占占酸辣米線 (已結業)

點解呢間麻辣米線會16篇食評全部都清一色好評?可能只是因為旺角或是何文田比較少米線店吧。米線有麻辣、酸辣兩種湯底，當然還有清湯，不過我覺得，這樣的湯底火候不夠，很明顯湯底沒有經過長時間熬製，因此我覺得辣味流於表面。 配料比較少，幾款食材都只有幾件，幸好米線份量都算公道，使用的米線夠幼身，彈力都不錯，和大角咀我們最喜愛的巴蜀米線差不多。以這個差不多$60的麵條來說，份量非常少，只有三至四粒豬大腸，雖夠爽、腩肉都只有三片左右，不太肥膩。另外的炸午餐肉，亦都只是一片比較厚的午餐肉切開兩塊，配料的份量的至少。凍檸茶都算味道不錯，至少茶味不會太澀，檸檬亦都算是鮮香，不過這個餐加$6左右有冷飲。這個不算太大的三餸米線加杯凍飲都要$58，食品完全沒有特別，味道也沒有特色，比土瓜灣上次那間<<重口味>>美味十足的麻辣米線，味道差得多，而且價錢又唔貴，絕對不會再來。

見到疫情都比較穩定，冇乜確診個案，就嚟呢度試吓糖堂食。一入到去，環境尚算寬躺。每一張枱都有隔板，而且限定每張枱只可以坐兩個人，指示都好清晰。一入到去見到兩邊牆有好多高達油畫，好精美，同埋仲有好新嘅感覺，覺得吊住應該花咗好多心思做裝修。可能係因為裝修嘅原因，唔會覺得店舖油粒粒，讚👍🏻要一碗肥牛米線🍜料：- 大概可能有二十片肥牛🐮- 好足料，雖然每一片應該俾人切咗一半，唔係特別長，不過都好足夠- 加咗豬大腸，冇乜特別驚喜，唔會有太大豬🐷蘇味- 見到碗米線，覺得個麵質應該會比較彈牙，可惜可能浸林咗少少，感覺有少少失望湯底：-叫咗一個酸菜湯底，有好多酸菜 - 叫咗小小辣，感覺唔到有辣，下次可以試小辣或中辣-少少辣，個湯底都唔會變紅，唔食得辣嘅朋友唔使擔心總結：性價比幾好，食到飽飽都係$53，加咗豬大腸加$9，會有下次

收工後又想黎個快食，見到勝利道開咗一間酸辣米線，唔食辣嘅我都決定踩下場先有唔同套餐，應該係餐廳嘅招牌米線🍜 另外都可以選擇3餸米線餐，都係50蚊咋～清湯肥牛米線 $50 配熱檸水清湯娃娃菜 $23最終都係簡左肥牛米線🍜 肥牛控嘅我都係引唔住誘惑，黎到發現超多肥牛！重點係佢個肥牛唔係成片都係肥膏嗰啲，肉同肥膏分佈十分均勻～佢嘅米線係幼身米線。另外個清湯娃娃菜係十分驚喜，超大碗！而且佢嘅清湯並唔係普通清湯，係帶有魚湯味嘅，啲娃娃菜浸落去係十分入味的！

餐廳位於旺角，鄰近地鐵站，地理上還算方便快捷。餐廳主打的就是酸辣米線，這天當然有好好品嚐。如果這天點選的也就是雞翼米線，絕對是一個超水準的作品，雞翼份量十足。最重要味道一流，經過廚師用心炮製，吃起來肉質也不錯。但最重要的還是他的麵質，麵質入口滑嫩，入口細緻口感一流，而我挑選的湯底更是麻辣湯底，麻辣不像化學湯，喝起來還有多重不同的滋味，最重要不是單純的辣，麻和辣的比例配搭得剛剛好，絕對是超水準之作。

去了寵物街買狗寶寶🐶的零食，無意中發現了有間酸辣米線，晚餐就試試佢吧！招牌沙嗲屋村三寶酸辣米線，屋村三寶即豬皮、牛柏葉、魷魚，香濃的花生醬、麻醬，而且三寶是與米線分開上的，不怕擾亂口感，又食到沙嗲和酸辣兩個味道，酸辣平均，十分清爽。黃沙豬膶米線，爽脆的豬潤，沒有帶半點羶味，配上麻辣小辣，湯底惹味又刺激，值得一提的是這裏的米線較為幼細，口感比較滑一啲。米線餐包含飲品一杯，剛好可以解解辣。炸物拼盤，包括了炸燒賣、炸墨魚丸和炸墨魚腐皮卷，即叫即炸，好新鮮，但食的時候要小心燙口，特別喜歡炸墨魚腐皮卷，外脆內軟的口感非常好👍🏼炸鱔魚骨，與一般魚皮不一樣，用了鱔魚骨去炸，外表金黃，每食一口都是脆卜卜，連自己都聽到那鬆脆的聲音，又帶鱔魚香味。埋單時都買多一包帶回家做零食呀😆✨

今日經過勝利道，見到有間新開米線店叫占占酸辣米線，就入去試下。發覺原來勁多選擇同配搭。今次點咗招牌沙嗲村屋三寶米線，入面有豬皮、牛柏葉、魷魚，配上港式香辣沙嗲真係食到停唔到口，再加埋爽滑米線及鮮味湯底，果然係必食套餐。另外叫咗個三餸米線餐，揀咗紅薯粉，少少辣麻辣湯底，餸就揀咗鹵水雞翼、魚腐及豆卜。每一樣自選嘅餸因為自己揀所以一定鍾意食。另外小食揀咗炸燒賣及炸墨魚丸，估唔到炸燒賣呢度咋得特別好味。炸墨魚丸就配上胡椒及鹽，真係超級惹味。如果大家鍾意食米線又鍾意自己揀餸，可以嚟占占酸辣米線。

今日上完堂回家見好想食米線剛剛見到學校附近有一間新開幫米線店入面見大多數都是年輕的店員播住流行曲氣氛很輕鬆店舖雖然細但坐位不少坐的空間也很寬落因為都晚上八點所以點了少少怕晚上吃太飽會睡不著♥️秘制手打牛丸米線$50加生菜$8酸辣、少少辣秘制牛丸果然與別不同因為手打牛丸除了要彈牙外還要有咬口占占的牛丸不但有咬勁和彈牙外牛丸一咬開居然油份充足我咬開一粒起初以為眼花再吃第二粒、第三粒、第四粒發現粒粒都有油份油份充足但不油膩除了在味覺上昇華外亦令牛丸不會太過乾柴增加牛丸的濕潤度👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻第一次吃到入面油份充足的牛丸為了這牛丸值得再次光顧至於湯底酸辣味溶合得很自然辣味夠出但不會搶走酸味但辣度是不嗆鼻的辣辣得很「舒服」這湯底和另外知名米線不同酸度不會特別突出但喝上一口湯酸味會慢慢走出湯底很清不濁就算喝光也不會太過口渴🧡雪碧加檸檬$4+$8📍 占占酸辣米線 (旺角)旺角勝利道16號地下B號舖

占占酸辣米線旺角勝利道16號地下地鋪同男朋友經過旺角購物好想試一次真正嘅酸辣米線。這間餐廳比較別緻位於鬧市當中。酸辣米線特別多選擇，我哋揀咗喜歡嘅雞絲冬菇魷魚韭菜以及酸菜，當然有女生最愛嘅墨魚丸。墨魚丸一個字就是鮮美而且彈牙，令人覺得v amazing,值得一提當然係佢哋嘅上湯。無論配料選擇又多又新鮮真係好適合一家大細。😊😊😊男朋友就比較喜歡佢哋嘅真正炸黃鱔骨片,亦即係炸魚皮。非常乾脆,真係唔同。

湯底方面: 飲得出好鮮甜 唔會好重口味同好油 米線質感剛好 煙韌有口感😍 掛湯力強‼️ 但出奇地米線超多 就算剔少米線都勁多🤣 一路食一路飲 到最尾飲晒啲湯 但係食唔晒米線🤣🤣炸醬雞絲魷魚 酸辣 少少辣 $50 - 8分 炸醬撈落個湯度令湯底酸酸甜甜 超級開胃‼️ 魷魚大大條非常爽口👍🏻腩肉貢丸煙鴨胸 酸辣 小辣 $50 - 7.5分 薄切腩肉 肥瘦適中 唯獨是差咁少少調味🐽 厚切煙鴨胸大大片🙈炸雞軟骨粒 $28 - 8分 激讚😍😍 外皮薄脆 而且醃料非常入味😝 咬落卜卜趣 香口到不得了🥰總括嚟講 三餸米線只需$50一碗 而且係真係超「大」碗🤪 性價比高 老闆態度非常好客 而且好好傾 超有人情味嘅米線舖🍜

「三餸米線🍜 $50」$50就已經可以食到三個餸嘅酸辣米線真心勁抵👍🏻🙌 餸嘅份量每款都唔少 唔會偷工減料☺️ - 魚腐腩肉豬大腸 麻中辣 超讚滷水豬大腸勁入味 完全冇屎臭味 淋得來又有咬口😋 腩肉肥瘦適中~ 湯底清得來又辣得好過癮 輕微麻痹感覺 正🥰- 腩肉雞絲炸魚角 清湯 湯底驚喜地清甜‼️ 對於唔食得辣嘅我覺得啱啱好 清得來又唔會淡而無味👍🏻 雞絲碎得來又唔會爛晒🤩「炸黃鱔骨片 $40」加入湯食勁Perfect😍 薄而酥脆 口感十足 而且勁香口食唔停🙌「炸墨魚春卷$25」炸到外皮卜卜趣 內裏厚實彈牙👍🏻 免層撒上少量椒鹽粉調味😋總括而言 喺勝利道來講算係一間性價比超高嘅餐廳 米線湯清甜得來有麻香味 唔會好重口味或者食完覺得好膩 順帶一提米線嘅份量係多到嚇親人 超驚老闆會蝕本🤣 而且態度非常親民 一定會再戰‼️

香港人真係好鍾意食米線，今日去食呢間叫做占占酸辣米線，入邊地方光猛，好寬敞。有好多卡位。黃沙豬潤墨魚丸米線：謝謝推介我食，果然冇介紹錯，豬膶好爽口，一啲都唔腥，墨魚丸好鮮甜，有咬口。炸黃鱔骨皮：好脆口，炸到好金黃色，點一點啲湯食非常一流。上湯娃娃菜：我不嬲都好鍾意食娃娃菜，今次仲有驚喜，配埋好甜嘅上湯，份量亦都好大，好抵食。佢哋種類好多款，又可以揀小米線，任何配料都有，大小中bb辣同時間全部職員都好親切，好主動推介你食啲咩。

勝利道除了有多家寵物相關的店，還有一家平靚正米線店占占！週末這晚有超多學生來光顧，我和男友差不多是最年長的客人了！看了餐牌就知道，原來是因為學生餐更抵食呢！我們也不執輸吃三餸米線，還另外追加小食。首先是招牌沙嗲屋村三寶米線，是大大碗有鮮味的清湯米線（因為分開上，可自選任一湯底），加一碗有著濃郁沙嗲汁的豬皮、牛栢葉和魷魚。沙嗲汁很濃稠惹味，充滿花生香味和口感又不會辣，我們還用來撈米線吃，一味兩食！牛栢葉和魷魚都好爽口，量也不少。然後就是我的自選三餸酸辣米線，湯是清湯底加酸菜，沒有加紅油那些較健康，但酸味辣度仍然突出，真的看不出來！炸午餐肉超邪惡，非常厚切啖啖肉。雞翼則是鹵水醃製，煮得入味，肉質嫩滑又有肉汁。腩肉很有驚喜！豬肉柔軟，脂肪部分一點也不油膩，感覺倒是挺清爽，味道甜甜的好香。我見手打牛丸不在三餸表的選項內，直覺這也是主打菜式，直接點了一碗，是用清湯盛載六大粒加一些生菜。男友先吃，咬下去有索索的聲音，好彈牙！然後就立即感受到滿口清甜的肉汁，好正，果然是秘製牛丸，必食！最後就是想要點個炸物，店員就推介了炸墨魚春卷，據說也是招牌菜。頂層有胡椒調味，有香脆的外皮、有咬口的雪白墨魚肉，很香

好難得喺呢條街搵到$50米線仲要包埋嘢飲！叫咗個麻辣湯底少少辣唔會太鹹個春卷亦都好好食總括嚟講性價比高最緊要係啲服務員態度好好！一定會介紹街坊嚟同埋繼續幫襯👍🏻

-🔸自選三餸米線 $50🔸清湯生菜 $20🔸凍飲 +$3-今晚收工一個人獨獨食，就去咗食依間新開嘅占占酸辣米線。叫咗一碗自選三餸米線，有超厚切嘅午餐肉、入晒味嘅鹵水雞翼、同埋墨魚丸。湯底揀咗少少辣嘅酸辣湯，好味又開胃啊！除咗自選嘅餸之外，仲有大量芫茜、芽菜、韮菜等配菜呢！想講個米線我剔咗少米，但都仲係勁多米線，最後竟然食唔晒LOL另外加$20叫多碟上湯生菜，估唔到份量好多，仲有成碗湯咁浸住，係鮮甜嘅上湯啊！

餐廳：占占酸辣米線 (旺角)地址：旺角勝利道16號地下B號舖勝利道喺旺角同何文田一帶嘅食街，成條街都有各式各樣嘅餐廳，中午時間有啲肚餓又好耐無食米線🍜，去咗呢間開咗一個幾月嘅占占酸辣米線食晏出面嘅米線店好多都唔包嘢飲，佢哋竟然做到$40-$50一個米線仲包埋熱飲，堅喺抵食🤪，學生中午時間嚟食米線仲有優惠添👍招牌沙嗲屋村三寶米線 $50店員果然無介紹錯😍！餐廳自己調製嘅沙嗲醬香甜惹味，出面絕對食唔到，豬皮、魷魚、牛柏葉每一啖都充滿沙嗲香，仲煮得好爽口好腍，真喺食過返尋味😋。米線湯底可以揀清湯、麻辣或者酸辣🌶，任何湯底都唔洗加錢，仲有好多嘅配料，芽菜、韮菜、蔥花、芫茜等，夠晒豐富😎炸黃鱔骨皮 $40炸魚皮好常見，炸黃鱔骨皮就真喺第一次見，因為有魚骨嘅部分，食落比一般魚皮更加香脆💥，$40有五大舊同一啲零碎嘅部分，食唔晒仲可以入落袋拎走返去慢慢食😛