博多拉麵別天神 (已結業)

別天神食過唔止一次，不過中環呢間分店真係第一次食，同同事每人食左一個套餐，係別天神套餐同埋蝦味噌套餐啊😍😍食拉麵除左要食湯底嘅濃香，仲要食埋最令人熱愛嘅糖心蛋，嘻嘻😃當然好味嘅叉燒都好重要啊。叉燒咬落爽爽地，又唔痴牙就最令人滿足😋蝦味噌湯底仲有滿滿嘅蝦米係面，令到成碗麵都好蝦味😗湯底濃得黎一啲都唔會太咸，食完都唔會覺得口渴添～小食方面，小龍蝦蟹子沙律同餃子都係我嘅期待之一🤩有粒粒龍蝦肉之餘，咬落仲有蟹子粒，脆卜卜。另外食拉麵，係一定要配餃子架真係缺一不可！兩個女仔都食得乾乾淨淨。今餐真係好滿足啊😆

一間非日本過江龍，地道香港既拉麵店，但能夠不停開分店，仲開到去海外，究竟有咩地方咁厲害？一試便知！餐廳內外經過好幾間別天神既拉麵店，都係比較細間，廚房之後一張bar枱。用自助點餐機，整體感覺似日本小店模式。食物選擇店內食物種類不多，就係兩款味道既拉麵，分別係豚骨及蝦味噌，咁就一於各一。豚骨湯麵 $75標榜係100%豚骨加純水，用壓力鍋長時間熬煮，絕無添加。湯底顏色果真超雪白濃厚，一呷豬骨味好出而且唔會有死鹹既問題，湯底仲有木耳絲、碎蒽、溏心蛋一隻及叉燒兩片。溏心蛋略熟左少少，叉燒為瘦叉冇乜肥膏部分。店內有教，鍾意仲可以加入蒜茸、辣芽菜及拉麵汁調味，以$75嚟講，價錢及味道成正比。蝦味噌套餐 $115套餐另外包括小龍蝦蟹子沙律及餃子4件。先講小龍蝦蟹子沙律，估唔到有驚喜，小龍蝦甚多，肉質彈牙，味道似千島醬，好開胃！至於餃子皮薄，可惜煎得唔夠脆香，內裡偏淡無肉汁，較為遜色。蝦味噌湯拉麵既蝦米頗多，湯底比起豚骨湯冇咁濃稠，反而仲比較清淡啲，兩者中我比較鍾意豚骨湯麵。價錢以香港眾多拉麵店來說屬正常價位，選擇不多有點似日本啲小店，正所謂好味既一款就夠，依家分店都不少且頗方便，適合快餐一族主義既朋

對於一間有自信嘅食店尼講，食物款式並不需要太多，質素只要夠高，簡而精，自然吸引到一班識食之人有單叫拉麵，或套餐，套餐就會多個龍蝦沙拉同埋餃子。咁我同朋友就叫左一個set加單叫一個拉麵啦。豬骨湯底叉燒拉麵+蝦湯底叉燒拉麵套餐。豬骨湯底係奶白色，屬於濃稠嘅湯，而調味方面就較為淡少少，吾會有好漏嘅感覺。叉燒係中等厚度，肥瘦適中，而且仲原彈牙嘅筋位，幾好味蝦湯底比較濃味，湯面仲會撒左吾少嘅蝦乾，增加蝦拉麵嘅口感。中意蝦嘅我覺得可以試一試。

中環接完屋企人放工就去食間拉麵，大家都知道最近博多拉麵別天神好出名，就行過去試一試佢。佢個位好近擺花街，都幾方便，可以先用機器電單之後先坐低。好多嘢都好方便，包括茶水自助，有不同各式各樣的配料，頭上仲有紙巾提供的。我哋就叫左兩款小食同埋兩碗拉麵試一試。 豚骨湯麵湯底有豚骨香味但係都好清新，唔會太油膩Feel，豚肉肥瘦適中，糖心蛋甜香十足。拉麵方面時間啱啱好，口感彈牙。蝦味增豚骨湯麵蝦味增湯底比預期中清新好吃得多，表面有蝦乾令口味更加有咸香，令本身對蝦湯拉麵冇乜興趣嘅我都覺得好正。餃子方面總共有四隻，熱辣辣表面金黃，材料豐富調味亦都充足。龍蝦蟹子沙律配搭紫菜都係一個唔錯嘅前菜，鹹味做得啱啱好，好爽口。

放工後打算在擺花街的小攤檔買萬聖節裝飾，及後見到這家「別天神」拉麵店，店外裝修充滿日本風，見到一張長枱很是傳統拉麵店，於是就入去食個晚餐。.要首先去販賣機付費，這裡專注做2款拉麵，分別是「豚骨拉麵」及「蝦味增拉麵」，套餐價是$105及$115。小食可選「小龍蝦蟹子沙律」或餃子四隻。在中環而言，價錢不算貴。.豬骨湯是超濃的白湯，奶白色的，湯底是我飲過最正的。豐厚入味，滿是豬骨的骨膠原。在台前的紙有介紹，原來湯底是沒有加牛奶或其他色素，全是高壓鍋熬製而成的。.蝦拉麵的湯底也非常不錯，我飲了一口，很濃郁的蝦味，有少少似西式龍蝦湯的感覺。.小龍蝦蟹子沙律很足料，啖啖都食到小龍蝦肉及蟹子粒粒，包著紫菜食更有日式風味呢！.食完大約8點，已經有人要排隊，相信很受附近打工仔歡迎呢。

主打無味精豚骨湯底既博多別天神，拉麵選擇唔多得兩款🍜，分別有蝦味噌同別天神套餐，套餐包一碗拉麵、餃子或小龍蝦沙律🥗。但正正因為選擇唔多，所以廚師先可以專注咁做好呢兩款拉麵🥰。-枱上有拉面汁、蒜蓉、辣芽菜同七味粉可以比你調配口味，超推介蒜蓉同辣芽菜！落完之後成個湯底都超濃超惹味🤪。-蝦味噌套餐 $115湯頭非常濃郁，每啖都食到櫻花蝦🦐，蝦味噌濃而不膩。拉麵掛湯度做得唔錯，配菜粟米粒亦可以突顯到蝦既鮮味🌽。-別天神套餐 $105 湯底熬煮成奶白色，口感滑溜得黎帶濃濃豚骨香，仲飲到啲鮮甜味添😋。叉燒厚，但肉質幾嫩，唔會好柴。．溏心蛋超驚喜😍～醬油煮到蛋白入哂味，蛋黃味超濃厚，好好好好好食！-日式煎餃煎餃外脆內軟，帶少少焦香，咬入口仲標左啲肉汁出黎💦～-小龍蝦沙律每啖都食到彈牙既小龍蝦，配紫菜食好香脆，而且可以減去左沙律既膩感，比我想像中更好食😋！-食到咁上下既時候，店員仲向全場每位客人送防RFID卡套同紙仔比你寫上心願。卡套對於星期六日成日行街街既我非常有用😇，而心願紙上亦都寫左呢四個月每個真香港人既訴求。香港人，反抗💪🏻

今晚嚟到中環食拉麵！揀左已經係hk 6年嘅別天神💁🏻‍♀️ 餐廳係自助形式嘅，買飛後同店員講就可以了。要左套餐的，先上小食蟹籽沙律 🥗 明太子超多，咸咸地，入面有d蝦肉，幾彈牙！包紫菜食口感更特別🥳之後係煎餃子 🥟 皮薄多汁，煎得香口又冇乜油🤤🤤主食來了！一碗係招牌豚骨😚 白湯非常濃郁，又唔會好咸的，有豬骨香氣😻😻 叉燒燒得香口，肉質唔錯，唔會過硬！麵底係幼嘅，唔會過軟👍🏻👍🏻另一個係蝦湯😆😆 蛋要一讚！非常流心，醬油味十足🤤櫻花蝦干都好多下，所以湯底幾甜的😀 配料仲有不少粟米，配嚟食好正💁🏻‍♀️💁🏻‍♀️

今日去左中環行街，除左高級西餐廳之外，中環最有特色既地方就係cafe。因為附近番工既白領太多，所以都有好多cafe開左係中環。今日同個朋友食lunch，特登去左中環一間拉麵店啊。別天神，我係紅磡番學既時候成日都會去食架！因為價錢唔算貴，而且拉麵好高質素啊！我叫左豬骨濃湯，配上龍蝦沙律。拉麵湯底濃香夠甘甜，奶白湯底好足料，甜度非常甘香。叉燒香嫩唔鞋口，拉麵彈牙掛湯力又高。溏心蛋最吸引，蛋味好香好濃！

上環收工同同事行開去中環食晚飯，咁啱見到間拉麵店朋友話想食拉麵，我們都入去醫肚啦。呢間拉麵店個名幾得意，叫博多拉麵別天神，鋪頭雖然細細間，但好有日本風格，真係好似去左日本的拉麵店一樣啊。我們小食點左兩款，一款係小龍蝦蟹子沙拉，係配紫菜吃的，吾好睇佢細細份，d蝦肉都好厚身，而且加埋蟹子，脆脆的口感，包住紫菜更加係一流。而另一個就係餃子，餃子也是皮薄餡靚，煎得剛剛好，好好味。我們點左兩份拉麵，一個係別天神拉麵，係用豚肉做湯底，超濃厚的豚肉湯味，正到爆，而豚肉更係夠嫩厚，，加上有一個分開兩半的日本半熟蛋，呢個蛋都係成碗麵的精髓之一，因為通常其他拉麵都未必整得個蛋咁靚，呢個蛋口感半熟剛剛好，我知道整呢個蛋係需要好有心思的，所以真係發覺呢間拉麵店係好有心機整的。而另一碗係蝦味噌豚骨湯麵，係好多櫻花蝦係面頭的，一樣係豚骨湯底，呢個更有蝦米味道，食落去口感同味道更有另一番風味。而呢度更有辣芽菜同辣蒜可以配面，客人可以自行配搭自己想要的口味，真係好貼心的安排。咁正宗的日本拉麵真係唔係度度有，呢間食咁多嘢都係300有找，中環地區係超抵食的。

今晚去了擺花街的「博多拉麵別天神」吃拉麵做晚餐，此店地方不大 但企理乾淨，自助售票機在進門的左面。 此店的飲水是自助的, 有冷凍水和蕎麥茶放在吧檯上。 枱上亦有各款不同的調味料，客人自行替拉麵調製喜好口味, 例如有拉麵汁、蒜蓉、辣芽菜和七味粉等等可供選擇。 套餐有招牌別天神拉麵 $105和蝦味噌套餐$115可供選擇，也包括四隻煎餃子和 一客小龍蝦蟹子沙律。兩碗拉麵的湯底都美味醇厚，那白色濃味豬骨湯原來沒有加入牛奶或豆漿去烹調，而是用100%豚骨加純水用壓力鍋長時間淆製而成， 果然厲害。 兩碗拉麵都各自有兩大片肥瘦適中的日式叉燒和一隻溏心蛋。 叉燒入味爽口，溏心蛋黃的凝固程度剛好，賣相漂亮。 至於配菜別天神就用了木耳和香蔥，而蝦味噌就用了粟米和香蔥，另外還加了很多櫻花蝦乾， 喜愛有點海鮮口味的朋友不容錯過。 餃子皮薄多肉, 亦煎得香口。小龍蝦蟹子沙律跟紫菜同上， 味道帶有微甜的沙律跟紫菜的味道很夾， 當吃到沙律中粒粒的龍蝦肉，真的覺得很棒👍

很久之前朋友帶我試銅鑼灣的別天神，完全讓我大開眼界，發現原來拉麵也可細膩清新。今天到上環發現另一家分店，毫不猶豫一個人走進去。六點晚飯時段剛開始，人正疏。點了回憶中的配搭：小龍蝦蟹籽沙律+豚骨湯麵。沙律作開胃菜一流，有啖啖蝦肉，加上帶子，質地比一般沙律扎實，調味恰到好處，令人回味！豚骨湯麵的奶白濃湯更不用說，絕對是別天神的鎮店味道，非常醇，也非常滑！通常把麵吃了一半後，我就會瘋狂添加他們家的辣芽菜和蒜蓉。一碗麵能夠吃到至少兩種味道，也是讓人忍不住revisit的一大原因！不得不說的是這家店由女師傅打理，甚有霸氣也非常友善，店員也很親切，十分推介！

行完大館，見到天色已漸昏暗，於是決定在中環附近覓食，行徑擺花街，見到這間「博多拉麵別天神」，第一感覺係「好日本喔」，於是決定入去食下啦。麵店裝修格局與日本拉麵店無異，都係圍住個廚房坐，可以睇住廚師煮野食，而牆身有掛鈎可以畀顧客掛衫，都算貼心。店舖有一部點餐機，先選購所點的食物、付款，然後將收據交畀店員，坐低等食就可以了。今次兩人點了兩碗拉麵及兩個小食：蝦味噌豚骨湯麵加半熟蛋豚骨湯麵加半熟蛋兩款拉麵主要分別於有沒有加蝦味噌，我個人主張有得加當然要試一試啦，因為拉麵一上枱，蝦味噌的香味已經撲埋鼻到，混和到豚骨湯中就變得更為鮮甜！麵方面，所選用的麵較為實身，食落會有咬口，不會太過軟棉，幾爽口又不失彈牙。每碗都有兩塊叉燒，在上碟前師傅會再用火槍燒一燒，咁就再香濃一點，不過如果再厚身點就會更好啦！值得一提的是配菜，每位顧客座位前都有一瓶瓶的配菜，例如有蒜蓉、芝麻、辣芽菜、七味粉、拉麵汁等等，最推介辣芽菜，配拉麵吃一流呀！小龍蝦蟹子沙律小龍蝦蝦肉鮮甜，入面都有好幾舊幾大粒嘅蝦肉，混埋沙律醬同蟹子感覺幾清新好吃，不錯的餐前小吃。餃子餃子皮薄，煎得幾香口，餡料唔會好厚實，令你食完一隻覺得好飽滯的感覺。

.新開左一年有多嘅日本拉麵店🍜🍜今日黎到中環特登試一試首先門面好靚，好有日本餐廳既感覺。門口有個餐牌，佢點餐係用自助機。見到個餐牌諗都唔洗諗一定係要套餐佢嘅套餐多咗份餃子🥟/龍蝦🦞沙律二選一之外，個麵都會多咗個溏心蛋🤘🏻食拉麵點可以無溏心蛋😎😎同埋聽聞佢既🦞沙律好高水準，所以一定唔洗諗😎😎最後叫咗一個蝦味噌套餐配餃子同埋別天神拉麵套餐配龍蝦沙律。餃子（4/5）：皮好脆，最欣賞佢餃子皮好薄，好驚餃子皮好厚好似食麵粉咁龍蝦沙律（4.5/5） ：試左一啖唔用紫菜包住黎食都覺得好好食，啖啖龍蝦肉，沙律醬唔酸，偏甜。果然水準真係好高。蝦味噌拉麵（4.5/5）：個湯底都幾濃，配菜好多，佢既麵質好好好好食！好食嘅要講4次！質地幼身偏硬，有口感！好鍾意❤溏心蛋一d都唔輸蝕，好流心好入味😋叉燒都係好入味同埋一d都唔韌👍🏻別天神拉麵（4/5）：除左湯底之外兩個拉麵係一模一樣，只係我就鍾意食蝦味噌多啲😄🌟🌟🌟🌟🌟整體：4.5/5味道：4.5/5環境：4/5價錢：4.5/5服務：4/5

呢晚放左工食埋先返歸，無咩點搵點諗，直接狂奔去擺花街食別天神🏃🏻‍♀️🏃🏻‍♀️🏃🏻‍♀️💛🤤揀左食蝦味噌湯拉麵+小龍蝦沙律😋😋🥢蝦味噌湯拉麵一如以往，份量好夠，有成隻半熟蛋，好多粟米、櫻花蝦，4片肉，麵都好夠👍🏻 半熟蛋係流心既～～ 正！😋 麵既軟硬度亦都適中，肉夠淋，肥瘦亦都適中👍🏻 蝦味噌湯底夠香，自己黎講會鍾意別天神個蝦味噌多過豚骨湯底🦐🦐🥢小龍蝦沙律有拉麵之餘，鍾意配埋別天神個小龍蝦沙律黎食！小龍蝦沙律會有埋紫菜配，夾埋黎食有口感😋👍🏻 個人黎講好鍾意呢個小食💛食飽飽、好滿足🥳🥳 必定會再黎食💛☺️☺️

這幾天晚上地鐵停止服務，很多餐廳都提早關門，幸好別天神照常營業，讓我不需以杯麵充飢先在食券機落單然後就座等待店員送上食物一如過往，點了一份別天神套餐及一份蝦味噌套餐先上前菜小龍蝦蟹子沙律的小龍蝦同粒粒蟹子令到口感十足，夾著香脆的紫菜吃，更見味美另一前菜餃子即叫即煎，皮薄餡滿！每件都煎至外脆內軟，一件接一件吃到停不了主角數量限定的蝦味噌豚骨湯麵上面撒滿櫻花蝦。湯底十分濃郁但唔油膩，有點海鮮湯的味道另一招牌豚骨湯麵幼幼的麵條軟硬適中，兩片大大塊豚肉則軟腍柔潤，極易入口臨離開時寫上願望，希望兩年後牆上的所有願望都能實現