協奏坊西餐廳

营业中

休息中

平時我唔會識自己去食下午茶，似個女安排咗呢一間餐廳俾我同老公去食返個下午茶，去到都幾有驚喜，原來係酒店，環境仲要幾舒服，有梳化坐，而且環境安靜啱晒我哋。下午茶時段原來可以每位計：$180/人兩個人就$360另加一：三層架都幾豐富，有鹹、甜點，每位每位有一杯飲品（美式咖啡、薄荷茶、甘菊茶、英式早餐、伯爵茶）。鹹點有：鵝肝啲慕絲配青瓜、水牛香辣雞翼、煙三文魚卷忌廉芝士、意大利風乾火腿蜜瓜、炸芝士條。鵝肝幾滑連多士有口感；雞翼辣辣哋幾好味；煙三文魚都幾大片；風乾火腿蜜瓜perfect match；炸芝士香口。甜點有：熱情果芝士蛋糕、忌廉泡芙、特濃朱古力慕絲蛋糕、意式奶凍配士多啤梨汁、朱古力及士多啤梨馬卡龍、英式鬆餅配奶油忌廉。芝士蛋糕同朱古力慕絲軟滑輕盈，奶凍酸酸甜甜幾開胃；鬆餅可以改進；馬卡龍一般偏甜屬正常；忌廉泡芙甜度適中。簡單嗌咗伯爵茶同埋美式咖啡，悠閑舒適咁過咗一個下午，值得再嚟。

好耐冇食過Afternoon Tea Set啦！今次發掘到一個性價比好高嘅Afternoon Tea Set，平均每人$200有找，仲要係喺酒店！廳位於酒店2樓，環境舒適明亮亦有空間感，服務員有禮貌，所以第一印象已經幾好。Afternoon Tea Set 💲$360/2pax 另加一：三層架下午茶包5款鹹點、6款甜點及每位一杯茶：可選薄荷茶、甘菊茶、英式早餐、伯爵茶。5款鹹點：煙三文魚卷青瓜忌廉芝士 - 味道夾又有咸香～鵝肝慕絲配青瓜 - 鵝肝慕絲係一塊塊嘅，香滑～意大利風乾火腿 蜜瓜 - 風乾火腿唔會太乾硬又有咸香，同多汁清甜嘅蜜瓜真係好夾～水牛香辣雞翼 - 大隻又香濃帶辣幾好味～炸芝士條 - 襯熱食香脆6款甜點：熱情果芝士蛋糕 - 幾香滑，芝生加咗果肉多份果甜忌廉泡芙 - 入面嘅cream唔會太甜英式鬆餅配奶油忌亷 - 有少少硬特濃朱古力慕絲蛋糕 - 香濃又香滑嘅朱古力意式奶凍配士多啤梨汁 - 呢個酸酸甜甜好味道環境寧靜，又唔會催促交枱可以同朋友邊閒談、邊嘆tea，整體性質比追高，會再嚟！

數數手指🤘🏻應該以年計 無去過酒店食過自助餐，朋友知我食得唔多，出面閒閒地六七百蚊一位又唔化算介紹我嚟銅鑼灣呢間Buffet 真係超抵食座落酒店嘅餐廳，環境坐得舒適無諗過 平日Lunch Hour都全場爆滿半自助午餐，除咗主菜之外仲有沙律．餐湯．小食．甜品．水果，飲品 無限量供應揀咗兩款主菜味道都唔錯：✨ 煎馬臉魚 配 香草薯仔 乾蔥牛油汁厚切嘅馬臉魚，啖啖肉完全無骨，沾上少少牛油汁更香更Juicy✨ 燒豬柳配蜜糖芥末汁豬柳軟腍．肉厚，煎完都唔會流失肉汁甜品有小朋友最愛嘅朱古力噴泉仲有唔同口味嘅雪糕，幼滑夠冰凍今餐非常滿足，性價比極高嘅Buffet

Hohoho☃️ 聖誕節又到了! 投入繽紛Xmas，在聖誕下甜蜜邂逅，三層架盛載著鹹甜美點，拼湊出誘人的下午茶，度過甜蜜温馨的週末! Afternoon Tea $180 per person 咸點:✨煙三文魚捲青瓜忌廉芝士✨意大利風乾火腿蜜瓜✨鵝肝慕絲配青瓜✨水牛香辣雞翼✨炸芝士條煙三文魚卷成花狀，包裹著柔滑忌廉芝士，鮮香美味。風乾火腿油香四溢，搭配哈蜜瓜的清新氣息，口感清爽。香脆的小烤包，鋪上細膩的鵝肝醬，鵝肝的油香散發口腔，加上青瓜的點綴，十分滋味。芝士條炸至金黃色，咬開是長長芝士條，芝味咸香。甜點: ✨英式鬆餅配奶油忌廉✨熱情果芝士蛋糕✨忌廉泡芙✨特濃朱古力慕絲蛋糕✨意式奶涷配士多啤梨汁芝士蛋糕輕盈，清新熱情果香，碰上濃郁芝士味，味道清新怡人。泡芙外皮鬆軟，中央填滿細滑忌廉，加上香甜朱古力醬鋪面，口感酥滑兼施。朱古力慕絲蛋糕，香甜濃郁，夾合微脆的朱古力脆片，啖啖盡是蜜甜朱古力，甜入心扉。奶涷冰涼滑溜，入口奶滑柔美，配上酸甜雜莓果肉，奶香及莓果甜香十分搭配，清新味蕾。

喜歡半自助午餐係因為可以按自己需要食多啲蔬菜、小食、湯、飲品同甜品。食品貴精不貴多，既然有足夠份量嘅主菜，小食就可以隨心品嘗一下，不必要怕唔夠飽。佢有雜錦沙律菜，小蕃茄等在自助沙律吧，又有冷盤涼拌牛舌。熱食有炸物同港式咖喱魚蛋、豬皮，估唔到味道又好地道。其實佢仲有意粉，如果唔夠飽可以食。我揀咗燒雞做主菜，份量好足夠，燒烤得剛好。另一份三文魚大蝦都整得唔錯。甜品唔只有好玩嘅朱古力噴泉仲有多款精緻甜點。同埋雪糕任食。百幾蚊依個價錢真係抵。

今日係銅鑼灣搵左間好抵食又高質既high tea，只係$180/人 超抵食😍😍🤭.下午茶時段$180/人，2人$360另加一。三層架勁豐富，仲配埋一人一杯茶，可選薄荷茶、甘菊茶、英式早餐、伯爵茶。三層架超豐富，最上一層係鹹點，之後就是甜點😍.煙三文魚卷青瓜忌廉芝士英式鬆餅配奶油忌亷意大利風乾火腿 蜜瓜熱情果芝士蛋糕忌廉泡芙鵝肝慕絲配青瓜水牛香辣雞翼特濃朱古力慕絲蛋糕炸芝士條意式奶凍配士多啤梨汁.特别推介英式鬆餅，好鬆軟又香牛油味，拍得上某某酒店既鬆餅🤭熱情果芝士蛋糕同意式奶凍甜品都做得好好，少甜唔會太膩。咸點既水牛香辣雞翼辣辣地幾過癮。.閒時想係銅鑼灣平平地high tea真係好選擇👌🏻🤭

今日因工作需要去左銅鑼灣lunch，咁岩可以join到男朋友，諗左陣上網見到呢間午市任食半自助餐，望到價值都係合理，就膽粗粗上去試下，一入到去見環境寬敞舒適，人唔算太多，職員有禮貌服務唔錯，之後出去睇半自助餐啲野食，有南瓜湯(必飲之選)，沙律選擇都有幾款，有炸薯條雞翼任食，另外都有啲包點類，以價錢計，物有所值，之後主菜就點左一個飯(茄汁青口意大利飯)，一個汁燒豬肋骨，豬肋骨夠軟，口感不錯，讚啊，絕對推薦，餐後仲有得任食甜品同雪糕，我本人就食左三球。總結一份價錢多重享受，絕對推介係銅鑼灣灣仔附近返工嘅人去食唔使去咁遠

跟团去到這間酒店歺廳、12点前到、職員好好叫我哋团友先入座可以拎飲品、到12点正就可以出去拎食物。出去行了一个圈、拎食物地方超細、得3个地方、一个擺放沙律吧/炸品、湯、熟食祗有豬皮魚同黃芽白葉、一个系甜品/生果区、另外一个擺放咖啡/茶/0檬同雪糕柜。主菜嗌咗大蝦意粉同芥末醬豬柳朋友吃過、蝦新鮮、意粉彈牙、好食😋這个賣相勉強可以、可惜豬柳非常之韌、有渣、係我食过咁多嘅豬柳係最差一个😑食咗一嚿仔已經放棄。沙律吧、太多人第一轉冇拎到、第二轉想拎已經比其他人拎哂、第三轉出去拎已經唔見refill 所以冇食到。講吓D熟食、豬皮還可以、魚旦就麻麻、太淋、黃芽白好淋好食、春卷/薯條一般。生果有西瓜/菠蘿/哈蜜瓜、OK唔錯。雪糕就一般般、甜品蛋糕仔都有3款、味道也是一般、最難得系有朱古力噴泉、有些驚喜。同其他酒店半自助餐相比、性價比低、最後講吓職員收碟劲慢、這方面服務也是麻麻。

終於黎到星期六☺️襯放就緊係約埋朋友仔一齊黎食番個afternoon tea，珀麗酒店出左新下午茶set。裝修環境優美，地方都好闊落。已經佈置左一系列聖誕裝飾，感覺都幾舒服❤️今次有三層，幾豐富。——-🌟Savoury🌟——-最上層係鹹點，首先食左炸芝士條打底先🤭芝士都夠熱可拉絲(掛住打卡影耐左🙈)芝士味都幾香。水牛香辣雞大大隻辣得黎夠惹味。煙三文魚卷青瓜忌廉芝士、意大利風乾火腿蜜瓜味道清新，可以過下口癮。鵝肝慕絲配青瓜都幾大片，咬落淡淡鵝肝味，淡淡地但食落依然香口。——-🌟Sweets🌟——-甜點比較多，有2層🤭有afternoon tea必備英式鬆餅配奶油忌廉、士多啤梨果醬❤️奶油忌廉香油味，配上鬆餅，真係好好食，佢哋嘅鬆餅感覺唔係話落咗油，所以唔使擔心好肥膩。馬卡龍、忌廉泡芙，中規中矩。最底層層有熱情果芝士蛋糕、意式奶凍、特濃朱古力慕絲蛋糕。熱情味芝士蛋糕酸酸甜甜，我幾鍾意。意式奶凍配士多啤梨，上面有啲新鮮紅莓，酸酸地好好味。最後就係朱古力蛋糕，慕絲軟滑朱古力味幾濃，overall 感覺都唔錯——-🌟Drinks🌟——-飲品方面可以揀咖啡或者茶，食下午茶一定係配熱茶，個人比較推介薄荷茶

與朋友來到了於銅鑼灣圖書館附近的珀麗酒店下午茶，下午茶餐廳位於酒店2樓，其食物質素與環境，讓第一次到訪的我留下十分好的印象，是性價比高的下午茶！餐廳環境舒適寧靜，每個座位均為闊寬梳化椅，舒服自在，而且當日整個下午茶時段只有2枱客人，寧靜不催促交還枱，與朋友談天說地十分暢快。下午茶包括5款鹹點、6款甜點及每位一客茶飲。✼鹹點✼鵝肝啲慕絲配青瓜：圓圓鵝肝大片size如杯墊，質感軟滑十分creamy不溜，薄薄青瓜片提清新而沒有覆蓋鵝肝口感質與味道，加上軟麵包增加整體咀嚼度.水牛香辣雞翼：炸雞翼熱燙香脆，酸酸小辣好惹味.煙三文魚卷忌廉芝士：忌廉青瓜粒令煙三文魚口感更滑溜，而煙三文魚鹹香提升芝士香.炸芝士條：脆炸粉包裹著如手指般粗長的芝士條，淡然芝士鹹一點也不溜，可能待涼後才品嘗，未有拉絲效果意大利風乾火腿蜜瓜：蜜瓜清甜多汁，中和火腿乾鹹性質✼甜點✼熱情果芝士蛋糕:芝士蛋糕十分軟滑輕盈，帶淡然酸熱情果味感清新.忌廉泡芙:泡芙大小如流心包，一咬開滿滿忌廉爆出，甜度適中.特濃朱古力慕絲蛋糕:慕絲質感輕盈但朱古力味濃郁偏濕重.意式奶凍配士多啤梨汁:奶凍同樣滑溜帶淡奶香，表面覆上一層清甜士多啤梨果凍，甜

最近減食，想食得健康d,寧願食精都唔求食多。所以半自助午餐就是我近期大愛。朋友介紹我呢間一於黎試下。雖然唔係好大，但咁樣仲好，唔會太嘈，服務亦自然集中，更貼心。收碟ee 滿帶笑容（帶住mask都見到笑眼架😂）每隔一段時間會轉主菜餐單，保持新鮮感。今次係pork rib/青口risotto/煎盲槽魚（三選一）我地見出面帶牛扒同火雞腿任食，所以無揀pork rib做主菜。個魚煎得幾好，皮脆肉滑，個奶油汁好提鮮，又夠滑。出面自助沙律/甜品/中西湯/炸物/生果都常補充，保持新鮮乾淨之餘又常滿👍👍👍

💡美好的一個下午襯放假天氣又咁好，就緊係約埋閨蜜一齊黎食番個afternoon港女打卡 tea，珀麗酒店出咗下午茶，裝修環境優美，地方都好闊落，今次有三層架，包含鹹點同甜點，岩曬同閨蜜慢慢chill❤️🍽鹹點最頂層開始是所有鹹點，有煙三文魚卷青瓜忌廉芝士、意大利風乾火腿蜜瓜、鵝肝慕絲配青瓜、水牛香辣雞翼及炸芝士條。雞翼大隻得黎夠惹味。鵝肝慕絲配青瓜就淡淡鵝肝味，唔算好濃烈，炸芝士條香口得黎裏面真係做到拉絲🧀不過如果熱少少會較好。煙三文魚卷青瓜忌廉芝士卷成整到好似玫瑰花咁靚。🍽甜點整體三分之二都係甜點較多，中間那層有熱情果芝士蛋糕、意式奶凍配士多啤梨汁、特濃朱古力慕絲蛋糕。熱情味芝士蛋糕就酸酸地，開頭仲以為係檸檬🤣意式奶凍配士多啤梨汁🍓有好香雲呢拿味，食個陣加埋鮮莓，更好味。而最底層的是英式鬆餅配奶油忌廉、馬卡龍、忌廉泡芙。英式鬆餅配奶油忌廉鬆化既鬆餅食個陣配埋cream cheese就特別香，忌廉泡芙吉士醬忌廉好香甜凍凍地好好食。ps/每人都會包一壺熱荼，可以選English breakfast tea，Earl Grey，Peppermint

今日朋友仔生日，就帶咗佢去銅鑼灣一間四星級酒店食一個Semi buffet.室內裝修華而簡潔，沒人的時侯非常安靜。酒店餐廳 有三個main course揀, 分別係紅酒燴牛臉肉、千島海鮮pizza 及 黑松露軟殼蟹意粉。如不喜歡以上三個主菜，可自行加$78 升級做燒美國牛柳配燒汁及燒羊鞍配紅酒汁。餐前小食、沙律、甜品、飲品自助形式, 自己出外面領取。 紅酒燴牛臉肉脂肪比例均勻，肉質唔會太韌，好有牛肉味。每食一啖紅酒汁以深入牛年唔郁裏面非常Juice。黑松露軟殼蟹意粉非常足料，有好多蟹籽同黑松露。軟殼蟹炸到外脆內軟，好鬆脆。意粉煮到剛剛好唔會太冧、亦唔會太硬。意粉吸收晒蟹、黑松露及魚子嘅鮮味，非常好食。食完main course, 仲可自行出面任添雪糕。有綠茶味、雲呢拿味、朱古力味及芒果味。仲有生果同朱古力噴泉，啱晒我呢啲好鍾意食甜品嘅女仔。

好耐以前喺九龍食過呢間協奏坊，見到午市咁抵食就試下銅鑼灣嘅呢一間2樓全層都係用餐區域，前菜湯品沙律甜品飲品幾乎都係同一行，唔需要由頭行到尾、九曲十三彎咁去拎野食。Semi buffet lunch嚟講選擇合理，應有的都有。沙律菜新鮮，餐包暖暖的外脆內軟，配西湯非常適合。西湯；大蒜忌廉湯，但係飲落去不但冇好強烈嘅蒜頭味反而有好香嘅煙肉味。小食：港式咖喱魚蛋湯&黑松露忌廉意粉&炸薯條意粉松露味非常突出，偏creamy, 都有出面嘅Cafe水準。炸薯條好脆🍟燒牛柳&火腿扒去酒店食buffet必食嘅！燒牛柳剛好五成熟，唔會擺到凍晒😁火腿扒非常有驚喜，煙熏味香濃，口感好，配埋薯條嗰邊嘅泰式酸辣汁，值得任食！主菜：三文魚扒大份，皮脆肉滑，沒有魚腥味，熟到剛好🐟沒有額外調味只有淡淡的魚味，沒有太多魚油，配上特製的咸醬汁非常提鮮。配菜的車厘茄極鮮甜！甜品：Buffet bar 兩點就會準備下午茶，所以食到尾都冇咩選擇，反正都好飽所以只係食咗生果解膩。餐飲：咖啡、奶茶、水、檸檬，自己mix n match

星期六下午約左亞E去嘆茶，佢竟然話想食buffet，search下openice 見倒銅鑼灣珀麗酒店2樓嘅協奏坊西餐廳有semi buffet食，價錢$188包一個主菜，同沙律吧、甜品等，相當親民；座位闊落，餐廳環境舒適，侍應都好快收碟，又唔會催埋單可慢慢傾幾好！沙律區唔算太多選擇，有青瓜、車厘茄、鷹咀豆、生菜、龍眼肉等；前菜區有一中一西湯、餐包、炸薯條、同兩款炒肉。 另外有侍應切燒牛肉同煙火腿，煙火腿夠咸香幾好食，亞E就要左燒牛肉，不過不失。🍷紅酒燴牛臉肉🥩味道香濃嘅紅酒汁，配搭煮得剛剛好嘅牛臉頰，牛肉汁豐富，肉質嫩滑有口感，加埋薯蓉軟滑唔膩，配菜有蘆筍，牛肉份量好足！性價比好高！🦀黑松露軟殼蟹意粉🍝超香嘅意粉上有搶眼嘅軟殼蟹、滿滿嘅黑松露香氣撲鼻！配菜仲有蟹籽同魚子等，顏色相當靚！軟殼蟹香脆，味道鮮甜，蟹籽 卜卜脆，口感豐富！甜品區有雪糕🍦、朱古力噴泉、水果，蛋糕等，我食左朱古力香蕉蛋糕又唔錯！協奏坊西餐廳 地址📍 ：銅鑼灣信德街8號香港珀麗酒店2樓