原汁原味 (已易手)

班親戚裏面提議今年過年唔去大酒家吃，屋企附近有新店，細細間，門口棟個牌介紹新年菜，唔係大魚大肉果种。雖然新，我地班人從來好願試新嘢，大節流流，都大膽要試下。14人兩張台，有D迫，但係都過得去啦。金華玉雀係去骨雞，食得出塊華腿好正，唔係一味咸，重化學味果D。如果刀功利落D，切薄D仲正。哈哈大笑好得！咸蛋黃好香，又流嗮沙，蝦確有蝦味。雖然新年海鮮會貴，都無話用雪藏蝦，都真係幾唔錯。二人份的腊味飯不容錯過。最尾先來，無辦法啦，即叫即蒸，橫惦有腊味，本身好送飯。炒佐春菜，香港好少有得食。細細條，又脆又嫩。侍應解釋係菜心+芥蘭的駁枝物體。其他菜式都中上。貴可能貴D，不過新正頭都預佐啦。甜品食千層馬拉糕，夠蛋香，中間夾奶黃，好軟，又唔太甜。燉奶都好好，熱辣辣。個名改的幾恰當：窩心什麽什麽暖瓊漿。唯獨是個湯有的強差人意。幾粒豬利丁，蓮藕味都唔夠。店員話哩個菜單只做過年兩個禮拜。悌黎過年后會有新菜牌，可以番來再試。