲既配料同汁基本上係一樣，牛仔骨肉味ok 但小小韌，配係鐵板上都夠熱，份量正常唔會偷工減料，ok 啦都算。

有朋友最近喺沙田買咗樓上去看新居入夥 ，之前特登搭車去叉燒大王一齊食咗飯先。附近有沙田麗豪酒店好多遊客所以燒味質素應該都幾好，因為燒味都係香港人嘅 signature食物之一。 叉燒例牌88蚊，入面顏色雖然明顯不足， 但係咬咗落去之後質感同平時有啲唔同，肉質雖然軟淋，但係好有咬口，亦都得到唔同位置有唔同嘅濃淡程度，十分惹味。 色澤很足夠 金銀蛋浸白菜仔 薑蔥鐵板田雞，用整隻田雞，雞髀雞翼位置有四塊，通常肉質比較鮮甜嫩滑，但係其他位置都做得好出色，完全冇任何田雞本身嘅怪味。沙田夜晚就冇乜景色好睇，城門河一帶都 十分漆黑。

喺沙田河畔花園地下嘅叉燒大王，既然改得（叉燒大王） 老闆肯定很有信心。 日日晏晝夜晚門口排曬大隊，啲人斬料買叉燒油雞返屋企加餸食飯，飯盒一族也會買雙拼飯盒又有例湯送， 三十幾蚊就有交易，淨係睇個價錢都知抵。食完之後覺得除咗叉燒好味之外，原來其他餸菜係茶餐廳以上嘅水準 ，雖然裝修格局似茶餐廳，但係其實鑊起同功力畀好多酒樓都要優勝。 叫咗個叉燒例牌，豉椒炒花甲同埋鐵板黑椒牛仔骨。 叉燒例牌都幾大份，外面光澤十足，顏色都幾靚，呈深紅色，美中不足係有少少炭焦，肥瘦位均勻，食落去都幾惹味。 豉椒炒花甲 ，花甲份量比較少而且花甲size也不太大，不過勝在燒汁夠香口有鑊氣，以汁伴飯一流。 塊餐牌好high class 鐵板黑椒牛仔骨，有成十塊份量夠曬多，個汁底有啲似豉椒炒花甲，熱熱地好好味。牛仔骨好冧，放埋嘅時候攻鼻，咬落去有黑椒椒香氣。

呢晚約左住大埔既朋友，就喺附近搵左間餐廳叫叉燒大王，呢到既裝潢好似普通茶餐廳咁，但內裡幾有酒樓既感覺，坐底果陣係要叫茶。呢間叉燒大王幾多撚手小菜好似睇落都唔差，不過最出名就一定係食叉燒。餐廳餐牌:餐牌選擇其實都真係幾多，唔單止有本menu有好多唔同類型既野食，仲有一張透明Menu係有一大堆小菜類可以揀，其實望落d名好多都好吸引，好多都想叫黎試下。叉燒例牌 $88食呢間叉燒大王，招牌必食就一定係例牌叉燒，呢到既叉燒係超級好食，甜度岩岩好唔會過甜，油脂同肉既比例大概8:2，我個人覺得呢個比例係岩岩好，成件事入口係好好味，油脂既部分係會入口即融咁，呢個價錢食呢個質素既叉燒，個人覺得真係好唔錯！豉椒炒花甲 $78朋友話想試個花甲，我本身對花甲呢樣海鮮其實麻麻，但呢到既花甲好惹味，原因係佢用左豆豉同椒粒炒，個汁好好味，我拎左好多黎撈飯，果陣味令我諗住排骨飯既果種豆豉味，變左汁真係好正。花甲都唔難咬，軟硬度適中。蜜豆合桃安格斯牛柳粒 $98叉燒大王既蜜豆合桃安格斯牛柳粒，我個人覺得係唔錯既，牛柳粒好好味，好軟，入口又夠香，四季豆係全晚唯一既菜豆類，呢到既四季豆都幾爽口，配上甜甜地既合桃，配搭幾特別

上個星期五去咗叉燒大王食下午茶，因為突然間心思思好想食燒味😋見到佢個下午茶套餐無論單拼雙拼燒味粉面，價錢一律都係$40，仲要包一杯飲品，真係好吸引😍於是我叫咗叉燒、燒鴨米粉，同埋（加$3）叫咗一杯凍檸茶。叉燒同燒鴨的份量都唔少，樣子都唔錯添！😊叉燒都幾淋，而且仲有D燒到🔥脆脆地嘅邊👍🏻果然係招牌叉燒燒鴨都唔錯，味道幾香，而且都幾多肉，絕對比「大X樂、大快X」嗰啲好食好多！！凍檸茶都幾大杯食完埋單$43

今日同女朋友行沙田 咁岩諗起附近有間好耐之前食過 覺得好好味既想帶女朋友試下 好 入正題 今次叫左個『蜜汁叉燒王』果然Keep到上次既水準 D叉燒好林 唔會好似平時出面食果D咁乾 食到痴晒牙 淨係食叉燒都可以食2碗飯 👍👍👍 『豉椒炒花甲』花甲好大隻 火喉好夠 好驚見到炒到過晒火 縮晒水 擺左落口都唔知食乜D 但呢到唔會 師傅炒到岩岩熟 咬落去仲有少少水咇出黎 好惹味 忍唔住食完一啖再一啖 仲叫左個『鐵板薑葱雞』唔係好記得個名 但大概係咁 😂😂😂 同花甲一樣 非常惹味 薑葱都爆得好香 雞唔會太大舊 方便食用 唯一美中不足 可能係因為鐵板上 所以肉有少少（Un） 但味道又可以遮蓋返佢呢個不足 最後同女朋友食到好飽好滿足 下次有機會我都想買D返屋企比屋企人試下

今朝11點幾同屋企人去食嘢，可能早餐過左午市又未到，所以人唔多。第一次食，諗住試下d叉燒，點知未落單已經俾幾個阿姐車輪黑面，我地帶bb去，拎張bb櫈又黑面，叫個蕃茄湯通粉加豬仔包俾b食，落單叫個阿姐「豬仔包煉奶另上」，佢好似聽唔明咁，又問係咪唔要煉奶，我地唯有叫佢照寫煉奶另上四隻字就得🙄 之後叫啡走少甜，又話自己落，我地以為奶係自己落，點知原來已落好，仲要甜到爆！再問個阿姐，佢話糖係自己落，好明顯佢唔知咩叫啡走😓我地都冇氣再講，拎杯水溝淡d算。野食黎到，我地禮貌地叫另一阿姐俾兩隻碗用下丫唔該，佢冇出聲，我地以為佢聽唔到，再講一次，點知原來佢聽到，仲寸爆話兩隻碗丫嘛，而家咪去拎囉，勁冇禮貌！野食味道其實就ok嘅，不過冇下次囉。ps我地唔係要求咩服務態度，只係覺得食餐飯冇必要受氣。

同男朋友仔係沙田河畔散下心，去到晚飯時間，就近搵下有咩岩食啦。逛左兩個圈，發現原來果頭都幾多野食啵。😲我地最後係一間鋪頭前停低，點解？因為佢出面有好多人等緊位。咁多人等，唔通真係咁好食？😱「叉燒大王」，聽個名好似好勁咁，應該係Sell叉燒吧，我地決定就試呢間！🤪—Menu分哂類，肉、海鮮、燒味，一目了然。既然叉燒咁出名，點可以唔試下。😬 —豉椒炒花甲男朋友幾鐘意食蜆（花甲姐係大蜆？🤔），藍妹向來麻麻，不過陪佢食啲都可以既。😊估唔到份量都唔少，而且隻隻都爆開哂，大大舊肉，冇空殼既情況。👍🏻炒蜆一定要夠鑊氣，碟野上枱既時候係出哂煙既，食落去好香豉椒味，鮮味十足。✅ 食左唔少隻，只係食到一隻有少少沙，真係算唔錯。😄—地道鐵板生啫雞啫啫雞正啊，鐵板燒通常都好香，呢個都唔例外，聞到已經令人食指大動。🤩香味同調味都夠啦，不過係肉質鞋左少少，扣左分。😣—登登登登❗️叉燒黎啦❗️❗️見到都流哂口水吧，色澤好靚！🤤再睇真啲，見到舊舊都好厚肉，而且有少少肥膏。蜜汁叉燒（例牌）蜜汁唔會好甜，叉燒真係藍妹食過數一數二好食既。藍妹鐘意好林，有半肥瘦既叉燒，呢個中哂啊！😍食落口好軟熟，雖然未去到入口即融，但基本上唔洗點

去親戚屋企拿野，之後順便去左佢樓下食，佢介紹我地去「叉燒大王」。晚市時間，都人山人海，九成滿座。好彩啱啱有張卡位埋單，正 ！餐牌選擇多多，令人眼花撩亂。硏究左一陣之後，最後點左一肉一魚一菜。特選蜜汁叉燒王 $88來到叉燒大王唔食番碟叉燒，正如去城隍廟唔求返枝簽一樣，又點得呢！叉燒話咁快上枱，係最靚的半肥瘦喎！肥的部分入口是爽肉的，加上叉燒汁夠蜜夠甜，送飯一流！份量好足，一個例牌兩人好夠食，叉燒控不能錯過。明目杞子蒸大鱔 $118一般蒸鱔都用豉汁蒸，但呢到竟然係杞子蒸，好有興趣試一試。嘩！果然好香呀！豉油汁加上杞子甜甜地，清清淡淡反而更能帶出鱔魚的鮮味。試完呢種新嘗試之後發現原來平時用豉汁蒸有點嘥料，因為已經俾豆豉味搶曬。下次响屋企都可以試吓。咸肉炒三鮮 $68咸肉其實有D似簿切燒腩，好香又爽口，唔會太咸。炒三鮮其實是蔬菜，有木耳、西芹、蓮藕片同鮮淮山，呢個組合感覺好養生。而且小炒鑊氣好夠，價錢幾抵食。環境幾舒服，介乎茶餐廳與中菜廳之間的路缐。服務很好，尤其一個瘦削的侍應叔叔，招乎周到，很細心，讚！

名符其實踩單車黎到海畔花園呢邊, 果然有唔少餐廳選擇~ 不過之前已經聽過朋友介紹呢間叉燒大王!! 叫得自己做叉燒大王, 相信佢地嘅叉燒一定係必點, 果然無令我地失望!! 半肥瘦蜜汁叉燒肉嫩多汁、肥瘦相間, 真係好味, 用黎送飯一流!! 另外仲order左煙燻臘肉炒四季豆, 份量唔少, 四季豆新鮮, 臘肉香口, 不過略嫌有幾塊臘肉太肥, 感覺似幾舊肥膏, 不太喜歡!環境都整潔四正， 我地離開時已經排曬隊：p下次可以再試試其他菜式~

叉燒大王開左咁耐，身為沙田友，其實我係無去過但原來佢啲野都幾好食，真係估佢唔到蟹粥（大）有兩隻蟹，咁我估佢細既蟹粥有一隻個粥好甜，因為啲蟹好新鮮而且佢啲粥好綿好滑，好香米味蜜糖薯仔牛柳粒（大概）其實，呢個幾好食，但因為佢係蜜糖炒呢個天時食，都真係幾滯，天氣凍番啲食，就應該會好正第一次去叉燒大王，點可以唔試佢啲叉燒？難怪佢叫叉燒大王，都真係好好食燒叉燒個汁佢調教得幾好，唔會無咩味又唔會話太甜唯一美中不足，如果佢啲叉燒可以切薄少少就好木魚茄子，又一樣我好鍾意嘅嘢佢煮得好入味，好鹹香，不過同叉燒調返轉如果呢個可以切大件啲，就更加好

今晚星期五，屋企人話好耐冇去沙田河畔花園的［叉燒大王］食叉燒，於是放工就去排隊等位，以前細個成日食開叉燒，睇下多年冇食水準有冇變到！大約等左十幾分鐘就有位，入去坐可能要同人塔枱！一來叫個出名叉燒肉份量十足，肉質肥瘦均勻，口感不會'鞋'口，應該用蜜糖加燒而成，甜而不漏，之後我地再叫多幾碗飯！半隻燒雞：侍應話今晚d雞好新鮮，所以叫左半隻，食落去雞皮嫩肉滑，好鮮，估唔到除左叉燒好食外，連其他小菜也好食食左甘多肉就另叫一個蔬菜食，醬燒脆皮茄子：第一次食呢款鐵板上的茄子，呈上去仲熱'滋滋'的，外脆內軟，原來茄子內有肉碎釀制，難怪咬落去甘鮮甜！最後仲有香片茶解一解肥膩囗感，所以今晚食得好滿足