南豐餐廳

营业中

休息中

入去餐廳入邊搵侍應叫飯已經難，個個都扮睇唔到，餐廳入邊已經冇乜人，叫完之後等咗差唔多20分鐘，叫個沙薑雞飯得啲骨同肥肉，已經唔係午餐價錢，叫個正常餐牌入邊有嘅嘢，我係叫砂礓雞飯，唔係叫沙薑骨飯，同個侍應講話係正常，$80食個垃圾骨飯，去餐廳食飯竟然同你講係講好彩，即係平時啲水平完全發揮唔到平常，食個飯都要撞手神真係唔該你。大家諗清楚叫餸食飯係咪真係要嚟呢啲餐廳根本冇諗過客人用餐感受，淨係諗住一味賺錢。

話說今日去呢間餐廳買咗兩個下午茶，一個飲品，一個炒飯，一個炒河同一罐可樂，居然收咗我外賣盒三蚊，之後我好唔明走去問個收銀，我問佢炒飯一個飯盒，炒河一個飯盒，點解外賣盒收我$3，個收銀阿姐同我講罐可樂都收外賣錢，我同佢講嗰罐係罐裝可樂點解要收外賣錢？佢諗咗一陣先同我講，佢話廚房應該會俾個冰底我，我同佢講我都冇要求要冰底點解無啦啦要加個冰底，夾硬要我要。呢間嘢本身啲食物已經麻麻哋，仲要亂咁收錢大家真係要小心啲，問題唔係收唔收一蚊嘅問題係真係好唔老實。

今個中秋，決定揀到這裡吃做節飯，因為住在附近，對我們來講算方便，最緊要不用乘車周圍去，本身這個商場人流不算多，以為好快就有位，殊不知當日都幾多客人...坐好了就叫餸，事前有份菜單就在家選好了，所以很快便決定要什麼小菜，送菜來都很快，記得是每個小菜跟個白飯和湯，飲品要加幾元...我們幾個叫了咖啡和檸蜜，估唔到杯檸蜜有點驚喜，幾好飲清清甜甜...至於杯咖啡有人就話麻麻地~~~我們幾個人，叫四樣小菜，碟菜膽雞幾大碟...至於幾道小菜的味道，說實話，味道幾淡...感覺冇咩食物的原有味道，因為做節那晚真係幾多食客，水準都預了麻麻地!!至於食物份量算大碟，其實之前食晏也幫襯過炒粉麵，覺得佢的味道唔錯，而且幾大碟，所以今次做節試下他們的小菜...總括來講，食物的份量算好，至於價錢算唔錯(算經濟抵食)，餐廳伙計的服務算唔錯(我認為)，至於食物味道就有待改改，做得食店，味道才是客人的首選...

話說尋日叫咗個魚香茄子飯，真心覺得難食過兩餸飯啲魚香茄子，個餸剩係得肉碎茄子加個芡，冇鹹魚味，蔥花冇，辣椒絲都冇最慘連鹹味都冇，我心諗是但啦，反正都俾咗錢照食啦，食咗大概三份二個飯，我放埋一邊飲杯檸檬茶，誰不知有個阿姐問都冇問我仲要唔要收走咗我碟飯？我埋單嘅時候走去同個經理講飯都未食完就俾人收走碟飯，佢淨係同我講唔好意思。佢話會同啲同事講返，佢連賠返碟飯嘅意向俾我都冇做，其實講真我都食飽，我唔會要你賠返碟飯俾我，不過真心下次都唔想去食。

好耐無寫過呢個系列喇，因為都無乜新嘢試到，嚟嚟去去都喺食番嗰幾間。最近晌屋企附近「盈暉臺」個商場就新開多一間「南豐餐廳」，所以新屎坑專登落嚟幫襯寫返篇早餐食評。其實呢個場越做越「dup」，尤其食肆，連大快活都做唔住，依家剩番一間茶記「雲石堡」。由於新開關係，店內嘅環境新簇，亦都比較光猛，以茶記而言，座位都算闊落，大部分都喺卡位，但有一邊擺放咗3張大圓枱，明顯喺主攻晚市時候嘅小炒，想做啲大枱客。我哋坐咗張4人枱，不過，有個設定好奇怪，佢明明有個側邊拉櫃用嚟放餐具，其實仲有空位，但唔明點解啲調味料又放咗喺枱面，掗住晒啲位。餐牌一大本有排影，好彩晌門口見啲外賣單張，一次過掃出嚟就大家睇得一清二楚，不過，都喺茶記標準，早餐、午餐、快餐、常餐、碟頭飯、小炒……等等。早餐2. 特濃沙嗲牛肉公仔麵 $38個早餐雖然寫住配炒蛋火腿及多士，其實炒蛋可以轉煎蛋，火腿又可以轉為餐肉或者煙肉……等等。好快就送上碗沙爹牛肉麵嚟，雖然只得4塊牛肉，但每塊都相對比較大，算係咁啦，食落啲沙嗲未幾香濃，牛肉就幾腍滑，公仔麵煮得唔錯；另外，啲煙肉煎得香口，同埋唔喺超多肥膏嘅平價貨色，炒蛋過熟，唔算話好滑，多士得嗰半片，同