南駅 (已結業)

$78一向都好鐘意食海南雞，依間餐廳有得揀龍崗雞同清遠雞，我就揀左貴$10既清遠雞🐓 首先擺盤已經夠吸引，海南雞用玻璃碟上第一次見😍 雞肉食落好嫩滑又有鮮味，選用走地雞雞皮較薄而且中間冇夾雜多餘雞油同肥膏，雞皮咬落仲有少少爽脆👍🏻同冰鮮雞好大分別！食海南雞最鐘意係跟埋個雞油飯🍚🐔 d飯有好香雞油味，煮得啱啱好軟硬度適中。而值得一讚既係個湯👍🏻👍🏻同外面的味精湯好唔同，味道淡淡地清清甜甜，用茶壺裝住再倒落碗度飲仲有一大舊雲耳，好特別呀！ $68睇個賣相就知依個鰻魚飯好好味😍 個飯一上台就聞倒好大陣香味！事關依個鰻魚飯係用糯米個底墊左一大塊荷葉再蒸，d糯米好煙韌仲有陣陣荷葉香味🍀 上面大大塊鰻魚燒到啱啱好，咬落啖啖肉仲好新鮮😋 鰻魚汁再撈落d飯一齊食好野味！而且只係$68簡直好味又抵食👍🏻👍🏻 $78依個豆腐真係冇得輸！超級好味👍🏻😋 豆腐本身好軟滑，雪到冰凍再配合鮮甜海膽同黑松露，食落口成口鮮味又有黑松露既香味，仲要咬都唔使咬一啖呑落肚，令人回味無窮！😍😍😍

好評如潮聞風而至,本來想試鰻魚蒸糯米飯,但點左清遠海南雞飯,攞盤好西式精美,先試湯潤下口先,冇特别,再試雞胸就知中伏,咁鞋嘅雞胸明顯未到家,雞肶同翅都 overcooked,好彩用新鮮雞,有D鮮味,仲食得下,不過比好多坊間專門店好食,至於油飯就渣得多,有D米芯仲硬,有D米又太爛,失敗之作,香港海南雞飯好多好都渣,深水埗個間好D。

駅依個字我以為只會響啲新樓盤先會見到。駅個字其實我都唔係好識解，係咪同驛字差唔多。大約意係馬匹既中轉休息站呢？海南雞會有兩種雞楝，清遠麻雞或龍崗雞。清遠海南雞飯 - 一向喜歡啖啖肉既我就緊係要叫係無骨海南雞試試。依隻海南雞確實同食開既冰鮮雞有好大分別，雞味比較重而且肉質會比較彈牙，加上海南雞都出名滑，真係唔錯。而個雞油飯就都香，味道唔算濃。醬汁方面，個人認為可以再辣多些少，而黑鼓油些都可以杰少少，我諗會更正。鰻魚籠仔蒸糯米飯 - 荷葉蒸飯就食得多，今次都係第一次鰻魚蒸糯米飯，有無中日合壁既味道。食鰻魚最緊要當然係個鰻魚汁啦，甜甜地再加埋啲軟綿綿既糯米飯，感覺又真係幾新鮮既，加上荷葉底，有淡淡荷葉味，真係幾好食。黑松露海膽凍豆腐 - 真係神來之筆一樣，依個豆腐真係非常之好食。海膽又大粒，加上黑松露，再配埋雪凍既滑豆，入口即溶，味道又好夾。值得推介。Coffee Mocha - 朱古力咖啡又點會唔好飲呢

工作關係每個月都有一日會來筲箕灣開會，而對於我這新界人，確實是很少機會去到咁入，所以每次做完正經事，都會食埋飯才離開！今日揀左呢間叫南咫，是食星馬fusion 菜的，網上好評是健康版海南雞飯。我揀呢間的原因其實不是海南雞飯，因為我平時都不太健康，反而是因為這間店的落地大玻璃，既可以望到街外的風景，又可以好好隔絕外面的煩囂。最後我揀了籠仔蒸鰻魚飯($68)，大概要等十五分鐘才上枱，粒粒飽滿的糯米飯上淋上甜甜的鰻魚汁，熱辣辣都幾吸睛，不過我覺得鰻魚汁不是太搭配，因為醬汁比較稠身，不能流到每一粒飯那裡，第一口太多醬汁，但中間就開始乾了，倒是鰻魚幾厚肉，骨又少，真係做到啖啖肉的感覺，可能其他兩款會好一點。糯米飯煙煙韌韌粒粒飽滿，只是醬汁未能均勻沾滿飯粒，味道不算太突出。蜜糖吐司($58)算是為這餐飯挽回不少分數，用的是甜甜的丹麥方包，氣孔比普通方包多，所以焗得香脆鬆化，加上已切成條狀，方便用叉一件接一件的吃，沾點清甜的蜜糖，不致於太乾太硬，做得比一般的Cafe 更出色就是。最後的凍朱古力透心涼，冰塊不多，飲完又係時候返去再工作了！餐廳定價屬於街坊價， 都幾吸引而且店員態度不錯的，只是旁邊都是知

放工約左朋友食飯，大家都係東區返工，所以就過左筲箕灣食，呢頭多選擇嘛😀今次就來左呢間南駅，聽人講呢間餐廳既海南雞飯幾出名，咁梗要試試啦餐廳環境相當唔錯，裝潢得幾有格調，仲以為係間西餐廳，但又似咖啡店，所以估唔到最出名係海南雞飯點左幾道菜，當然有海南雞飯啦，今次揀左清遠雞，雞好嫩滑，唔會好似出面既果d積住雞油另外個盤好精緻，食物份量都適中，分左3隻醬，我自己比較鍾意甜醬，好特別，個湯亦都好好飲，好清甜之後就係呢款巴拿馬火腿pizza, 皮好薄好脆，芝士又惹味，咸咸香香口感一流！最後係呢個南瓜汁伴海鮮翡翠苗，菜式好靚，南瓜汁好好味，有d帶子肉，如果撈飯一定好正，份量睇落好少，其實都多

雖然港島東未必是經常到來的地區，但是仍然會不定時來到這區。而今晚就到了筲箕灣閒逛，順道食埋晚飯才回家。南駅位於東大街，是著名的食街。餐廳地方都幾闊落，坐得幾舒服的。環境則以黑色為主，但都幾光猛的。打開餐牌，主打東南亞菜式，當然亦有西式的沙律，風味小炒，馬來咖哩，三文治薄餅，意粉等供應，可謂幾多選擇。凱撒沙律（五十八個大洋），為今餐提供了蔬菜，除此之外，沙律還有大量芝士粉和麵包粒。沙律菜本身幾乾爽的，吃下爽口之餘，亦富有香濃的芝士味道。選擇了海南雞飯（一百二十八個大洋），當中以龍崗雞及清遠雞作為售價的分別。而在下選自清遠雞吧。雞皮脆口而雞肉亦感幼滑，當中三色醬汁包括薑蓉、醬油和可以說是甜酸醬，三種都是自家調製的，所以味道與外邊不同，當中薑蓉的味道較為特別，看起來不像薑蓉，有種麻的感覺，但又有其味道的，而看似酸甜醬的，有酸甜味覺外其實還有微辣的感覺。瑞士雞翼（五十八個大洋）雖然較為普遍，但卻又想食。用上甜醬油醃製過，因此入口卻是味道甜甜的，而雞翼味道亦不太濃郁，味道適中。餐飲為薄荷茶（二十一個大洋），是咖啡以外的喜愛飲品。當中茶味豐富，亦不失其薄荷的清香，只是薄荷味卻多一點會較好呢！今晚晚

東大街是香港東區一美食街，近排工作後試了南駅，一家中式又港港地式的小店。出名的有海南雞飯，我見好多客人都有點，不過一場來到，要試最特別的。鰻魚籠仔蒸糯米飯 ($68) 唸住鰻魚這些貴價食材會份量好少，點知有驚喜，鰻魚好香，而且好厚肉，骨也不多。鰻魚汁比糯米飯索哂，而且糯米飯蒸到夠淋身。一個人食完一份真係會有D飽，朋友說可以轉白飯，不過都係糯米飯特別D! .

被今期某報刊推介吸引，今晚就試了他們的signature 海南雞，叫了龍崗雞脾及清遠雞脾飯各一。雞除了大細外，肉質沒多分別。味道，沒什麼特別。第一口已感覺到像上海䒱咸雞味道，一點東南亜香料味道欠奉。那3個醬，十個差！那段一定是搧稿！橙色的，說用了泰國豆醬及檸檬汁的薑蓉！我只吃到咸味！dip 了這個sauce 根本會蓋左D雞味（而且雞巳本身得個雞湯咸味😓)什麼那個「加入指天椒的蒜蓉檸汁」，除了酸味，天椒辣或蒜蓉味去了那裡?？！印尼甜䜴油太甜喇，同個雞都唔夾!雞油飯ok lar. 好重椰汁味. 那個「雜菜雪耳清湯，清甜潤喉？」喝了一口，只覺像MSG water! 😂😂😂總體整頓海南雞歺比預期中失望😓

朋友之前食過介紹話尼度嘅海南雞飯好正，老遠都要嚟試吓啦。個透明盤好大，所以望落錯覺份量好少其實一個人食嘅話都一定夠飽。清遠雞肉整得好嫩，雞皮薄得嚟超爽滑一份出色嘅海南雞飯，除咗雞之外，飯亦擔當重要角色。每粒沾滿雞油嘅飯入口特別香，飯質偏硬身有咬口。尼碗飯好大碗，滿到成座山咁仲有湯跟埋添。若果你想指明要食雞脾部位，或者雞嘅份量多啲，絕對可以，當然價錢相對會貴啲啦。一碟有4件，拎到埋枱已經即刻聞到油香味，鵝肝幾厚身吓，size都唔算細喎，不過多士就焗得唔夠脆口，咬落有少少韌。 

餐廳薈集多國菜式 有日泰中西意式都有多心想試唔同野嘅人 可以一試馬來咖喱吉列厚切豚肉飯好食指數: 4/5抵食指數: 4/5豬扒非常足料 夠厚身外層脆皮亦整得金黃鬆脆內裡亦有肉汁 唔乾身配上香濃微辣嘅咖喱汁 碗飯一定清哂喇😉

這家裝修得像cafe的餐廳竟然主打有海南雞飯 海南雞飯配咖啡 你有冇試過未 太fushion了 ✨海南雞飯 ($78+$10轉雞脾*)✨這裏的海南雞可以選不同部位 不過要加錢 除了油飯 海南雞 還有些配菜 青豆同蘿蔔脆脆！油飯有色有光澤但唔夠香海南雞轉脾 肉質嫩滑不過雞皮厚得有點肥膩 部份帶骨吃得有點狼狽🤔少不了雞湯 清澈 入口有雞香 用茶壺承載滿精緻✨Cappuccino($35/1)✨細滑 有Cafe質素！奶味比啡味更突出 不過拉花都好穩不易散掉！還有漂亮的拉花 只不過海南雞飯配咖啡怪怪說😂✨黑松露野菌忌廉意粉 (上 $78*)✨滑溜的忌廉汁夠濃郁 不過有點膩 如果大碟點更好✨黑松露海膽凍豆腐 (中 $78*)✨細緻的刀功把豆腐切得很薄！清清地有海膽鮮味不過加埋黑松露有少少搶味 二選其一更適合！💥整體味道不錯 但份量偏小 價錢偏貴啦但東大街很多甜品店可以再下一城!!!

好耐都冇寫同呢個接男朋友食飯系列，咁近近地就揀咗係呀好耐冇去嘅東大街。好多人都知東大街係一條美食街，各式各樣嘅美食都可以喺呢度搵到。南駅比較特別，似係半coffee shop半食店。初頭見到門面以為係一間西式餐廳，點知原來裏面食嘅菜式種類非常之多。招牌菜緊竟然係海南雞飯，就俾佢吸引左入去啦！餐廳採用嘅係比較暗色為主嘅格調，裝修似cafe，感覺非常休閒。座位亦都好闊落，坐得好舒服。當日客人都好多，仲要等位添，睇嚟真係好受歡迎。咁見到招牌左係海南雞飯，小妹當然唔執輸叫翻個試試佢。海南雞飯加油兩種，一種是清遠麻雞，另一種係龍崗雞。我就揀咗清遠麻雞，加左＄10要咗全脾肉。飯用上透明玻璃碟送上，配以三種醬汁，油飯同雞湯。清遠麻雞皮色金黃，雞味非常濃郁，皮爽脆薄！雞用上生長期80-90日嘅雞，係走地雞嘅一種，保持住嫩滑又不失咬口！雞件已經細心咁去咗骨，食嘅時候好方便。油飯唔會過油，顏色唔係好濃，不過飯就充滿咗香味，油均勻咁佈滿咗係每粒飯中。另外配以嘅雞頭用上茶壺裝住，自己倒落盛有雪耳嘅碗中。味道唔係好濃，清清地，食完雞後清清味蕾很不錯呢。男朋友叫嘅係籠仔蒸糯米飯－鰻魚。一上台就聞到濃濃嘅鰻魚香味。

之前聽朋友講港島有間特式鰻魚飯，當然……點都要去試吓喇裝修唔錯清遠海南雞飯 - 雞少骨，好滑，不過雞油飯未夠香，但係都絕對唔差雞飯醬汁 - 最好味係佢地獨門自家制豆醬薑蓉，超好味雞飯有配清湯鰻魚籠仔蒸糯米飯 - 起初一直都有選擇困難症，完全唔知揀鰻魚好定海鮮好，大少就話特式啲梗係試鰻魚喇，真係好香，鰻魚汁又好好味，糯米夠淋，無生米，好正，糯米飯底會有塊荷葉，糯米飯食荷落會有淡淡荷葉香黑松露海膽凍豆腐 - 小翼本身身體有問題，唔可以經常食豆腐，所以一見凍豆腐就會好情不自禁😂😂呢個黑松露食唔到平時黑松露怪味，好好入口，海膽好大粒，另外豆腐亦切得好夠薄Coffe Mocha

東大街開左間新既主打海南雞飯店 即刻前來一試！黑松露海膽凍豆腐 $78 超好味同特別既小食薄切豆腐非常滑溜而且豆味起幾香海膽大份 清甜可口配埋黑松露真係100分!!!海南雞飯 清遠麻雞 $78清遠出名走地雞脂肪少 肉質結實 雞味濃份量唔算多 但做得幾嫩滑油飯都幾香 唔黏牙醬汁有三款 仲有個雪耳菜湯忝價錢真係有d貴 唔算特別抵食不過味道的確唔錯既 地址:筲箕灣筲箕灣東大街59-99號東威大廈地下13號舖

籠仔鰻魚糯米飯🐟🍚 （$68）用特色嘅木製蒸籠載著鰻魚飯，賣相精緻，而鰻魚亦好油亮，仲燒得好通透添。鰻魚味道同普遍日式鰻魚一樣偏濃，但不會過鹹，燒得好入味😋，配埋糯米飯食就剛剛好，而糯米飯口感煙韌，質感較乾身，飯冇乜味道，只可以依靠鰻魚嘅汁，如果可為糯米飯稍加調味，整體會大大加分。海南雞飯🐔🍚 ($78)有兩款雞選擇，揀左清遠麻雞。雞皮爽脆，雞肉嫩滑，雞味非常濃郁👍🏻，就算唔點醬汁都好好味。配埋豆角、油飯同埋雪耳清雞湯。雖然份量唔算好多，不過就勝在質素夠高，正所謂貴精不貴多嘛。芝士薯條🧀🍟 ($48)滿滿嘅Mozzarella cheese舖滿香脆嘅薯條，面頭仲有啲煙肉碎。啲芝士流到熔漿咁仲拉哂絲。