原汁原味 (已易手)

之前係某雜誌睇到一間係灣仔ｏ既餐廳，吸引我ｏ既除左佢個名「原汁原味」同佢ｏ既特式裝修外，另一樣吸引我ｏ既就係個老闆係一個基督徒，之前去過幾間基督徒開ｏ既餐廳，感覺唔錯，最起碼個老闆同埋Ｄ伙計都好好服務態度。之前見Ｄ食評多數都係晚餐，我就特別Ｄ，去左果度食下午茶。一入到去，果裝修真係十分之唔錯，木抬，鳥籠燈，同公雞碗碟，十分「中式」，比起響雜誌睇有過之而無不及，見到個老闆響裝修設計上的確有落心機，呢方面真係抵讚。下午茶選擇唔係太多，可能下午茶始終都係西式玩意。Ｄ侍應態度果然都好ｏｋ，難得仲有四萬咁口ｏ既笑容，咁ｏ既服務態度，又一抵讚。另一難得就係成班後生仔，我估計應該係Ｄ中六至到大學ｏ既後生仔，又估計佢地應該係暑期工，難得在老闆都會俾機會呢班後生仔，真係唔話得，因為睇落去佢地都幾新手。同個朋友叫左個雞翼公仔面，蝦多士沙律。講真，公仔面都無咩特別要求，反而想知下個蝦多士係點。個蝦多士終於黎啦，睇落細細件咁，仲剩係得３件，囧．．．．不過食落又幾得意，可能係因為之前我未食過啦，可惜得三件，如果整多幾件我都真係食得落。不過食食下野有件事發生左令我有Ｄ詫異，就係有個睇落係大家姐ｏ既侍應係舖頭度鬧個

此店一開業就想一試，不過見到其他食友對此店的食物質素評價也是一般，所以多等數個月，待它真正穩定下來，才入內一試。此店兩層高，裝修富有舊中國色彩，頭上掛了不少鳥籠，抬也是用木做，而抬面沒有放任何餐牌，牙簽，調味品等等。此店午市菜式大多是三十多元，每天只賣十多款食物如咖哩牛腩，芙蓉蛋等等，店方說是希望在控制食材品質做得較好。我坐在對街的位置，沒有之前食友說的抬貼抬的壓迫感，但就要忍受門外路過的人對著我吃的東西有著好奇一看之心態，我沒有怪他們，怪只怪餐廳那位置的確會吸引街外人的注意。我點的是東坡肉，是比我想像中好吃。肥位不覺得太膩，最頂層的肥位其實不多，瘦位夠淋，加上很入味，是不錯的選擇。飯用上紅米，結成一團，不太吸引，幸好那些汁送飯一流。最終是覺得飯的份量是不夠的，吃完還有不少送要淨食。飲品又要再加幾元，沒點，來了一杯茶，可當作水飲。吃的時候在想，如果女人坐在對面，應該都會話 “肥呀，唔準食!!”，但我偏偏愛吃肥膩的。

看到雜誌推介便來一試。叫了一個晚市套餐，這包了一盅湯，小到不得了-雖說是給二人的分量。餐還包了兩款小菜--我們叫了鹽焗雞和沙拉骨。雞的碟頭份量是例牌，少得驚人。味道和質感一般，有點死實。餐還包了一籠陳村粉，我們選了榨菜牛肉。陳村粉不錯。由於份量不多，我們叫多了一碟炒菜心。餐後敬送薑汁撞奶甜品。整體而言，價錢偏貴！

班親戚裏面提議今年過年唔去大酒家吃，屋企附近有新店，細細間，門口棟個牌介紹新年菜，唔係大魚大肉果种。雖然新，我地班人從來好願試新嘢，大節流流，都大膽要試下。14人兩張台，有D迫，但係都過得去啦。金華玉雀係去骨雞，食得出塊華腿好正，唔係一味咸，重化學味果D。如果刀功利落D，切薄D仲正。哈哈大笑好得！咸蛋黃好香，又流嗮沙，蝦確有蝦味。雖然新年海鮮會貴，都無話用雪藏蝦，都真係幾唔錯。二人份的腊味飯不容錯過。最尾先來，無辦法啦，即叫即蒸，橫惦有腊味，本身好送飯。炒佐春菜，香港好少有得食。細細條，又脆又嫩。侍應解釋係菜心+芥蘭的駁枝物體。其他菜式都中上。貴可能貴D，不過新正頭都預佐啦。甜品食千層馬拉糕，夠蛋香，中間夾奶黃，好軟，又唔太甜。燉奶都好好，熱辣辣。個名改的幾恰當：窩心什麽什麽暖瓊漿。唯獨是個湯有的強差人意。幾粒豬利丁，蓮藕味都唔夠。店員話哩個菜單只做過年兩個禮拜。悌黎過年后會有新菜牌，可以番來再試。

Be mindful when you pay the bill. They will not charge according to the menu and will never tell you the reason behind. I was charged for HKD117 per dish but the actual price was just HKD78.For the food, quality is just like traditional hk style cafe but the price is double of them. Really very very so so... Having said that soup quality is ok.

之前有跟同事來這店吃午餐, 味道不錯, 價錢雖然有點貴, 但還是在可接受水平.今天跟沙牛男友到這店吃晚餐, 看到餐牌真的是覺得太夢幻了一點 煎魚$78 鹽焗雞$78 問一下是否套餐值, 答案”不是!” 吓! $78不包飯不包湯只有一碟餸? 老闆, 這裡是灣仔, 不是置地啊! 我住灣仔幾十個年頭, 這裡的人絕不會以這個值錢去吃一個餸, 包括我!煎魚 – 男人手板大小, 老實說煎得香香的, 不過, 住灣仔的都是踏實的煮婦, 一條在街市賣$15的魚賣$78 新鮮感過後就不會回來鹽焗雞 – 只有四份一隻雞, 味道太鹹了! 一看就知是切好”番叮”, 雞肉都縮小了, 這個情況是我帶雞飯盒當午餐常見的, 騙不了人!飯值多少錢? 請加進餸內吧! 給人家一個”不姑寒”的感覺, 好嗎?沒有下次! 沒有下次! 沒有下次! … 下刪一百個”沒有下次" 我想三個月後也許再見不到...

自問尚是俗人, 不能免俗, 仍然受金玉其外影響, 包裝多於一切的東西, 始終受惠於俗眼。原汁原味, 開了不久, 門面裝修, 頗有格調。又曾參考外賣紙, 見菜式頗多, 又有懷舊菜, 便有心嚐嚐。於是, 某晚專程去試, 才知晚市菜式其實不多, 只有經典篇中十三道菜加是日懷舊篇一款菜, 以及監焗雞。本人不吃魚, 上述十五個選擇中又有三款是魚, 於是只有十二個選擇。結果選了鹽焗雞、波蛋土魷蒸肉餅及怡香茄子肉碎煲, 外加缽仔紅米白飯及眉豆雞腳湯。鹽焗雞：一上枱便已經是不熱的, 很好。雞本身沒有味, 完全沒有用鹽焗過的痕跡, 相信連福爾摩斯來推理調查, 都找不到結果。全靠那碟沙薑粉開的汁, 才令雞變成「沙薑雞」的味道。波蛋土魷蒸肉餅：叫菜時已經多口問過何謂波蛋, 結果只知「打隻蛋落肉餅度」的答案, 也是實情, 問題是, 整個肉餅, 得兩口是吃到有土魷, 肉餅相信是用免治豬肉, 而非人手剁成, 質感差到好似以前「點心皇」的盅頭牛肉飯一樣, 盛惠五十八元, 多謝晒, 如果換上用鹹蛋, 有理由相信可以賣到六十八元。值得一提的, 是隻蛋亦都太熟, 倒不如整個窩蛋牛肉飯, 起碼還有蛋汁可言。怡香茄子肉碎煲：

經過灣仔道發現有一間非常懷舊裝修但是又明顯是新開的中式餐廳，趁時間早入內試試新事物是我所喜愛做的事情。 果然店內的裝修是根據客棧一般的佈置，好像頭頂之燈罩以鳥籠做，檯燈十足客棧的木枱木櫈，碗碟以客家傳統的公雞碗為標誌。 餐牌以星期一到星期日有不同之小菜和湯做選擇，好像今天就有蝦蒸芋頭蓉，另外我們要了一碟煎鯧魚（因為他們說是招牌菜）和一個缽仔蒸飯（內有紅米）。 缽仔蒸飯也許是紅米的關係有點硬，不過還是好吃的。 蝦蒸芋頭蓉有點像蒸豬肉，不過芋頭蓉就很香，內有數條蝦，自己覺得比較新奇，起碼不是什麽地方也可以吃得到。 煎鯧魚雖然魚比較細條，不過幸好煎得剛剛好，非常脆口。 午餐時分有不同的選擇，大部份也是30多元左右一碟。 的確在此吃飯有一種回家吃飯的感覺，其實很多時候那種在家吃媽媽煮的飯菜應該是最好吃的！

同事極力推介呢間....入到去...好像大家X 類...睇完牌, 俾錢, 拿飛, 搵位坐....有專人送黎我地張台...(但因為12點食, 如果晏d 多人, 應該會幾亂)鹽焗雞飯$38, 凍飲要加 $8, total $46 (lunch 黎講, 幾貴)同事叫蕃茄蛋炒牛肉...well...又係屋企可以煮, 好簡單ge 餸菜...同事有叫湯, 西洋菜唔知咩湯...真係好足料的...佢地話因為有湯先黎食...無味精湯....可能同事少食住家飯...但我日日都有屋企湯水飯食...反而覺得麻麻.....同埋價錢算貴....有少少大家X 的感覺... overall...可以一試....係幾健康ge...

今晚又同老公做對"無飯夫婦"日日搭車都經過此舖, 決定一試分別叫左例牌鹽焗雞, 煎倉魚, 清炒時菜(揀左春菜) 及一個白+紅米飯讚：- 因為新開,所以地方新淨企理- 條倉魚煎得可口之餘唔油膩, 幾好食彈：- 款式實在少, 一個menu, 一版係星期一至六指定菜式, 每日得果一款湯及一款餸啱就啱, 唔啱就成版唔洗睇.另一版, 數得出得十數款...某程度真係揀無可揀- 味道真係食唔出原汁原味, 因為樣樣野都係普遍無味, 係除左條魚有味其他野一律靠點0的醬, 連鹽焗雞感覺都焗得唔夠耐,所以唔入味, 要靠沙薑去提味- 個飯唔知點解要標榜紅米...果0的紅米少到呢..真係數得出成碗飯得10粒係紅米- 雖然是晚人唔多,但係上菜唔算快, 等得最耐竟然係果道炒春菜, 等左成10分鐘味道雖淡,但係我食完竟然頭痛...又係味精相信唔會有下次

這夜進行了一個3人蚊型小局,來到坐下看見餐牌後本有些好感,因為通常項目少的話,厨房的出品應會更專注,出來效果會更好!但世事往往出人意表!酸薑皮蛋----賣相不討好,皮蛋是廉價貨.那一堆酸薑有滑潺潺的感覺.雪菜毛豆----這個反而又不錯!那幾粒豆膶吸了調味料的味道,很香口!雪菜亦都洗清了本身過咸及霉的味道.有點麻油香味.沙薑雞脚----烚得很軟淋但味道極淡,而且有兩兩隻未剪脚甲!南瓜魚尾瘦肉湯----外表看來像煲得很濃似的,入口有南瓜及甘筍味道,唯獨失去了魚的影踪.盬焗雞例牌----色澤有點Over Cook的樣子,雞皮感覺黏黏的,肉質一般,味道亦一般.家常蒸水蛋----蒸得很滑溜,有用少量瑤柱吊味,底部肉碎蒸後提供的肉汁,令到底部的蛋有點肉味.波蛋蒸肉餅----肉餅上的不是咸蛋而是雞蛋!究竟用意何在?肉質不太新鮮,已接近要打堂齋超渡一下的地步.刻意營做的懷舊感覺不太成功,檯與檯的位置距離太近,有點迫狹.是配套不足還是功力有限?不得而知!只知這刻需要轉場,去填飽自己那入座率只得三成的胃部空間.

今日行經哩間新鋪，入去八下。裝修幾特色，弔雀籠做燈，係就係暗D。下午茶時間，只有兩三台客人，仲有一台食緊午飯。望下墻上餐牌，竟然話有姜汁雙皮燉奶，18蚊，我的至至愛，幾大都要試啦。果然有驚喜，熱騰騰的，又白又滑，陣陣姜的香味，好醒神，奶味好濃，真係大好發現。以我食盡港九雙皮奶，肯定唔係粉開的。聼侍應講，一日做唔多過10碗，賣完就無。晚市正价賣22蚊。又見到有職員好似上緊網。正！第日下晝無堂可以過來hea下啦。其它下午茶餐都幾有特色。有個叫什麽什麽鬆餅，個名好長，下次再來砌過。

今日中午在大有商場買完東西後,步行往灣仔道,不久就找到這家位於翻新唐櫻地鋪的店.原以為是吃小菜,但原來午市是自助購票的快餐式.午餐價錢跟大xx的差不多,但較美味和有營養.我要了鹽焗雞飯,雞盛在一公雞碟,有雞汁浸住,皮沒有汁,有點香脆,有炸子雞的味道.雞肉很鮮甜,也很滑,很入味.超讚.至於公雞碗盛載的紅米飯,很香很軟也很健康.雖然沒有加油菜,但也附送兩條小白菜,算有纖維了.下次要試試他們的晚市.

一月中旬「原汁原味」，疑似用鮮材料入饌的「食字」菜館，傳媒今天著眼點仍徘徊尖沙咀兩大商場，未及查探及介紹灣仔道這邊的新張小店，這天就約了兩位麻甩食友，組白老鼠團隊試試新店「食字」準繩度。走懷舊風格的小館子，滲著七十年代餐室味道，紙皮石、紅磚場與及一系列雞公碗，大有Dining Wok的「鬼佬中菜館」影子，兩層樓式設計，奈何位置迫夾，其格局是連放背包的位置亦欠乏，四人檯三人來好了，留下一張凳子放行理吧。食友皆愛吃亦很擦得，三人試菜，一下來就三道小吃、一盅老火湯再打幾味小菜，卻因檯子位置所限，要分三輪點選，不然菜同時間下來，並要同時間處理，著實令人頭痛。三味小吃分別是皮蛋酸薑、沙薑雞腳與及雪菜毛豆，本土與滬風夾滲其中，以鹼味嗆喉的「實芯」皮蛋最不滯，雪菜毛豆是剛由雪櫃取出，雪菜與毛豆皆無驚喜。更多的新店分享＠http://foodxfile.blogspot.com/2010/01/blog-post_13.html

40零蚊好小菜+飯.肉餅蒸飯, 好唔得, 肉飯超硬, 唔知想點.咖哩飯, 沒有咖哩味 大家樂比它還好~~~ 起碼還有飲品