原點 (已結業)

難得放假，去行下元朗公園，再去食下tea放鬆心情，黎左Here dessert食甜品。剛剛營業，睇住店員拎個牌出黎，唔唔，Top3都想食喎～行到有啲熱，先點了杯檸檬疏打，飲杯凍飲降降溫。疏打酸酸的好解渴，即刻覺得個人舒服左，疲勞感盡消。跟住就點左烘面綿花糖朱古力口味麻糬窩夫，即叫即做熱辣辣。賣相幾靚，梗係要打下卡先啦。窩夫有四件，仲有一球雪糕，呢個價錢屬貼地啦。外層香脆，內裏夾著麻糬好煙韌，不過朱古力味就不濃了，整體黎講係好食嘅。雪糕有數款口味揀，個人就揀左薄荷朱古力，有啲人覺得似食緊牙膏，但我鍾意呢陣薄荷味喎。平日下午人不多，可以靜靜地享受份靚靚甜品，正呀！

最近夜晚出街食飯多咗....都想試返一啲唔同嘅新野...今晚同朋友食完晚飯...就去元朗馬田路一間特色甜品店...試返一個飯後甜品呢間甜品店裏面都有好多唔同種類嘅甜品選擇我同老友都係榴槤控所以叫咗呢度出名嘅榴槤千層糕呢個榴槤千層糕真係好香濃淡淡都有榴槤清香嘅味道我哋再叫咗一個麻薯窩夫拼薄荷朱古力雪糕原來窩夫加咗麻薯...口感係非常煙韌細緻...我仲叫咗我最喜歡嘅朱古力心太軟拼抹茶雪糕熱辣辣焗出嚟香噴噴流心朱古力真係好香滑定係食咁多甜品都滿足晒我哋嘅願望

喺元朗夜晚想食糖水又想去旺店就去左呢間啦抹茶心太軟配曲奇雪糕 $52估唔到佢係配紅豆呢個配搭幾特別但係又幾match抹茶嗰陣苦澀味再配埋紅豆小小嘅甜味好夾心態遠嘅外殼都唔會太硬入邊一開即溶流晒出嚟時間覺得啱啱好🤤

🧇 烘面棉花糖麻糬窩夫 $60我揀咗抹茶口味🍵 ，面頭有粒粒棉花糖，又融又黏，好似BBQ咁～ 窩夫外脆內軟，咬落仲有啖啖麻糬，幾特別👍🏻 另外配埋today’s special嘅咖啡雪糕☕️🍦，好少食到呢種口味，好好味😋🍫 百利甜酒朱古力心太軟 $55百利甜酒醬舖係面，切開見到朱古力流心澎湃，加埋軟糯嘅外層，甜得黎又唔會覺得膩～ 另外配埋曲奇雪糕🍪🍦食到曲奇碎～🥛 牛乳燒仙草 $38有紅豆、小丸子、芋圓、仙草。紅豆唔會太甜，芋圓同小丸子口感煙韌，軟硬程度啱啱好～🥥 椰皇燉蛋白 $50暖暖地，啱晒今日又凍又濕嘅天氣食😊 蛋白順滑香甜，刮埋啲椰子肉食，飽曬～

今日同幾個朋友食完飯去食甜品見呢間裝修咁靚就揀左佢我地每人叫左一樣野黎share食百利甜酒麻糬窩夫（$58）呢個窩夫嘅顏值非常之高😍即叫即製 送上枱嘅時候係香噴噴架打完一輪卡切開黎食又比佢驚艷多一次平時食waffle成日覺得太dry但佢係入面夾左啲麻糬 😋令個waffle無咁dry仲多一重口感芒果亦都好新鮮好甜 雪糕可以自己揀味 我地就揀左曲奇味配埋一齊食好正架😛楊枝甘露燒仙草（$42）入面有芒果粒、三色椰果同埋芋圓👍🏻個汁底都係芒果汁黎 同上面嘅芒果粒一樣好新鮮芋圓煮得夠唸 咬落煙韌 有蕃薯、芋頭 同紫薯三種味😋仙草就唔洗講啦🤭食得甜品都要叫碗仙草黎減低罪惡感朱古力心太軟配芒果、雪糕（$60）其中一個friend係朱古力控😂次次食甜品都食心太軟😂今次就揀左Bailey嘅心太軟佢都係即叫即製嘅 要等5分鐘左右個Bailey係打成mousse擺係個心太軟嘅頂仲用朱古力醬勾左個好靚嘅花紋🤩超呃like 建議要打卡嘅人食心太軟一定要加少少錢叫Bailey味 靚好多！佢仲有啲水果同有球雪糕跟嘅我地就揀左是人精選嘅荔枝味雪糕👍🏻芒果小丸子（$35）入面有一球芒果雪糕、芒果粒、西米、小丸子😉

晏畫去完屯門置樂做完飯桶後轉身再戰元朗繼續去食甜品😚元朗食甜品嘅地方好多這間甜品屋 係B仔對面白色為主色調 小店經營 設計簡簡單單 光亮整潔👍餐單有多款甜品西式 台式 中式 都有還提供幾款街頭小食 麵食😚叫咗兩大人氣甜品#烘面棉花糖窩夫配曲奇雪糕甜味蛋香 拉絲綿花糖質感軟Q麻薯令人抗拒不了😍#朱古力心太軟配抹茶雪糕微苦 配上溶漿甜味朱古力熱量高 但也拒絕不了~🤣🤣飲品#乳酸梳打無也特別 益力多口味#藍莓梳打好多粒粒藍莓😚

今日逛街時經過這間原點，想坐低入去休息一下同食少少甜品。上openrice見到麻糬窩夫是這裡的招牌，於是我都一定要試試。我點的配搭是鮮果，原味窩夫，抹茶雪糕。窩夫外輕微的脆內暖，內裡的麻糬不是很多，這樣不會很飽，起初還擔心太多麻糬很很飽很濟。配上不太甜的抹茶雪糕一冷一暖非常好食，很有驚喜，難怪必點。這個牛乳冰山我很喜歡~~~淡淡的牛乳冰配上我選的蜜糖簡直天衣無縫，微甜的蜜糖加上牛乳冰可以更加提升整個甜品。我最喜歡是它真的不會很甜，連芋圓都清楚食到原始的味道，平常食的芋圓一定會配上糖水，所以原始的芋圓很難食到。這裡的芋圓只有原始的天然薯味，煙韌度適中。加上蜜糖星星，脆的煙韌的口感都有齊，非常好吃。芒果椰汁西米露。最後來一碗濕濕的糖水潤潤喉。新鮮芒果鮮甜帶點天然酸味，椰汁味都很香，不錯。總結是難得原點的甜品都不算很甜，這點很難得，因為近來的人都不喜歡太甜的甜品，希望繼續保持水準。

喺元朗附近搵嘢食見到呢間幾吸引，又有中式又有西式咩口味都有。一於去here。百利甜酒窩夫 $58可以自選窩夫口味，以及揀一種雪糕我地揀左原味窩夫，依間甜品舖啲窩夫好特別，入邊會有啲麻薯，咬落煙煙韌韌，口感好豐富，加埋百利甜酒嘅朱古力醬，好邪惡。雪糕揀咗是日精選荔枝味，味道非常香濃。推介楊枝甘露仙草 $42芒果鮮甜，仙草香滑，芋圓煙韌，正宗台灣甜品百利甜酒朱古力心太軟$55心太軟非常流心，流岀黎嘅朱古力醬好多，帶陣陣既baileys味道。檸檬梳打$20解渴得嚟開胃，酸酸甜甜。

甜品控出動！搵到間有質素，價錢相宜嘅甜品店😋朱古力心太軟配荔枝味雪糕$50一切開入邊啲朱古力漿湧晒出黎！好creamy😋不過荔枝味雪糕就一般，相對荔枝味唔算太出。烘面綿花糖原味麻糬窩夫配曲奇味雪糕$60首先擺盤好精緻，一上黎就聞到香噴噴嘅蛋香味，切開入邊有埋麻糬，QQ的口感，再加上雪糕，一凍一熱，口感豐富多層次🥰牛乳燒仙草$38仙草好滑，小丸仔好有嚼口，好煙韌😋芋圓都唔錯，但如果芋頭味再出啲會更正😜藍苺梳打$25酸酸甜甜又夠汽，邊食甜品，邊飲杯藍莓梳打，完美🤣

甜品從來幾多歲既女仔都唔可以抗拒，何況係小朋友。今日入元朗上堂，未夠鐘就同佢地食下甜品，元朗出名多好野食，今次就去左Here Dessert。佢地舖面初時望落就好似一間Cafe， 以白色為主，俾人感覺好舒服，認真望下餐牌先知原來係賣甜品。小朋友聽到食甜品已經好興奮，一坐底就自己睇餐牌，order 份「香蕉船」，而我就叫份芒果椰汁西米露同埋一杯「冰山一角」。首先講下小朋友份香蕉船，有三球雪糕，我地要左朱古力、曲奇同埋是日精選雪糕，你冇睇錯，雪糕都有是日精選，原來某D味道既雪糕唔係日日有，好似今次就係荔枝味喇。加埋香蕉同埋窩夫碎，夾埋又香又脆，堅好味。芒果椰汁西米露，西米大大粒夠晒爽口，甜度又適中，一陣就K. O. 晒最後「冰山一角」，7其實就係刨冰，今次我地叫左益力多冰山，入邊有埋芋圓、仙草同埋三色椰果，仲可以加其他鐘意既配料，我自己果杯就加左密糖星星。地址：元朗馬田路20-30B號安寧大廈地下4號舖

廚師推薦-牛乳燒仙草 $39,份量少，價錢偏貴，仲要有一大陣燒焦味，真系估佢唔到咁都賣俾客人，好差！中伏另外，芒果椰汁西米露$33，芒果酸，都系份量少，不值得這個價錢，失望！

同老公食完飯，佢話想食甜品，所以上網搵吓元朗有乜甜品店，之後就揀咗原點。因為門口招牌得英文冇寫中文，所以兜咗一個圈先搵到😅😂裝修簡潔，食物款式都多，有普通中式糖水，又有西式嘅窩夫🧇小食⋯⋯因為冇窩夫棒，所以我哋揀咗一個心太軟同椰汁西米椰皇燉蛋白、乳酸梳打朱古力心太軟外貌同平時一般一樣，雪糕另上。心太軟內面朱古力醬唔會太甜，但唔夠流心😣外面蛋糕軟硬度同味道剛好椰汁西米椰皇燉蛋白西米細細粒，軟硬適中，蛋白好滑，唔會偏甜，熱度剛好

我嘅其中一間甜品愛店食完晚飯通常好飽 waffle又飽肚但呢到嘅waffle有種吸引力 令人好飽都想去食waffle中間有麻糬 呢樣已經夠吸引呢到仲可以整到外脆內軟 加埋煙韌嘅麻糬 口感一流waffle味道有好多 我就鍾意食棉花糖同百利甜酒味兩隻味聽落都係甜到痴線不過佢本身waffle唔會太甜 所以都未糖尿病🤚🏽見佢仲有切件千層賣 味道都唔少有機會都想買嚟試吓😚😚😚

◭ 百利甜酒朱古力心太軟 $55平時成日都食朱古力心太軟，今次試吓加埋百利甜酒，流出嚟朱古力漿帶點百利甜酒嘅醇香，估唔到又幾夾喎😋加埋荔枝雪糕，又帶點小清新感覺!◭ 牛乳燒仙草 $38配料有紅豆、芋圓及小丸子我哋見到好多人推介呢款燒仙草，但見到既時候賣相有少少失望，只是芋圓加埋花奶...就好似食緊涼粉加花奶...比預期有落差☹️

原點 (元朗)元朗馬田路20-30B號安寧大廈地下4號舖星期日想喺元朗食個甜品嘅下午茶， 又唔想去成日食嘅涼粉舖，所以選擇左小店原點。原點裝修行簡約風， 不過因為臨近聖誕節， 都加左一些聖誕裝飾， 所以都有聖誕氣氛。今次我地叫左芒果原味窩夫🧇連綠茶雪糕，baileys 心太軟連薄荷朱古力雪糕同埋藍莓梳打。窩夫賣相好靚， 配碟合適，份量大，麻糬夾心煙韌。 通常心太軟都係得朱古力同綠茶味，Baileys 心太軟喺其它甜品舖比較少見，所以就點黎試下。baileys 味好突出， 而且朱古力外層又唔會焗得太硬，甜度岩岩好，係值得一試嘅！ 薄荷朱古力雪糕食到片片嘅朱古力碎， 好夾暖甩甩嘅心太軟。藍莓梳打唔太甜， 食到粒粒嘅藍莓，大大杯， 岩哂食完甜品清清個喉嚨。總括黎講， 呢間絕對係一間試得過嘅小店！