半島漁港/阿翁火鍋館 (南昌薈)

营业中

休息中

我真係好鐘意打邊爐🤩，帶住仔仔又想慢慢食，今次就去左屋企附近嘅半島漁巷一阿翁火鍋館食火鍋喇🥰地點十分方便，南昌站出V Walk商場沿天橋去南昌薈就到，落雨都唔使怕😊帶住仔仔，湯底就揀咗啱小朋友嘅冬瓜瑤柱鍋，但一樣入味😋。揀咗打邊爐，酒樓會因應人數跟一次性✨️日本刺身（包括三文魚，螺片，甜蝦…)✨️環球海鮮盤（海蝦、蟶子、元貝、鮑魚、墨魚仔、蟹)，煮完湯底就更鮮甜✨️阿翁極級牛頸脊✨️炆鮑魚鵝掌其他配料選擇亦十分多，上菜速度快😊其實仲有雞煲可以食，下次一定要再試😊

酒樓在廣東是非常受歡迎的，香港南昌站旁邊的這家半島漁港酒樓就是非常寬敞，裝潢又很輝煌，超大魚缸裡面的各種巨型魚蝦蟹海鮮遊來遊去五彩繽紛，很適合打卡！服務員服務態度可以打十分啊，熱情的不得了，在旁邊伺候著換盤子，讓人感覺賓至如歸，帶親朋好友過來吃飯真是好適合！原個菠蘿咕嚕肉咕嚕肉入口,立刻被它軟嫩多汁的口感所征服！經過精心的烹調,已經完全入味,肉質鮮嫩柔軟,在口中幾乎化成一團。咀嚼之中,肉汁四溢,濃郁的肉香中,又夾雜著一股獨特的菠蘿甜香，瞬間在味蕾上激起一陣波漣,真是絕妙滋味！至尊燒鵝皇$1外皮燒得恰到好處,色澤金黃亮麗,盤底用微火慢烤，令鵝肉保持熱度,一直鮮美，持續散發出陣陣香氣。咬下去,非常酥脆的外皮,鵝肉細膩嫩滑汁水四溢,鹹香可口，色香味俱佳！而且這道菜只要$1，簡直抵到爛啊！白汁明蝦球鮮活肥美的明蝦外面裹了一層炸皮很酥脆,淋了幾圈酸甜白汁，咬下去蝦肉飽滿多汁,在齒間碾壓開來,瞬間釋放出一股濃郁的海鮮香氣,鮮香中又伴隨著一股淡淡的奶香，在舌尖激起一陣陣漣漪！清蒸富貴斑魚斑魚上面有些斑點呈現出飽滿透亮，咬下,魚肉細膩嫩滑，釋放出一股清鮮甘美的汁液。蔥姜令魚肉本身的鮮美味道更加突出,清

有次行經呢度見到門口海報D晚安優惠好吸引,仲話有1蚊乳豬/燒鵝/文昌雞揀tim今晚諗唔到晚餐食咩,又想食下小菜,所以就黎試下喇晚市都幾爆場分開咗一邊打邊爐一邊小菜手拍青瓜配上蒜泥帶有小小辣味, 清爽之選老火煲靚湯 - 粉葛赤小豆豬骨湯媽媽湯味,飲落冇味精湯渣已經好細心咁另外裝起咗出嚟店員仲周不時過黎幫我地添湯重點係份量都幾大壺呢個size我地2個人每人飲左4碗先清底燒味雙拼海哲燻蹄+ 燒腩仔燒腩仔外皮做到芝麻皮，咬落脆卜卜肉質食落鬆化,軟腍無渣而且半肥瘦適中燻蹄薄切蘸上蒜醋汁,好開胃至尊燒鵝價錢真心大癲冇諗過真係有1蚊價以為呢個價錢會好流啦點知用哂托盤加熱住黎到仲要咁岩係鵝脾位燒鵝皮脆,個肉質帶有獨特香氣食落鵝油味道好香,肉質咬落juicy必食！跟住臨走先見到呢張咁震撼嘅相就咁睇都覺隻隻燒鵝既質素好靚剁椒蒸大鱔剁椒既辣同鱔肉本身既鮮甜味道好夾鱔肉好新鮮,食落肉質好爽彈, 帶有魚油香而且骨位都係響中間, 所以唔太識吐骨既朋友都好易處理到台式三杯雞煲黎到見到個份量嚇一嚇雞煲size 😂個煲黎到滋滋聲,鑊氣十足雞件配上蒜頭,小青椒,紫洋蔥同其他香料炒出嚟嘅濃郁香氣,仲有小小酒嘅味道,特別開胃

半島漁港呢晚同家人嚟到v walk,行左一陣街，開始肚餓搵野食，沿天橋去南昌薈，發覺都幾多嘢食，有一間酒樓未到七點已經差唔多坐滿人，最尾揀咗呢間半島漁港食野。我同家人入到酒樓職員問我食小菜家打邊爐，眼見附近人客都選擇打邊爐，於是我地都試下，揀咗冬瓜瑤柱鍋，最近天氣比較熱清下熱。我哋揀咗打邊爐，酒樓會跟埋日本刺身（包括三文魚，螺片，甜蝦…),跟住上埋環球海鮮盤（海蝦，蟶子，元貝，鮑魚，墨魚仔同埋海蟹），我覺得都幾豐富，煮好鮮甜。仲有一樣不得不提嘅係：阿翁極級牛頸脊，我哋兩個人，俾咗一碟細份量比我哋，食完覺得好夠，主要係好爽口，同大陸新鮮食到嘅一樣。全程樓面服務好周到，食一陣就會幫你換碟，又會不停遞濕紙巾俾我，今時今日喺香港食唔到呢啲服務。埋單$298一位，我覺得非常合理識到呢啲質素嘅食物。所以我強烈推介俾其他食家，環境新裝吾錯，枱夠闊可以擺多啲食物，同其他酒樓冇得比。

自從上次知客大駡楼面交戰後，有大半年冇來食飯，今次就啱朋友在附近就相约來開飯，今年不知是否換了部份員工，態度和招呼都有改進比之前客氣和態度良好，咁先可以令人留港消費，燒味食物好有水準尤其义燒肥瘦適中，叫了4人套餐好豐富。下次再來。

6月13日因為大細仔仔，今日都有時間，同肥華及靚媽食晚飯，所以因利成便，選擇咗呢間酒楼食，慶祝父親節晚飯，今日雖然係閒日，但呢間酒楼，竟然有爆場情况出現今晚肥華一家四口，柯打咗個，自選4至5位餐，再加一碟小菜，個頭盤小食，川味口水雞，味道Ok，而個燒味雙拼，個义燒實在出色，而個燒腩仔其實唔差，衹不過义燒太強被比下去，至於個 豉汁涼瓜鮮牛肉及個剁椒蒸大鱔，以今餐小菜味道來講，亦係有水準之作，反之碟豉油皇炒鵝腸，則炒得過火，令到鵝腸口感偏韌又有火味，而另加嘅，兩個仔仔至愛，黑椒牛仔骨，初上枱時，係未煮熟要再 攞入廚房翻兜，就真係影响咗，食呢碟餸嘅心情，至於跟餐嗰個，粉葛赤小豆豬骨湯及臭草綠豆糖水，就係真材真料，絕非點檔貨式，加埋免費任叫的，白飯及白粥亦算佳品，所以今晚呢餐由，細仔仔爭住找数嘅慶祝父親節晚飯，揾食肥華，非常多謝佢🙏🙏🙏👍👍👍👍👍

長者天堂 這個位於豪宅對面的飲茶天堂 . 位於南昌站豪宅的對面南昌薈 價錢實惠 出品對得住大家 都算合格. 唯一缺點是有搭枱和可選擇不搭枱 . 較早前有較不大好的風氣 收紅包 現經酒樓大事改革 已改善了很多 。早茶盅頭飯抵食 價錢平 可多食多叫 點心即叫即蒸. 下午茶 食個涼瓜班腩飯 $68 十分抵食 正宗班腩又多 找數都唔使 $85 元 值得幫襯。點心 鮮竹牛肉 大蝦腸粉 盅頭飯 牛肉飯 雞飯 咸魚肉飯飯 都十分新鮮 即叫即蒸 晚市有 火鍋和晚飯小菜 都十分抵食 。 招呼也改進不少 值得幫襯

今晚星期六，同朋友去左南昌薈既半島漁港酒樓食晚飯，鄰近地鐵站，附近有戲院，算方便。七點晚飯時間，吾算多人，全場2/3左右，可能客吾多，店員服務都ok，經常睇我地有咩需要。我地5個人，叫左4-5人晚飯優惠套餐，海蜇燻蹄，豆腐海皇羹，燒味雙拼（叉燒+燒腩仔），剁椒蒸大鱔，海味雜菜粉絲煲，四季野菌牛柳粒，白飯白粥任裝，包甜品。份量都吾算少，最後我地係有剩既🙈不得不提係佢個燒腩仔同蜜汁叉燒……燒腩仔皮有少少焦脆感覺，肉質軟而稔，肥瘦均勻，加上黃芥末，惹味！而蜜汁叉燒我都真係幾推薦，肥瘦適中，醬汁味道剛好，入囗竟然有小小鬆軟融化既感覺，係驚喜既，若然有燶邊再錦上添花。而剁椒蒸大鱔上菜就都真係幾靚仔，紅紅綠綠配襯荷葉底，未食已經視覺贏哂，味道都吾錯，魚肉質軟滑帶少許彈牙，微小辣度可以接受。最後可能都真係份量太多，定我地細食，有剩少小😅總結，不過不失，經過可以一試。

次次去攞籌飲茶，因為唔識個帶位阿姐，永遠D number冇郁過。D熟客一到，個帶位阿姐直頭就帶入去酒樓。街坊就慢慢排，排一個鐘一張7-10人位檯都冇跳。一到接待處問點解一個鐘一張檯都冇，3個阿姐圍住你，嘈八閉，仲話再等，陰陽怪氣話未知幾時有，你唔等就走，擺明趕客。原來一打開comments，個個都話呢個分店D帶位阿姐大曬，態度勁差。消費者要攞錢買黑口黑面，勁下頭，勸後生仔千企唔好去幫襯！！！！浪費時間！！！管理層可唔可以管理下你D員工！！比錢飲茶仲要睇阿姐面色，正PK

入到去0服務，問都唔問我飲咩茶，強塞壺普洱茶落黎。我話唔飲普洱茶，問佢有咩茶簡，答都唔答直接走。 轉左第二個部長問佢要香片，佢打開壺普洱睇睇話呢壺茶未飲過喎。然後我答係上一台既佢先放過我比過壺茶我🤬點心黎得慢又要凍既，又咸，又上錯其他台點心，要提佢先肯拎走😩最嬲係有bb問左佢三次要bb櫈都話拎比我，拎左15分鐘到無！ 嬲到我跟住個部長行叫佢指比我自己去拎🤬🤬🤬收錢果陣發現，3歲都要收十幾蚊茶錢🙁 呢d咁既服務仲要收你加1！ 真係唔好怪人地個個北上，自己搞黎😡永遠都唔會再黎呢度飲茶😟

同两名朋友食自助火煱，但啲三式丸及鳝片全部未解凍，連冰一齊上枱，真失望。而食品質素就麻麻哋，不值得再試，可以Black list，唔會再幫襯，店員服務態度一般，但人手不足，往往要自己主動取餐具用品。

大年初七，仁日人人生日，費事煮一家四口到附近酒樓吃飯慶祝！服務員給我們帶個較裏面的位置，不錯，可能過年原因，沒啥菜品選擇，要麽吃四人套餐1488，裏面有龍蝦焗芝士伊麵碗仔翅等菜品，好像還可以接受，但老大説不喜歡吃，就散點，看到時日推薦，澳龍焗芝士伊麵，特價788元，滿吸引，就讓服務員點餐，後服務員介紹説套餐裏的龍蝦是波士頓龍蝦，我們點的這個是澳龍，澳龍跟波士頓我們一聽就知道差異了，還説伊麵的量還可以夠我們吃，過年嘛打打卡也可以，上菜後味道及賣相都非常驚喜，龍蝦肉非常新鮮有彈性，芝士伊麵味道調配杆杆好，老大吃得停不了口，量大划算，都吃得好滿足！時日消費1239元！

第一次同家人嚟飲茶，等30分鐘後，帶位阿姐見有熟客到，即話有位唔需要攞飛，然後直接帶佢哋進入。嘩！原來熟客係唔需要攞飛！對攞咗飛外面企喺度等候嘅公公婆婆們極唔公平。此時，有位睇唔過眼嘅女士問帶位阿姐點解會咁安排㗎？呢位姓 “羅” 嘅帶位阿姐態度勁惡劣回答：你咪投訴我囉！唔啱可以去第2間飲茶！唔好嚟呢間！嘩！帶位阿姐唔認錯，仲要趕客，勁！難怪見到咁多人留言帶位阿姐態度惡劣啦。態度咁差，仲生存到先犀利。下次唔會再幫襯！員工態度惡劣，浪費時間。

呢間野真係好過份周末同屋企人去飲早茶由9點等到10:35分先入到座 過晒早市時間 等位時間超級長帶位阿姐見熟人會即刻比佢地插隊入去有位即坐 完全唔公平!!!!!問返屋企人 原來個個周末都等咁耐完全唔明點解咁多人服務惡劣等位極長如果你唔肯搭枱會將你號碼放到最後由你等到天荒地老一肚氣周末想同屋企人享受下family time 既話下次都唔再揀呢個區太少酒樓 又太多人 所以冇乜選擇，啲人通常喺呢度So disappointed !

話說帶埋BB一家五口開開心心去飲茶，比佢地攪到一肚氣！阿姐帶位時已黑口黑面，到坐低我同佢講咗句「唔好意思想要張bb凳」佢唔應我！我就當佢聽到啦，點知等咗半個鐘都仲未有人過嚟開位，BB凳又冇，我仲抱住個小朋友，我再搵返個阿姐，點知佢好大聲鬧我「我唔係做呢啲嘢㗎！」之後我再問佢咁點解你頭先唔同我講？佢話「你見我頭先有冇應你呀？冇呀嘛！」嘩！真心癲㗎喎？我真係第一次去食飯遇到咁嘅對待！打開門做生意鬧客㗎？希望呢個集團如果有高層見到呢度咁多評價都話你哋員工嘅時候唔該叫佢哋檢討吓！員工態度惡劣到咁樣食物幾好食都係假！