南豐小廚雞煲火鍋 (已結業)

通常小店雞煲啲樓面都態度麻麻地，禮貌欠奉。但呢間一入去樓面已經好好招呼。 呢間除左雞煲外，仲有小菜，而且小菜絕不馬虎，menu 上的價錢並不貴，分分鐘平出面同類型食店2成左右，抵食之選。今次叫左半隻雞，百零蚊，份量都幾多，食完唔會好口干，辣度分咗幾個等級亦可以揀唔辣。不過佢既黃酒雞煲先係最好味，下次可以試試。叫左一碟美國雪花肥牛$88 雖然唔係厚切，但係油脂分佈算平均，有牛味，份量大約有9-10片左右。 聽老闆娘講安格斯牛先係最抵食，呢度賣百幾，第二度賣4xx 。另個鮮黑豚肉都好好味，幾鮮嫩，推介！ 另外，叫左一碟腐竹上湯浸時菜，菜好鮮甜，足料，腐竹份量幾多，一啲都唔馬虎，抵食。值得一提既係佢地既野飲，係好好好大杯，係平時既凍飲2-3倍既份量，今次我地兩個人share 一杯。總括來講，呢度份量好足，一分錢一分貨，服務態度良好，用心經營。