南洋 (已結業)

龍蝦喇沙摻摻($108)，買隻龍蝦差唔多都要$60~80，依家哩個價錢就食到簡直物超所值，有埋手套用可以食得方便d，龍蝦超大隻，拆開成隻由頭到身都係膏，啖啖肉好滿足，蟹箝厚肉，哩個菜式係由兩種麵組成，分別係油麵和米粉，湯底香濃有椰味，帶微辣。金沙骨肉骨茶($58)，肉骨茶味濃郁，相信用左藥材長時間熬製，有3至4件金沙骨和一件原隻蒜頭，金沙骨既肉帶少少肥膏，炆得好淋，一咬骨肉分離。芒果軟殼蟹米子卷($68)，餡料主要為疏菜，清清地夠健康，蘿卜絲係醃漬物，酸酸尾尾開胃，我自己較喜歡個米子皮，煙煙韌韌好有口感，軟殼蟹香脆。咸檸可樂($28)。牛油果沙冰($40)，透心涼飲品之選，沙冰磨得好軟綿幼滑，而且一飲口腔有陣陣牛油果香味。

地點：佐敦地鐵站C出口行2分鐘就到 方便就腳 係地鋪且招牌清晰顯眼 好易搵到衛生：入座要量體溫 枱與枱之間有隔板 地方乾淨 餐具無污漬性價比：中上 300蚊兩個人可以食到好飽 食物水準同份量都公道食物：三樣食物都好推薦 特別係金邊粉同燒春雞金邊粉可能因為落左甜椒 所以有種甜辣甜辣 加埋花生碎 香口惹味 豬頸肉脆口得黎好有油香味 份量都相當可觀香草燒春雞就食得多 香茅燒春雞隻味真係好少有 整體調味好好 真係食到香茅味 肉質嫩滑 徒手撕雞肉 係會有雞汁滴出黎 大人細路都啱食 肉骨茶都相當出色 藥材味飲得出 但唔算濃 一碗有4大件排骨 啲肉吸到湯味又唔會柴 一啖湯一啖肉 秋冬暖下胃一流飲品真係物有所值 兼且圖文相符強烈推薦椰汁紅豆冰👍🏻 鍾意牛油果的朋友 牛油果沙冰都正😋

疫情之下冇得去旅行😩成日心思思想食東南亞野食😢唯有周圍搵下本地有咩好食 見到南洋openrice咁多like就扑搥食啦！馬拉盞辣肉碎炒飯🍚炒飯加咗辣肉碎，辣蝦乾、芽菜、豆角、雞蛋、蒜子末等等入去炒，香氣撲鼻☺️辣蝦乾又脆卜卜夠哂惹味👍🏻金沙骨肉骨茶🍲睇落細細碗，但入面金沙骨有四大舊之多！每一舊骨都剛好離肉，唔會乾柴😋重點推介埋粒蒜頭,🤗真係好好食！煮淋哂易入口，索哂肉骨茶湯香👍🏻👍🏻👍🏻食果時都聽到隔離枱話：「嘩！蒜頭好正！」😂真係正 香茅燒春雞🐔淨係聞落都聞到好重香茅味🤤雞肉一撕就可以食🤤肉質實嫩，肉味偏甜，戴住手套一路食一路撕黎食非常方便惹味！食到最後見到雞殼內塞滿大量香料醃製，難怪咁香咁入味！一個字：正！💯食東南亞菜又點少得椰青🥥椰汁清甜☺️椰肉又嫩到可以成個刮哂黎食！大！滿！足！

早前喺電視節目上有介紹呢間餐廳，所以想搵次去試下🤣果日去開果頭就去試下啦～環境幾靚！佈置用心💕有善用空間，擺到唔少座位～.金沙骨肉骨茶 $58幾好飲！味道好濃！好耐冇飲肉骨茶喇🙈.炭燒豬頸肉米紙卷 $60幾大卷！味道唔錯，外層個皮唔會太厚👌🏻.馬拉盞辣肉碎炒飯 $88炒得幾香口🤤有幾隻蝦，如果再多啲配料會更加吸引同惹味🙈幾大碟！可以食得飽🤣.椰青 $36夠大個！好清甜、消暑！好飲呀🤤一個飲一個先夠喉呀🤣

裝修好新，坐得又舒服，而且衛生都做得幾好。每張卡位之間都有板格住，防疫得嚟亦都感覺好有私隱！ ➡️ 原隻菠蘿炒飯 ($108) ⭐️⭐️⭐️⭐️ 菠蘿炒飯好足料，炒到好香好惹味！蝦、魷魚、蟹柳、提子乾等等，加埋一齊炒，食過翻尋味。最緊要唔係用罐頭菠蘿！ ➡️ 炭燒魷魚筒 ($78) ⭐️⭐️⭐️⭐️ 原條魷魚筒大大條，炭燒嘅香味未上枱已經聞到，調味好香。食落又唔會韌，值得一試。 ➡️ 金沙骨肉骨茶 ($58) ⭐️⭐️⭐️⭐️💫 一上枱已經聞到好香！望落都好足料，好濃藥材味，而且金沙骨入哂味之餘，肉質都好淋身。飲完熱湯再食主菜，好正！ ➡️ 菠蘿梳打 ($28) + 青檸梳打 ($28) ⭐️⭐️⭐️⭐️ 凍飲超大杯，菠蘿梳打有半杯都係菠蘿，所以好入味。青檸飲落好解渴，正啊。 .............................. 南洋 地址📍: 佐敦吳松街140號地舖 總評分: 8/10 .............................. 味道😋: ⭐️⭐️⭐️⭐️ 環境👀: ⭐️⭐️⭐️⭐️ 服務👨🏻‍🍳: ⭐️⭐️⭐️⭐️ 抵食💰: ⭐️⭐️⭐️⭐️

我地今晚黎咗佐敦嘅南洋餐廳食越南菜。餐廳好近地鐵站，出咗地鐵好快就到。好彩平日唔太多人，好快就有位。👍🏼👍🏼我地今晚就點左幾款食物，分別係南洋波士頓龍蝦喇沙摻摻、金沙骨肉骨茶、芒果軟殼蟹米紙卷、椰青同石榴子椰汁冰。首先係南洋波士頓龍蝦喇沙摻摻，餐廳用咗原隻波士頓龍蝦，用料十足，啖啖龍蝦肉😍 摻摻有兩種麵，分別粗麵同米粉，配埋喇沙真係好惹味。芒果軟殼蟹米紙卷，食到啖啖嘅軟殼蟹，炸得非常脆口🤤🤤 配埋芒果，令米紙卷味道更上一層樓。金沙骨肉骨茶，味道濃郁，非常入味，啖啖肉👍🏼👍🏼我點左椰青黎非常新鮮，又清甜，好fresh！😍😍朋友就點左石榴子椰汁冰，梛子味濃郁，石榴子好有口感👍🏼👍🏼

今晚行過吳松街，去了一間細細間的南洋，賣馬來食品，招牌龍蝦喇沙、烤雞及肉骨茶之類，入去坐下來，冷氣夠涼，街很熱，所以先點兩杯飲品。鹹檸梳打及牛油果沙冰調味唔差，鹹檸梳打幾好飲，冰沙濃郁而且滑。吃了金沙骨肉骨茶，加個白飯。湯有點藥材香，香港來說算是正宗，金沙骨味道仲好好且吃，唔會已經煲到啖，我仲要求俾碟黑醬油，正宗食法。同伴的南洋波士頓龍蝦喇沙摻摻抵食，只售$108，龍蝦大隻厚肉，肉貨唔差，仲有很多膏及蝦子，這個價錢，超值。芒果軟殼蟹米紙卷夠爽，因為生菜多，包在𥚃頭的軟殻蟹炸得酥脆，芒果是青芒。小店幾得，光鮮佈置，乾淨企理。

佐敦搵到間抵食又唔錯嘅餐廳。😎叫左龍蝦喇沙滲滲$108🦞呢個抵食，成隻龍蝦都係呢個價錢。賣相已經唔錯，味道都幾好。 龍蝦幾新鮮，預先已𠝹開左一半，方便食！喇沙湯底好夠味，辣辣地，米粉同油麵兩溝。金沙骨肉骨茶$58份量麵唔少，幾大碗，有好多件金沙骨。肉骨茶夠濃味，有藥材香。味道係唔錯。馬拉盞炒椰菜苗$78一上檯已經好香馬拉盞味，椰菜苗炒得夠爽口。咸咸辣辣咁。餐廳光猛，空間唔錯，有卡位，麵食得舒服。

我老闆唔係人🤣🤣🤣🤣🤣所以收工即走人😅😅😅😅😅工作壓力大，收工食嘢最開心🥳⋯⋯簡單———————呢間之前又係成日去食，試過中午去食午餐，夜晚再去食晚餐，尤其係呢度既燒雞，真係好味都不得了，每次去食都成隻揸住食😂😂😂😂😂⋯⋯不過今日收工晏咗，又無預訂到，又見到佢餐牌有個新嘢龍蝦🦞喇沙，咁又叫黎食吓😋———————-🟥飲品：1-牛油果沙冰：喜歡吃牛油果的人一定要喝，成杯都係新鮮牛油果窄，新鮮又健康😋2-紅石榴椰子沙冰：滿滿的紅石榴，又有咬口，濃郁椰子。又香又滑又消暑解渴的一杯沙杯👍😋—————-🟨芒果🥭軟殼蟹米紙巷：新鮮蔬菜夾著青甜的芒果丶又脆又香軟口感的軟殼蟹，爽脆好味道😋————————🟫肉骨茶：肉骨茶唔係間間都做到好飲，昵間係我曾經覺得好飲既其中一間，藥材味重又足料，而且佢既肉骨係用一字骨，一字骨又是我的至愛，有軟骨位置咬.。又有口感，又入味，湯又夠濃，做得相當不錯👍————————-🟩龍蝦🦞喇沙：原隻龍蝦🦞👍👍👍👍👍⋯⋯又多羔，肉夠爽口，肉嫩又鮮甜，龍蝦🦞夠厚肉，抵食，大大碗喇沙⋯⋯喇沙湯濃，配料仲有豆卜，雞蛋，魚片頭，蟹柳.........等———————-開心🥳⋯⋯簡單

呢排又濕又翳焗, 最好就係飲番碗馬拉肉骨茶, 去濕暖一暖個胃。今日行過佐敦見到呢間南洋 餐廳, 聽個名就知食東南亞嘢, 即刻去試下！金沙骨肉骨茶金沙骨偏瘦唔油膩, 骨味濃郁用嚟煲湯一流, 加上藥材、蒜頭淆製而成, 驅寒暖身, 健脾益胃, 送飯一流。馬拉盞辣肉碎炒飯馬拉盞香口惹味, 炒飯粒粒乾身有鑊氣, 混和肉碎辣辣地, 十分醒胃口, 令人愈食愈想食！香茅燒春雞用香茅調味醃製, 燒雞外皮香脆, 微微燒焦, 香氣撲鼻, 肉質嫩滑, 散發淡淡香茅清香, 咸道適中, 非常入味！牛油果沙冰健康之選, 稠身軟滑順口, 好似奶昔感覺, 充滿牛油果天然香甜味道, 牛油果控一定要試！冬瓜龍眼冰冬瓜消暑解熱, 龍眼滋潤養顏, 啖啖龍眼肉, 果味香甜, 冰凍解渴, 清新怡人。

疫病期間，晚市飯聚已經成為一種奢侈! 等，等… 終於放監，晚市可以到10點，朋友食過這間南洋，極力推介金沙骨肉骨茶，當然是首選。環境設計頗有地中海格調， 跟一般馬來西亞餐廳不同先叫了兩杯飲品， 青檸薄荷梳打，杯中擠滿了薄荷葉， 清香撲鼻，加了青檸， 口感更覺清新， 炎夏最佳飲品咸檸檬可樂， 甜中帶微鹹必叫金沙骨肉骨茶2人份量唔算大每人都有兩條勁大肉厚金沙骨， 肉骨茶藥味濃郁，但沒有一些苦澀味，反而肉味豐滿，非常合襯，金沙骨肥瘦適中帶有軟骨部位， 骨膠原豐富， 真是沒有介紹錯龍蝦喇沙摻摻勁大隻龍蝦有粗幼麵兩款， 配料有豆腐卜，魚角，蛋， 喇沙汁香濃美味龍蝦好多膏呀， 美味到不得了炭燒魷魚筒燒到剛剛熟， 口感鮮嫩，肉汁豐富，超好食這餐非常滿意，要趁可以堂食，繼續支持香港飲食業

好耐冇出過街食了, 近排疫情好返少少, 即刻揾D衛生D既餐廳食野先, 好想食肉骨茶好耐, 朋友就介紹左係佐敦既南洋比我, 話係集衛生, 好味, 抵食, 就街四大要素喎, 梗係即刻去試下啦感覺新淨, 門面幾靚, 見到門面信心再加10分啦!去到時間尚早, 所以都冇咩人, 入到去見到入面枱同枱之間距離都幾夠,  感覺安全放心肉骨茶-$58個味幾濃, 絕對唔係不停加水之作, 我地都好LIKE, 而入面既肉骨都幾多, 而且好入味, 我覺得幾好味馬拉盞炒椰菜苗-$78想健康一定要食菜啦, 而D個椰菜苗好嫩口, 我平時都好少食感覺好新奇, 口感唔錯, 而馬拉盞係惹味之選,  令成碟菜有食完想食既感覺越式炒金邊粉-$88D個好多料, 大大隻既大蝦都有2隻, 抵呀, 而且食落甜甜地, 好開胃, 正呀喂椰青-$36清甜又解渴之選也, 真係有令人係南洋既感覺牛油果沙冰-$40D個絕對係驚喜之選,牛油果味超濃又新鮮, 朋友唔係好鐘意牛油果都話正呀總結真係唔錯, 好味又抵食, 會再黎過呀!

今朝捐完血，當然想食好少少啦見佐敦有間南洋菜餐廳，有叻沙肉骨茶就決定黎試下一點前黎到，剛好有兩個位，好彩望住餐牌，有喇沙就唔洗煩簡咩啦點了豬扒喇沙一上枱第一個感覺就係個碗好大入正題講返味道，先試啖湯嗯....辣味多d，椰汁味少d唔係我食過最好味既喇沙配料有豆卜，半隻蛋，魚片無乜特別，普通....豬扒味道幾好，只係比較油....加左個小食酸辣無骨鳳爪依個係好味既，估唔到d汁夠晒酸辣，開胃總括黎講主小食比主食好，有d失望還好價錢尚算合理以上食評只反映本人立場，如有雷同，實屬不幸

💕#香茅燒春雞 🐓$108不愧為招牌菜！🐓燒春雞係即叫即燒，上枱時非常熱辣辣呀！👍🏻燒春雞外皮燒至金黃色，而且帶點焦脆！🤩雞肉非常嫩滑，🥰超級多肉汁及雞油，❤️帶清新香茅味，好正呀！十分推介！😘💕#馬拉盞辣肉碎炒飯 $88炒飯炒得粒粒分明，😚加入馬拉盞、辣肉碎及櫻花蝦🌸🦐去炒，咸咸香香，帶少少辣，好惹味！😋💕#金沙骨肉骨茶 $58肉骨茶湯底好濃郁，金沙骨份量亦好多！唔錯！👍🏻💕牛油果沙冰 🥑🍧$40沙冰打至非常幼滑，幾乎感覺不到沙冰嘅存在！😍牛油果🥑及奶香味濃，甜度適中，大愛！❤️💕咸檸檬七喜 🍋🥤 $28

工作過後又係搵地方醫肚既時間啦 佐敦真係唔驚冇野食 價錢又中等 行下行下見到「南洋」佢個Set tea下午茶好似幾抵食 因為今日做晏左 成2:30都未食中午 所以都想搵個飽少少既Tea食我地都太餓既關係 每人都嗌左個飯🤭再追加埋小食 小食加$12-$26左右 就有平時$3x-4x既野食 當然要點埋啦 🤑咖喱脆皮牛腩飯 $45第一次食炸嘅牛腩 幾出色 炸皮脆而不油 食曬全部個碟都冇油到反光 炸野黎講真係做得好好 粉漿又唔會太厚 唯一美中不足係可能牛腩經過炸後 冇咁淋 比較硬身少少🤏泰式豬手飯 $50這個豬手飯比我嘅感覺反而係有啲中式🤔😂 可以冇整醬汁點 不過個豬手係幾入味 特別係外面包圍嘅肥豬肉 係入口即溶嘅😌酸辣無骨鳳爪（半份）$26半份都有成6隻 好欣賞佢既香葉是另上的 鍾意食嘅人就夾埋一齊食 好似我咁唔鍾意食嘅就淨係夾鳳爪 因為出面好多時剪到碎晒變左我食既時候有D辛苦🤣炭燒豬頸肉米紙卷 $12賣相100分 米紙卷從來都係心頭好 點整都好食😋同埋好多菜勁足料 感覺好健康熱菜蜜唔洗加$ 正常野😆牛油果沙冰🥑 $36雖然要加$36 但係你其實喺出面飲都係咁上下價錢 佢整得好足料 我估冇一