影片
更多
2018-09-25
262 浏览
將軍澳近幾年越開越多唔同菜系既餐廳，韓國、日本、越南、泰國菜等等，今日就同大家介紹近期新開既台灣菜，講起台灣近幾年最出名既一定係珍珠奶茶啦，我地之前都介紹過，今次就主力介紹番食個方面啦。呢間餐廳位處於商場一個比較隱密既地方，但係寶琳地鐵站出發既話其實過條馬路就可以搵到好方便，入座既時候店員會遞上一張菜單方便直接係上面寫低你既選擇，菜單既正面印左飯類、麵類同小食，而背面就係飲品，大碗既飯食同麵食都可以用減8蚊既價錢加配飲品，食物選擇唔算太多但勝在有d係出面餐廳唔常見既食物。呢間餐廳係採用自助點餐形式，係菜單上面寫好需要食物既數量就可以攞去收銀處俾錢，跟住坐定定等食就可以啦😋今次我地嗌左細正宗台式魯肉飯、大台式肉燥鹽酥雞扒飯、招牌御品牛肉麵、韮菜豬肉餡餅、黃金脆脆條、熱芋頭牛奶同岩鹽芝士奶蓋草莓牛奶。先講飲品先，餐廳可以俾客人自己選擇甜度（正常/少糖/半糖/微糖/無糖）同冰度（正常/少冰/走冰），記得落單個陣杯芋頭牛奶一開始揀左半糖，店員有好貼心同我地解釋半糖既芋頭味會比較淡建議我地可以揀少糖😙芋頭牛奶既芋頭味真係幾香不過我本身唔太中意芋頭所以俾唔到中肯既評價，中意芋頭既朋友仔可以自己試試
呢間餐廳位處於商場一個比較隱密既地方，但係寶琳地鐵站出發既話其實過條馬路就可以搵到好方便，入座既時候店員會遞上一張菜單方便直接係上面寫低你既選擇，菜單既正面印左飯類、麵類同小食，而背面就係飲品，大碗既飯食同麵食都可以用減8蚊既價錢加配飲品，食物選擇唔算太多但勝在有d係出面餐廳唔常見既食物。呢間餐廳係採用自助點餐形式，係菜單上面寫好需要食物既數量就可以攞去收銀處俾錢，跟住坐定定等食就可以啦😋
今次我地嗌左細正宗台式魯肉飯、大台式肉燥鹽酥雞扒飯、招牌御品牛肉麵、韮菜豬肉餡餅、黃金脆脆條、熱芋頭牛奶同岩鹽芝士奶蓋草莓牛奶。
先講飲品先，餐廳可以俾客人自己選擇甜度（正常/少糖/半糖/微糖/無糖）同冰度（正常/少冰/走冰），記得落單個陣杯芋頭牛奶一開始揀左半糖，店員有好貼心同我地解釋半糖既芋頭味會比較淡建議我地可以揀少糖😙芋頭牛奶既芋頭味真係幾香不過我本身唔太中意芋頭所以俾唔到中肯既評價，中意芋頭既朋友仔可以自己試試再話番個意見俾我地知😉另一杯草莓牛奶都幾有驚喜，平時都好中意士多啤梨既產品但成日都好怕個陣藥水味😖呢杯草莓牛奶係用新鮮士多啤梨整既，杯底仲見到一層打碎左既果肉👍🏻杯面既芝士奶蓋幾香芝士味，但芝士唔係好濃厚個款同埋略嫌唔係好飲到岩鹽既味，不過我覺得作為一杯跟餐飲品呢個味道就啱啱好，如果d芝士太濃郁應該好快就會滯住食唔落飯。
跟住就到主食啦，招牌御品牛肉麵入面有齊滷水牛筋、牛腩同牛𦟌，每一款都滷得好淋好入味，值得一讚個湯底，飲得出唔係味精湯飲完都唔會覺得口乾。細碗魯肉飯既份量真係好細，大概係平時屋企既飯碗大細，細細碗飯都淋滿左魯肉汁，魯肉味道濃淡適宜，肉粒帶肥但唔會覺得食緊肥膏。肉燥鹽酥雞扒飯的雞扒落單後即炸，所以要等較長時間，不過等待係絕對值得既，啱啱炸起既雞扒香脆但唔油膩，加埋熱辣辣既肉汁同白飯，簡直令人食指大動呀🤤
最後就係特色小食啦，一碟五件既韮菜豬肉餡餅做到一嗒一件既大細，內餡多汁，怕煎餅油膩既可以點下伴碟既醋，酸酸地咁幾開胃。最想推介俾大家既就係另一款小食黃金脆脆條，就咁聽個名以為係炸薯條但其實係炸番薯條，軟糯既番薯包住一層薄薄既炸粉，經油炸之後有種外脆內軟既口感，中意食油炸野既朋友仔絕對唔好錯過呀😍😍😍😍😍 每次都會透過以下6大方面評分(滿分:30分)
味道 : 3.5 / 5
環境 : 3.25 / 5
外觀 : 3.25 / 5
價錢 : 3 / 5
服務 : 4 / 5
回頭率 : 4 / 5
總分 : 21 / 30
性價比
一樣食物好唔好食溫度好重要，呢間餐廳著重食物現場調製，所有食物上枱個陣都係熱辣辣特別好味，仲有佢地既飲品選擇多，中意台式食物既你不妨一試🤗
张贴