影片
更多
2022-10-21
322 浏览
好耐無同過阿媽撐枱腳，佢上網見到銅鑼灣珀麗酒店嘅「協奏坊西餐廳」有消費券優惠，就話想去試吓。佢都講到咁，就一於星期六做孝順女陪吓佢🤣。酒店位置喺天后同銅鑼灣站中間，餐廳就喺二樓大廳。呢度座位闊落，坐得好舒服。同時，我覺得黑白色調嘅裝修都幾靚🖤。半自助午餐嘅定義係指有一份主菜🍽，再加其他食物嘅自助部份。先講主菜，每日有五款選擇，會定期更換，其中牛扒同羊架須另外加錢。燒豬柳配蜜糖芥未汁，菜式擺盤精致，🐷豬柳有四大件，每件均係厚切，食落口感有少少嚡，但始終係豬都好難避免。豬柳扒配上蜜糖芥未汁，再撈埋伴菜一齊食好惹味，底部墊咗大量綿滑薯蓉🥔同雜菜菇菌。最令我意外嘅係炸咗嘅大蔥原來係咁正，就連平日好憎食蔥嘅我都稍作改觀。香煎大蝦意粉，🍝意粉造型平實，不過麵條同蝦都處理得唔錯。麵條看似有啲粗脹，但口感彈牙，而且一啲都唔乾身。意粉掛滿蒜油，其實應該係Spaghetti Aglio e Olio嘅整法，所以仲帶點辣味🌶，而辣度都幾明顯，小朋友就未必食到。另外，去殼大蝦有四隻，都新鮮嘅🦐。嚟到任食部份，最矚目嘅一定係烤牛肉同火腿。雖然每人每次限取兩片，但餐廳堅係無間斷供應。我見女廚拎過好幾嚿出嚟，仲不停
好耐無同過阿媽撐枱腳，佢上網見到銅鑼灣珀麗酒店嘅「協奏坊西餐廳」有消費券優惠，就話想去試吓。佢都講到咁，就一於星期六做孝順女陪吓佢🤣。
酒店位置喺天后同銅鑼灣站中間，餐廳就喺二樓大廳。呢度座位闊落，坐得好舒服。同時，我覺得黑白色調嘅裝修都幾靚🖤。
半自助午餐嘅定義係指有一份主菜🍽，再加其他食物嘅自助部份。先講主菜，每日有五款選擇，會定期更換，其中牛扒同羊架須另外加錢。
燒豬柳配蜜糖芥未汁，菜式擺盤精致，🐷豬柳有四大件，每件均係厚切，食落口感有少少嚡，但始終係豬都好難避免。豬柳扒配上蜜糖芥未汁，再撈埋伴菜一齊食好惹味，底部墊咗大量綿滑薯蓉🥔同雜菜菇菌。最令我意外嘅係炸咗嘅大蔥原來係咁正，就連平日好憎食蔥嘅我都稍作改觀。
香煎大蝦意粉，🍝意粉造型平實，不過麵條同蝦都處理得唔錯。麵條看似有啲粗脹，但口感彈牙，而且一啲都唔乾身。意粉掛滿蒜油，其實應該係Spaghetti Aglio e Olio嘅整法，所以仲帶點辣味🌶，而辣度都幾明顯，小朋友就未必食到。另外，去殼大蝦有四隻，都新鮮嘅🦐。
嚟到任食部份，最矚目嘅一定係烤牛肉同火腿。雖然每人每次限取兩片，但餐廳堅係無間斷供應。我見女廚拎過好幾嚿出嚟，仲不停切，切唔停手👩🏻🍳🔪，就算晏啲入座都有得食。
烤牛肉唔錯🥩，生熟度控制得宜，並無慣常嘅血淋淋，肉質軟稔，牛味濃郁。🥓烤火腿都OK，肉質爽，本身已經富有一定鹹味，沾芥辣食啱啱好。
湯比較普通，中湯西湯各一款，中湯係紫菜肉碎湯；西湯係南瓜忌廉湯🎃，口感稀咗啲，唔夠濃郁。🥖餐包反而有驚喜，幾軟熟，唔會硬繃繃。
我幾鍾意甜品部份，款式唔算好多，不過就每一款都好食🍰。我最推介以下兩款：大大樽嗰個係士多啤梨奶凍，牛奶香滑唔太甜；而中間細細杯嘅係玫瑰味慕絲🌹，花香味自然撲鼻。至於其他蛋糕都好食，一口大小，食多幾件都唔怕。
甜點之外，餐廳仲提供朱古力噴泉🍫同雪糕。🍨雪糕有四款口味，分別係芒果、抹茶、朱古力同雲呢拿味，雖然唔係貴牌子，但有得食都滿足。最後，咖啡同茶等飲品亦係任飲，自助區自取。
總括嚟講，我認為呢度嘅半自助午餐值回票價，週末$188位，不過用消費券俾錢可享八折優惠8️⃣✨，最終埋單都係每位百六蚊左右，今時今日食個普通定食都差唔多價啦！再者，餐廳環境同服務都幾好，阿媽表示滿意👍。
題外話，外賣午餐只售$50，仲平過茶餐廳囉！！
张贴
