南洋 (已結業)

呢排又濕又翳焗, 最好就係飲番碗馬拉肉骨茶, 去濕暖一暖個胃。今日行過佐敦見到呢間南洋 餐廳, 聽個名就知食東南亞嘢, 即刻去試下！金沙骨肉骨茶金沙骨偏瘦唔油膩, 骨味濃郁用嚟煲湯一流, 加上藥材、蒜頭淆製而成, 驅寒暖身, 健脾益胃, 送飯一流。馬拉盞辣肉碎炒飯馬拉盞香口惹味, 炒飯粒粒乾身有鑊氣, 混和肉碎辣辣地, 十分醒胃口, 令人愈食愈想食！香茅燒春雞用香茅調味醃製, 燒雞外皮香脆, 微微燒焦, 香氣撲鼻, 肉質嫩滑, 散發淡淡香茅清香, 咸道適中, 非常入味！牛油果沙冰健康之選, 稠身軟滑順口, 好似奶昔感覺, 充滿牛油果天然香甜味道, 牛油果控一定要試！冬瓜龍眼冰冬瓜消暑解熱, 龍眼滋潤養顏, 啖啖龍眼肉, 果味香甜, 冰凍解渴, 清新怡人。