叉燒大王

营业中

休息中

今日同屋企人又嚟叉燒大王食最出名嘅叉燒。其實喺呢度食過幾次啦，每次佢哋嘅叉燒水準都保持得好好。除左堂食，叉燒大王門口有外賣窗口，每日都有唔同嘅特價燒味，叉燒係禮拜二，半價有突啊！！～蜜汁燒排骨係禮拜一，都係半價！今日點左三個餸，有招牌叉燒、胡椒浸釀豆卜同埋豉油王大蝦。招牌叉燒叉燒同樣保持水準，肥瘦均勻，成碟叉燒大概一半便肥啲一半偏瘦啲，鍾意食肥或者唔鍾意食肥嘅人都滿足到。偏肥嘅叉燒油脂非常充足，肥瘦相隔，口感好柔軟好香，偏瘦嘅叉燒肉質比較結實彈牙唔會柴，叉燒汁甜甜地好好味，撈飯一流。客家胡椒浸釀豆卜入面有釀豆卜，粉絲以及其他配菜。胡椒湯味道濃郁，辛香暖胃，粉絲滑溜溜增加口感，豆卜煎過再煮所以保持到比較有口感硬身，可以吸收到湯汁同時唔會軟軟爛爛。湯底太好味，忍唔住叫碗瀨粉浸落胡椒湯食。最驚喜係豉油王大蝦大蝦有四隻，仲要隻隻都非常大隻，足足有成個掌心咁大，而且蝦殼煮得好脆，好入味，調味適中，豉油味香濃過癮！重點係蝦肉結實彈牙，非常新鮮！叉燒大王平日生意都咁好，想必係因為佢地堅持認真做好中菜，次次都保持水準先會keep到咁多街坊客同回頭客，希望可以一直堅持落去！

晚上到了沙田圍一間飯店吃飯，美味得很，真系要讚一讚！間野叫叉燒大王，雖然門口好多人等位，但因為店員安排週到，客人好快就一枱枱入去叫野食由門口攞飛到入去，我就等左5分鐘就入得～算系快手!黎到見本大大啲menu，已經夠曬吸引，唔系唔叫叉燒牙嘛？大大件啲叉燒連白飯好快就送到黎，叫得叉燒大王果然系叉燒依味招牌菜落左好多功夫叉燒大件而不肥膩，汁味濃而入口有口感，回味無窮我同友人再叫多份大聖子，來的是五大隻配蒜蓉，師傅加左粉絲做底，蒸起來時汁都留到粉絲內，吃起來爽口美味，朋友系個大胃王仲將蒜蓉送飯一齊食食好味啲野永遠都覺得唔夠喉，所以我地仲叫埋蜜薯牛仔粒！甜甜地啲薯仔加埋牛仔粒上碟，開胃又香口，再加埋有中式茶飲下，好快就飽著肚子準備埋單店內人口滿滿，連老人家都黎食，可見叉燒大王真系名不虛傳，叉燒大件得黎不油膩，真系岩埋一家大細黎食晚飯~ 下次會再光顧

叉燒大王出名靚叉燒，今晚我同朋友一於試下！果然名不虛傳！叉燒肥瘦適中，有微微焦香，蜜汁又夠多，咬落去真係好好食啊！蟹肉豆腐：呢個就有d失望，淡而無味，得少少蟹肉碎，同清蒸豆腐差不多。

聽聞位於沙田河畔花園呢間『叉燒大王』遠近聞名，其中『特選蜜汁叉燒王』榮獲第五届『食神』全城食家美味推介大奬；TVB美食100強採訪；香港電台香港故事採訪；新假期，新城電台，蘋果日報及各大傳媒推介。因為咁嘅原因，今日約咗沙田返工嘅朋友仔一齊來試一試。来到時間尚早，但卡位已剩低最後一格，其他位暂時唔多人，但到我哋離開時已全場爆棚，勁吖，人氣超旺。好多嘢揀時就會有選擇困難症，於是點餸嘅責任就交畀朋友最初我哋諗住嗌两個餸加一個『靚仔』两人share就可以。而呢两個餸就當然有『蜜汁叉燒王』啦，另一個就係石窩腊味椰菜炒粉絲(小辣)。叉燒外層微焦，基本上肥瘦都幾均勻，蜜味適中，口感亦唔錯，幾鬆軟同埋幾入味，符合我想像中嘅要求。而石窝裹面腊味多，粉絲乾爽，連埋椰菜配合而成一道惹味小菜，好味吖！本來話想嗌『靚仔』一個嘅，但後來見到下面呢味餸就放棄了『靚仔』而揀佢，有D可惜，唔係話呢味『胡椒浸豆卜』唔好吃，而係呢味餸入面都有粉絲，重复同埋太飽，早知嗌碟炒青菜好過。

今日收工同同事一齊去食飯，嚟到呢間出名食叉燒嘅餐廳，同事話一定要試叉燒，所以即時叫左一碟蜜汁叉燒。叉燒本身肉質係半肥瘦，所以咬落口感非常滑，叉燒肉夠入味，外面就有曾蜜汁，蜜汁包着一層少脂肪，裏面就充滿肉汁，而且幾入味，造成肥瘦分明，食落唔會鞋口，係一啲質素頗高嘅叉燒。跟住食咗啫啫通菜，由於係用鐵鍋上碟，溫度足以維持，鑊氣充足，所以通菜食落非常香口，加上通菜用少量豬皮一齊炒，令通菜更加香口，通菜本身非常新鮮，所以食落夠嫩口，唔錯唔錯。另外有啲非常惹味嘅係椒鹽鮮魷，由於係即叫即炸，所以上碟熱度足夠，食落就更加爽脆，外皮夠薄，而且炸到口感夠爽，至於裏面嘅鮮魷就夠爽口，新鮮度足夠，仲有少量淮鹽沈上面，所以係幾好食幾惹味。

今日黎到沙田接個朋友放工同食晚餐, 聽佢推介, 就去左試依間食中式菜既 叉燒大王我地晚上大約6點9度到餐廳,好好彩有二人枱唔洗排😙😙😙因為個朋友都話平時依間好多人食,要等位一入到去, 環境都似平時茶樓咁🤣🤣侍應服務態度好好! 見到我地唔知選擇食d咩咁,就推介左d主打食物比我地🤪當然係唔少得 最最最出名同主打既 特選蜜汁叉燒王!😋😋另外 就叫左個 豉油王海蝦 同埋 醬燒脆皮茄子😋😋個 叉燒王 真係並非浪得虛名! 好好食!!肥同瘦既比例幾唔錯.同埋真係好夠味, 蜜汁好味道!配住碗熱辣辣既白飯, 正啊🤪而個豉油王海蝦亦炒得非常之惹味, 個醬汁真係好好味,要lam乾淨d殼🤣🤣隻隻蝦都好大隻😝蝦肉都好鮮, 蝦頭位好多膏!另外,個 醬燒脆皮茄子 都幾唔錯,熱辣辣既茄子 個皮真係炸得好脆,一定要襯佢一上菜熱辣辣果陣食🤤🤤🤤茄子入面釀左d肉 好配搭!依道菜個汁都好濃味! 好食😋😋😋

作為一位沙田友，常在沙田區尋找不同的美食今天相約了朋友到河畔花園這裏的叉燒大王一起吃晚餐，剛好碰上是晚餐時間幸運的坐下後，便全場爆滿了坐下後發覺餐廳環境光猛，都坐得幾舒服，可以慢慢食今次係第一次食晚市，原來有很多不同的小菜選擇，服務員很有禮貌地幫我們點菜話說是叉燒大王，當然要一試他們的招牌叉燒“特選蜜汁叉燒”例牌一碟是半肥瘦叉燒分佈剛好，蜜汁配合叉燒燒得剛剛好熟，又夠淋同入味果然是名不虛傳之後還食了“燒汁肉鬆釀茄子”有驚喜因為第一次食這種做法的茄子，沒想過把一些肉碎先釀在裏面，加強口感還有這兩款食材放在真的很夾而且茄子很厚，足料之選！因為只有兩個人眼闊肚窄，所以最後選了一碟蜜豆合桃燒汁安牛粒，是我喜歡的配搭當中的合桃是先炸了，還有蜜糖及芝麻在面很香口整體加起來很配合很開胃，這幾款小菜加起來配上一碗白飯簡直是不得了吃得超飽地離開大滿足

有朋友搬左入沙田圍附近，今日過去探訪，探訪完就一齊去食晚飯，有一間餐廳，最出名係食叉燒，一於一齊去試試~餐廳外有好多人等位，建議最好預約，服務員有禮，座位唔算好多，都不錯叉燒大王招牌叉燒果然係王牌呀，呢一個叉燒半肥半瘦，燒得剛剛好，少量既脂肪令一入口非常之滑，肉質就夠晒彈牙，而且蜜汁味好香濃，口感一流，燒得剛剛好，肉汁浸晒係裡面。頭抽雞呢個頭抽雞好似炸子雞，外皮非常之脆，肉質好嫩滑，而且好入味，頭抽味道突出，屬於必食之選。啫啫通菜煲呢一個啫啫通菜用咗煲，非常之保溫，上菜一段時間都仲好熱，通菜好入味，蒜香味好濃，正呢一間中菜餐廳，非常之適合一家大細去食，叉燒非常好食，其餘每一道菜都好好味，絕對值得一試。

今日五一假期去河畔花園朋友家， 行經附近有間叉燒大王， 食飯時間眼見門口大排長龍， 相信這裏的燒味一定是非常吸引， 而牆廚掛滿了各式各樣的燒鵝、油雞、叉燒和燒肉， 真是垂涎欲滴，極其吸引， 決定先在這裏食午餐。分別order 了這裏的燒鵝髀飯和四季豆欖菜炒飯，正！先嚟燒鵝髀飯完隻鵝髀，色香味俱全， 未食已經流曬口水。 味道更是香濃入味， 鵝味香、 皮脆肉嫩，加上熱辣辣脂肪分佈平均， 不需要點醬汁已非常惹味，汁多味美，十分好食。至於另一碟四季豆欖菜炒飯， 估唔到材料清清地也非常入味， 最愛他們炒飯沒有多餘的油份，食得健康， 加上四季豆非常爽口嘅口感和鹹鹹地的欖菜， 非常開胃，大大碟都食清曬。難怪這餐廳經常滿座， 價錢雖不算便宜，但味道卻令人 回味滿足，正正正。

星期五嚟到沙田叉燒大王食晚餐，七點呢個晚飯時間好多人，好好彩我哋可以坐到二人桌。先來一壺鐵觀音。我地點左以下嘅餸菜：食碟例牌叉燒先，未入間店之前已經聞到好香嘅燒味味道，話晒個名都叫叉燒大王，我哋第一次嚟到就試吓佢嘅叉燒先啦！半肥瘦叉燒好入味，外層有Lim口嘅蜜味，配合埋豉油，送飯一流！店員介紹最近通菜好味，我哋就點左依個山啫通菜。內有啲豬油渣，加埋蝦醬，上枱嘅時候因為個煲仔熱，裏面啲汁仲喺度bobobo咁滾緊，非常之香！最後我哋叫咗依個蒸豆腐，豆腐好滑，加埋上邊有少少嘅鹹蛋黃拼蝦膠，連埋蔥花，上邊再”贊”少少滾油豉油，清得來都幾香幾鮮。我哋兩個人食呢三個餸菜再加一碗飯share，非常滿足！ 店舖分為堂食區同埋外賣區，我哋都差唔多八點嘅時候走都見到外賣個邊都仲有好多人等緊買野。母親節都可以考慮嚟呢度食飯，餸菜都啱長輩食。我見菜牌仲有其他款式嘅海鮮，下次試一試先。

叉燒大王 (沙田).⚜️特選蜜汁叉燒王⚜️.叫得叉燒大王，點可以唔試下佢個叉燒(⁎⁍̴̛ᴗ⁍̴̛⁎)我係第一次試，叫左半肥瘦，果然叉燒肉質嫩，唔會又硬又乾，少少肥入口香，正(⁎⁍̴̛ᴗ⁍̴̛⁎)！ .⚜️啫啫通菜煲⚜️.有個肉就緊係要叫個菜🤓，啫啫通菜煲上枱仍然嗞嗞聲，用個熱鐵鍋上，通菜選用幼通，爽脆加埋蒜頭爆香，好好鍋氣！(˶‾᷄ ⁻̫ ‾᷅˵)！.⚜️蒜蓉開邊蒸蝦⚜️.呢樣係我倆喜歡嘅餸菜之一💕☺️，一上枱已經有陣陣蒜香，開邊蒸蝦令蒜蓉入曬味，仲要有咁多隻(⁎⁍̴̛ᴗ⁍̴̛⁎)推薦！ ！ ！—————————————————————-環境：⭐️⭐️⭐️⭐️⭐️味道：⭐️⭐️⭐️⭐️⭐️服務：⭐️⭐️⭐️⭐️⭐️價錢：⭐️⭐️⭐️⭐️⭐️.📌叉燒大王 (沙田)沙田沙田大涌橋路20號河畔花園D座地下39號舖.—————————————————————-#hkig#hkigfood#hkfoodie#foodie#food#food#foodstagram#hkfoodlover#hkdaily#吃貨#美食#打卡好去處#相機食先#沙田美食#foodiehk#foodig#foodlife#hkfood#foodblogger#hkfoodblogger#hkgirl #

復活節假期開始 今日同男友黎到沙田男友話帶我黎食呢間頗有名氣既燒味飯店黎得呢度 不得不點叉燒啦 再拼埋燒腩仔特選蜜汁叉燒王+脆皮燒腩仔叉燒肥瘦比例岩岩好 邊邊帶少許焦 蜜味夠濃 肉質鬆軟有肉味而且甜味岩岩好例牌黎講 份量都唔算小燒腩仔 厚肉得黎, 肉質肥美,皮又脆!黃金蝦🍤隻隻都又大又爽口 蝦殻全部都炸到勁脆身🦐, 蝦殻炸到可以吞埋 唔洗拆👍🏻外層佈滿哂金黃色既咸蛋黃 超送飯蜜薯🍯🍠牛仔粒呢個好令我驚喜! 除左主角-牛肉粒 香口, 肉感厚實之外,配角-薯仔 食落唔硬之餘仲帶點脆身

夜晚去左食招牌叉燒飯同燒腩仔飯外賣，見係openrice有200幾好評好似幾吸引先嚟試下，滿心期待，但真心失望亦覺得十分唔好食。首先燒味嘅份量偏少，叉燒得嗰6嚿，大小比其他店鋪少，肉質都算un同孩，同埋都好細嚿，叉燒好少蜜汁，令到個飯同個叉燒無乜汁非常干唔好食。叉燒飯$34一盒，出面其他店鋪有更平加更高質既選擇，唔會再選擇呢間。另外外賣啊姐仲落錯單，總體非常失望.......超級唔推薦食，唔會再去

話說，因為表哥係美國番左黎，咁就約佢食飯順便拎手信啦， 聽同事講呢間野好好食，而且又近表哥屋企，咁就早一個月已經約左係到啦，但星期日開始病左=.=  最後都係病住都要頂硬上過黎食=0=  但真係完完全全冇失望呀!!  一嚟到就嗌左一壺鐵觀音，有位女員工服務態度超級好! 熱情有禮有笑容，服務然後諗住黎得叉燒大王，咁就緊係要叫叉燒喇！試下有幾巴閉叫大王喇!   所以必點皇牌蜜汁叉燒!!! 再嗌咗份蜜薯牛仔粒  大聖子   雞汁水鬼重。 叉燒例牌   份量都足夠2個人食，蜜汁香濃，口感好豐富  好好味   甜的剛剛好 不會太多 而且有dd燒烤香燶味道，極正呀!!  的確係有大王水準呀!!， 我諗唔洗我推介，黎到都基本必食啦 haha  (但我下次會留番個肚食其他送 haha)蜜汁薯仔牛柳粒      ~本人係經過食過超過20間之下   覺得呢個幾出色 獨特   因為係第2到食，通常都係冇蜜糖的~  呢間調汁剛好  而且即使+左蜜糖汁都好，都仲會食到有d薯仔係脆身  爽口~ 讚!   牛柳粒份量正正常常再黎  雞汁水鬼重  其實我唔識野...唔知咩係水鬼重  ,,見個名幾得意  同埋又想食清清

好耐冇食過中菜，經過見到叉燒大王，就去試吓。好彩早去，見到人未算太多，唔駛等就有位坐，侍應好好人，一入去就已經問我地要咩茶，幾好招呼。既然叫叉燒大王，嚟到就叫咗份叉燒試吓，好快就上菜，見到叉燒唔乾身，有汁似啱啱燒起，食落熱辣辣，叉燒肥瘦適中，咬落都好有肉汁，令我有啲驚喜，因為平時係街市買嗰啲都好乾，第一次食啲咁有肉汁，配白飯食好滿足👍仲叫咗碟蜜薯牛仔粒，上菜時應該係啱啱炒起，見到出晒煙幾有鑊氣，而且薯仔咬落仲好熱，因為啱啱炒起食到有啲脆嘅感覺，用咗蜜糖黎炒甜甜地，配埋牛仔粒又幾好食，牛仔粒有咬口，唔韌，配飯又係唔錯。叫咗一碟海鮮，個人鍾意食貝類，叫咗蒜蓉粉絲蒸蟶子，每碟有五隻，每隻都佈滿着粉絲同蒜蓉，粉絲食到海鮮鮮味，欣賞粉絲數量唔會太少，夠蒜蓉可以釣到份鮮味出嚟，聖子都幾大隻，咬落啲肉好煙韌，但唔難咬開，最鍾意食蒸海鮮因為會食到海鮮本身嘅鮮味。呢餐晚餐夠滿足，而且三份食物都幾好食，下次會再嚟食吓其他菜式。