南대門3號

营业中

休息中

🥢尖沙咀 韓國街地道菜辣年糕炒拉麵鐵板炒豬肉飯🥢去完韓國返來又好想食韓國菜，諗起食韓國嘢就諗起去韓國街搵食，今日晏晝過去一間韓國地道菜館食個lunch🥢兩個人跟三個前菜，鍾意呢度嗰個泡菜係香蒜味道非常之爽口，另外仲有一碟芽菜同埋茄子，味道都好唔錯🥢辣炒年糕拉面$95大大一碟份量夠多的辣炒年糕，入邊有韓國拉麵同埋年糕，辣醬味道好濃香，辣辣地幾夠惹味，入面仲有好多椰菜同魚糕，吸曬辣汁精華🥢鐵板豬肉飯 $89冬天食熱辣辣嘅鐵板豬肉飯就最啱，辣豬肉醃到個味道剛剛好，香香辣辣咁好啱冬天食🥢泡菜餅 $130呢度嘅泡菜餅煎到旁邊帶焦香感，一口咬落去脆脆的感覺，入邊仲有好多泡菜，點特製的魚露味道的醬汁好香口📍南대門3號 (尖沙咀)尖沙咀金巴利道65-67號太平洋大廈地下3號

今次嚟到位於尖沙咀嘅南大門3號！原來佢都有幾多間分店，大家千祈唔好黎錯！今次試嘅呢一間係主打韓式料理、而唔係韓燒。雜菜炒粉絲（牛肉） $90餐廳嘅料理全部都係即叫即製！炒粉絲熱辣辣！配上超多嘅牛肉，最怕就係食韓式炒粉絲會好多油，不過佢哋冇呢個情況，朋友都覺得幾好味！鐵板辣炒八爪魚蓋飯 $108超鍾意食韓國嘅辣炒八爪魚！呢度嘅辣，我覺得香港人一般都可以接受！配上辣汁，一啖八爪魚一啖白飯、簡直一流！辣芝士炒年糕$98炒年糕，梗係必試㗎啦，但係加埋芝士，簡直係冇得彈！呢度嘅芝士，可以拉絲！而且年糕好Q彈！正——————為食分界線——————📍 南대門3號 (尖沙咀)尖沙咀金巴利道65-67號太平洋大廈地下3號推介指數 🤰🤰🤰🤰🤰(5/5)好味指數 🤰🤰🤰🤰🤰(5/5)抵食指數 🤰🤰🤰🤰🤰(5/5)環境推介 🤰🤰🤰🤰🤰(5/5)人均消費： $80#mariofatfat #hkfoodie #Foodie #為食馬利奧 #hkrestaurant #topcitybiteshk #topcitybites #hongkongfood #hk #hongkong #hkfood #hkfoodi

天氣凍，突然好想食韓國野 走到公司對面的韓國街，被韓國少男親切的笑容吸引左入去睇門口的餐牌就知呢度食傳統韓國料理， 正店鋪唔算大，就好似韓國當地的傳統小店咁每個座位都好寬敞，坐得舒服韓國料理， 前菜不可缺呢度既前菜都係傳統野， 尤其鐘意個青菜，比較少見但又整得好惹味， 好明顯係店家自製的。 冬天點解要食韓國嘢， 因為有呢d熱辣辣既湯煲囉。 今次點左辣泡菜煲， 滾住咁上枱， 寒氣即消雖然個名叫泡菜鍋，但入邊嘅料都好多除咗大量泡菜，仲有五花腩同豆腐，十分豐富。跟鍋仲有飯跟， 好飽呀 辣味唔算好勁， 仲唔會一味死咸， 用黎撈飯非常正。要讚下個飯， 好煙靭軟熟， 平時少食飯既我都食左好多睇樣就知呢個餃子自家製。 比平時既餃子皮較厚身， 好飽肚。外皮煎到好金黃香脆韓國餃子好健康， 入面有大量蔬菜，粉絲， 味道不濃， 不過跟餃子有個醬汁， 好夾好好味韓國料理又點可以無五花腩鐵板熱住上， 好啱冬天食五花腩烤得好靚， 金黃得黎又有少少焦香好過平時自己去燒多多聲不過略嫌五花腩太薄身，變左有少少硬。 呢度既韓國料理好傳統韓式家庭feel, 成個店鋪既人都係講韓文， 一下走神，以為自己去左韓國旅行呀

食韓國嘢特別興奮決定再嚟多次 去到南大門韓國餐廳 今次去咗南大門 金巴利街佢主場！呢度有晒我心目中喜歡食嘅嘢 一到食飯時間呢度好多人啊～好彩我哋早啲嚟如果唔係就太多人排好耐隊 主理的韓國人喺尖沙咀擁有多間韓式店舖前面金巴利道嘅韓式超市都係佢擁有可想言之佢就係韓國通！一坐低就已經有無限量嘅前菜添加上枱叫咗好多嘢食 天氣凍凍地最適合食鐵板燒食咗個鐵板炒辣魷魚蓋飯 另外仲叫咗個海鮮辣豆腐湯 確保熱辣辣！另外仲叫咗個紫菜包飯呢個魷魚出邊比較少見 加咗好多唔同嘅配料上面仲有芝麻令到成件事熱辣辣好香！送埋碗白飯簡直一流 海鮮豆腐湯勁豐富 裏面有貝殼類等等嘅海鮮跟住仲有個半熟嘅鹹蛋黃 攪勻一齊食好香滑 之後叫咗個傳統嘅辛辣麵 平時煮辛辣麵都有技巧 我就唔會落太多調味粉 味道都已經好出眾 尤其是佢個面好彈牙 出邊嘅拉麵絕對冇呢種口感之後嘅紫菜包飯夠晒傳統一共有10件 每件夾住青瓜腸仔蛋絲同酸瓜簡簡單單就已經好滿足😃

尖沙咀金巴利道一帶素有小首爾同韓國街之稱😚全因多間正統地道風味嘅南韓餐廳落户😜今晚嚟到呢間屹立多年嘅南대門，坐低隔離位仲有幾位아줌마都係今晚嘅座上客😝你一言我一語咁都幾好氣氛🤩🤩🥢大醬湯 $85以海鮮豆腐作為主調，湯頭非常清甜😚魷魚蝦仁蜆肉等等提升咗鮮味😆加入珍珠米一齊食暖胃又飽足😜😜🥢辣芝士炒年糕 $98辣醬味道偏甜🤩🤩唔係太嗜辣嘅朋友都可以輕鬆品嚐，咸香芝士拉絲非常邪惡🥺🥺強烈建議大家上菜就趁熱食，享受煙韌綿軟嘅口感😏😏😗🥢鐵板泡菜炒豬肉 $138天氣涼咗心思思想食啲辣嘢，除咗辣炒年糕之外😆😆熱辣辣鐵板料理就最啱啦😝炒豬肉經過辣泡菜調味，辣勁十足😍😍

間唔中都會去韓國街食嘢，前排發現呢間食lunch時間都幾多人去嘅韓菜，決定去下。店鋪雖然唔算大，但入面好多sofa位，坐得幾舒服。原來佢地老闆係韓國人，可以食到好地道韓國菜！🐷鐵板炒豬肉-呢款整得幾出色，豬肉片片都薄片香口，煎到好香，食落去好惹味，有d豬肉仲有軟骨，肥瘦均勻，真係會食唔停🌟辣炒年糕辛拉麵- 呢款拉麵比較辣，係辣中帶微甜，好刺激味蕾。拉麵本身texture幾彈口，仲有年糕、蛋等，幾豐富。🥟韓式煎餃子- 個人都幾鍾意呢款餃子，兩邊外皮都好香脆，入面滿滿粉絲、菜同肉，感覺幾健康。幾款前菜都幾好食，kimchi辣香，芽菜爽口。有機會要再來！

韓國胃又來甦醒了，可是公司附近沒有韓國餐廳，這天就跟同事「快閃」來到尖沙咀，吃一頓韓國午餐來滿足我的韓國胃水冷麵 몰냉면 $92天氣還是太熱就放棄最想吃的炸醬麵而改吃另一個個人pick 水冷麵，賣相看起來跟在韓吃到的差，還附上芥末跟酸醋讓客人自行調配口味～ 店家這碗有蕎麥麵、青瓜絲、烚雞蛋跟冰湯，如果有雪梨片相信會更好！湯汁冷凍度不俗，酸甜清爽又可口，吃罷熱氣全消！鐵板辣炒八爪魚蓋飯 철판낙지덮밥 $108同事點的是味道比較濃郁的鐵板辣炒八爪魚蓋飯，以八爪魚、甘筍絲、蔥段、高麗菜及黃瓜加入韓國辣醬等調味料爆炒，再用烘熱過的鐵板盛載著，熱騰騰又辣得過癮的八爪魚，辣度比想像中低但夠惹味，拌韓國米飯吃就最適合了海鮮煎餅 해몰파전 $143再來一份海鮮煎餅伴著吃，這個是意料之外的大份量，賣相吸引煎得金黃金黃的，一口咬下完全是做到外脆內軟，蔥段加上綜合海鮮粒令煎餅味道更好更香口，餅皮還一種煙韌軟糯感，蘸一點特調醬汁就更惹味！店家位於有「韓國街」之稱的金巴利道，由街頭至街尾都有不少韓國餐廳，這裡的韓餐館大多是由韓國僑胞設立的，店家這個也是一樣，味道跟在韓吃到的都差不多到韓國餐廳吃飯絕對少不了韓國小

同男朋友叫咗個lunch set !＄320 x1 包一份牛肉，兩份主食同飲品韓國烤牛肉勁多牛肉勁大鍋🤣側邊仲有大量蔬菜！即刻覺得冇叫錯！烤牛好嫩冇筋唔會好un而且牛肉醃過所以唔會冇味亦唔會太重口味～甜甜地好好食！韓式牛肋骨湯有4大嚿骨，上到檯熱辣辣超正，牛肋骨近骨位嘅肉好有咬口，其他肉質都好淋～湯都唔會太油，不過就咸咗少少辣海鮮豆腐湯豆腐份量都幾多下，面頭有隻未熟嘅蛋，蜆就得三隻有點少🙈上檯同樣熱辣辣，入面再有啲蔬菜配料，不過湯底同樣偏咸～配飯食唔錯Overall其實都幾抵食～經過可以try try

我和朋友共三人,叫4碟餸, 炒粉絲味道正常但多油，鐵板牛仔骨個鐵板上面浸滿晒油,正確學名係油浸牛仔骨，味道正常，但一碟6-7件，有一半牛都好韌. 蔘雞湯 湯無乜味 雞好鞋, 𥚃面釀左啲飯, 啲飯有啲硬, 唔知係咪特登嘅呢？ 另一個餸係乜乜步隊, 有午餐肉,腸, 年糕…..完全唔識評論.未叫餸之前一啲韓式前菜都唔會俾你, 三個人total 淨係比三小碟, 一碟薯仔，一碟係泡菜，一碟係泡菜, 份量少到每人搭一下就已經冇,當然無refill.根本就唔係正式韓國食市，係好local嘅韓式食市， 食物質素一般，冇必要再去因為附近有好多選擇. 最差係個女侍應(應該係女版老闆娘，佢係態度、語氣、表情 都充份表現出想你盡快埋單走. 飲完杯水唔好妄想佢會幫你再斟.

香港有好多間餐廳可以食韓國菜，但唔係間間都好食同正宗，在尖沙咀金巴利道為最多韓國餐廳，今次就黎到呢間南大門試下，原來呢間有幾間分店，在這邊都差不多有3間分店。黎到門口，老闆都親力親為係舖頭門口推薦有燒肉和有單點的韓國菜，入到去見到隔離枱的石鍋伴飯「噼噼啪啪」聲，已經覺得好正☺️，所以就點了佢地既招牌石鍋伴飯、鐵板炒牛肉和泡菜湯等。傳統的韓國菜當然會有配菜啦，所以點完菜店家分別給了4款配菜，包括：大豆芽、泡菜、醃蘿蔔、醃茄子🍆。肚餓可以先吃配菜😋，再慢慢等主菜😛。當石鍋伴飯黎到真係「霹靂啪喇」😆，老闆仲拎支韓式辣醬過黎教我地加落去會好食好多，我加左好多😂，撈埋一份真係好食好多😛。我地點了：石鍋伴飯鐵板炒牛肉泡菜湯

陪朋友試完婚紗👰🏻‍♀️見到 #南大門3號因為你都會有勁多間分店 但係朋友話呢間係最好食👏🏻我哋叫咗個lunch set ！$320 x1牛肉 x2主食 x2飲品如果加多份牛肉就$200 而我就要多份🤭 板腱肉 板腱肉真的係我最愛♥️超級好高質眼見每塊牛肉既脂肪分佈都十分平均燒熟後帶焦香而肉超嫩 牛味好香濃韓國烤牛肉超級大鍋呀😍 懷疑4個人都夠食😂烤牛食落完全冇筋 醬汁又甜甜地啖啖肉 😳鍋邊有蔬菜🥬 又肉又菜唔怕肥💕大醬湯🫕平時我係唔飲大醬湯但朋友話呢到既大醬湯加咗好多海鮮 令到湯變得鮮甜 試左啖又真係幾香幾甜☺️韓式牛肋骨湯聽講韓國女生皮膚咁好係因為成日飲牛肋骨湯😍呢到既湯水吸盡牛肉牛骨精華 每啖清甜可口營養價值又高💕柚子SOJU食韓國野飲soju係一定既燒到熱熱地就同朋友飲返杯☺️📍尖沙咀金巴利道65-67號太平洋大廈地下3號#韓式燒烤 #無煙韓燒 #放題 #燒肉 #koreanbba #hkfoodblog #hkfoodlover #hkfoodshare #hkfoodstagram #hotpot #lunchset #dinnerset #koreanbeef #allyouca

啲嘢食麻麻哋，服務質素真的不了，我哋入去進食大約50分鐘，喺出面有2至3個人係度等，個老闆已經開始趕人走，係咁問啲野食要唔要，已經問咗2-3次，我哋枱面啲嘢仲未食完，我想講嘅係都冇帳單上寫限時食幾耐，就不斷趕人走，做生意唔係咁做囉，啲客只會黎一次，唔會黎第二次。

隨意入左去一間韓國餐廳點左平時愛吃既韓國菜飲左少少燒酒🍶 感到幸福🥰韓式炸醬麵炸醬麵一定係韓國菜既招牌特色啦 我發覺韓劇既主角一定係鐘意食炸醬麵架🤣 呢到既炸醬麵好足料呀 而且味道好濃郁 夠哂味道 撈埋d麵真係好正😋😋韓式海鮮豆腐鍋🍚我最最最鐘意既韓國菜之一就係豆腐鍋！每次食都一定會叫😆湯底辣辣地好開胃！加上滑嘟嘟豆腐同埋海鮮好好味 識食一定將成碗飯倒入湯到食😉超級正！😍😍😍桃味燒酒🍶🍑好有驚喜既桃味燒酒🤩 飲落口d桃味慢慢滲出來 有少少中和左燒酒既刺激，好易入口😚😚

話說今日想食下韓國嘢咁收工就搵埋另一半落尖沙咀搵下韓國嘢食。由於本人想食雪濃湯，就諗住搵啲唔係食燒烤嘅，結果嚟到呢間門口睇，睇緊有冇我哋要嘅嘢!!就喺呢個時候有位操流利韓語嘅大叔，過嚟收割咗我哋呢兩隻迷途小羔羊，帶咗我哋入鋪。佢哋有三間鋪，兩間喺隔離各自食燒烤同韓國料理，仲有一間喺對面都係食料理嘅。我哋坐低點菜先啦，要咗我想要嘅雪濃湯白飯，再叫多個泡菜煎餅。我哋兩丁友都唔大食，剛入坐嘅時候仲有啲前菜食添。上菜喇，見有韓國啤就小酌一下啦各人點咗一杯，邊飲邊食嘅時候忍唔住想叫個炸雞，炸雞只有兩個款式，辣炸雞同埋醬油炸雞，我地揀左醬油炸雞送下酒先。雪濃湯，嚟嘅時候新鮮滾熱辣，整啖湯試試先～嘩～味道十分濃郁⋯啲牛酥味勁重，導致入面啲粉絲同各種配料味道都個陣..牛酥味，印象中之前食其他雪濃湯啲味唔係咁，可能係間間都有佢嘅獨門秘方，恕我未學識欣賞!?泡菜煎餅，正常份量，味道都OK，正常水準。前菜有 - 茄子, 泡菜, 大豆芽, 味道OK至於後叫嘅醬油炸雞都嚟到，一睇唔多似有炸過～食落似係輕輕煎過定因為俾D醬浸林左?至於啲醬似係柚子醬咁....絕對唔似醬油味😥食落啲味道真係似足西檸雞⋯咁講以為食緊中

晏晝12點左右嚟到，好多間都未開，見呢間開咗就試吓，入到嚟坐低之後自己用紙寫低餸嘅Number之後比員工—————————————————————落完單之後就上咗三款前菜，泡菜偏鹹，麻麻地😅⭐️鐵板泡菜炒豬肉飯🐷🌶$89 份量都唔少，好多泡菜，豬肉係用咗五花腩，炒嘅醬汁甜甜地唔會太辣，用鐵板上熱辣辣，好送飯👍🏻•海鮮豆腐湯🦐🌶$85 湯裏面有:豆腐，蛋，蜆，一隻蝦，翠玉瓜同洋蔥🧅份量都算多，不過湯底就偏鹹•煎餃子🥟$75 有5️⃣隻🥟 即係即煎，食落去個皮好脆，餡料入邊有啲粉絲，同平時出邊買嘅餃子差唔多，跟咗個餃子汁，唔好點太多如果唔係又係好鹹😅——————————————————————————整體嚟講快食lunch價錢都算正常，不過嘢食就有少少偏重口味，食唔到重口味嘅人可以試吓其他