半點心茶座 (已結業)

其實本人想係咁啱行過見肚餓又唔想諗食咩情況底下衝左入黎呢間野度我同男朋友仔2 人共食左5 樣野，可以話係一樣差過一樣。。。咁呢d就真只得一次，見過鬼仲唔怕黑咩1. 蝦腸-d蝦霉既同埋d腸粉都超削2.澳洲牛肉球-三粒size似湯丸同無馬蹄陳皮3.北菇滑雞飯-有1 粒菇size似草菇，同埋得半盅飯多d, 撞鬼d飯好貴咩4.雞球大包-料都可以，但個size一定唔係叫大包囉，似雞飽仔多d5.雞腳扎-腐皮包雞腳同dd咁少肉你收費都唔係平，唔該比番dd似樣既野人食啦

新年收多$30小食費正常,竟然再收多20%服務費,離譜,如每枱都收我接受,但是看到其他枱無收服務費,有一,兩張收10%服務,有點亂收費,大家要小心,(入座時我無問,佢又無講,算我照俾)無下次。食物得蝦腸好食,其他一般

本人同行2人晚上八點左右經過見到呢間不知所謂晚鋪頭 唸唔到食咩 就食個點心算 門口無價錢牌 入到去叫完茶 睇個牌你都唔想食 蒸飯接近$30 點心咸水角都要廿幾 果陣都想走 不過算叫左茶費事。我地就叫左牛肉飯。。咸蛋肉餅飯。同咸水角樣。人唔多。但加水都要叫。都算 等左十幾分鍾 好戲終於到 黎個牛肉飯！！！佢老板跟手比2隻匙羹。一隻係用黎人地攪熱奶茶既匙。。比隻咁既匙羹叫我食飯？？我唔知佢呢間野d人係咪精神有問題！同我講 話無匙羹 。。果d牛肉連味都無。。呢個我最終係食左一淡唔食.。再黎咸蛋肉餅飯。我在此想問大家 呢個飯點會有蝦！！對於唔食蝦既人會敏感。點食。？？老闆仲講係有蝦既！！！！最後退左！！唔食。最後食左個所謂咸水角就走 埋單成$70蚊 呢度我真係唸起火到都想講粗口。大家唔信不防去一試！

點心是本人一向的至愛喺團購網見到有任食點心及價錢都幾吸引就買幾張同屋企人去食但上到openrice睇食評都心知不妙但買咗冇理由唔去食假於是打電話去訂枱唔知係咪我好彩打咗第二次就book到枱Book咗星期日早上11:00-13:00嘅時段去到當時都坐滿客人， 有兩枱都係團購客雖然等咗5分鐘先有人招呼但係都可以接受落咗第一輪order, 但因點心標明是即叫即蒸亦都有心理準備要等，便耐心等候我哋點咗十多款點心 (包括腸粉、燒賣、义燒包、鳳爪、牛肉、炸春卷、炸雲吞、蒸飯、鮮竹卷、蟹柳雞等)等候期間有一個無理嘅客人入嚟話昨天買咗個外賣飯話入面啲肉唔熟要求退款個收銀話要求要攞番個飯証明但個客話冇， 幾經擾攘都退咗錢比佢最快到嘅點心係炸雲吞同春卷，雖然係有啲油，但味道都OK等咗大約十五分鐘，蒸嘅點心都一次過到齊我覺得燒賣同义燒包係最好食嘅燒賣啲肉好新鮮同juicy其他點心都不過不失啦唯一樓面得兩個人，要扣招招呼八枱客人但服務態度都Ok第二輪點啲嘢都大至到齊都唔係等咗好耐以咁嘅價錢嚟講都算唔錯㗎喇!

其實，呢個團購已經買咗好一段曰子㗎啦！但好無奈打極個預約電話唔咪無人聽就係話 BOOK 滿咗，而每次個電話都係要打足兩三曰先有人接聽，我亦嘗試過不停咁打，最終打到 Cut 埋線 …… 😑，真係打到著晒火 …… 😠😬😡，昨曰幾經辛苦終於約到 8-10pm 呢段時間去食！由於我哋已經係預約咗嘅，所以去到唔洗等就有位，不過我同朋一入到去就覺得心知不妙 …… 😕，數埋先得幾台人環境非常冷清，而坐低咗之後好似無人得閒招呼我哋咁，原因係舖頭內面只得兩個人做嘢！分別係一個女仔同一個龜速🐢嘅呀婆，至於㕑房內面我就唔太清楚啦！每次叫親個女仔都要等等……😑😴！由於我同朋友驚啲點心要等得好耐，所以一早就 Order 咗7個點心，係等食嘅期間見到有兩台外國人剛入座，相信其中之一台都係團購嘅，而哋坐低咗之後個女仔好似無意識咁去招呼人！仲要比個中文餐單人睇，最終都係呀婆提比個英文餐單人，真係 O 晒咀 …… 😖！等咗一陣啲點心好快就呢咗啦，可能係無乜人嘅原因啦！我哋分別叫 (1) 鮮蝦炸雲吞 (2) 蒸排骨 (3) 蒸雞 (4) 牛肉 (5) 燒賣 (6) 鳳爪 (7) 蒸义燒腸粉 七種點心，還有個蒸义燒腸足

呀姐態度好差, 大声夾惡趕客走!當日我&朋友2人, 買團購用歺, 電話訂位時態度已好差, 話只可食1小時30分鐘(1700-1830), 細則寫2小時(1700-1900). 到達時即叫点心, 1730先有得食, 1750, 己叫定点心, 呀姐態度好差: 要全部食完晒先可以再叫! 1800叫點心, 1820先到, 1830就叫你離座 , 但當時無客, 呀姐仲大声夾惡, 1830你地要走, 我話你D點心1820先到喎!又無客, 呀姐大声話 夠鐘! 趕 我 地走!!点心話即叫即蒸, 當時只有３枱客, ３人團購, 我2人團購, 2人正價客, d点心外面熱, 內面仲係凍！ 牛肉餃凍嘅, 只有外面浸住Ｄ汁熱！糯米包, 里面凍嘅！！鳳爪扎, 全部肥豬肉！雞絲粉卷，一夾d料跌哂出黎, 粉皮厚！干蒸牛肉, 咬開里面, 好多肥羔! 蘿蔔糕, 一舊粉, 無蘿蔔! 只有蛋散, 鬆化OK!由1700開始, 店內厨房有裝修進行中, 好嘈！店內2個待應呀姐講嘢又大声, 不停大声接訂客電話, 態度好差, 呼喝客人！其中2人正價客, 投訴2個待應呀姐好嘈&有客就唔好裝修, 2個待應呀姐仲大声夾惡話番你!

唔使等就入座，因為小貓1…2隻。有個女士安排左我地7個人坐係入面既"房"個餐牌過左膠，直接寫上去，都幾環保，但係好多點之都唔叫得   ！本身已經種類小！！落左第一輪order，怕唔好食所以都寫數量1先。等左至少4個字，終於有野食到，係盅飯！想塞飽我地先？？大家都等到好餓，1陣風過後又食完3盅飯(鳳爪排骨/雞/牛肉)，餐牌上寫明係即叫即整,但送上黎既時候唔太熱,味道一般冇咩特別。過多1陣黎齊之制想睇下個餐牌，想畫定下1輪食咩啦，個女士話"未食哂唔可以點丫！"，想睇下都唔得囉！ 食哂再點既時候寫左數量2，女士再講"最多寫1，你地改反"，講完放低就行開左！1.  限時2個鐘，等野食黎到至少30分鐘，餐牌可以叫黎食既野又小，仲要鳳爪同糯米飯賣哂唔出聲，數量又只可以寫1。2.  服務差態度差，唔可以寫數量2咪將有寫既比1碟囉，使咩又要改反先落到單丫3.  廁所好多1隻隻野飛黎飛去，環境衛生欠佳呢間野就算免費，我都唔會再去！點心食左:馬拉糕- 好實,冇咩味牛肉球- 好多肥肉,冇蔥係舊肉度,完全唔係普通茶樓食到既味道干蒸牛肉- 都係肥肉多,點左好多GIP汁食左蟹柳雞- 蟹柳細到手指尾咁, 雞

其實本人一向都"食"的要求不是太高, 一般水準都可以接受。不過今次遇到實在太差太差太差的對待, 實在要寫一寫希望各位不要中招!本人和有些食評家一樣, 經團購網買了任食 COUPONS, 見價錢 $68, 可以任食, 算是好抵, 點知中晒招!佢 個餐廳名好細, 唔知係咪俾人負評得多, 唔想太張揚。一去到, 負責人見我們是團購的, 即帶我們入一間要經過廁所和士多房的一間沒有裝修, 又破爛的房子用膳。這與在團購網看到的環境和枱椅不一樣!!! 這還算吧, 我們開始點, 第一轉我們點了 12 樣點心, 叫了2 盅蒸飯, 其中一盅, 我們吃剩了少許; 之后一會兒, 原本企在櫃台的那個阿姐 ( 老闆娘) , 即立即入來兇巴巴地罵我們, 話食剩米飯會折墮, 開口折墮, 埋口折墮, 不斷重覆又重覆地講, 用言語人身攻擊我們!!! 她企著一直講, 不肯走, 話唔係任食就可以任點!!! 那就好笑了, 佢自己做團購任食, 但是又不想客人點, 甘CHEAP 甘計較!!!學人攪任食?! 我們明白, 我們是食客, 食剩了的確是有點不對, 但無論如何, 佢都唔可以人身攻擊 。最多她都應只可說 " 食剩了是不應該的,

其實我係團購網見到幾吸引就買左但買左先上openrice睇食評一睇 一個正評都無心諗又中伏!於是抱住蝕錢既心態去食去到 鋪頭細細七大一細枱得兩枱客食緊搵左張大枱坐低左好耐先serve到我地其實我ok 因為之前已經上左openrice打定底知service會慢 因為得兩個人做成間鋪等左5分鐘 終於有點菜卡因為知要蒸點心需時 所以都點左好多點心但有枱客就黎夠鐘遲過我入單 但佢地叫既點心都到齊先到我果枱呢方面我就唔係咁滿意叫左既點心有春卷 燒賣 雞包 叉腸 牛腸咸蛋肉餅飯 牛肉球 排骨 等其實平心而論$55+$10.5以呢個價錢食到咁多點心質素黎講已經算唔錯不能強求太多

呢間野真係差到令一直係開飯喇潛水睇食評既我要開AC留個負評係團購見到幾平好似唔錯,就買左 一家人放假就去食首先電話BOOK位,個呀姐態度差到一個點咁我已經提左兩次係五位,佢都先後用好差既語氣問我幾多位我答第一次五位,佢就問兩位?我亦重申一次係五位佢就問左我拎左兩個團購號碼呀姐態度係差到好似趕住收線咁最後BOOK左5位今日去到佢話我只係BOOK左兩位一係就兩個人食住先 一係就走就話一定係我地BOOK左兩個位唔係點解佢會MARK得兩個編號佢地冇野食可以預到我地仲叫我地入廚房問師傅之後仲講左句:"得啦咁你地坐低啦 係冇得食架喇 有就正價食 冇就冇架喇"因為佢D態度差到爆炸今時今日我都未遇到過服務態度差到咁既人最後我地就要求退錢佢就話打比老闆娘叫我自己同佢講接通左電話之後我同佢講話可以改善下佢地工作方式可以係當日打返比D預訂客CONFIRM返D資料 咁就唔會有錯誤出現點知佢仲要無啦啦發嬲話佢先係老闆娘你冇資格控制我點做野仲有你唔好咁高傲同我講野你只不過係用$40幾 團購食我地D野宜家係我唔做你地生意快D走,唔係我報警拉你(有咁既老闆娘唔怪得有咁既員工質數)其間廚房個位師傅都有出黎講野問咩事咁大

雖然旺角好多野食，但係真係唔知食咩好～老公話廣華街開左間點心舖～咁咪4條友去試下囉～點知中哂伏。。。超差既所謂點心本人食野既要求真係唔高蝦餃 好似壞咁，個皮一pat野燒賣 一般鳳爪 一般，細隻，冇乜味义燒腸粉 皮好厚，义燒冇乜味雞絲粉卷 有臭味，一夾d料跌哂出黎牛仔骨 肥膏同骨最多，麻麻地鳳爪排骨飯 一般，得一隻鳳爪仔一定一定一定唔會再幫襯！！！！！！

原本諗住去「點點心」，但發現有新野，咪試下囉。一入到去已經覺得唔對路，樓面淨係得一個惡巴巴嘅阿姐，枱面、餐具都有D舊同污糟，點睇都唔似係新開叫左5樣野：鳳爪排骨飯 - 飯太濕布拉齋腸 - 凍嘅..... 皮又厚，又唔滑「東涌」蝦餃 - 我諗係signature...... 上枱已經穿左、又細粒、仲要賣$30炸雲吞 - 味道OK，但太油牛栢葉 - 唯一一樣上枱時係熱嘅野，牛栢葉太碎，好難夾，味道一般題外話：一個樓面根本搞唔掂，做到個阿姐火晒。有枱6人客都等唔住，好多野都要自助；另有一個外賣客等得太耐，火火地，同阿姐嘈左幾句，結果有個廚房工一齊出黎嘈😥今時今日咁嘅服務態度點得架？總括：NO NEXT TIME❎❎❎❎❎

又係手痕買左團購, 買了午市用, 即11:30-1:30.前一晚先落機, 由於快到期, 所以要盡快安排食左佢.早兩星期打黎, 有個亞姐聽電話, 話FULL BOOKING, 但叫我過兩日打黎, 經理返工, 直接問經理.當時心想, 服務態度都幾好喎, 有情講.兩日後我就打去, 順利卜了, 好開心, 就算攰到不似人型, 都晨雞咁早由老遠出黎食.點知...我同老公準時11:30就座, 入到去有20個位, 7枱, 當中都有一半入座, 都OK丫.太餓了, 超想快D有熱野落肚, 想畫點心之際.此店劃點心好新穎, 有張過左膠既MENU, 店面唯一一個亞姐, 忙到出哂煙, 完全冇同我地講過點落單.我地坐左15MIN先見自己份茶具上枱. 茶呢...又係自己出去攞同REFILL既.亞姐忙乜? 唔好問, 冇人知.諗緊食乜既同時, 聽到亞姐同D客講, 以下係冇既野. 早上11點幾咋蝦餃, 糯米包, 牛仔骨, 煎蘿蔔糕, 生煎包, 菜肉包解決左餐具問題, 裝到人地點劃點心, 我地又劃, 劃完交功課.由落單到第一碟野上枱, 足足等左30MIN, 乾等, 奇就奇在不停有街客入黎散叫, 唔係團購客.當然都有街客入黎見

同樣是"差到要開account寫食評"見到團購嘅相好吸引同埋好多人買就買左,最後食到一肚氣 打電話去book已用左4日時間,最後要預約兩星期後嘅星期六去到阿姐知我地係團購就要求我地坐入廁所再入嘅房仔,叫食物,好多款都唔叫得,話團購唔包,食物等左15mins先黎食物冇咩特別,態度惡劣,唯一只是環境衛生ok鮮竹卷, 未熟蘿蔔糕, 冇蘿蔔味干蒸牛肉, 冇牛肉味腸粉, 皮厚鳳爪, 發脹沒咬口牛柏葉, 份量少+好林春卷,即炸ok排骨飯,ok一般酒樓水準食嘅中途聽到阿姐鬧團購d客cheap,冇錢唔好黎食又聽到阿姐收錢先同外賣客講外賣盒要$4一個,真係搶錢咁喺呢度閒閒地食3,4樣點心都過百,大家嚟食之前真係要三思

上完堂就過嚟試下新點心，其實門面並不吸引，但總有嘗新的心態而入去了，一行三人，入內只有一位阿姐做侍應，不過那時候只有兩枱客人吧！講回點心，沒有看清楚價錢入去了，原來也不便宜，一籠蝦餃$30，其餘的點心都$28左右，先來炸雲吞，好油，竟然比個泰式辣雞醬我點雲吞，所有點心店都係用自家製酸甜汁來配，這麽沒誠意不如不要出這個點心吧!叫了叉燒腸粉，蝦腸粉同齋腸還算可以，最中伏係個芝士牛肉球，係一pat肉包住d有色冇味嘅芝士，極之難食，蘿蔔糕不可稱為蘿蔔糕，而家白粉糕，完全冇蘿蔔味，好似食舊粉落口，燒賣像街頭小食的水準，叉燒包個餡料怪怪的，吃一口便放棄，牛肉飯的牛肉係完全冇味，好霉好怪，成餐飯可以食得的只有腸粉了，唉…真係半點心都不成，只有十份一點心誠意