半島精品店與咖啡廳

营业中

休息中

好耐無幫襯過, 突然心血來潮好想食Muffin.買左燕麥Muffin, 提子青瓜Muffin & Walnut Brownie.Muffin- 每個$12,酒店黎講唔算貴,味道OK.Walnut Brownie- $18/ 吋,可以再分成四件, 外脆內軟- 正!

好似要$120一筒,貴gar,但係好好味,好脆,好濃咖啡味,又唔會苦,勁正!都係walnut brownies好味過chocolate brownie.

酒店貨式黎講,呢度d野都算抵食~!今次要左一個blueberry spanish ($4), 的的式式,可能唔太新鮮,味道一般咋~!仲要左個plain scone ($8),有少少橙皮咁啦,味道一般,我覺得上次係萬豪buffet食果個scone好味好多packing 好靚,我買咁少野都用一個靚紙袋裝住~good~我去呢度果時都6點幾喇, quality差d係情有可原既,coz我問過收銀姐姐,佢話呢度d包每日出一轉架咋,想食靚包包就要朝早黎喇p.s.我見佢個muffin都好大個下架~!但最後一個都俾人買左lu~下次一定會試~!

朱古力香蕉鬆餅係呢到咁多muffin 中我最鍾意食! Muffin唔單只有一粒粒o既朱古力粒,仲有香蕉肉,唔係淨係落d香油得陣味. 好好味啊!

原來呢到有兩款brownie - walnut / rich chocolate.上次同今次都係食walnut.面頭脆脆o地,好好味.raisin scone就一般,不過冇想像中咁溜. 總觀Blueberry Muffin, Carrot Muffin同Banana Walnut Muffin都好味. 冇Mrs. Field咁heavy, 但質地實在好好多. 我諗我以後會慳番d 錢,淨係食呢到o既muffin 啦.

香蕉合桃muffin好香,唔會有d化學香油味. 不過食食o下真係覺得似香蕉糕. Carrot/Raisin Muffin 就普通. 呢到o既muffin size真係大過Mrs. Fields一半咁多,但係似乎Mrs. Field真係好似好味d. 或者果邊有好香濃o既朱古力muffin,呢邊冇gar?! 所以咁比較好似唔fair. 逐吋買o既brownie質感真係好得. 外脆內鬆. 我仲試o左好多款truffle. Jasmine Tea/Tiramisu/Champagne 都好好味. 好似冇Godiva 咁甜添. 我愛半島!

lunch time係公司食完飯落黎行下,又走左入去啦,我係去landmark果間,見佢有d muffin,好大個,係平時mrs. fields既1.5倍,都係$12蚊,所以就買黎試下,佢面頭有好多朱古力粒,食第一啖果時幾好,好多chocolate,又有香蕉味,但係食到中間果時就好似食緊普通既香蕉糕咁..無晒朱古力味,好失望啊,~~~ 雖然佢面頭好好味,但係入面唔係太掂..而且仲好散,一搣就散晒~~所以今次比得3分.~~ 以後都係去返mrs.fields買好啦~~

今日食完星座,所以就順便來買d cake返屋企食,買了三款:gianduja pastry$16-唔錯,唔太留.napoleon slice$16-好脆,好過星期六petrus果個好好多.tiramisu$20-lee個最好味,好正.(lee款係淋身個種,用杯裝的)佢地d cake全部都係細細件好精緻,味道真係唔錯,好過上次係holiday inn買果d係就係好大件,價錢差唔多,但味道真係爭好遠.

尋日經過中環置地o既分店, 竟然見到佢地有切件New York Cheesecake賣呀! 我想試好耐嫁啦! 但係次次經過佢都無, 估唔到, o係無期望o既時候佢竟然就出現o係我面前! 半島o既french pastry不嬲都的的式式, 呢件cheesecake都唔例外, size同皇后o既blueberry cheesecake差唔多. 買左返去, 已經急不及待解決左佢. 果然係好正呀! 滑一滑o既芝士, 芝士味濃得黎唔會過份, 甜度恰到適中, 再加埋裝飾o既高水準朱古力, 掂呀! 餅底唔係用平時o既餅碎, 而係用杏仁碎, 加强口感. 由於size細細, 食完都唔會覺得漏! 而家仲回味緊!五星級酒店出品只係賣$18一件, 比皇后o既$28一件仲要平$10! , 真係好抵!

今日經過買左個scone黎試下,本來想要raisin scone,但係我去得晏,已經無晒,得番plain,都無所謂,就要左一個,食落覺得無乜特別,係個texture幾好,但係味道就麻麻,而且佢個size較細;完全唔明白點解吳君如成日都講佢有幾好食,仲話係香港十大必食....可能個人口味唔同掛..我中意文華果個多好多..又大個d,仲好味好多

brownie好好食呀~choco味就唔多濃, size只係適中~ 但個texture係一絕呀~^^又try左個栗子tart - 個tart底冇牛油味, 佢搽左dd choco cream上去都冇choco味, 個栗子蓉唔軟滑~

前日除左買佢個scones之外, 仲買左盒cookies.以前o係機場禁區半島個counter有得散買cookies, 每樣揀d...而家就無啦, 一定要買盒一樣o既.買左盒最basic o既牛油曲奇. 食落覺得麻麻地, 唔夠以前causeway bay o既美思咁鬆化,咁香. 唔記得買左幾錢, 好似要$100...唔會再買...

買左佢個raisin scone 黎食. 個樣比文華o既四正,好似倒模出黎咁, 同埋細個d.食落覺得文華o個個好食好多, 香好多...唔明點解吳君如會覺得半島個scone全香港最好食...我支持文華多d!!!

前幾日去中環置地o既分店買walnut brownie時, 前面有幾個日本tourists買scones, 個staff可以用流利o既日文同佢佢地對答!好勁呀!p.s. o個幾個o架仔o架妹買左好多個raisin scones呀!可見佢地幾鍾意scones!

呢個brownie同傳統既有唔同唔係fudge o既口感,而係脆脆地o既,唔係好甜, 幾好味嫁...$18 一件, 舊年75折時仲只係$13.5一件, 仲平過pacific coffee