原點 (已結業)

夏天熱辣辣🌞🔥🔥🔥又行街行到肚餓🥵，最岩就食啲凍野喂下個肚😋，去咗呢間上年年尾係元朗新開嘅甜品店「原點」，睇落環境幾靚✨。呢間舖主打窩夫、心太軟、千層蛋糕同仙草甜品。間鋪最有特色係鏡面牆上面用白色筆畫滿嘅pepe圖案，可愛得嚟又帶有抗爭意味，相當靚👍🏼。————————————————————舔舔脷指數 : 🐽🐽🐽🐽🐽 5/10抵食指數:🐽🐽🐽🐽🐽🐽6/10 ————————————————————牛乳🥛燒仙草（$38）見個meun有比👍🏻呢個甜品，🐷就即管試一試，入面啲料有紅豆、小丸子、芋圓同仙草。啲料極多🤟🏼，特別係仙草，至少放滿咗半個碗，不過個碗就冇咩奶，搞到主角變咗仙草。個料嘅配搭係幾好，但個份量比例就好奇怪。楊枝甘露燒仙草（$42）呢碗個底係楊枝甘露，而啲料就變咗芒果🥭、椰果、芋圓同仙草。仙草同料同樣極多，揚枝甘露好少。同埋楊枝甘露同仙草隻味唔夾，仙草味完全蓋過曬楊枝甘露味，失望。食嚟消暑嘅🐗想飲多兩啖液體都搵唔到😫。

🍪Oreo麻糬窩夫配雪糕($60)窩夫味道都有得揀原味/朱古力/抹茶，雪糕味道都係果幾款啦🤔仲有比較特別既味道有綿花糖鋪面🥰正！窩夫有口感，麻糬好煙韌有口感，窩夫中間仲夾住oreo添😉不過私心想多雪糕少少🤣.🍡楊枝甘露芋圓燒仙草 ($40)仙草好滑～又唔會太甜！芋圓夠煙韌🙆🏻‍♀️.上次都係食呢兩款🤣🤣好長情既我❤️.🔸評分: 8/10💰人均消費: $40-$60

純白色的門面，加上落地大玻璃，是街角上的小清新。環境寛敞舒適，坐在卡位，可以與友人享受輕鬆的甜點時光。楊枝金露燒仙草 $42 (芒果、椰果、芋圓)楊枝金露充滿夏日氣息，多汁的芒果肉，甜蜜吸引，配上煙韌口感的芋圓及椰果，啖啖滋味。吃到底還有大大嚿的仙草，一啖啜入口，感覺真過癮! 還加入了少許椰汁，味道更細膩。抹茶心太軟配雪糕 $52拮開心太軟，熱燙的抹茶流心、冰涼的草莓雪糕混合在一起，口感冷熱交融，真是無比滋味! 抹茶流心芳香，配上綿花糖、綿密紅豆蓉，超級搭檔，十分甜思思。如果能加入蕨餅、白玉，口感更豐富。芒果窩夫配雪糕 $60芒果窩夫焗至厚實、香脆，蛋香迷人，在表面倒滿朱古力醬、糖霜及芒果肉，賣相極吸引。窩夫夾心有煙韌麻糬，口感鬆化中帶軟糯，跟配芒果雪糕，溶化後沾滿窩夫格格，令窩夫更加香甜。腐竹雞蛋湯水 $22甜度適中柔和，散發清純豆香，味道淡雅，䁔意窩心。雞蛋熱燙、滑不溜口，使滑嫰湯水提升口感。藍莓/乳酸梳打 $20梳打帶清新的藍莓香氣，感覺柔和淡然，啜一口是鮮甜的藍莓肉粒，啖啖吸引。乳酸入口淡甜，拌勻後帶酸微有致，如果可以加入椰果粒，感覺會更完滿。

甜品舖越開越多，我覺得每一間甜品舖都有去特色的地方，有一些中式懷舊的甜品舖通常都是腰果露合桃露木瓜雪耳等糖水，有一些係專門pancake的甜品舖，有一些係蕨餅類的，今次我食呢間呢就有窩夫，千層蛋糕，心太軟等......我今日點了一個伯爵茶千層蛋糕和一個抹茶心太軟！千層蛋糕我覺得伯爵茶不夠濃味，不夠香，比較cream！開頭我都猶豫緊叫千層蛋糕好定還是叫窩夫好，最後揀咗千層蛋糕😂抹茶心太軟呢個好食，香龍嘅抹茶味，外脆內軟，一切開熱騰騰嘅抹茶漿漏出來，溶化我心😍配雪糕一流，如果跟埋匙羹會更加好🤣

係元朗以家好似都冇咩甜品好食，又唔想食B仔係Openrice搵到呢間新野諗住嚟試下啦，其實都冇得揀😂係出面等咗差唔多成個鐘先有位......到我地入就招呼咗我地坐近門口嘅位置我就唔明已經唔係坐隱蔽自摺位架啦點解可以入嚟坐咗幾個字都俾唔到Menu我......入客佢又識入wo就係當咗我地透明後尾仲要係離遠果張枱d人走咗我地先自己走去攞🙄🙄本身想試下佢個麻糬窩夫，算啦唔想又等咁耐啦$32芒果椰汁西米露，超級細碗...仲要冇乜芒果肉，椰汁味都唔重咁細碗$32真係不如返屋企煲...$40香蕉船，同樣係超級迷你版，去新北江買2球都仲大過佢平過佢個香蕉唔淋唔熟硬掘掘係個$42嘅楊枝甘露燒仙草叫做好少少，起碼有D果肉同芋圓睇下，不過都係超細碗，味道中規中矩啦價錢又唔係特別平，真係元朗冇選擇中嘅選擇先會嚟

真係由外黃到內嘅甜水店連豬everywhere🤤店內呢幅牆真係cls 畫得勁靚望住都開胃啲xd📍1️⃣ Baliey chocolate waffle with mochi ($58)窩夫味道有得揀原味/朱古力/綠茶我就揀咗最原味！即叫即整，新鮮熱辣出爐好好食！仲要有埋一球雪糕同麻糬都係$58！幾抵食！仲要好食！Baileys配waffle都係第一次！但又幾夾👅💦💦💦📍2️⃣牛乳燒仙草有紅豆，小丸子，芋圓係入面🤤友人話好好食too果然係招牌！———————————————————總括而言，係一間高質抵食嘅甜水店，仲要係黃🤤💛

今日入左元朗食野😬😬😬其實算係專登入黎試下依間甜品店女生對於甜品係會有另一個胃😏Openrice甜品店第十位✔️真係沒有騙人個麻糬抹茶waffle+Baileys醬好得💖💖窩夫真係外脆內軟有好多款唔同口味嘅雪糕可以揀揀咗芒果味。。 無諗過竟然可以咁夾牛乳燒仙草都好好味🍃加左椰果本身入面都有芋圖同小丸子仲點左個💚抹茶心太軟💚睇住佢流心嘅效果真係好療癒同埋甜品排碟排得好靚飽飽了🥰🥰🥰🥰🥰

窩夫、心太軟都試過，今次黎試下排名第2️⃣位嘅牛乳燒仙草👏🏻($38)碗料有紅豆、小丸子、芋圓同埋涼粉，我最欣賞嘅竟然係小丸子，唔知點解覺得特別煙韌有咬口，又唔會好似有啲地方得舊粉冇咩味，同紅豆一齊食好夾。成碗甜品一望就知好足料，芋圓都係好彈牙好食，涼粉口感好好，軟硬適中，整體唔會過甜，啱啱好，消暑一流，中意(打)食(卡)雪糕嘅仲可以加$6雪糕😋元朗國黃店要支持下💛💛💛希望佢出多啲唔同種類甜品😋

一試難忘麻糬窩夫Waffle with mochi😍😍😍煙韌控必試 外脆內軟🧇價錢$55-60 好抵食註: 黃店疫情下都好熱鬧假日堂食可能要等位配料都有唔少選擇，雜果、芒果、紅豆等等仲有棉花糖比較少見🤩🤩🤩有專為芒果迷而設既芒chichi系列🥭🥭🥭梗係要試一碗我最鍾意食嘅楊枝甘露清甜又涼快。加咗芋圓，份量都幾多，好好食👍🏻👍🏻👍🏻甜品好高質素，仲有小食撈麵魚蛋燒賣等等一定會再嚟😋😋😋

今日同朋友去咗元朗食甜品 如果搭巴士嘅話喺元朗公園總站落車 行過元朗劇院同體育館一路直行就會見到甜品店 地理位置來講非常方便天氣開始炎熱 坐落我哋就叫咗杯凍飲 藍莓梳打飲品帶少少味酸 仲飲到粒粒藍莓果肉 加埋梳打水嘅調配 飲落真係透心涼另外我哋仲叫咗兩個甜品 朱古力心太軟配曲奇味雪糕 朱古力蛋糕嘅口感好綿密 切開見到流心嘅朱古力醬 烤焗嘅時間控制得剛好 黑朱古力醬嘅味道唔會苦澀 整體食落感覺甜而不膩 配料仲有新鮮嘅水果 芒果非常之甜 哈密瓜又清爽 曲奇原味麻糬窩夫配是日精配既荔枝味雪糕4大片既窩夫真係分量十足 仲有大量嘅麻糬夾喺窩夫當中 口感軟糯煙韌 加上適量嘅朱古力醬同曲奇碎喺面 香脆嘅窩夫連同q彈嘅麻糬 好有豐富感 食完真係好飽肚而荔枝味雪糕味道較清甜 香滑得來不失荔枝味 十分推薦呢度仲有燒賣撈麵等小食 都好啱過嚟下午茶或者食宵夜 再配上美味嘅甜品真係個好錯嘅選擇 支持黃色經濟圈 出色又用心製作嘅甜品舖

呢間係元朗國嘅甜品店係由幾位年輕人經營，啱啱開嗰陣已經黎食過😛上次未有機會試窩夫，今次終於都試到喇😋店內嘅每個角落都係文宣，兩塊大鏡都有好靚嘅文宣手繪，黃到發光💛💛Oreo抹茶麻糬窩夫配雪糕$60窩夫充滿蛋香味，做到外脆內軟💛仲有麻糬夾心，多重口感，好豐富！我揀左芒果味雪糕，估唔到呢幾個味道都幾夾🤤如果抹茶味再突出啲會更好😆牛乳燒仙草 $38仙草口感本身已經嫩滑，落牛奶就滑上加滑🤤芋圓有淡淡嘅蕃薯、紫薯、芋頭味，有咬口得黎又唔會過甜👍朱古力心太軟 $50暖暖地又流心嘅心太軟加埋凍冰冰嘅雪糕，一定要一齊食，因為一冷一熱嘅口感，可以帶黎味覺上嘅衝擊！🤤不過如果中間切開再流心啲會更好😛伯爵茶千層蛋糕 千層蛋糕嘅cream好軟滑，有淡淡嘅伯爵茶清香，食落軟綿綿😋而且少少甜，食得多都唔覺膩，啱晒啲食唔到太甜嘅朋友

元朗新開嘅甜品舖，食完飯又未飽，見又近就去咗食。呢間主打麻糬窩夫同Q軟芋圓仙草，兩樣我都好鍾意，唔試唔得啦，所以都Order咗。.烘面棉花糖麻糬窩夫 $60Toasted Marshmallow Waffle with Mochi窩夫🧇揀咗朱古力，配料揀咗棉花糖。麻糬窩夫落足料，啖啖有咬口，好滿足烘面棉花糖微甜唔膩仲幾襯💯.牛乳燒仙草 Milk with Mesona $38仙草滑捋捋，芋圓大大粒又煙韌，係紅豆比較甜，撈埋都遮唔過嗰種甜，如果紅豆冇咁甜就最好啦。總結都係十分推介嘅甜品舖！！！

今日一家大細入元朗玩，行到熱辣辣想搵個位休息吓，見到呢間甜品店就入去坐吓啦！呢度除咗西式甜品、仲有中式甜品和小食，我哋先叫咗一個哈密瓜椰汁西米露（ $28 ），都幾大碗，椰汁味濃，西米份量都多，襯埋哈密瓜，解渴又冰涼。另外叫咗個朱古力心太軟（配水果）$50，仲可以加一球雪糕，我哋要咗芒果味。雪糕係分開上的，就唔怕融啦！相信朱古力心太軟應該係即叫即焗，一切開有好多流心朱古力，正呀，朱古力味極濃，朱古力愛好者切勿錯過！碟上仲有幾片水果，中和一下朱古力唔會太漏。仲有一個極力推介嘅粒粒藍苺套餐（ $75 ），我見都好多人叫，包一個藍苺窩夫和一杯藍莓梳打，賣相非常吸引，我本身就好鍾意食我窩夫，呢個窩夫夠脆，配埋雪糕更加好味，杯梳打超大杯，四個人都夠飲，記得攪勻飲，個底仲真係有粒藍妹，個餐冇改錯名。食飽飽又涼番哂，繼續起行啦!

所謂五一黃金周，梗係襯呢個假期去支持下黃店啦！今日入開元朗，就揾左呢間「原點」食甜品！地方唔大，但周圍都有抗爭海報和佈置，枱與枱之間有板隔開，入門量體温，做足防疫措施。見人地枱上有個好靚既窩夫，就係餐牌第一頁嗰個藍苺餐，$75包埋飲品，就要呢個啦！呢杯藍苺梳打估唔到咁大杯，夠哂冰凍，個底原來仲有粒粒藍苺，勁呀！至於個窩夫餅底軟硬度適中，加埋紫紫的藍苺cream、朱古力醬、超大粒既藍苺和抺茶雪糕，賣相真係100分！味道都非常好味！甜度適中！另外仲叫左個香蕉船，一條香蕉分半再配三球雪糕，口味揀咗朱古力、曲奇和芒果，全部都好好味呀，仲會灑上彩虹碎碎，又靚又好味！食完真係超滿足呀！黃得黎又好食，十分推介呀！

元朗嘅原點元朗有好多甜品，今次去到位於馬田路嘅甜品小店 —— 原點。裝修以白色為主調，舒適簡約，同男友叫咗一個餐廳主打嘅窩夫同芋圓控必叫嘅燒仙草🔻芒果麻糬窩夫拼綠茶雪糕味道：8/10價錢：$60上枱就已有濃濃既烘焙香味，外層鬆脆，口感則軟綿綿，名符其實嘅外脆內軟😋重點中間仲有好多麻糬，麻糬既煙韌加上窩夫既脆，好有層次。另外芒果都有6-7舊新鮮果肉，鐘意麻糬同窩夫既朋友一定要試！🔻楊枝金露鮮香草味道：8/10價錢：$42估唔到除咗芋圓夠煙韌外，佢嘅仙草同平時食開嘅唔同，係更Q彈有咬口🤤而且唔會過甜，好食抵讚！