南勢角 (已結業)

味道一般，麵質煮得過耐，招牌牛腩麵好少牛展，可能比少左我，我見隔離有3片，我得一片，最失敗係湯底過多油，看見不想食湯都夠味，不過太太話咸左D，都係多油，不過好過麵。應該無下次。。。。

新開去試菜，我食左紅燒牛肉麵，飲沖繩黑糖奶茶，結果係以後都唔會返去食。首先d麵好淋食落就知道係煮好晒，有人叫先加湯，所以麵質好糊。但係，又比我食到有兩口麵係未煮開，係一舊硬的麵🤦🏼‍♀️🤦🏼‍♀️真係好難食。叫左杯黑糖沖繩奶茶，睇英文就寫Brown Sugar Bubble Milk Tea，同珍珠奶茶Bubble milk tea相差brown sugar, 但竟然無珍珠！同職員講 我係睇英文menu黎嗌，佢回應竟然係個餐牌好多漏洞錯架，我心諗唔會係禁樣回應客人掛，更何況我提出遺反商品說明條例喎，佢仲回答我：係啊🤦🏼‍♀️ 食品令食客唔滿意已經唔道歉 ，仲要態度差👎🏻平心而論唔覺得有需要再去食

呢一日下午唔食好飽，所以可能早少少食易飯，亦係咁唔洗等位！😁✌🏼呢間台灣嘢開咗都未黎過，亦因爲想搵飯食，真係白飯個個飯🍚，但又唔想食中餐，就醒起呢間過黎睇下，啲嘢都ok想食，所以就入咗去。間隔就一般了，始終細，所以都小迫，而店員都幾好禮貌，讚👍🏼揀㨂吓，叫了4樣，其中一樣係老火湯，唔知點解，突然想飲，都45大元㗎🙈 呢度係點餐出去俾錢先然後送餐來，無加一。我都幾鐘意咁嘅形式😅 我哋叫咗一人一個飯，加一個我女友最like 嘅椒鹽花枝丸，因為有湯，驚飽得濟，所以我㨂咗唔會大碗嘅肉燥飯😁好啦，食物到。。。台式肉燥飯，同台灣一樣，細細碗上，好味呀，個肉燥好香又唔油膩😋👍🏼第二個飯到，台式肉燥酥炸排骨飯，個肉燥飯當然好味，但個酥炸排骨就一般仔，炸得幾好但唔夠味，有點美中不足🤨再來，就係呢個椒鹽花枝丸，好味道呀🤤  唔好俾我影到佢咁嘅色而影響咗呀，真好味👍🏼👍🏼 質地又好，夠香，夠味🤤🤤🤤哎！差啲忘了講個湯，都唔錯嘅，但又未去到嘩一聲好正，所以不過下次唔會叫lu

最近將軍澳之人氣熱點(開咗咁耐，次次行過都群情洶湧)今晚懶得煮飯，作為半個台妹嘅我都要來朝聖一下晚上7,8點左右，兩個人等了大概20分鐘就有枱！兩個人嗌到成枱嘢，因為好多台灣特色嘢都好想試！！！上至滷肉飯、牛肉麵，下至鹽酥雞、珍珠奶茶，樣樣都係台式嘅代表甘啱坐喺水吧，附近見到佢地茶膽係用煲茶沖嘅，呢一點真係好有心機！而且結果係好好味！要排隊都值得一試！將軍澳區內有心的餐廳吾多！大家應該要去支持下！講多無謂，睇相同親身去試就最實際

將軍澳近幾年越開越多唔同菜系既餐廳，韓國、日本、越南、泰國菜等等，今日就同大家介紹近期新開既台灣菜，講起台灣近幾年最出名既一定係珍珠奶茶啦，我地之前都介紹過，今次就主力介紹番食個方面啦。呢間餐廳位處於商場一個比較隱密既地方，但係寶琳地鐵站出發既話其實過條馬路就可以搵到好方便，入座既時候店員會遞上一張菜單方便直接係上面寫低你既選擇，菜單既正面印左飯類、麵類同小食，而背面就係飲品，大碗既飯食同麵食都可以用減8蚊既價錢加配飲品，食物選擇唔算太多但勝在有d係出面餐廳唔常見既食物。呢間餐廳係採用自助點餐形式，係菜單上面寫好需要食物既數量就可以攞去收銀處俾錢，跟住坐定定等食就可以啦😋今次我地嗌左細正宗台式魯肉飯、大台式肉燥鹽酥雞扒飯、招牌御品牛肉麵、韮菜豬肉餡餅、黃金脆脆條、熱芋頭牛奶同岩鹽芝士奶蓋草莓牛奶。先講飲品先，餐廳可以俾客人自己選擇甜度（正常/少糖/半糖/微糖/無糖）同冰度（正常/少冰/走冰），記得落單個陣杯芋頭牛奶一開始揀左半糖，店員有好貼心同我地解釋半糖既芋頭味會比較淡建議我地可以揀少糖😙芋頭牛奶既芋頭味真係幾香不過我本身唔太中意芋頭所以俾唔到中肯既評價，中意芋頭既朋友仔可以自己試試

點選兩款牛肉麵，兩杯飲品已經$170個人本來對台灣風味一般般，見有新食店一於來試試看中午來吃，一個人的份量較多也吃不了，如果再點小食，建議兩個女仔點一個麵亦可以，用的麵條口感不錯👍🏻味道不過不失。主要是有個特飲bra ，而且飲品用膠樽裝，可以提走飲，方便快捷。

試試新開店，原來同海南雞同一個老闆採自助下單形式叫了幾樣野試試枱上有酸菜同辣椒肉燥飯(小)得一小碗，唔太餓或細食女士都可以接受肉燥很多，鋪滿飯面，不過偏甜食完會有種花生醬味？！米飯幾特別，一顆顆咁蕃茄湯夠濃，帶濃烈嘅蔥香味牛腩夠淋，未至入口即溶，都不錯！蕃薯條偏粗，炸得香脆，配上梅子粉，美味！韮菜餡餅份量頗多，像是韮菜餃子的變奏，夠肉汁這裏也有台式飲品價錢不貴，買了主食再買可減8元！珍珠奶茶半糖少冰半糖做到了，少冰可以更少珍珠不錯，份量很大😂

又是ot的一夜，為左cheer up自己，九點幾我一個人去試新野！環境：好光猛，枱與枱之間的距離簡直係無縫交接。我一個人坐響兩堆人之間，不知不覺融入人地家中。現場冷氣好凍，我問店員可否調教溫度，佢無奈回應中央冷氣無得教。服務：阿姐對我好好，熱情招呼我坐底。因為太著緊我無點餐紙，仲火左另一個員工。佢俾張A3點餐紙，一枝紅筆俾我點菜，叫我點完出去收銀俾錢，佢仲放個reserved牌放響我枱面，留返個位俾我。出菜好快，等左幾分鐘就上晒菜。食物：有魯肉飯，牛肉麵，多款小食。牛肉麵由$58起跳，價錢可以接受。我一個人，食唔到咁多，又無人同我開心share，只可以叫左半筋半肉紅燒牛肉麵，加個上湯娃娃菜。咁呢，個湯味道無咩驚喜，唔夠熱，可能鼓勵大家飲台式特飲，所以都幾多味精。個牛根好淋，好滑，另外牛腩有嚼口，牛味好正。份量唔多，男仔未必飽。留意老人家個假牙有機會甩。見對面家庭話鹽酥雞好味，滷肉飯又話好味。我下次都想食。仲有A3紙先寫得晒咁多款台式飲品，太凍，我完全唔想飲。總結：我覺得程班長牛肉麵好味d，大碗d，南勢角就乾淨d，又有勁多款台式飲品。呢間南勢角我會再幫襯！

寶林無咩台灣食店，呢間新開店，所以黎試下，排隊入座，店員態度熱情主動，原來要填紙先自行結賬，對於我一人進餐稍有不便 ，但店員蠻主動，給了我一個reserve 牌， 但奇怪既事發生啦， 不同店員分別詢問我幾多位，連本身帶位既男店員都問我一次sicksick想點？唔俾我一個人黎食？ 算啦！講返食物，最期待既湯底。。。淡同好油食左幾啖就唔想食啦。。。講真，唔細心飲真係飲唔出牛湯，但麵，蘿蔔，牛腩？都不錯，但係牛腩？我不清楚用牛腩係唔係正宗，但我唔係太ok 囉，味係ok但晤夠淋，痴曬牙。。 總結，我唔會再黎囉。。。。