影片
以上资料只供参考，请与餐厅确认详情
话说今日去呢间餐厅买咗两个下午茶，一个饮品，一个炒饭，一个炒河同一罐可乐，居然收咗我外卖盒三蚊，之后我好唔明走去问个收银，我问佢炒饭一个饭盒，炒河一个饭盒，点解外卖盒收我$3，个收银阿姐同我讲罐可乐都收外卖钱，我同佢讲𠮶罐系罐装可乐点解要收外卖钱？佢谂咗一阵先同我讲，佢话厨房应该会俾个冰底我，我同佢讲我都冇要求要冰底点解无啦啦要加个冰底，夹硬要我要。呢间嘢本身啲食物已经麻麻哋，仲要乱咁收钱大家真系要小心啲，问题唔系收唔收一蚊嘅问题系真系好唔老实。
继续阅读
今个中秋，决定拣到这里吃做节饭，因为住在附近，对我们来讲算方便，最紧要不用乘车周围去，本身这个商场人流不算多，以为好快就有位，殊不知当日都几多客人...坐好了就叫𩠌，事前有份菜单就在家选好了，所以很快便决定要什么小菜，送菜来都很快，记得是每个小菜跟个白饭和汤，饮品要加几元...我们几个叫了咖啡和柠蜜，估唔到杯柠蜜有点惊喜，几好饮清清甜甜...至于杯咖啡有人就话麻麻地~~~我们几个人，叫四样小菜，碟菜胆鸡几大碟...至于几道小菜的味道，说实话，味道几淡...感觉冇咩食物的原有味道，因为做节那晚真系几多食客，水准都预了麻麻地!!至于食物份量算大碟，其实之前食晏也帮衬过炒粉面，觉得佢的味道唔错，而且几大碟，所以今次做节试下他们的小菜...总括来讲，食物的份量算好，至于价钱算唔错(算经济抵食)，餐厅伙计的服务算唔错(我认为)，至于食物味道就有待改改，做得食店，味道才是客人的首选...
继续阅读
2136 浏览
好耐无写过呢个系列喇，因为都无乜新嘢试到，嚟嚟去去都喺食番𠮶几间。最近晌屋企附近「盈晖台」个商场就新开多一间「南丰餐厅」，所以新屎坑专登落嚟帮衬写返篇早餐食评。其实呢个场越做越「dup」，尤其食肆，连大快活都做唔住，依家剩番一间茶记「云石堡」。由于新开关系，店内嘅环境新簇，亦都比较光猛，以茶记而言，座位都算阔落，大部分都喺卡位，但有一边摆放咗3张大圆枱，明显喺主攻晚市时候嘅小炒，想做啲大枱客。我哋坐咗张4人枱，不过，有个设定好奇怪，佢明明有个侧边拉柜用嚟放餐具，其实仲有空位，但唔明点解啲调味料又放咗喺枱面，挜住晒啲位。餐牌一大本有排影，好彩晌门口见啲外卖单张，一次过扫出嚟就大家睇得一清二楚，不过，都喺茶记标准，早餐、午餐、快餐、常餐、碟头饭、小炒……等等。早餐2. 特浓沙嗲牛肉公仔面 $38个早餐虽然写住配炒蛋火腿及多士，其实炒蛋可以转煎蛋，火腿又可以转为餐肉或者烟肉……等等。好快就送上碗沙爹牛肉面嚟，虽然只得4块牛肉，但每块都相对比较大，算系咁啦，食落啲沙嗲未几香浓，牛肉就几腍滑，公仔面煮得唔错；另外，啲烟肉煎得香口，同埋唔喺超多肥膏嘅平价货色，炒蛋过熟，唔算话好滑，多士得𠮶半片，同埋好似无烘过咁，呢个位就要扣扣啲分。早餐3. 雪菜肉丝汤米 $37老婆嘅雪菜肉丝汤米就绝对唔合格，一来啲雪菜肉丝煮到好糊，成层层胶水嘅口感，二来肉丝真喺数得出有几条，就喺得4条，反而唔明点解有好多肥膏粒，搞到老婆好似捉虱乸咁夹返晒出嚟，所以，佢话呢间餐厅应该无下次。热奶茶、热杏霜餐饮方面，杯奶茶睇落色泽几OK，饮落茶底都还可以，有茶香得嚟但未叫好醇和，口感方面亦都未喺好滑；老婆就话佢嘅热杏霜麻麻哋，味道淡咗啲，唔及上次喺「蕃茄18」饮嘅好。上文都提及过，呢个「盈晖台」嘅商场都有少少死场咁，真喺唔知呢间「南丰餐厅」做得几长。一向都话，一间餐厅最紧要食物做得好唔好，好先有多啲回头客，呢个场已经好难有太多区外生客。食过今次之后，我就觉得麻麻哋，只有睇佢晚市做嘅小炒得唔得，如果有多少少晚市客就仲有得做！
继续阅读