博多拉麵別天神 (已結業)

和朋友在中環逛街 想起很久沒有吃拉麵 就來吃一吃吧這兒的餐牌簡單 易看兩款拉麵選擇 豚骨湯面 和蝦味增豚骨湯麵 可以加添小食作為套餐 我和朋友一人叫了一個套餐 大概$110左右小食則叫了每樣一款 餃子和小龍蝦蟹子沙律我們坐在拉麵吧 枱上邊分別放了 拉麵胡椒 拉麵汁 芝麻 蒜蓉 七味粉等等 可以自行調劑自己喜愛的口味小龍蝦蟹子沙律配上紫菜 一啖一口好滋味 餃子一客四件煎得夠香好吃豚骨湯面湯底夠濃 上邊放滿了豚肉蝦味增有濃濃的蝦湯味道 應該用了不少蝦殼去炮製而成 上邊放了很多櫻花蝦乾 加上大量的蔥和粟米 流心蛋 超級好吃簡簡單單。非常滿足的一餐

今日去左中環，晚餐時間諗起附近有間黃店係食拉麵既，所以就專登行過去。餐廳位於擺花街，位置尚算方便。餐廳只提供兩款拉麵，我同朋友就每人試一款。蝦味噌豚骨拉麵 ($115連小食）我就叫左呢款味噌豚骨湯底既拉面，上面加左櫻花蝦，食既時候食到有蝦既味道，而味噌既味道都勁濃郁，兩者唔會搶左大家既味道。配菜就有粟米，青蔥，兩塊叉燒，同埋一隻溏心蛋。溏心蛋呈流心狀態，一流。拉麵用左幼身既麵，幾彈牙。豚骨拉麵 ($105連小食）朋友就點左豚骨拉麵，湯底係超濃郁既豬骨湯，食落又唔會好油，都幾正。另外，佢既配料仲有木耳絲，食落幾爽口。餃子(4隻) 日式煎餃子，軟熟多汁。小龍蝦蟹籽沙律 小龍蝦沙律份量都唔少，有紫菜可以配埋一齊食，而且食落有啖啖小龍蝦同埋蟹籽，口感超正

新型肺炎流行 ， 始終留喺香港比較安全 ， 雖然去唔到旅行 ，但係 香港地勝在機遇多， 周圍都係世界各地不同的餐廳， 梗有一間在左近 。 今次講緊嘅係 在香港已有十數間分店的博多拉麵別天神。 中環分店在擺花街， 店舖不大， 以吧檯為著廚房設計， 大概只可以坐10人。 而店舖基本上只提供兩款拉麵， 簡單而專注。 別天神 套餐 別天神的豬骨湯 採用歐洲直送的優質豚骨淆製而成， 豬骨湯的材料就只有大量的豬骨和水， 沒有任何味精和防腐劑， 奶類製品也沒有. 故此別天神的拉麵 湯底極之濃郁。 拉麵配上燒叉燒木耳絲玉子及青蔥 簡單 卻極具深度。 豚肉 厚薄適中有豚肉的金香。 另外可以自製隱藏版調味， 搭配店舖的牙菜蒜蓉和七味粉等等， 讓豬骨湯的層次昇華。 另外又叫了蝦味噌豚骨拉麵基本上與別天神拉麵一樣， 最特別之處是加了一堆櫻花蝦， 櫻花蝦味隨著豬骨湯的熱力飄出。 拉麵靭度適中， 不會過淋。  半流心蛋更是精華，蛋味十足。 隨套餐包括了 小龍蝦沙律和餃子 小龍蝦沙律，龍蝦彈牙， 連沙律也有滿滿的海鮮味。 至於餃子，煎得金黃， 外皮微微焦脆，餃子皮內包著滿滿的肉汁， 的確不錯吃。 這間

之前經過博多拉別天神已經想食 今次終於去食喇 舖頭唔大得十零個位 撞正中環放lunch啲時間有唔少食客排隊 門口有自助點餐機可以自己落左order先之後就等入座佢地拉麵選擇唔多得兩款拉麵 我同朋友分別就叫哂兩個set 餃子味道唔錯 每隻都煎得香脆內嫩 而且豬肉同菜嘅比例岩岩好小龍蝦蟹籽沙津細細份嘅冷盤 但估唔到咁佢勁足料 入面有唔少蟹籽同小龍蝦肉 啲龍蝦肉好鮮甜 仲可以用紫菜包住黎食 外脆爽彈 豚骨湯麵一上枱香噴噴熱辣辣 豚骨拉麵嘅配料有木耳絲醉蔥 溏心蛋 叉燒 個湯底睇落白雪雪 飲落去好濃郁嘅豬骨湯 蝦味噌豚骨拉麵蝦味噌豚骨拉麵嘅配料就有粟米粒 櫻花蝦 溏心蛋 叉燒 飲落有層蝦味 同豚骨拉麵相比依個有蝦嘅甜味兩碗拉麵嘅叉燒都有輕輕燒過 入口爽滑 肥瘦適中 另外溏心蛋唔會過熟 仲係好流心 唔錯如果想食辣/令個湯再濃啲 可以跟返佢啲舖頭入面啲指示加唔同嘅蒜未 辣芽菜 拉麵汁 七味粉 芝麻 拉麵胡椒 包你有意想不到嘅口味 我自己試過都覺得正另外食完之後佢仲送左口罩比我地 so sweet

叫左個別天神套餐同menu寫住數量限定既蝦味噌套餐 別天神套餐有碗豚骨湯麵 小食揀左要餃子🥟 而蝦味噌套餐 就有蝦味噌豚骨湯麵🍜揀左跟小龍蝦蟹子沙律之前店員就送上兩包各兩個既口罩同生理鹽水濕紙巾俾我地傍身 中椒眼臉都適用 上面寫住康復香港 時代抗疫 真係做到艱難時刻和您撐 你撐佢時佢撐返你🤩👍🏻個別天神套餐 拉麵係豚骨湯底 店內有寫到明只用豬骨同水新鮮淆製 無加味精😌食完個晚返到屋企真係無口渴見到枱前貼左張令到湯底更加濃既指引 寫住可以自行加拉麵汁 蒜泥 同辣芽菜週配更濃既湯底加完之後真係好濃郁惹味 幾正 而且佢叉燒燒過 令當中既油脂幾香口 煮到岩好既叉燒食落肉質幼嫩 拉麵幾有彈性 唔錯 跟餐既餃子🥟皮薄餡鮮 不過如果再煎脆口小小就更加正而蝦味噌套餐 就有蝦味噌豚骨湯麵🍜湯底比豚骨湯濃郁 比較重口味 裡面加左好多櫻花蝦 蔥同粟米湯底好香甜 溏心蛋煮得岩岩好係半生熟好滑溜 跟餐既小龍蝦蟹籽沙律 配搭有爽脆既蟹籽 小龍蝦蓉鮮甜 用紫菜包住黎食都幾香口

是晚慶祝朋友生日，選了他公司附近的拉麵店小聚，他一向是拉麵控，越濃的湯底越喜歡，哈哈，睇下今晚這間別天神如何先。中環分店約有十個位左右，很有日本風，店內主打兩款湯底的拉麵，就一人點一款口味好了。朋友點的蝦味噌拉麵，上桌時散發著滿滿的蝦味喲。湯頭濃郁鮮甜，個人覺得很對胃。蝦味噌拉麵的配料是粟米，另加了溏心蛋，蛋黃十分吸引呢。自己點了豚骨拉麵，顏色上沒蝦味噌奪目。湯頭奶白色，十分濃郁的豬骨感覺，但又不油膩，亦不會黏口，個人很喜歡呢個濃度呢。豚骨拉麵的配料是木耳絲，爽脆有口感，同樣加了溏心蛋，綿綿的蛋黃好好味啊。麵條掛湯沒鹼水味，硬度適中，食到尾也不會過淋，正。湯底很對胃嘛，都把湯喝光了，呵呵，完食～朋友那碗都算係喝光吧。順帶一提，每位客人入座都會送口罩及濕紙巾，好貼心啊！好味好味，多多支持小店！

今日又食一間我好鐘意既拉麵店別天神拉麵店 人氣可以話好高即使最近武漢肺炎肆虐但都仲係好多人食一入店 店員送咗口罩同埋消毒紙巾俾我勁有心 店面有提供消毒藥水 紙巾 洗手嘅地方 衛生環境唔錯 做得好足呢日叫左⭐️豚骨湯拉麵 套餐$105⭐️蝦味增豚骨湯拉麵 套餐$115套餐既分別係多隻蛋 同小食可以話必點 因為佢隻流心蛋做得好好食夠味 流心效果好好台面仲有 唔同調味料 冰茶冰水拉麵胡椒 辣芽菜七味粉 蒜蓉可以調校自己最鍾意嘅拉麵湯底味

每次lunch time都好多人，今日星期六終於可以食到。同朋友兩個人可以叫埋小食，份量都唔算太多☺️ 如果你同我一樣想試多d野，可以學我叫🥢蝦味噌套餐，除咗蝦味噌豚骨拉麵+一隻溫泉蛋，另外仲可以揀一款小食，咁樣叫優惠啲🥰另外餐廳因為疫情仲另外送口罩同消毒濕紙巾，好貼心呀🥰❣️🍜 豚骨拉麵豬骨湯底好香濃，感覺又唔會太油膩，另外佢配上好多木耳絲，增加口感🍜 蝦味噌豚骨拉麵除左湯底有香濃豬骨，加上好多既蝦皮～ 如果鍾意重口味既朋友，我諗選擇蝦味噌豚骨拉麵會比較岩你😋🥚 味付溫泉蛋味道都算不錯，流心蛋黃🥟 煎餃子 - 都幾香口🥗 小龍蝦蟹子沙律味道唔錯，平時好怕沙律醬汁落得太多，呢個分量剛剛好

好耐冇食過拉麵，呢日口痕痕咁同女朋友去博多拉麵度食。我知道呢間拉麵店係港九新界都有唔同分店，我地去開中環就去左中環店到試。佢既裝修設計同佈置好有日本風味，我地叫左別天神套餐 (HKD 105)同埋蝦味噌套餐 (HKD 115)。個餐除左有拉麵之外，仲會有小食：餃子 (4隻) 同小龍蝦蟹籽沙律。先黎既係冷盤沙律，賣相ok，沙律入面仲有龍蝦肉粒，沙律仲可以卷埋啲紫菜一齊食，味道唔錯。 分量如果可以再多啲啲就好嗱😂跟住嚟既就係個餃子，煎得幾香口，熱辣辣，味道真係ichiban👍🏻再黎既就係今晚嘅主菜-拉麵，兩個拉麵都好大碗，賣相顏色同埋用料非常豐富。叉燒好稔，好入味，肥瘦均勻，麵底彈牙爽口，湯底味道濃郁，而蝦味噌個個味道相對要再濃少少，真係好好味呀。值得一題嘅係，佢地個溫泉蛋啱啱好。 食完之後即刻想放低香港所謂野，去一去日本玩呀！

係中環有唔少既拉麵店林立而呢間別天神有好似日本街邊既拉麵店咁係門口有部自助售賣機 揀好食咩 再俾張飛店員就可以坐低等食啦~我地今日一行兩人 就一於試晒佢兩款既拉麵首先係別天神套餐 一個餐有齊豚骨湯麵 餃子同蟹子沙律蟹子沙律配海苔一齊食 做前菜好清新餃子煎得啱啱好 咬落仲有汁！豚骨拉麵既白湯無加味精同奶製品都好甜同滑！而個蝦味噌豚骨湯麵就係個豚骨湯味上有一層既蝦湯味 我自己就比較鐘意豚骨啦如果想個湯底再濃啲或者辣啲可以依照店入面既指示加啲蒜末、辣芽菜入去都得架

想食拉麵，別天神係我選擇嘅頭幾位💛 今次再去食中環分店～～ 坐低左店員好貼心比左消毒濕紙巾我地，仲送左口罩！喺依家依然一罩難求嘅情況下，感覺份外貼心💛筷子都有用膠袋笠住添：2個人叫左2個set，叫晒2款拉麵加2款小食😋🔸 蝦味噌豚骨湯麵自己食過幾次別天神，比較之下鍾意蝦味噌多啲，所以今次都要左蝦味噌豚骨拉麵～ 除左因為加左櫻花蝦好香之外，仲有我鍾意嘅粟米🌽🤩 櫻花蝦同粟米份量都幾多架，正呀😏 加上麵嘅軟硬度都適中亦都掛到湯🙆🏻‍♀️ 另外好欣賞佢隻半熟蛋，真係煮得岩岩好，係流心架！🔸 豚骨湯麵屋企人就食豚骨湯底嘅！木耳份量充足、爽口，屋企人好鍾意食。豚骨湯底都係好creamy、濃厚，而食起上嚟又唔會覺得膩。叉燒佢話食落口有啲薑味，好似生薑豚肉😝 另外佢仲試左辣芽菜，話幾香，而個辣味之後會慢慢滲出嚟，同拉麵一齊食唔錯～🔸 餃子跟set會有4隻～ 煎得個底有少少脆得嚟唔會過燶、唔會黐皮；味道唔會過鹹👌🏻 餃子配拉麵一流😌🔸 小龍蝦蟹子沙律食過一次就愛上左呢個小食😏😏 次次食都無失望！ 有好多小龍蝦肉，配紫菜食，外脆內軟，好味道😋次次食完別天神都好滿足😌😌 下次拉麵癮起再去～

今日要去中環做野順便約個朋友晚餐，行到擺花街見到博多拉麵別天神，之前試過其他分店唔錯，一於試埋呢間。店舖唔算大，約有十幾個BAR枱位，環境整齊潔淨，坐得都舒服。先於門口自助點餐機購票，之後交票比店員再揀位坐底。同好友都有少少肚餓，所以每人各點一個套餐。拉麵加HK$30就可加配餃子或小龍蝦蟹籽沙律。餃子一客有四隻，煎至金黃色，香脆惹味，內有大量蔬菜，鮮甜健康。小龍蝦蟹籽沙律內有大量小龍蝦及蟹籽，口感彈牙又卜卜脆，配以紫菜，特別滋味！蝦味噌豚骨湯麵HK$85湯頭香濃惹味，充滿蝦香，有大量櫻花蝦、粟米粒同蔥花，叉燒口感嫩滑唔乾柴，半熟蛋呈流心狀態，鮮美可口。拉麵煙韌彈牙有嚼勁。豚骨湯麵 HK$75湯頭濃厚芳醇唔膩口，有大量爽口木耳絲同蔥花，叉燒柔嫩入味、肥瘦均勻，半熟蛋充滿蛋香，口感滑嫩，拉麵爽滑，掛湯力佳。

聽說日本暫停香港免簽證入境😫。好想好想去日本旅行病情突然惡化🥺朋友帶我去中環的拉麵店吃晚餐。看看是否又好轉😝-環境：一踏入店內瞬間好像去了日本的拉麵店，坐位是吧檯形式。可以看到廚師煮麵的情況。客人在門口自行在自動販賣拉麵機點菜。坐下來後店員送上每人一份口罩及酒精濕紙巾小禮物🎁好窩心哦。筷子還用食物袋包著，令人放心享用🍜。-HK$105別天神套餐～豚骨拉麵的湯底只有豬骨及水新鮮淆製，不會太肥膩，不加味精。所以喝光湯後也沒有口渴的感覺。叉燒是灸燒的， 油脂經過炙燒後不會那麼肥膩，輕輕地就能撕開，肉質軟熟。幼麵條軟硬度適中又彈牙。木耳絲爽脆增加咀嚼感覺。套餐中的小龍蝦蟹籽沙律～蟹籽爽脆、小龍蝦肉彈牙，用紫菜包著小龍蝦蟹籽沙律挺特別。-HK$115蝦味噌套餐～主廚為我奉上蝦味噌豚骨拉麵的時候，蝦的香氣撲向我的鼻子😋。呷一口湯有濃濃的鮮味，此湯比豚骨拉麵湯底更加濃郁。溏心蛋呈半液體狀態，在湯中浸泡一下更加美味。大量的櫻花蝦、蔥及粟米正合我心意。我還加上七味粉、辣芽菜及蒜泥，更加提升湯的辣度😚。套餐中的小食餃子皮薄多汁。

本來約咗去日本度睇河津櫻, 但係因為疫情影響而取消, 心有不甘, 就一於喺香港覓食諗起依家熱情影響, 一個人食會比較安全, 所以就去咗食拉麵, 這間拉麵開咗幾間分店, 就係中環到點算咗佢個套餐, 有一個前菜, 再加一個拉麵, 前菜我點選了龍蝦蟹籽沙律, 係冷盤嚟嘅, 龍蝦打成膠, 再配合爽脆嘅蟹籽, 紫菜都keep得非常之脆身, 咬落去香濃嘅蟹籽, 再加爽脆嘅口感, 感覺不錯之後就食豚骨拉麵, 拉麵個湯底好緊要, 佢味道夠香濃, 白色嘅豬骨湯底, 配合麵條, 非常之掛湯, 流心蛋亦都係一絕, 蛋味非常之濃沃 而兩塊叉燒都非常之鮮嫩, 配合大量蔥花, 令到整體嘅味道更加提升

今日時間所限，就打算搵間拉麵店食午餐，知道中環有博多拉麵別天神分店，當然就嚟呢度解決最適合不過啦。呢度有自助售賣機，可以自助點餐。拉麵嘅種類就係豚骨湯同埋蝦味噌兩款，有選擇困難症嘅就啱晒啦，一人一款，輕鬆快捷。午飯時間呢度坐得滿滿，但係都好快就有位啦。我同朋友分別揀咗別天神套餐($105 )同埋蝦湯麵套餐($115)。小食我哋就分別揀咗小龍蝦蟹籽沙律同餃子。蝦味噌豚肉湯拉麵一上碗麵已經聞到好香嘅蝦味。原來，當豚肉湯底遇上櫻花蝦, 令到成碗面嘅層次提升左，蝦味超濃郁，同時又唔會死咸，份量配合得岩岩好。別天神拉麵即係豚骨湯，味道係幾濃厚嘅但又唔會好結，唔油膩，女仔食拉麵最怕係太多油，哩個湯底油份控制得好好，忍唔住飲幾啖湯都唔怕有罪惡感。哩度嘅拉麵係幼身麵，掛住影相，遲左開動，麵質仲保持到爽身。哩點要一讚。三片豚肉燒得好香，滿滿嘅粟米，加埋半熟蛋，超級大滿足。 餃子皮脆多料。有4 隻咁多。真係飽肚感十足。小龍蝦蟹子沙律 估唔到佢跟餐嘅小食都咁足料。真係食到一齊齊蝦肉。 沙律跟埋紫菜，可以俾你包住黎食。脆卜卜咁，好玩又好食！