南豐小廚雞煲火鍋 (已結業)

放工後約左幾個朋友聚聚頭，一同在旺角食雞煲，今次揀左位於黑布街的南豐雞煲。店面乾淨企理，雖算不上有裝潢，卻是最地道的本地風景。另外，店內還提供wifi，打破你對本地小廚的傳統印象。惹味香辣雞煲(半隻)$108名符其實相當惹味，打開蓋頓時香氣四溢，芫茜極多，調味一流！而且份量實不少，我一個人都食左五、六件雞，雞肉嫩滑無雪味，good!自家手打三寶丸 $48分別有鮮蝦丸、墨魚丸、鯪魚球，真材實料自家手打，難怪咁彈牙，富嚼勁！特級美國肥牛$88勁重牛味，啖啖都是幸福滋味。必食美國肥牛$48肉中油脂較多，較難嚼，相比下還是特級美國肥牛出色一點，果然一分錢 一分貨。鮮魚腐$38食第一啖已經深得我心，中間魚肉很多，很愛它的口感。在menu中顯示為推介之物，真的不同凡響。珊瑚蚌$78雖然雞煲味道好濃，但係都蓋唔過佢嘅鮮味，爽脆又鮮甜。鳳城水餃$38一碟6粒，配料充足，皮薄餡靚。必食即炸響鈴$38即叫即炸，非常脆口，要浸兩次先能夠盡吸湯底精華。灸燒芝心丸$38唔係好多火鍋店有，朋友係芝士控，即刻就話要點。淥完之後外皮脆彈，裏面爆漿，正！竹蔗茅根水$38/渣呢餐除咗好味道又抵食之外，最欣賞係店家熱情嘅招

早幾日同朋友食雞煲，旺角地頭蟲既佢帶我黎到南豐小廚雞煲鍋～星期六夜晚都好FULL，我地AROUND 7 點到，好彩都有位！ 同朋友一人一杯巨無霸飲品，超大杯唔好講笑，２個女仔我覺得可以SHARE 飲！ 我地點左個黃酒滋潤雞煲～職員教我地個湯滾左先好落雞，然後碌熟D 雞後，再焗多一陣先好食！ 一打開蓋，香氣四散，酒味有D 濃，食落味道唔錯～雞塊多肉少骨，唔係雪到無哂質感既雞肉，而且真係好嫩滑！味道同其他雞煲有些少唔同，酒味較重，感覺好滋補！ 牛骨髓好滑溜，食完一條又一條～ 仲點左魚腐，手打墨魚丸、手打蝦丸～魚腐吸收哂湯汁既精華，好好味！而手打墨魚丸、手打蝦丸好大粒，粒粒都彈牙、爽口 =] 最後埋單前，老闆娘就送左碗雪耳糖水比我地～又甜又清涼！

個人認為雞煲已經成為左香港既飲食文化，無論係酒樓，茶記，小炒店都會有，平又有，貴又有。今次同朋友去食既雞煲係一間睇落非常唔看眼既小店，滋補黃酒雞煲(半隻) 一般既雞煲都比較重口味，如果你食野比較清，呢個黃酒雞煲應該會岩你。酒味香濃但又唔會太嗆，仲有D藥材味，飲左幾啖都唔覺太重味精，唔錯。雞雖然肉質比較林，但係都幾滑。三寶丸彈牙，而且新鮮，真係食蝦丸有蝦味，食魚丸有魚味~!安格斯肥牛肥牛油脂分布平均，雖然牛味唔算好重，但都幾嫩。杏片芥菜蝦球呢個有D美中不足係芥菜落得太多，因為芥菜本身味道重，所以搶左蝦既鮮味。椒鹽鮮魷鑊氣真係十足，食落又香又脆，好惹味。如果用黎送啤酒真係無得輸。巨無霸咸檸七份量十足，食完煎炸野飲番杯，個人即刻冇甘熱氣呀!呢到既老闆同埋店員都好有禮貌，唔似一般既小炒店，見我地2個女仔叫甘多野，仲會好心提醒怕我地食唔哂。

母親節慶祝，諗住帶爸、媽黎食好D. 平時踢波經過呢間餐廳，一直都好想食，今晚就帶佢地黎食。餐牌有好多野食，我比屋企人揀，佢地都想食雞煲、小菜。叫左杯檸樂，巨無霸SIZE，正，大大杯！老闆先比Ｄ配料我地。我地點左個滋補黃酒雞煲～因為麻辣雞煲太燥熱，所以阿媽想試呢個滋補黃酒雞煲，黃酒味濃，雞肉嫩滑。　另外點左個油盬水浸花甲，D 蜆勁新鮮又大粒，份量亦好多，唔錯！豉椒炒蟶子，蟶子又大又肥美，而且豉椒炒，所以好惹味！最後點埋個菜心，不過略縑有D 油膩.

Tonight my friend took me to Hak Po Street for hotpot, he said that the food is very yummy and the staff are friendly. So I met him there and went in to try it out. We chose the pickled veggie with pork stomach and pepper soup and added duck because the staff recommended to add duck instead of chicken for this soup. The pot came around 15 minutes later and while waiting for it to boil, there was a nice smell. Once it was ready, we tried the soup; it was delicious and peppery. The ducks were tast

晚上走過黑布街 發現週遭都係甜品甜品同甜品同豬先生晚餐都未食 途經「南豐小廚雞煲火鍋」又有小炒又有雞煲 一定可以食得飽飽姐晚市熱鬧又旺場 因為爆場關係 我地被安排到隔離鋪位開餐豬小姐尼排熱氣到不得了想叫麻辣惹味嘅雞煲都要放棄了 最後揀左胡椒豬肚雞煲湯底顏色似雞湯一般 淡黃色帶有油光榮幸得到老闆娘親自招呼 舀了湯比我地飲 豬先生豬小姐平均飲到兩至三碗左右湯底因有雞的關係 都很鮮甜濃郁聽老闆娘話胡椒係用閔南的 味道少辣較為平和！酸菜煲得腍又甜 豬肚爽口有頭雞件足半隻 肉質口感實在卻未夠嫩 但都算入味夏日炎炎 濕氣重又悶熱 飲尼款湯水就最適合不過飲完湯食完雞就可以打邊爐啦！豬小姐叫左兩三小碟淺嚐一下雞子係豬先生最愛 雞子肥嘟嘟漲卜卜 清洗得十分乾淨 加上用酒去醃過 完全無腥味！每粒雞子都飽滿水潤 豬先生大叫幸福自家手打三寶丸分別係蝦丸 墨丸同鯪魚球丸類比到我地驚喜！好似乒乓波咁大粒蝦丸充滿蝦原有嘅鮮味而且爽口墨丸雪白 加入墨魚軟骨去打 更有彈牙口感鯪魚球對比下就變得普通了澱粉質點可以缺少呢？整番個烏冬先用嘅只係普通嘅烏冬 如果考慮用稻庭或巑崎烏冬就好了！巨無覇凍檸茶很誇張！啤酒杯size絕

同愛人出動去試新野去左旺角附近既依間雞煲坐得夠闊既兩個人都坐四人枱我地叫左個雞煲同小菜老闆都好細心幫我地安排先後既次序等我地可以食到每道菜既味道首先上左我地半隻既黃酒醉雞煲 (9/10)藥材既湯底加上用酒浸住既雞真係要叫，好好食侍應好好幫我地睇住個火，夠鐘就幫我地焗令到啲雞更滑啲湯仲好好飲一定要叫！對女仔都好補架黃酒我地仲叫左兩款配料1)安格斯牛 (8/10)解凍得岩岩好，一拖就放得入口，講起都流晒口水2)三寶丸 (8/10)足料，夠大粒，又彈牙小菜試左考功夫既椒鹽鮮魷 (8/10)夠外脆內軟，仲有大排檔既風味添fusion 菜杏片芥末蝦球 (7/10)唔食得辣唔好叫但送酒就一流！叫左杯野飲既好大杯！人地裝啤酒個啲大杯

星期三晚約左朋友睇戲，順便係旺角搵野食，一行４人就走左入去食雞煲。揀左招牌的香辣雞煲，雖然只係BB辣，但都好香好入味，我就冇另外點醬啦。見到有兩款肥牛，我地兩款都叫哂。88蚊果款好快就熟，仲要入口即溶，個人認為必食！平Ｄ果款就冇咁香，但44蚊來講質素算係唔錯。飲品方面，竹庶水夠清甜，一邊食辣一邊飲真係好正另外推介ｇｅ係響鈴卷，即炸ｇｅ同平時冷藏果Ｄ好唔同，好香好脆，值得一試。至於D丸就不過不失啦。值得一讚ｇｅ係服務態度。伙記叔叔介紹得好詳細，又主動幫我地加湯。最正ｇｅ係我地影相，佢會幫手張枱ｇｅ雜物價錢每人２００左右，食到好飽。可以再戰！

通常小店雞煲啲樓面都態度麻麻地，禮貌欠奉。但呢間一入去樓面已經好好招呼。 呢間除左雞煲外，仲有小菜，而且小菜絕不馬虎，menu 上的價錢並不貴，分分鐘平出面同類型食店2成左右，抵食之選。今次叫左半隻雞，百零蚊，份量都幾多，食完唔會好口干，辣度分咗幾個等級亦可以揀唔辣。不過佢既黃酒雞煲先係最好味，下次可以試試。叫左一碟美國雪花肥牛$88 雖然唔係厚切，但係油脂分佈算平均，有牛味，份量大約有9-10片左右。 聽老闆娘講安格斯牛先係最抵食，呢度賣百幾，第二度賣4xx 。另個鮮黑豚肉都好好味，幾鮮嫩，推介！ 另外，叫左一碟腐竹上湯浸時菜，菜好鮮甜，足料，腐竹份量幾多，一啲都唔馬虎，抵食。值得一提既係佢地既野飲，係好好好大杯，係平時既凍飲2-3倍既份量，今次我地兩個人share 一杯。總括來講，呢度份量好足，一分錢一分貨，服務態度良好，用心經營。

今晚經過黑布街搵食。朋友想食雞煲，經過呢間就入左去試下。估唔到有驚喜。雞煲夠味得嚟唔死咸，叫小辣都好惹味。菠蘿古魯肉好正又夠大碟。墨魚餅好彈牙。芥辣芥蘭好脆口，正。終於再搵到一間好食嘅雞煲小菜館，價錢實惠。會再去幫襯試埋其他嘅菜式。

垃圾中既垃圾 仲以為係寶寶先入去 入到去見到轉咗手都費事走諗住差唔多 唔會好差 點知………………………… 垃圾到 虾丸不知所謂 其他不願致評 仲要收加一服務費 每碟嘢比豉油碟太小小 仲要唔好食 真係吹漲 之後再去食餐m記算 火x滾

今日下午我們去咗旺角黑布街嘅「南豐小廚鷄煲火鍋」食下午茶！呢度夜晚係食鷄煲火鍋，下午係茶餐廳嚟㗎！我們叫咗冬菜蒸鯇魚蒸嘅時間控制得幾好，所以鯇魚嘅肉質都幾嫩滑，冬菜嘅味道唔會好鹹！沙嗲牛肉公仔麵配火腿奄列同叉燒公仔麵配火腿奄列多士嘅麵質質感好「嚡」口，奄列煎得都幾香幾薄，火腿嘅份量亦都幾多，多士烘得好酥脆鬆軟，沙嗲牛肉嘅肉質都幾軟滑，叉燒嘅肉質都幾鬆軟，但質感就比較「嚡」！我們有個跟餐同單點嘅例湯南瓜紅蘿蔔豬骨湯，湯底嘅味道好香甜濃郁，材料亦相當足料！

同飯腳k 去完逛逛購物之後，決定去黑布街搵野食～ 其實一開始真係無諗住食雞煲～ 點知知天無啦啦落大雨， 當時我地行到去南豐門口，又無帶遮～ 就決定入南豐食雞煲，順便避雨～呢到同一品一樣有珍寶檸檬茶～ 我同k 先生～ 一人一杯消消暑先～ 味道都ok~ 唔太甜，而且有茶味；）主菜係雞煲～ 呢個雞煲都算幾好食，不過就差左少少麻差左少少辣，惹味道差少少，家人風味重啲～ 總括黎講差咁啲香料味～ 不過，雞件都滑嫩～ 食唔到雪味～海蜇爽口，係最好味既一道菜，可惜份量少左啲～羊片，我個人因為唔食牛，所以次次都食食羊～ 呢個羊我覺得ok_~ 因為食到有羊羶味～ 唔算太鞋口～牛肉呢～ 我地叫最平既牛肉～ 飯腳k話個牛既牛味無乜wo~ 所以作為牛魔王既佢，無食曬啲牛～我脆鯇～脆口大片，啖啖肉，呢個推薦～ 埋單三舊水～ 價錢以晚市黎講，的確好抵食～ 但質素就中規中矩啦！無話特別好，特別差咁囉～提一提服務，服務真係唔錯，第一次去雞煲店，伙記阿叔主動幫忙洗碗筷

聽我朋友講話附近開左一間新開張既小菜火鍋，有好大杯野飲，雞煲好香，小菜好掂…我心諗有無咁堅啊？！係你主觀姐…咁啱呢排日日我喺麥花臣呢度練波，特然就記起佢講既呢間野，咁就七點幾過左去食，一行三人，去到發現原來呢間野係做晚市的，同埋連住側邊日頭做餐廳的鋪頭一齊，嗰時好爆場，不過等左10分鐘都有位啦。坐位後，應該係老板的型仔阿叔就推介我地食嗰出名雞煲同小菜，我心想小菜同雞煲係咪真係咁好食啊，再望望其他枱.張張枱都有雞煲同一碟好似好好食既墨魚餅…你係咪真係咁好食啊…？話口未完…老闆就推介我食個招牌雞煲同個黃金墨魚餅喇！咁我地就叫左一隻招牌雞煲加墨魚餅同辣子雞吃…等左5mins雞煲黎先，再過10mins左右小菜野食都黎喇！！急不及待先吃墨魚餅…嘩…個墨魚餅堅好食，即時問我個friend點解咁有口感？friend話係師父手打的，同埋炸到金黃色，好入味，抵賺！再來辣子雞，好鬼夠辣，啱晒我口味，迫我送左兩碗飯…哈哈，跟手就食雞煲喇，一聞好鬼死香，配料和味道好夠，好濃，雞肉夠滑，但選擇落之配料就唔係幾夠，基本豉油辣醬都有，有待改善啦！不過我個人認為唔洗點醬料個雞煲已經超入味，自己都忍唔住食左大半隻喇。食