南대門3號

营业中

休息中

整體來說，傳統韓國菜🏠有家的感覺🥰大件夾抵食食物下單後送上前菜，有韓式泡菜、 涼拌豆芽和和涼拌蘿蔔， 三款用來拌飯都很醒胃海鮮辣豆腐湯 $85味道香辣濃郁，好足料，d蜆鮮甜，蝦🦐又彈牙，會配個白飯一齊食🍚石鍋拌飯 $92冬日之選，食到最後都係熱的，配料有牛肉、紅蘿蔔、翠肉瓜、牛蒡、大豆芽、蘿蔔絲、紫菜，再撈埋韓式辣醬，口感豐富，仲有飯焦海鮮煎蔥餅 $143即叫即煎的煎餅， 煎到金黃色的，外脆內軟，蘸上醬汁一齊吃，值得再食

最近好迷一套韓綜《出差十五夜》，好笑到會令我拍自己大髀嘅程度🤣 有種搵翻當年初初睇Running Man嘅心情🙈 所以心郁郁特別想食下韓國嘢，咁當然要去尖沙咀條韓國街naaaa🍜🇰🇷🥢Menu:呢間韓國餐廳好自助，連落單都係自己將餐牌上食物相對應嘅Number寫喺紙仔上面，再遞俾侍應阿珠媽👩🏻‍🦱1️⃣ 海鮮煎蔥餅（$143）呢個煎餅真係一絕🤤 唔好睇我夾起一塊煎餅好似薄薄地咁無咩特別，食完我先驚覺有陣時煎餅唔係厚就係好味😵 邊間嘅戰蔥餅厚薄剛剛好，煎出嚟每一啖都係脆脆嘅餅底，而且上面佈滿各式各樣嘅配料，有魷魚、鮮蝦、蠔仔、大蔥、紅椒，再點埋附送那一小碗鹹鹹地嘅醬汁，入口更加惹味🥰2️⃣ 炸醬炒年糕（$88）成日見到無論韓綜定係韓劇都會有食炸醬麵嘅場面，令我都好奇究竟「炸醬」係咩味道😌 食完呢款炸醬炒年糕就明白點解韓國人咁迷「炸醬」，不過個味道都有啲複雜，唔係容易可以形容，當中有少少似香港嘅美極豉油味道，但又有中說不出嘅鮮味，同少許甜味🤣 唯一可以保證嘅就係你會食唔停口🫣🫣3️⃣ 水冷麵（$92）如果你鍾意食煙煙韌韌嘅蕎麥麵…就一定唔可以錯過韓國嘅水冷麵!!😍 為咗可以長久保持住水冷麵嘅低溫，廚師

放假一大班人一定係去食大件, 抵食又可以SHARE 既野, 韓國野食就岩哂, 咩類型都有。今次唔食燒肉, 簡單食野再飲下酒~呢間真係由韓國人開, 所以同佢地都係講英文~叫左兩樣野食加米酒~落左單就會上左前菜先, 有泡菜、麻油荳芽、炒粉絲 ,醃黑豆。雪濃牛骨湯 $110湯底奶白色, 飲落夠味唔油, 天氣凍凍地飲番碗熱湯好滿足, 湯內有好多半肥瘦的牛腩, 肉質軟腍, 仲有麵條~唔夠既仲有碗飯整湯飯食~海鮮煎餅 $143份量幾大，外表煎到金金黃黃, 好靚, 材料佢地都冇手軟, 落左好多海鮮材料落去, 食落煙韌軟糯, 脆口又好味, 配埋米酒飲一流~

好耐冇去韓國旅行，都真係幾懷念當地嘅韓國菜，就係臨出發去韓國旅行前一日搵咗間位於尖沙咀非常道地，因為係當地韓國人開嘅韓國餐廳🍴今日去尖沙咀行完街，今日就決定要去金巴利道韓國食晚飯，朋友推介南大門，去到原來去有分兩辺，一邊食韓燒，一邊就傳統食品，今日唔想咁大油煙，決定揀傳統韓國美食。呢間真係幾有韓國feel，唔單止講佢哋裝修環境，更重要嘅係佢哋所有店員都真係韓國人，非常地道！今日菜單：首先韓式前菜有Kimchi，醃蘿蔔，翠玉瓜，矮瓜，全部韓式醃制好開胃。韓國嘅錢塞其實我都好鍾意食，全部兩盤都係酸酸甜甜辣辣哋，好開胃，特別係泡菜係我最鍾意食嘅韓國伴菜。牛肉石頭鍋飯- 同行朋友鍾意食石鍋飯熱辣辣大大碗，配料有好多大豆芽蘿蔔絲，紫菜，再撈埋韓式辣醬，味道幾有層次，朋友食完話牛肉味夠濃郁。海鮮煎蔥餅- 呢款煎餅好香，點餐之前睇佢哋餐牌搵吓有咩好食，見到幅相覺得呢個煎餅好吸引，於是乎就點來試一試。佢嘅口感有少少似蔥油餅咁煙靭配上雞蛋嘅蛋香味道，再加埋海鮮做配料，裏面有魷魚八爪魚配合埋一齊都好香口，個人覺得呢款值得推薦！海鮮豆腐湯- 海鮮豆腐湯辣到啱啱好，裏面配料都夠多，蜆仔鮮甜，蝦亦都幾彈牙，另外

有「韓國街」之稱的金巴利道，由街頭至街尾都有不少韓國餐廳進駐，大多是由韓國僑胞設立，這個店也一樣，味道跟在韓吃到的都差不多，算正宗。📍位置：在尖沙咀站B1出口，大約十分鐘腳程。🏠環境：由於3號分店滿座，我們被安排到2號燒烤分店，裝修如傳統韓國燒烤店，氣氛很熱鬧！🤵🏻服務：下單後才送上前菜：泡菜、麻油荳芽、炒粉絲和醃黑豆。除了炒粉絲不能無限添加，其他三款都可以，樣樣都好吃😋！🍽️晚市：由於中午吃得多，不想吃太多肉，沒有點燒烤套餐。🍲雪濃🐄牛骨湯 $110份量正常，再加送一碗白飯，湯底呈奶白色，喝起來味道清淡又不油膩，再加點湯可整泡飯，味道比麵更好吃😋！本以為是用大塊牛肉骨，原來是選用了半肥瘦的牛腩，肉味算濃郁😉，口感很軟腍！🫓海鮮煎餅 $143👍份量頗大，賣相吸引，煎得金黃色，餅餡很豐富，有很多不同的海鮮粒，令煎餅味道更香口🤤，餅皮還有一種煙韌軟糯感☺️，蘸一點特調醬汁就更惹味😋！🍾米酒 $80這款酒精濃度低，順滑易入口，很適合女孩子喝！

是日同好朋友來到南大門三號食韓國野見佢門口都系長期好多人食今日就同朋友試試佢先飯前職員會俾三小碟小食有泡菜芽菜同埋菜仔，都唔錯好好食😋同朋友點左個韓式牛肋骨，韓式紫菜飯卷同埋韓式炒年榚韓式紫菜飯卷哩個真係好好食，餡料好多同埋加埋炒年榚汁，真係無敵！韓式炒年榚韓式炒年榚份量都多，有粉絲椰菜魚旦片真係好滿足。韓式牛肋骨鐵板上的牛肋骨，啖啖肉又好重牛味加埋飯卷一齊食真係一流哩度食飯感覺真係好韓國家庭怪唔得咁多人食正😄

約左人嚟尖沙咀睇戲，開場前先去附近食晏。有人心血來潮，話要食韓國菜，帶左我嚟金巴利道呢間「南대門3號」。餐廳主打傳統韓國料理，店面地方不大，但裝修舒適，環境簡潔，予人乾淨企理嘅感覺。點左牛肉雜菜炒粉絲、石鍋拌飯同清燉牛肋骨湯。點完餐後，店員就隨即送上幾款前菜，有泡菜、茄子同大豆芽。泡菜嘅味道好出色，入口酸酸辣辣，非常醒胃。牛肉雜菜炒粉絲 ($90) 率先送上，牛肉水準唔錯，腍嫩入味，而粉絲亦炒得乾身不油，條條分明，入口味道剛好，唔會過鹹或太淡，帶陣陣麻油香。另外呢客石鍋拌飯 ($92) 賣相亦非常吸引，飯面鋪滿了牛肉，紅蘿蔔、翠肉瓜、牛蒡、大豆芽同白蘿蔔，再伴以一顆生雞蛋，色彩繽紛，令人食慾大增。趁熱將生雞蛋同配料拌勻，再加入少許韓式辣醬，入口香味撲鼻，米飯粒粒分明，而且每一啖都帶有蛋嘅香氣和辣醬嘅微辛，滋味滿溢。最後飲埋個清燉牛肋骨湯 ($110)  湯底味道非常清甜，韓國粉絲煙韌彈牙，而牛肋骨亦牛味粗獷，腍度適中，拌著暖笠笠嘅白飯吃，充滿韓國風味。

近排好喜歡去金巴利道食韓國菜😋， 正宗又好味， 今次到南대門3號，位於尖沙咀金巴利道65-67號太平洋大廈地下3號。 店內平日都好熱鬧🙌🏻，餐廳上有不同種類的韓國菜式，晚餐🥢～ 紫菜包飯$66、 海鮮煎蔥餅$143、 鐵板辣炒八爪魚蓋飯$108。 🔸韓國拌菜🥗 ～ 點了食物之後店員就會為我們送上韓國拌菜，有韓式泡菜、 涼拌豆芽和和涼拌矮瓜， 三款用來拌飯都很醒胃。 🔸紫菜包飯🌯 ～ 我又食kimbap😋， 餡料配搭得很好味， 紫菜味好香，口感清爽。 🔸海鮮煎蔥餅🫓 ～ 熱呼呼的煎餅， 餅底口感酥脆，蘸上醬汁一起吃，更可口✌🏻。 🔸鐵板辣炒八爪魚蓋飯🥘 ～ 八爪魚🐙口感爽嫩好好吃， 辣度適中， 越食越惹味。 喜歡吃韓國菜的朋友一定要來尖沙咀金巴利道， 有很多正宗又美味的韓國餐廳，南대門3號都是一個好選擇🤤👍🏻。🏷️溫馨提示～ 整個用餐體驗均屬個人分享意見， 只作參考😊。    

《正宗韓國料理💫》———————————————-#南대門3號 🇰🇷-想食韓國嘢就諗起去韓國街搵食，早排就去咗一間韓國地道小菜館，由韓國人主理，夠哂正宗🇰🇷-🌊 海鮮蔥餅打頭陣有海鮮蔥餅，大大份，煎到金黃色，外脆内軟，口感極佳👍🏻 餅皮仲帶點煙韌軟糯嘅感覺，中間亦充滿蔥絲同海鮮粒，層次豐富✌🏻-🌶️ 泡菜煲凍冰冰啱哂食泡菜煲，原煲咁上熱辣辣，裡面有大量泡菜、五花腩同豆腐，仲跟埋個白飯，十分滿足🍚-🐽 鐵板豬肉飯辣豬肉醃完食落個味道好香濃，腩肉仲連埋嘅皮同略帶軟骨，口感豐富，非常惹味🤤 -⭐價錢參考：（另收加一）蔥餅：$143泡菜煲：$85鐵板豬肉飯：$89🍌抵deal指數：7/10💰人均消費：$180

好耐冇去過韓國街，今次終於喺尖沙咀行街之後去食嘢！前菜超豐富！雪濃牛骨湯除咗係上台嘅時候熱辣辣之外，牛尾係非常香濃，入面仲有好多牛肉～ 感覺有啲似牛舌！另外亦有蛋花，麵條等等，另外亦都包括一個飯，唔係剩係得個湯！石鍋飯裏面有超多配料，我鍾意佢有翠玉瓜、蘿蔔、又有紫菜等等，相當豐富！仲可以自行加入辣椒醬～ 裏面嘅牛肉好入味，而且全部都熱辣辣，仲有少少飯焦！花蛤刀切麵非常鮮味，同樣裏面有蘿蔔及翠玉瓜，仲有粒粒花蛤，另外佢呢款都前面有少少似烏冬，不過相對比較彈牙。Menu/環境

今次去到韓國街覓食，經過呢間餐廳覺得感覺幾溫馨，野食又唔貴，就決定試下😛餐廳座位唔多，大約坐到20個人，裝修簡單，似韓國D家庭餐廳❤️最鍾意佢幅牆有小王子既霓虹燈😻我地Order左個雪濃牛骨湯($110)、鐵板牛肉飯($89)同兩罐韓國果汁($18)😎落單既時候先發現個有個後生仔應該係真韓國人黎，其他員工唔肯定係咪，不過都係唔識講中文😮但佢地都可以用簡單英文溝通，仲好nice好有禮貌😬個雪濃湯係用牛骨熬煮既，個湯飲落好香好濃郁，入面仲有D牛肋條、蛋絲同麵，D牛肋條既口感係嫩得黎好爽口😍佢仲跟左碗飯，我就倒埋落煲湯到變湯飯，粒粒分明既飯撈埋肉味好濃既湯一齊食好正😛食完成身暖笠笠，天氣凍既話一定要叫呢個試下🤣個鐵板牛肉飯份量十足，鐵板牛肉同D菜絲鹹鹹甜甜好夠味，D菜唔會炒到老曬，仲係好甜好爽口😬牛肉嫩得黎好Juicy，撈埋D汁同D飯食一流🤪韓國餐廳當然有得揀D韓國野飲啦，佢地有燒酒、米酒、啤酒等等，我地就揀左提子汁同梨汁，入面有埋果肉，又唔會好甜，都幾好飲🥳Overall我覺得呢間餐廳服務好好，價錢又合理，最緊要係野食都好食，值得一試😛

尖沙咀食韓國菜當然係去韓國街，今回選中南大門3。平日1900到得返一張吉枱，應該都唔錯。前菜 - 韓國泡菜、麻油荳芽同韮菜蘿蔔韓國泡菜好好味，好多辣醬，但唔係太辣！紫菜包飯 Lorean style rice $66除咗有紫菜同埋芝麻之外，入邊有雞蛋、午餐肉、紅蘿蔔、青瓜、漬蘿蔔同漬牛蒡。紫菜芝麻幾香口，煎雞蛋無見過，通常都係甜蛋，幾新鮮！鐵板牛仔骨 LA beef short rib on mental plate $179幾好味，醬香甜味，好岩配飯！甜度剛剛好帶起牛香味，幾濃牛味道。份量都多，性價比就嫁！牛脂平均分布，少少油但接受到，夠哂香！鐵板烤牛肉蓋飯 Marinated beef with rice $89烤牛肉、紅蘿蔔、洋蔥、翠玉瓜、椰菜同埋香蔥炒哂一齊，好入味。特別洋蔥同翠玉瓜咁嘅混合炒飯，冇咗佢嘅草青味，正！平時麻麻哋翠玉瓜，覺得佢好冧，有幾好少許硬身。牛肉味都好重，當然唔夠牛仔骨重哈哈！但係份量都係滿足嘅！

📌 南대門3號 - 尖沙咀金巴利道65-67號太平洋大廈地下3號🗓(13/12) 星期二 ⏰ 晚上7點左右 💈特式：今日又途經尖沙咀韓國街，揀左間門面最有韓國風嘅餐廳去食，睇返英文譯音應該係叫南大門3號，上Openrice一睇，佢係尖沙咀都有幾間分店，我今次去呢間我估應該係3號分店掛，但發現2號店原來只係係隔離。🥩🍔🌭🌮🥗🥯🥘🍲🍝🍣🥟🍤🍱食物：今日雖然只有兩個人食，但唔知係咪因為天冷特別覺得肚餓，所以就叫左一個海鮮辣豆腐湯，一個雪濃牛骨湯同一個鐵板炒豬肉，等我又同大家講下🇰🇷味道先。一坐低就有4小碟前菜食，4款都好好食，問過職員仲可以無限refill的，其中最推介係個泡菜同韓式榨菜。海鮮辣豆腐湯 - 韓國食品中我都幾鐘意呢個海鮮辣豆腐湯，我覺得佢嘅存左就好比泰菜嘅冬蔭公咁受人注目，呢個海鮮辣豆腐湯只係$85，仲要包埋個飯，價錢方面就認真唔貴，味道帶香辣濃郁，材料亦都好多，同行朋友唔係太好辣，但結果比佢飲左大半有多。雪濃牛骨湯 - 同行朋友唔想每樣菜式都叫辣，所以就叫左呢個雪濃牛骨湯，佢都係包埋飯，但真心驚食唔晒，所以就叫左佢唔洗上個飯，呢個湯一上枱已經聞到好香牛味，湯底

平時經過南대門3號，可能因為門面係黑色裝修既關係，唔算起眼，但今日經過時俾個老闆R吹水，就入去食啦。首先講下個老闆先，幾搞笑會同你吹水，佢有兩間店痴埋一齊，一邊就韓燒一邊就食飯，兩邊佢都會介紹你食。今日我就揀左食飯。南대門3號既價錢都親民，都係$70 - 1XX左右，一開波就會俾D前菜你食先，泡菜都夠辣好食，豆就合格啦，茄子就本人唔中意食。之後就到主菜啦，辣海鮮豆腐湯，個湯都足料，有蝦有蜆，而個湯都辣度岩岩好，配合埋冬天凍凍地食落好溫暖，仲有D豆腐菜呀，整體黎講都算OK啦，價錢算平CP值高。

尖沙咀出名食韓國野，今日放假，同朋友試左南大門3號。晚飯時間只有單點，一行三人叫左一個飯，一個煎餅同一個年榚拉麵share 食。坐低後店員就先上前菜，有大豆芽，泡菜同脆玉瓜。辣炒年糕辛辣麵：突然間又想食年榚又想食麵，呢個辣炒年糕辛辣麵就係最完美嘅組合。材料除左有韓國年糕之外，仲有麵，脆玉瓜同椰菜，加入左咁多配料嘅炒年榚同拉麵，材料非常豐富，年榚軟硬度剛剛好，醬汁又濃郁，辣度剛剛好，非常適合香港人口味，賣相方面，顏色非常鮮艷，色香味俱全。鐵板烤雞肉蓋飯：鐵板蓋飯可以揀配豬肉、牛肉、雞肉、八爪魚同辣魷魚，用鐵板上嘅雞肉醃成橙色，入口非常嫩滑，調味又適中，配埋椰菜，脆玉瓜同紅蘿蔔，極有口感，配埋飯食，令人食得非常開胃。泡菜煎餅：泡菜煎餅一份有八件，煎得夠香脆，唔會太油，食落外脆內軟，泡菜味夠濃郁，有令人一件接一件吃嘅衝動。