半點心茶座 (已結業)

家人購買了4位 團購半點心任食劵, 看到地點方便, 所以一試門面及餐廳環境都比較舊, 座位比較迫點心紙上面的點心,除了燒賣之外, 都可以任食不過出菜時間就非常慢, 所以唔會食到好多輪食物質素方面, 大部份都OK比如鵪鶉蛋燒賣, 賣相好之餘, 豬肉味道新鮮馬拉糕都蒸得鬆軟不過只要是炸的食品, 都會好油, 應該油溫不夠, 所以吸哂油你可以睇到, 炸雲吞個皮都反哂光…查看更多

星期天在旺角搵食！看到此店中午也不多人，抱著一試無防的心態！店子小小，有一枱古老遊戲機！播著70年代的廣東歌.牆上有黑膠碟装飾. 有趣！點了大路的蝦餃，燒賣，小龐包，义燒腸，居然有鵪鶉蛋燒賣.:)後加了灌湯蛟。蝦餃皮薄，包得好靚多蝦，味道好過酒樓.燒賣肥瘦適中好味灌湯小龍包，太多肉冇曬湯，比較實义燒腸，很滑！灌湯餃，湯很清，不似一般酒樓很油，隻餃比足料，只是有點實…查看更多

行過旺角買完波鞋，見有間點心鋪就同朋友入黎醫下肚牛肉球，賣相、味道都一般口感好粉...蛋散，甜、幾脆，幾好食菜肉包，味道普通、個皮好厚鮮蝦腸粉，皮滑、幾好味炒蘿蔔糕，炒得幾香但口感鬆散蝦餃：皮略厚，但味道唔道燒賣：幾好味，有肉味掛骨：肉嫩鮮甜，幾好味…查看更多

本來無太大期望入去食，純粹係見到晚飯時間，唔洗等位。櫈都未坐隱，有位小姐就即時介紹今日特價食物，我叫咗叉腸，時菜牛肉球，蝦餃，糯米雞，鳳爪，排骨飯，桂花糕，全部即叫即做。叉腸最先到，熱辣辣，皮薄足料，淨係望都見到滑嘟嘟，滑到我老公仲夾咗幾次都夾唔到，超出咗預期，我即刻上openrice 睇下d點評，出奇地竟然多過咁多，我仲以為我d味覺差成咁，好唔好味都唔識分，原來一般都係批評環境同服務，其實之後嘅點心味道都係唔差，俾起而家好多大酒樓，其實我覺得佢好味好多，不過蒸飯真係耐咗d,蒸飯係我地食哂所有野，最後先到，如果真係淨食一個蒸飯，都真係會等到發皮4，但蒸飯係無爛飯嘅，飯粒粒分明，其實真係好難食到唔爛飯架，食物方面真係有誠意…查看更多

買了groupon 訂咗三月二十八號 6-8 pm去, 坐在後面位置, 店裡播懷舊音樂. 他們只有一個亜姐 serve 人客, 雖然上點心速度有D慢但仍然招呼不錯 groupon 團購客人有燒賣皇及特定點心紙上的點心 我們點了炸雲呑 (普通)、叉燒及布拉軟滑腸粉 、牛肉球(ok)、四寶雞扎 (ok)、排骨飯、蝦肉餅飯、蛋散 第二輪再叫了小籠包 (普通)、鵪鶉蛋燒賣 、鳳瓜、馬拉榚, 已經好飽了整體點心味道也不錯 …查看更多

groupon購入的團購~ 之前聽朋友食完話都OK仲想買多張groupon點知去之前同男人一齊openrice見到好多劣評(!)即刻好擔憂.........仲商量定如果唔對路好即刻閃 哈哈 諗住都係蝕$110姐..好彩 最後食完無肚痛無事 D野食都OK添我地係坐店面的, 之前睇食評網友話又要上樓上又唔乾淨luckily我地D碗筷茶具都幾乾淨點心放題我地加左一次單 有D無影到相掛住食相信佢真係即叫即蒸因為落左單 見幾枱都係一齊等 跟住慢慢一輪輪野食上味道都真係唔差架 同埋夠哂熱因為食食下聽到隔離枱投訴馬拉糕唔夠熱...今次團購無中伏 nice!…查看更多

星期六夜晚同男朋友一齊去食，真係有史以來最差嘅飲食經歷。Groupon買左兩張飛。提早三日打電話book好位，未諗到竟然話我哋未有book紀錄，我翻手機比佢哋睇通話記錄先比我哋入座。一開始就好唔開心，點知之後仲有更慘嘅事情發生。佢哋為咗唔影響walk in嘅顧客，叫我哋坐門口好細嘅位。我男朋友隔鄰就係煤氣爐，我以為我呢度好D，但係一坐低就發現個凳全部濕曬。我以為係雨水之類，就叫佢哋攞紙巾擦乾淨，未同佢哋計較。因為係Groupon，好多點心都被刪左，味道一般。食完之後，我一起身就發現我個衫後面全部濕咗，連袋都濕埋！真係好恐怖，加埋茶水，人均都係80左右，同其他非Groupon點心舖頭差唔多，但係咁樣態度同環境，害我衫要乾洗，真係有史以來最失望嘅一次飲食經歷！…查看更多

團購左先知中伏 但都要試下先下判斷...一早book 左位 個到地方唔大 但仲有位既 一入到去個人知係團購就勁串咁話 冇位呀 入房啦 但又唔帶路 一望入去 廚房黎喎， 但都要入啦... 經歷個勁污糟既廚房 入到一個勁大陣up 味 又多貨既位置...環境好唔舒服 都係快啲食完快啲走算去到個店心紙有好多刪左 都預左 落單 搵支筆 係依籃筷子到搵到真係冇咩胃口啲茶係暖既 都係拎黎洗野 唔太敢飲等左幾個字 啲野食終於黎連埋張單一齊掉落張枱到叫左燒賣 小籠包 腸粉依啲大路野一般 唔太好食好嬲 食到成肚氣唔會有下次 …查看更多

團購買左個set,有蒸飯，燒賣加奶茶，燒賣有名堂叫藍天燒賣皇，奶茶由金茶王師傅沖泡，$29覺得可以一試！星期日三點幾到來，鋪仔細細，都有很多人。我們兩個人搭枱就不用等位。雖然我們是團購，但夥計仍友善解釋套餐既內容，讚由於點心同蒸飯新鮮制作，講明要15-20分鐘，既然講明，我們當然沒異議，靜心等待。我們點了奶茶，鮮蝦肉餅飯，鳳爪排骨飯，及藍天燒賣皇。奶茶: 等蒸飯同燒賣期間，先上奶茶。估吾到食點心既地方有奶茶，更估吾到質素真係好得，金茶王真係吾同，奶茶入口甘香，茶甘留在口裡好耐不散，果真茶香奶滑(9/10)。藍天燒賣皇 : 蝦肉跟豬肉佈滿餡料當中，蝦不是只在燒賣面上！而且蝦肉爽口彈牙，豬肉肥瘦適中，不似一般燒賣只面頭是蝦，豬肉是'淋謝謝'既肥豬肉 (8/10)鮮蝦肉餅飯 : 同燒賣餡一樣，蝦肉爽口彈牙，肉餅肥瘦適中，調味方面味道淡口了一點。(8/10)鳳爪排骨飯 : 鳳爪沒特別，排骨味道吾錯，食得出是新鮮豬，但就有一兩舊un左一點(7/10)蒸飯用上金鳳米，食得出一點飯香。之前見到食評麻麻，但今日見其他食客食得津津有味，我地既套餐都吾錯 ，有機會會再幫親:)…查看更多

痴線！第一次食飯食到想講粗口！ 今日上Openrice睇下先知咁多喊臉！認真中伏！其實熟我既人一向都知我對食要求唔算高，但未熟既真係唔洗諗。細細個呀媽同電視廣告都有教食物係要煮熟先好食啦係咪？！一入店，店員已經黑哂臉，一副唔想做咁既樣。坐低，已經覺得地方唔太乾淨…算了，已經坐低左…揀左個鳳爪排骨木桶飯(配兩顆燒賣)，再加一碟時菜牛肉球。牛肉球顏色偏紅…佢寫住即叫即蒸。好…咁上菜慢都可以理解。但已經等咁耐，蒸飯內既排骨竟然可以唔熟？！睇相好似冇問題，但夾起排骨就見D血留喺飯上面，係明顯一pat鮮紅色…同店員反映，一句不好意思都沒有… 就咁拎走左入廚房，然後話轉雞飯好唔好，咁如果個雞飯係肯定熟而又即時有我地簡直係求之不得。但話轉之後又係要等？？？！ 咁你叫我轉雞飯係咩意思？ 又等完一輪，但最後都懷疑個雞飯係唔熟…又係偏紅色既肉…唉…真係唔想再曬時間打一間服務態度咁差，食物感覺唔衞生，環境唔乾淨既餐廳！一直都打開書面語，真係第一次要打黎食評黎鬧一間餐廳！但老娘今次真係忍唔住啦！！…查看更多

放假行過旺角想食碗粥做早餐，見到呢間舖面幾得意又坐滿人諗住應該唔錯。入到去點粥冇粥，點豆漿又冇，當時只係早上11:30。結果兩個人叫咗炒麵、粉果、鳳爪排骨蒸飯同炸両。等咗大半個鐘都未有野食，知道佢係即叫即蒸所以都算。第一樣唻嘅係炒麵，又硬又冇味。等二樣唻嘅係粉果，個皮蒸到一pat野，食落仲有奇怪嘅味。完全接受唔到，我哋冇等埋其他兩様已經急急埋單走人，四様嘢連茶$120。價錢唔平又勁難食，未試過飲茶係咁差，一定唔會再去。…查看更多

我食過咁多團購都預咗團購唔會有咩寄望.... 但咁可怕的點心團購都係第一次,第一次下單, 約15-20分鐘左右上點心... 第二次下單...... 等咗約30分鐘,環境衛生一般, 團購嚟講可以接受,但服務態度除咗個0靚仔之外... 個個都好似聽唔到你叫咁.... 好好戲... 叫十次都冇人理你......重要愛理不理... 鳳爪味道唔知點整出嚟, 咁大個仔都係第一次食到d又淡又怪味的鳳爪~ 成碟嘢得兩粒豆鼓....馬拉糕.... 成個濕咗ge pizza咁... 成舊粉... 濕淋淋....唔知係咪上几枱食剩d馬拉榚的環保再生版...生菜... 最冇加工的一味...... 超淡...... 但勝在天然同安全.... 牛肉...... 真係唔知係咪應該叫牛丸合適d....食點心牛肉.... 第一次食到"鞋口", 其中一點重做到扒房ge5成熟...... 想講粗口.....叉燒包, 外邊似叉燒包.... 裡邊係大量李錦記叉燒醬加超少量肉粒...... 未食過呢隻味..... 可以同大陸路邊一比高下!叉腸........d皮.......真係有返咁上下足料, 勁厚....叉燒每条大約有1.5mm-3.5mm左右大小的叉燒粒.... 可能係做叉燒包時不小心掉了下去的叉燒碎....蘿蔔糕... d粉多過"下惠E"塊面... :(炸雲吞... 應該叫炸雲吞皮算..... :(杯茶... 用茶葉碎..... 要等佢沉哂底先可以飲....排骨..... 一埋痴埋哂GE勒肉.... 帶假牙的朋友勿叫....:(而最正常的是: 燒賣同鶉春蛋燒賣... :)雖然我們兩人都係團購...... 埋單2人約$137人地做團購係為咗做宣傳做好個名....... 但呢檔嘢真係想隊冧自己咁款,我個人好食就好食唔好食但唔過份都算.... 不過今次食到一肚火......... 好想食完快D走....今次最後悔唔係買咗佢團購,係太嬲唔記得影相比各位.....我以後不可能會再係呢間嘢出現...希望今次留言可以幫大家避免中招.....…查看更多

吃罷Stacks三文治雪糕，沿廣華街前往位處豉油街67號的小房子。路上，望見對面街有間點心店。小房子不過是放空呆坐，嘆茶吃蛋糕之逍遙小店，故我倆決定先吃點鹹食。小姐遠見門口海報寫著「下午2-6時段，所有點心一律半價」的字句，喜出望外，奔了過去。當小姐被點心紙上的「芝心牛肉球」迷惑時，小妹發現，半價優惠只限逢星期一至五而矣﹗既然如此，就可直接入座了，毋須多等。小店地方不大，牆上貼有八九十年代的明星照片，空間淺窄的店內也放有一部免費任玩的舊式遊戲機，估計老闆乃中年人也。全店最為吸睛的，當然就是獨家設計的六角形蒸籠，且刻有店名。小店標榜所有點心即叫即蒸，故等候需時，超過半小時有多才有點心送上。餐牌只有一頁A4紙，分為蒸點、煎炸點、蒸飯、腸粉、甜品、包點和飲品。小姐無意中，發現了超級抵吃的一人精選蒸飯連點心飲品套餐，包蒸飯一盅、燒賣皇兩粒和飲品一杯，只須$39。可惜，優惠期有限，只去到八月三十一日。我們決定要鮮蝦肉餅木桶飯、燒賣皇兩粒和熱奶茶一杯$39，以及一客芝心牛肉球$28。茶錢$5位，茶味香濃，且每枱放水一壺熱水，可隨意自行加水。鮮蝦肉餅木桶飯不見木桶，只見肉餅上，紅點處處，乃蝦肉也，也有鹹蛋黃在上。鮮蝦肉餅挺爽彈的，咬下油潤甘香，且夾雜蝦肉和漏油的鹹蛋黃在內，不見豉油，但夠晒好味。蒸飯粒粒分明且乾爽，惜米飯香糯度一般。燒賣皇內乃口感較為硬實的肉饀，且味道偏鹹，失準之作。小姐的芝心牛肉球$28一客只有兩粒，牛肉粒上，可見溢出的芝士。好吃與否，小姐並沒有明言。熱奶茶最終也沒有出現………查看更多

晚餐時間經過又唔洗等所以入左黎食，叫完野食無咩做就去OPENRICE 睇下，點知....25個喊，即刻好驚囉，好彩有驚無險:)我地叫0既點心大概十幾分鐘已經全部齊曬講下呢個芝心牛肉球，老實講，呃人0既，一D都唔芝心，只係牛肉球出而加左小小芝士，芝士真係小小，而且無芝士味0既另外我地叫0既野食大至上都無乜特別，味道都OK 0既，價錢唔算平，而且要加一服務費睇番食評，其實比喊0個D都係團購0既，可能我唔係團購，所以我無受到不禮貌待遇，不過會唔會有下次??未必會囉...…查看更多

一早買左團購。諗住50幾蚊都無咩期望食之前再睇埋食評個心都已經打定輸數結果當然不出所料1 間野完全無冷氣2 有野咬左我隻腳最小5啖3 筷子你見到都唔想用。我地用自己帶隻果枝差4鳳爪係無味。仲要硬既5小籠包係無湯既6蒸蘿蔔糕又係硬既7馬蹄露個面有黑色既物體。無飲到我地只係食左4樣就走左了。唔洗錢我都唔會再食…查看更多