博多拉麵別天神 (已結業)

今日途經呢間中環拉麵店，畀佢獨特又傳統嘅日本裝潢吸引咗， 就入咗去試。佢嘅舖位唔算好大， 同傳統拉麵店一樣，都係圍住師傅嘅工作枱坐。同好多日本拉麵店一樣 ，客人都係要自己喺門口嘅自動售賣機揀選自己想食嘅餐 ，購買完，再將收條攞去畀店員 ，好食嘅拉麵就會立即奉上。 我自己好鍾意呢一種自由嘅設計，睇完menu啱食就買，唔啱食就算走，都唔會太奇怪。我嗌咗一個 別天神套餐連餃子同埋叫咗個蝦味噌拉麵套餐連小龍蝦蟹子沙律。講一講個餃子先，個皮煎得好脆， 配埋醋食簡直一流。 至於小龍蝦蟹子沙律，我好喜歡佢可以連紫菜一齊包住食嘅感覺，好好食。至於我個別天神拉麵， 其實佢係100%豚骨湯底淆製加埋純水，所以係冇味精嘅食落唔會太鹹但就有好香嘅豚骨味。 上面嘅叉燒我見師傅係用火槍燒過個面，所以佢有好香嘅烤肉味。至於蝦味噌拉麵個湯底味道更加濃郁配埋蝦乾簡直係是美到極致好喜歡。絕對係一間值得再食嘅拉麵。

呢晚放工我又去左食拉麵喇～🍜🍜 今次食返我既至愛-豚骨拉麵～ 「博多拉麵別天神」既中環分店係擺花街，放工過去都好方便😌別天神個裝修真係好日本！簡簡單單、只有十幾個坐位既bar檯～ 坐低左趁無人即刻影左張，一影完就有人黎🤣至於落單呢就係用「食劵機」的！係平時日本既先進版😆 可以用八達通同信用卡，真係食個拉麵都可以儲積分😆我要左個別天神set，豚骨拉麵🍜+餃子🥟～ 其實個小龍蝦蟹子沙律都吸引架，不過食拉麵總係覺得配埋餃子先夠圓滿😏首先講下拉麵💁🏻‍♀️ 嘩！ 叉燒有3大塊，而且有一定厚度，食落個味甜甜地～ 湯底濃厚，我最後抹咀個時張紙巾係痴住個咀架🤣 蛋有晒成隻，個心都流架～ 至於麵呢個人喜好覺得可以再硬d，但整體味道幾好，份量亦都十分足！餃子有4件，一貫日式餃子甜甜地既味道，唔會話好油～最後想讚既係別天神分別有冰水同冰茶比客人自己斟！ 通常香港好多都只係得水🙈 而且有紙巾比客人用，貼心🥰

由於拉麵有一種獨特的風格流傳以湯品/麵料自成一體，一般拉面店內可按各自口味添加以調配慕求做到食材原汁原味，一般經典湯頭會以豚骨或味噌圍繞讓一眾拉麵迷深深體驗一致上的飲食文化 喜愛每一口香濃不妨試試( 蝦味噌套餐配小龍蝦蟹子沙律 )，表現十分亮眼湯頭看似濃厚撲鼻入口卻不負擔卻不會黏在嘴巴裡一味的死鹹( 蝦味噌套餐配小龍蝦蟹子沙律 $115 )細長的拉麵捲不易軟爛帶出鹹香煙彈滋味，一嚐美味滿足現點現做，層次提升飽足感無法形容確保滾滾的配料打造迸發出紮實不同鮮味存在重點係價格合宜份量剛好，簡單的一碗拉麵卻能隨著個人的口味

Happy friday要約朋友出嚟一齊傾下偈😍, 去飲嘢之前大家都諗住食少少嘢😋. 平日好多人排隊嘅拉麵店, 幸運地排一陣間就到我哋啦😊😊😊😊😊蝦味噌豚骨湯麵,有好多我最鍾意嘅櫻花蝦🦐🦐🦐流心蛋非常之入味。豚骨湯麵原味湯底非常香濃嘅豬骨味。餃子煎得香脆脆， 皮薄多餡😍同行嘅朋友本來唔想食咁多嘢，但見到我哋d拉麵咁正,都忍唔住叫咗個豚骨拉麵🤗🤗🤗最正嘅係，原來而家食拉麵，可以儲印花換精品😁😁 同行的其中一位朋友非常喜愛幪面超人🤣🤣。 我哋會陪佢一齊努力，食多幾碗拉麵㗎啦💪💪💪

香港嘅拉麵店真係開到成行成市而每一間都有佢自己嘅特色之處如潮搞Gimmick新Fusion拉麵又或者特大份量嘅平靚正拉麵等等真係五花八門🙆‍♀️而「博多拉麵天神」則係以地道原汁原味為賣點.店舖面積不大，每次只可以容納約十個人反而咁樣可以真正體驗到日本地道式嘅拉麵店因為成間店大大小小都幾乎跟足哂日本地道拉麵店咁😱全店皆為座吧枱，可以清楚睇到師傅嘅一舉一動枱上放置左各種配料，有拉面汁，蒜蓉，辣芽菜七味粉，紅薑絲，胡椒粉，生薑，芝麻連設備都好有日本Feel🥰一模一樣嘅日本水壺，有冰茶同冰水可以自行飲用頭頂有紙巾盒，舉手即可拉出座位身後有衣架，可以放置外套仲有全自助售賣機落完單後直接比「飛」師傅就得方面快捷，最緊要係免加一🤣.Menu方面款式吾多只有兩款拉麵，每款加$30就可以食多個一品料理比散叫平$5🙈當然，仲有其他Topping可以揀～.🔸蝦味噌豬骨湯麵套餐配餃子 $115拉麵份量都幾足!有櫻花蝦，蔥花，粟米粒，三大片叉燒同流心蛋師傅即場用高湯煮熟拉麵，再放入豬骨湯而叉燒都係即叫即用火槍燒至微焦拉麵硬度恰到好處，口感彈牙豬骨湯味濃郁，掛埋湯一齊食真係一流😋最重要係入口吾會覺得有油膩感，呢點我

做完運動嚟到附近食野，今晚就揀左呢間位於擺花街嘅別天神啦！👅餐廳採用自助形式的，似足日本風💁🏻‍♀️台上亦有凍水提供、配料如芽菜都係任食的。我地叫左2個set geh. 先上明太子蟹肉沙律，好有蟹肉香，每啖都食到一粒！夾係紫菜度食就更有層次啦😃之後係煎餃子 🥟皮薄餡靚，煎得剛好又唔油。拉麵嚟啦！一個係招牌豚骨💪🏻湯底偏奶白色，幾足料嘅味。配上即燒叉燒，肉味十足！ 麵係偏幼身的，軟硬適中☝️ 另一個係櫻花蝦！真心正，首先有好豐富嘅櫻花蝦干，令個湯更鮮更濃郁。而且仲有d粟米做配菜，甜甜地令味道更豐富！溏心蛋係出色嘅，味道剛好，蛋黃亦處於溶溶狀態🤙🏻🥰

不得了不得了不得了，實在令我太興奮！！！原因係滿街名店嘅中環，竟然收埋左間咁日本嘅拉麵店。由裝修到服務模式都同日本一模一樣，好似去左日本啲街邊檔咁，真係好懷念。首先佢係自助購票，然後將飛仔交俾職員。店內只有吧檯，身後仲有俾你掛外套嘅衣架，完全係還原左日本嘅街邊拉麵店裝修。而另外令我開心嘅係，佢有冰水，而且仲另外有冰玄米茶俾你自由斟，完全係回到日本嘅感覺。因為佢得兩款拉麵，我地兩個都想試下，於是嗌左一個餐，加一碗麵嚟share食。跟餐會有小龍蝦蟹子沙律，我食到最少三隻小龍蝦，真係啖啖肉同滿口脆卜卜嘅蟹子。然後仲有個煎餃子，餃子皮都簿，肉都係傳統日式餃子咁甜甜地。豬骨湯好清，唔會好油，叉燒都好厚好好腍。櫻花蝦湯底係好creamy嘅蝦彀味，同樣都唔會好油。而溏心蛋都有流心效果同好夠味👍🏼另外有樣嘢可能係我見識少啦，初初以為係重用嘅木筷子，攤起先知係即棄筷子，個外形呃到我，成件事好傳統🤣但又好衛生。

平時係中環食野都好少行到去擺花街，今次經過博多拉麵🍜，就決定入去試下。我地3個人都叫左同一款麵，店入面係自助形式的，自己點餐機後，比張單職員，佢地就會幫你整個麵。而水茶都係自己去拎的。今次叫左呢個麵，佢有兩個調味方法，一個係濃味，一個係特辣。我就跟據佢教辣味的指示，分別落左七味粉，辣芽菜同埋蒜容，當然仲有吾少得的芝麻碎！個麵可以跟據吾同人的口味自己調製，我特別鐘意佢的麵質，對於我黎講岩岩好，吾會好淋，但係我覺得佢的豚肉就一般，肉質比較老。咁岩佢呢家五週年做緊期間限定活動，可以post相或都草印仔就可以換到指定禮物。

中午我們一行6人前來用餐，店舖座位不多，我們要分2人一組入座，裏面只有10多個座位圍着開放式的廚房，很有日本地道拉麵店的風味。 店內有自助售票機，購票後，店員會示意我們到座位上，然後把煮好的食物放在我們前面，我們用餐當天，店員多次大意送錯餐🙈拉麵站貴精不貴多，只有兩款拉麵-豚肉拉麵和蝦味噌豚肉拉麵，套餐就包括小食，餃子或小龍蝦蟹子沙律。 來到博多，當然要點他們店獨有的蝦味噌豚肉拉麵，拉麵有櫻花蝦干，兩片豚肉，粟米粒，蔥和一大片紫菜。 櫻花殼脆卜卜，很有咬口感，亦毫不吝嗇地給了很多的分量，粟米粒很甜，個人是很喜歡粟米粒❤而其他拉麵店亦很少會加粟米粒。 可惜，豚肉是瘦豚肉，比較硬和乾。湯底因為蝦干退出來的色變為乳赤色，湯面有一層油，但飲落不算油感重，豬骨湯底亦夠鮮甜。 麵底略為軟身，很入味。(不能選擇麵的軟硬)小龍蝦蟹子沙律亦非常出色，粒粒小龍蝦混合蟹子口感特別!

近黎越黎越多日本拉麵店，中環亦有別天神，去試試佢！第一樣見到嘅嘢係門面嘅自助點餐機，只可以用八達通或著信用卡，大家要注意啦！湯底只係有兩款，蝦湯同豚骨，再揀辣同唔辣，揀完比完錢先可以入座架！座位得10個，一排咁圍住廚房，師傅會將拉麵擺係bar檯，搬落自己面前嘅時候就要小心。我叫左個蝦湯拉麵，上面有一堆櫻花蝦，湯底濃郁到見唔到麵，湯底濃，但係有d食唔慣蝦味。麵質較幼，又係有d唔慣食哩款麵，因為坊間粗粗嘅蛋拉麵餃多。一讚嘅係佢地嘅辣芽菜，落落湯度變左微辣，辣味可以解膩。我覺得拉麵好睇個人喜好嘅...

上個月岩岩去完博多旅行博多的拉麵店非常之多亦有好多港人認識既品牌其中有一品牌既總店更有8層樓高睇得出博多人真係好熱愛拉麵返到香港後偶爾都想食下拉麵今次係中環擺花街搵到呢間博多拉麵別天神剛好可以回味下博多既味道店內座位唔算好多目測大約20個位置同日本一般拉麵店一樣有自動販賣機讓客人購買喜歡既食物再將票尾交俾廚師為你製作拉麵等左幾分鐘一碗熱辣辣既拉麵就送到你面前湯底好濃郁叉燒煮得好好味拉麵唔會過淋係我喜愛既拉麵口感下次會再黎過

食材一般，款式一般，質量一般般，店面ok,員工正常，位置小，收費和收到的好普通，未去到難食，是熟！ overall 感覺好一般的面店。不會再來。唔信自己去感受一下。謝謝觀看

呢間日式博多拉麵店係自助點餐，門口有部自助點餐機，點完就可以拎票入去交俾店員，同日本食拉麵店一樣操作。第一次食，點左豚肉拉麵加半熟蛋（全隻）。點左麵後，將票尾交俾店員，就可以自己揾位置坐低等候。等候途中可以自助斟水（凍水），等左5分鐘左右店員將麵放喺我前面bar枱上層，自己喺bar枱上層拎返去自己面前就可以開動嘞。你可以隨自己喜好喺你前方會見到辣芽菜絲，芝麻等，所有都係自助。講講麵部分，湯咸味濃度適中，麵都有同樣軟硬適中既感覺（冇粗幼可選），叉燒軟腍，最喜歡既係加左半熟蛋實在同碗麵好夾。

最近這幾天的天氣忽冷忽熱，有時又落雨，我可能因為下雨天的關係覺得好凍，又唔知自己想食咩好。行行吓就俾我發現左間拉麵店。聞到裏邊煮嘢食的香味，就忍唔住入咗去，嘩原來好似日本咁，鋪面有部㸃餐的機，可以收八達通或者信用卡，溫馨提示部機吾收現金。我叫咗個豬骨湯底嘅拉麵再加黑木耳，加多左一份黑木耳其實都幾多，不過D老人家常常講多食黑木耳很有益。上麵速度都幾快，D湯味道濃郁，暖暖的。好快就比我食晒啦！連啲湯都飲埋我覺得自己有啲大食

這家拉麵在銅鑼灣吃過之後，一直沒有機會吃過，最近發現中環開了分店，邊來試試。食客首先要在自動售賣機點拉麵，然後付款，就跟在日本一樣。大致上有豚骨和蝦味兩個味道我點的豚骨拉麵，麵是幼麵，拉麵湯同其他拉麵湯差不多，也不太鹹，就算當湯飲都唔算太鹹。叉燒比平時拉麵叉燒瘦，但也不會鞋。枱上有不同調味料但是餐廳服務麻麻地，但未算差