南대門3號

营业中

休息中

想食韓國菜🇰🇷必定要去尖沙咀韓國街門口餐廳Menu有齊韓國各式各樣菜式揀咗幾款都好有水準店內全場爆滿吸引不少食客落單後上菜有效率先來三款不同的韓式泡菜醃製得入味．而且唔會太鹹✨鐵板炒牛肉薄牛肉口感軟腍熱辣辣好惹味添加韮菜．洋蔥更提升味道同口感✨水冷麵水冷麵口感Q彈炎炎夏日．食碗冰涼冷麵係最佳嘅選擇✨紫菜包飯紫菜包著豐富餡料每件都好飽滿扎實份量充足．整體滿足又滿意👍下次一定要試熱辣辣有飯焦嘅石鍋飯

金巴利道呢頭可以話係韓國餐廳嘅聚集地，差唔多間間都食過🇰🇷呢間犀利，有1號2號3號，2號專做BBQMenu選擇豐富，飯、麵、石鍋類、小食煎餅都有前菜有泡菜、椰菜花、大豆芽菜▶️ 雜錦拌飯 ($85)比一般大碗，面頭超多蔬菜配料有紅蘿蔔絲、白蘿蔔絲、醃菠菜、大豆芽菜、紫菜碎🥕大部份調過味，唔會太清淡仲有少少韓式烤牛肉，唔多肥膏🐂撈飯食唔錯不過上面嘅煎蛋有啲失色，蛋黃過熟而且偏油米飯亦比較乾身🍚欠缺飯香同質感▶️ 炸醬麵 ($85)面頭超多炸醬🖤上枱聞到香豆豉味撈勻嗰下好爽，望住麵條慢慢被醬汁沾黑醬汁味道濃郁，少少甜甜地唔會過鹹麵條質感煙靭彈牙🍜如果加入青瓜絲或其他配料會更好▶️ 海鮮煎蔥餅 ($143)比預期中大好多，成個pizza咁大煎餅薄身，樣子有啲似潮州煎豪格上層香脆，底層有煙靭嘅薄餅粉漿👍🏻唔算非常油膩或太厚粉材料亦足，咬到好多章魚粒🐙當然唔少得香口嘅香蔥同韭菜醬汁好配襯，應該係甜豉油溝魚露，食落鹹鹹甜甜，一定要點！-主食水準ok，冇話特別好食不過海鮮煎蔥餅有驚喜😍值得一試 (本身夠3-4人分)環境一般，星期六晏晝嚟到都唔少客人，但係坐得唔迫，有足夠位置放袋服務都唔錯，上菜快價錢還可以

今日約咗朋友食飯朋友話想食韓國菜， 食韓國菜梗係唔少得嚟到尖沙咀嘅韓國街啦.， 呢條韓國街有好多大大小小嘅韓國食店， 我哋行咗一圈最後揀咗呢一間 好地道嘅韓菜 小店😋一坐低店員已經 拎左幾碟韓式 涼拌 畀我哋食住先， 酸酸甜甜好開胃😂我哋叫咗個炸醬炒年糕， 烤牛肉蓋飯， 雜菜炒粉絲炸醬炒年糕： 加入咗雜菜粉絲 炸醬 一齊去炒個年糕， 味道唔錯， 粉絲保持軟糯彈牙， 唔會因為加埋年糕一齊炒令到粉絲過淋👍雜菜炒粉絲： 雜菜份量都多， 粉絲軟硬度適中 口感 彈牙 ，有鑊氣 又惹味，正！👍烤牛肉蓋飯： 牛肉重牛肉味 肥瘦比例均等， 帶點咬口， 味道拿捏得好好唔會太鹹👍

去咗尖沙咀行街😛然後食咗間好抵食嘅韓國嘢~入面裝修韓國風，中午時段成間滿晒人，一定有佢自己嘅口碑！海鮮辣豆腐湯超級足料嘅海鮮辣豆腐湯，即叫即整熱辣辣，入面有蝦、蜆、翠玉瓜、蛋等等，非常足料豐富。個湯少少辣，撈飯真係幾好食好香口，飯正正常常，煮得啱啱好唔會太濕！板燒牛仔骨份量好多，接近有10件，牛仔骨肥瘦適中，咬落去非常軟熟用嚟配飯就最啱㗎啦。佢嘅調味唔會過多咬落去甜甜地，已經好好食！配埋韓國飲品就十足十去左韓國咁😎價錢唔貴性價比幾高，感覺唔錯，會再嚟食！

黑色門面傳統家庭料理店，一家人呢度就都適合不過。菜式湯鍋、拉麵、餃子、紫菜飯卷等…김치 kimch～泡菜、土豆絲、大豆芽菜김밥 $66紫菜包飯～五彩繽紛，一口滋味，口感清脆帶有麻香잡채雜錦炒粉絲（牛肉）$90 不但低卡有益，揀咗牛肉炒，雜錦豐富嘅材料炒Q彈粉絲，充滿芝麻麻香설렁탕$110雪濃牛骨湯，清澈牛香，充滿骨膠原仲有片片牛肉、幼滑麵條吸收濃湯配上一碗飯好飽肚又暖胃치즈라면$$72 芝士辛辣麵二重奏，芝濃辛辣簡簡單單一碗素菜麵Pear Juice $18

💖講到香港嘅地道韓國菜唔可以唔提南대門，老闆係韓國人，同一條街度開左幾間分店分別主打韓國料理或者韓式烤肉。入座會附送泡菜、芽菜同醬煮黑豆，傳統韓國家常小菜開胃又送飯！1️⃣石鍋拌飯🐮 $92💖推薦！份量大且牛肉比得多，牛肉帶肉香同醃製醬汁嘅甜味，入口香軟。配菜包括豆芽、菠菜、紫菜、胡蘿蔔、白蘿蔔絲同煎蛋🍳，爽脆嘅蔬菜減低油膩感，煎蛋嘅熟度恰到好處，戳開流心蛋黃拌飯食口感更滑。飯粒飽滿，混合左韓式辣醬、生抽同麻油，食落甜辣又鹹香，最鍾意佢鍋底嘅鍋巴，焦脆香口🤤。2️⃣海鮮煎蔥餅🐚 $143💖海鮮多過煎餅🤩，鋪滿魷魚、蜆肉、帶子、小蔥、彩椒等，口感豐富，一口落去好滿足。煎得外皮微脆咬落粉嫩，食落唔會有黏糊糊嘅厚重粉狀感，又唔會太油膩，配埋甜甜嘅醬油更香口。3️⃣米酒🍶 $80💖好易入口，發酵米香同酒香飲落甘醇，酸甜中帶一絲酒味，唔會太濃太苦澀，口感清新適合夏天！750ml嘅份量啱曬兩個人開心share～💖食完出黎見老闆嘅每間店都坐滿人，好受歡迎👏🏻。

#20240720 📝📍 南대門3號 @namdaemoon3 尖沙咀金巴利道65-67號太平洋大廈地下3號舖➖➖➖➖➖➖➖➖➖➖➖➖➖➖➖➖➖#前菜 💭 食韓國野個前菜都係每次期待既items，好想知餐廳除左泡菜之外仲有咩新奇既野食，今次有個蒜茸薯仔絲好好味，啲薯仔絲洗走左啲澱粉所以食落脆口，再夾埋啲好香既蒜味，食下食下唔覺意就食晒成兜🥔.#鐵板五花肉 $128💭 呢個上枱既時候係咋咋聲，廚師好有心思咁用洋蔥墊係啲腩肉既底，一尼可以避免鐵板整到啲肉老晒，又可以比啲洋蔥索到啲肉汁，食完啲肉再食啲洋蔥就岩岩好，又甜又淋🧅啲肉無想像中咁肥，五花腩尼講算偏瘦，但佢會跟個油入面有啲淮鹽，點左食可以令個肉有味同埋濕潤啲，幾得意🐽.#海鮮辣豆腐湯 $85💭 呢度全部啲湯鍋都會跟碗白飯，感覺幾抵食🍚個湯有好多料，有蝦🦐有數不盡既蜆同蛋🥚菜方面有豆腐、翠肉瓜、洋蔥同紅蘿蔔絲🥕就咁飲好夠味，怕辣既朋友仔真係要小心，不過撈飯食就好正，可以中和左味道之外，啲飯用珍珠米，所以會越食越想食🥘.#雜菜炒粉絲 #牛肉 $90💭 其實佢係無得揀咩肉，成個menu得一款炒粉絲😂佢啲牛肉係超乎想像咁多，味道好足所以食落好

喺尖沙咀隨意入咗間韓國餐廳估唔到平日晚上都幾多人七點半左右就滿座了兩個女仔狂食咗300幾蚊，CP值幾高主食叫咗一個肉同一個湯，有啲韓國菜既午餐都差唔多係呢個價，每個晚餐$90樓下，抵食！泡菜湯煲 配白飯 $85泡菜同豆腐份量好多，唔會太辣，反而有種羅宋湯嘅酸甜，幾特別，送飯一流鐵板牛肉 配白飯 $89又炒得幾惹味，而且配菜好多，每一啖都食到牛肉、菜、蔥，加上大量芝麻，好香口！紫菜飯卷份量都唔少，有八至九件餡料好多，整得夠實，唔會一夾就散係簡單但有誠意之作小食叫咗煎餃子香脆嘅外皮包住多汁肉餡冇得挑剔🥰

點菜後waitress好快就送上三款韓式涼拌小菜：泡菜、大豆芽、甜甜地嘅黑豆花生雜果仁，泡菜辣味適中，好開胃。石頭鍋飯同牛肋骨湯份量比我想像中大，上枱時熱辣辣，食到最後都仲係熱熱地。石鍋飯牛肉絲帶點甜味幾惹味，鍋底勁多飯焦，撈埋一齊食，口感豐富。牛肋骨湯飲落好香牛味，唔覺有味精，味道啱啱好，仲有幾舊大大件牛肋骨，配埋白飯同涼拌小菜食又另一番風味。鐵板牛肉係薄切牛肉，配埋勁多蔥同洋蔥，味道夠哂香口。

今日想食韓式快餐，喺尖沙咀金巴利道韓國街覓食最適合不過三個人叫咗三個餐，除返開$100都唔使，果然係快餐價每枱贈送的配菜有泡菜、薯仔絲同大豆芽，當中薯仔絲清甜爽甜最好食麵豉大醬湯$85大醬湯味道偏重味，配料有大量蜆、豆腐、脆瓜，送飯幾好鐵板烤雞肉蓋飯$89鐵樣雞肉採用雞柳，肉質鮮嫩落左少量辣醬，加埋切絲椰菜一齊炒，有鑊氣夠惹味花甲刀削麵$95韓式刀削麵比中式幼同淋身，口感類似中式白麵花甲大蝦湯底充滿海鮮的鮮甜，連湯底都好飲日想食韓式快餐，喺尖沙咀金巴利道韓國街覓食最適合不過三個人叫咗三個餐，除返開$100都唔使，果然係快餐價麵豉大醬湯$85大醬湯味道偏重，適合撈飯食配料有大量蜆、豆腐、脆瓜，鐵板烤雞肉蓋飯$89花甲刀削麵$95

之前經過都見到老闆喺門口拉下客仔，叫過幾次外賣都喺有種韓式家庭餐廳個種感覺，喺poly附近行到嚟喱邊，又落勁大雨，直接揀返佢算了。水冷麵都幾大碗下，炎炎夏日就喺頂唔住想食返啲凍野，果然冷麵喺最岩喱個時候食。同埋每次外賣都會叫嘅紫菜包飯，就喺個種家庭式嘅味道，唔會有啲咩花巧野，簡簡單單，但又幾好食個種。之前因為外賣都好少叫煎餅，因為驚凍咗唔好食，海鮮煎餅，超大塊同埋超足料，有蠔仔，魷魚，有啲魚肉咁，唔會好粉漿個種，又唔會好油，大推大推。

今日喺尖沙咀金巴利道食韓國嘢，再次嚟到呢間南大門3號，餐廳播住唔同嘅Kpop歌，vibe唔錯！上次嚟都食咗呢度嘅芝士辣炒年糕，好食所以返兜！辣芝士年糕魚餅，年糕好煙韌，甜甜地加少少辣，配埋拉絲嘅芝士，好好食！除此以外仲嗌咗拌飯同飯卷，餐廳亦都送上咗前菜，泡菜、豆同芽菜泡菜個人覺得偏辣同酸，重口味嘅人應該會鐘意！石鍋拌飯幾足料，肉好入味，同其他配料包括紫菜、芽菜、蘿蔔絲配搭好好配埋韓式罐裝飲品一流～🥳

天氣一熱就好想吃韓國菜，味道比較濃而且有少少辣，特別開胃。每次想食韓國菜一定會去尖沙咀韓國街「金巴利道」一帶，今次就選擇了近仕德福酒店附近的一間韓式小店，食物選擇多，而且價錢合理。鐵板烤雞肉蓋飯韓式辣味滲入軟嫩的雞腿肉，甜甜辣辣，加上大量蔬菜配飯一流，作為下酒菜都非常適合。炆牛肋骨牛肋骨加上紅蘿蔔白蘿蔔等蔬菜炆得非常入味，肉質鮮嫩軟淋，由於加入了梨汁令到湯汁滿滿蔬果的鮮甜味，令人食不停口。水冷麵水冷麵絕對是夏天必食的料理！由其天氣太熱冇胃口，來一碗清爽的冷麵，整個人都舒服曬，水冷麵冰鎮感開胃又解膩，搭配梨片，青瓜絲，雞蛋，清甜的湯底加上黃芥末醬和醋，讓整道料理更有層次，酸酸的，超開胃。

尖沙咀著名的傳統韓國餐廳😚😚 由韓國人主理質素有保證，夜晚好多人幫襯，餐廳座位少，有機會要排隊等～落咗單店員就會免費送上三款前菜小食，好開胃😋 有芽菜、泡菜同青豆泡菜煎餅 $130熱騰騰，將傳統韓國泡菜做成餅狀煎烤，外酥內軟，微辣微酸的味道非常開胃，好正🤤🤤🤤年糕餃子湯 $92軟糯Q彈的年糕配上多汁可口的餃子，湯頭清澈鮮美，健康又美味，仲有大量牛肉，勁飽肚😍部隊湯配白飯 $90韓國知名嘅一鍋多菜料理，包括豬肉、豆腐、泡菜、香腸等多種食材，慢慢燉煮後，湯汁鮮美濃郁，入口微辣，搭配白飯，好惹味！

親故話想食韓國嘢，喺金巴利道揀了 ‘’南대門3號‘’😚 睇餐牌佢嘅食物種類算多，而價錢都相對較經濟😉 好彩無諗太多就入去坐低了，之後full了😬水冷麵🍜 $92天氣熱到一個點啊🥵 諗都唔使諗一定要叫一碗啦🤤個麵係用蕎麥麵，大大一碗，二人share完全冇問題。海鮮煎餅 $143我食韓國菜必點嘅！好多料，食到啲魷魚好新鮮好彈牙😋 而且無煎到乾淨淨👍🏻鐵板牛仔骨🥩 $179醃料味道適中，唔會太鹹～ 牛仔骨好香牛肉味，好滿足😌原來星期五晚出尖沙咀係咁多人，真係嚇一嚇。大家係咪返嚟振興香港經濟啦？🤓見到啲小店都咁多人好安慰🫂