原點 (已結業)

元朗越黎越少高質中式甜品😢 有晚想食芝麻糊，見到呢度咁多正評所以黎試試。坐低先知冇芝麻糊，走又唔好意思，唯有叫D(以為)穩陣嘅甜品食，點知又瀨嘢😬唔知係咪唔應該喺度叫中式同台式甜品，唔好係好掂😬牛乳燒仙草，D紅豆死甜冇口感，小丸子好似𡁻緊D冇味麵粉咁，總之就唔好味。我原本想成兜唔食等佢地知道有幾難食，但又好浪費咁，結果都食左2/3碗😪薑汁湯圓糖水同綠豆沙都麻麻地，唯一有D安慰係個窩夫叫做正常。間野雖然好多選擇，但唔能夠兼顧到全部都有水準，咁係咪做返D有品質嘅野食會好D？

支持90後年輕人開的甜品店 💛天氣漸涼，來一碗熱芝麻糊就暖入心了。Texture 好smooth，綿延柔滑，香濃黑芝麻味。哈密瓜西米露/芒果椰汁西米露：classic 西式甜品少不了，椰香果甜，西米露煙韌好口感。藍莓梳打做到漸變色，打卡解渴一流。芒果麻糬窩夫黃金色好吸引，脆脆地又不會太硬。特別加入了煙煙韌韌的麻糬，稔耐加強口感。窩夫配有一球雪糕，有多款口味可揀。黑糖千層蛋糕是驚喜之作，有黑糖的幽香，口感細滑不會太膩呢。當時去人流有不少，連外國人也來光顧呢！

晚上，和朋友來到原點呢間甜品店去食幾款甜品。楊枝金露燒仙草：入面有芒果、椰果、芋圓，芒果肉微酸，芋圓煙韌同椰果多汁，口感層次豐富。底下仲有香滑仙草，一啖啜滑入口腔之中！加上少許椰汁，香甜可口。Bailey綠茶麻薯窩夫配曲奇雪糕 :窩夫賣相好靚，上枱散發陣陣焗香烤味。窩夫焗至外脆內軟，仲撒上少許糖霜，內裡夾心有煙韌麻糬，口感鬆化之餘帶點軟糯感。配上曲奇雪糕或Bailey醬，都倍感滋味！腐竹雞蛋糖水加湯圓：腐竹糖水入面有少許薏仁粒，所以味道不會過甜 。湯圓小巧可愛，入面有芝麻餡。而雞蛋大大隻，食得相當滿足！芒果小丸子椰皇燉蛋白：椰皇上層有吸引芒果同小丸子粒，下層香滑蛋~

今日由朋友帶到黎呢間好文青既甜品舖，一行4人9點幾黎到等左陣就有位。原味曲奇窩夫配朱古力雪糕 $60除左原味外，仲可以選擇朱古力/抹茶味。窩夫外脆內軟，中間夾住麻糬，好qq彈口，有別於出面既窩夫，同埋唔會太甜，很推介👍🏻朱古力心太軟配抹茶雪糕 $50賣相好吸引，做到好流心效果🤤 朱古力味濃郁但唔會太油膩，食曬一整份絕對冇問題。如果雪糕放埋同一隻碟就更加好～芒果牛乳冰山 $55朋友點了雪花冰，賣相好靚，岩曬打卡用。冰有好重牛奶味，再配上少少芒果醬，唔會過甜搶曬牛奶冰味。另外仲有芋圓、朱古力碎和粟米片粒粒作配料，增加口感。椰汁紫米露 $20餐廳除左西式甜品外，仲有少量既糖水。紫米露好大碗，好足料，抵食。整體來講，餐廳環境舒服，乾淨整潔。食物質素出色，是間水準以上既甜品店，絕對值得推薦，回頭❤️🔸🔸🔸🔸🌟價錢 - 7/10 🌟回頭指數 - 9/10🔺地址: 元朗馬田路20-30B號安寧大廈地下4號舖

🔎原點 (元朗) 💛📍元朗馬田路20-30B號安寧大廈地下4號舖-🔹Oreo麻糬窩夫 $60窩夫有三種口味可以揀 有原味、朱古力味同埋抹茶味，我就揀咗朱古力味 襯返個Oreo呀嘛🤣雪糕就有6款可以揀 我就揀咗芒果味窩夫厚實得嚟又香脆 有蛋香味又有朱古力味 加唔加雪糕食都好味 中間仲要係有麻糬㗎！大愛呀！🔹楊枝甘露燒仙草 $42（芒果、椰果、芋圓、仙草）上次試過牛乳燒仙草 今次試吓楊枝甘露燒仙草 呢個配搭都幾特別 未見過🤣 但又出奇地夾喎多咗芒果嘅酸甜 再加埋芋圓嘅煙韌口感 又唔會太甜 值得一試！🔹朱古力心太軟 $50心太軟旁邊係配生果 賣相加分 抹茶味都好似幾靚心太軟啱啱焗起個面有少少脆 切開當然做到流心嘅效果啦 而且朱古力都唔會甜到膩 連我都接受到🔹椰汁西米露椰皇燉蛋白 $55糖水類都想試吓 椰皇燉蛋白有幾款 揀咗椰汁西米露 椰汁味唔重 但蛋白夠滑又熱 加埋啲椰子肉食就更加分 原殼上即刻成件事升華咗🥥🍴搵返相關地區👉🏻 #90sfoodieshare_元朗#食在元朗

前兩日入元朗買嘢點知番到屋企先醒起買漏嘢結果又要再去多次既然經開元朗咁多甜品好食緊係當晚餐食埋先再番屋企㗎啦麻糬窩夫(烘面綿花糖/原味窩夫/曲奇雪糕)綿花糖粒經過烘烤外脆內軟咬落半融拉絲完美配合到麻糬窩夫同樣鬆脆軟綿嘅口感六款雪糕口味任揀連埋窩夫食增加濕潤感麻糬窩夫(百利甜酒/原味窩夫/曲奇雪糕)原味窩夫外層金黃香脆裏面鬆厚綿密加埋麻糬軟糯煙韌口感豐富百利甜酒醇香甜膩而且質感柔順輕盈配搭曲奇雪糕奶油感重好正百利甜酒朱古力心太軟蛋糕質感鬆軟切開流心爆漿而且百利甜酒相對甜膩結合黑朱古力香濃甘苦平衡甜度同時醇滑細緻熱辣甜蜜嘅心太軟配搭雪糕冰火交融勁刺激嘅同時清甜嘅鮮果亦有助消膩減滯楊枝甘露燒仙草原料同樣都係涼粉草但仙草後製加入木薯粉所以口感相對涼粉柔韌滑溜創新配搭楊枝甘露香甜得嚟幾夾配料豐富而且量多有齊芒果同埋椰果以及芋圓伯爵茶奶凍奶凍奶香順滑同時伯爵茶香濃醇清晰餘韻透帶佛手柑香層次豐富幾有驚喜

真係夠晒薑入元朗行完山，想食甜品找到依間叫左雜果麻糬waffle, 牛奶布甸同薑汁湯圓糖水雜果麻糬waffle 賣相同味道都ok，都有麻糬食到有煙韌咬感。食到薑汁湯圓就完全中伏，個薑汁糖水係大碗既，但一飲落去，薑味辣到苦🥵🤮，難以入口。真係很失望整體而言，西式甜品係ok, 但中式甜品真係唔得。

同屋企人喺元朗食完晚飯 最好就係直落食甜品 搵咗間喺附近近近哋嘅 講到食甜品 女人真係有第二個胃 上網做咗少少資料手集 店內出名心太軟同埋窩夫 等我試下係咪真係咁好食先魚蛋六粒$10魚蛋都幾大粒 十蚊有六粒真係抵食 今時今日仲有呢個價錢 真係難得燒賣五粒$10用叉拮落去已經感受到嗰種彈 這個燒賣非常高質 唔會食到成口粉 個質感完全唔漿糊 仲有粒粒魚肉可以食到朱古力心太軟$50製作時間相當之快 十分鐘就上枱 有啲店舖製作心太軟起碼要等20至半個鐘以上 所以有時為咗唔想等就會放棄 先來說說賣相 有多種生果伴碟 整體生果都好甜 有哈密瓜，芒果及香蕉 心太軟焗到外層帶點脆口 切開後熔岩朱古力馬上流出 濃烈嘅朱古力香味馬上撲鼻而來 出乎意料味道唔會甜到漏 甜中帶點苦 層次不錯 濃香順滑香蕉船$40 香蕉船是一種以冰淇淋為底部的甜點 而在香蕉的部份以切成兩半並放在盤子裡 賣相相當吸引 顏色七彩繽紛 可配搭三種雪糕口味 揀選了：芒果，抹茶 ，咖啡 雪糕夠凍 唔屬於好淋嗰一種 亦都唔會好快溶化 香蕉味道夠香又夠熟麻薯窩夫$60配料選了烘面棉花糖，原味窩夫，曲奇味雪糕 從未食過咁出色嘅窩夫 一食便愛上了

🍽牛乳燒仙草➕三色椰果(紅豆➕小丸子➕芋圓)芋圓：細細地唔太大粒，夠煙韌👍🏻小丸子：再林少少🤏紅豆：好棉好粉仙草：滑嘟嘟所有野食配埋一齊好有層次嘅口感🤩配合而家秋涼嘅天氣，唔需要凍食都好好味😊🍽牛乳冰山➕仙草配乳酸 (芋圓➕小丸子➕蜜糖星星)平時食嘅棉棉冰都得個凍字🥶但呢度食嘅冰山唔會得冰味，加埋乳酸慢慢咀嚼奶味好香，質地幼細，物超所值😍🍽百利甜酒朱古力心太軟呢隻心太軟超推介💜💜💜因爲佢唔似平時嘅朱古力唔太膩，帶有少少甜酒香味，好特別！而且好中二佢配上幾片水果，好fresh😊🍽抹茶麻糬窩夫🧇烘面棉花糖➕薄荷朱古力雪糕🍦麻糬窩夫🧇比平時的無咁單調，中間配搭適量麻糬，外脆內軟！加埋烘面棉花糖嘅口感，別有一番風味。感受到師父好用心去製作呢d特色甜品🍮，需要認真去品嘗一下😋

星期六跟朋友一起到元朗吃甜品，來了馬田路的原點。雖然11月，但今日太陽🌞太好，都行到出汗，緊要要叫杯凍飲🥤 藍莓梳打藍莓梳打不太甜，解渴一流原點緊係要食 Baileys 窩夫🧇 因為個topping baileys 醬真係好正！ 好重酒味窩夫可簡3種口味，分別有原味、朱古力、抺茶 今次選擇了原味 間中有麻糬在裡面 一個窩夫亦可配一球雪糕 朱古力心太軟超級流心！ 一切開便有濃濃的朱古力漿慢慢流出來 心太軟蛋糕也做得不厚 很滿足的甜品！ 整體而言，味道很不錯 重點推介心太軟

甜品店配上純白簡約裝修，給人小清新既感覺，價錢親民，賣相亦精緻，店內座位不多，約10多個。百利甜酒朱古力心太軟一切開，心太軟裡面既朱古力漿已經流哂出黎，可能加左百利甜酒，所以朱古力唔算好甜，雪糕有6款口味選擇，仲有我至愛既薄荷朱古力雪糕，一啖雪糕一啖心太軟，口感豐富。椰汁西米露椰皇燉蛋白近排天氣比較涼，當然要食返個熱辣辣既甜品暖下個胃，蛋白好滑，入口即溶，配埋香濃椰汁，食到底仲可以食埋椰子肉，非常清甜。

💛💛💛Here dessert💛💛💛一行四人行完山，搭的士去元朗食下午茶。之前無乜黎過元朗，所以唔知有咩好食。最後係apps到睇到依間甜品舖。我哋嗌左四份食物。店內牆上有驚喜，不枉我地揀左佢。芒果小丸子椰皇燉蛋白（凍）$58雖然芒果普通，但個燉蛋白真係加左唔少分。蛋白燉得好好食！好滑又有椰香味，重要唔會過甜，好清甜，食完好舒服💕。小丸子都好好食，大細岩岩好🤤。不過椰皇裡面啲肉好硬，所以唔可以食埋😂😂。由於真係幾好食，食到一半先記得影相😂。牛乳燒仙草（凍）$38裡面有紅豆、芋圓、仙草、小丸子。紅豆 - 好食，好食到連我唔食紅豆既都覺得好食，可能因為佢煮得溶好易入口。芋圓 - 中規中矩，唔會為左想食芋圓而揀依個甜品。仙草 - 唔錯，滑得黎唔會話好水，食落係知自己食緊咩。小丸子 - 正常發揮，唔知點解覺得跟燉蛋白黎既小丸子好似好食啲😂😂。芒果小丸子（凍）$35因為我無食到，所以我唔打食評，但朋友食落覺得Okay！所有食物質素都唔錯，另外其實佢有鹹食/熱食，姐係魚蛋、腸仔、撈麵。不過我哋淨係想食甜品，所以冇試過。本身舖頭內冇乜客人，我哋坐低無耐就有好多人食，見到每枱客都有嗌窩夫，好似好吸引，同

行文青風的甜品店，店舖充滿着打卡感。與好友點了四款食物飲品。牛乳燒仙草，奶香仙草滑，芋圓好有咬口，紅豆煮到很淋很軟身，的確是必叫推介。椰皇燉蛋白，十分真材實料，沒有過火，燉得很香很滑，不會有膩的感覺，秋冬天吃暖入心。乳酸梳打，坊間的乳酸梳打都會比較甜，這間不會有這樣的效果，反而有清爽的感覺。最後叫了麻糬窩夫，很有驚喜，因為在窩夫入面有煙韌的麻糬，口感很特別。而且窩夫上有燒了的綿花糖，令味道上不會太單調。

支持食間元朗既黃店，有唔同類型中西甜品。🦁 雜果麻薯窩夫 配曲奇雪糕 ($55)麻薯窩夫做到外脆內軟嘅效果 好煙韌 再加埋雪糕 真係好夾！🦁 百利甜酒朱古力心太軟 配朱古力雪糕 ($55)流心效果唔算好明顯不過百利甜酒味好出 朱古力味亦都好夠濃 加埋朱古力雪糕真係一流！抵食甜品味道都幾出色 食完有滿足感，不過樓面得一個人真係唔夠希望可以改善一下🦁 原點 (元朗)元朗馬田路20-30B號安寧大廈地下4號舖🦁 人均：$55

今次試佢既牛奶芋圓同芒果丸子椰汁燉奶，芋圓份量較少，一般般，唔叫好食入得口既質素，紅豆偏甜，仙草個質地唔係結實，都可以，另外個燉奶就一般般 都係冇咩特別好食，2個甜品成為80零蚊