千賀水產 (已結業)

早一個禮拜行過遷漢水產見到佢門口個易拉架大字標題promotion母親節放幾燒海鮮放題， 相當吸引。於是乎拿拿臨行過去book番張枱準備 母親節嗰日同媽咪 泥慶祝下。入到去 坐咗陣 ，好快咁 侍應就 奉送上 一個2人海鮮拼盤， 有一個蟹甲羅燒，一人一個生蠔 ，仲有啲大扇貝大蜆同大蝦。生蠔燒嘅時間比較長， 其他啲貝殼類 只要燒到咁上下加番啲清酒再反一反佢燒多陣就可以食㗎啦。如果唔識其實有張餐紙會教你咁就可以睇返餐紙去跟住做。燒到差唔多時間個蠔終於可以食啦，大大隻口感很好扇貝同蜆很鮮甜跟住就係燒大蝦，芝士蠔同埋燒清酒煮蜆。燒大蝦好出色，肉質爽彈好味芝士蠔就滲出陣陣嘅芝士濃香味 很惹味清酒煮蜆同埋 消遣 味道都一樣咁鮮甜， 兩款都推介最後就係燒埋個甲羅燒， 甲羅燒好快食得只需要將鵪鶉蛋同啲蟹糕撈埋一齊， 開始有啲乾身就食得㗎喇喺燒海鮮嘅時候，當然要食番個刺身拼盤啦。 不得一讚就係呢一個盤 上面加咗冰可以keep到低溫很久， 比一般嘅玻璃盆好得多， 就算放咗一陣上面啲刺身都仲係keep到凍冰冰，唔會攤到熱曬。刺身款式都很多 ，當中我最中意就係食甜蝦，象拔蚌同埋帶子刺身。燒完海鮮就試下燒牛油粟米

話說每次經過元朗西裕街，遠遠都可以聞到燒海鮮、蟹殼所發出嘅香氣。每次經過都相當心動。從大玻璃窗門入去，可以見到每枱食客上面都擺放著一個爐端，上面擺放著琳瑯滿目嘅海鮮，非常吸引。呢間名為《千賀水產》嘅日式放題餐廳，開業約兩三個月，每晚都座無虛席。今次我就提早一星期訂好位，同屋企人食餐好！一坐低店員就好快將一大盤海鮮奉上，海鮮拼盤入面有大蝦、扇貝、大蜆、生蠔、鮑魚，同甲羅燒。淨係望到已經知道材料新鮮。我最鍾意就係大蜆同大蝦。每隻蝦都有手掌咁大隻，燒大概兩分半鐘就食得。千祈唔好燒得過火，因為會黐蝦殼。燒好嘅大蝦肉質爽口彈牙，蝦頭裏面嘅蝦膏甘香，可見大蝦嘅質素相當高。至於大蜆，燒到微微張開口後，可以加入清酒煮滾。蜆殼打開後就可以品嚐到極具海水味嘅鮮甜大蜆。蜆肉彈牙又冇沙，非常鮮味。至於甲羅燒，煮法就係喺蟹蓋入面放入蟹膏同鵪鶉蛋，加入調味料後攪拌好，煮至收乾水分。蟹膏味道甘香，鵪鶉蛋味道濃郁，暫時將膽固醇拋諸腦後。講下呢度嘅壽司，質素亦相當唔錯。帶子壽司size普通，但勝在鮮甜。芥末八爪魚軍艦嘅紫菜，上枱時依然脆卜卜，證明壽司即叫即整。至於火炙三文魚肥美，火炙過後更添風味。 呢度嘅壽司質素唔錯，

進來後才知道這 SOMERSBY 是任飲的，嘩，這種汽酒在超級市場少說也要賣十元一罐，如今任飲，超值。吃放題先來一轉刺身是常識吧，由於席中並非所有朋友也吃刺身，所以我沒有多點，但鮮味是貴精不貴多的，所點選的四款刺身也令人喜出望外，甜蝦比坊間吃到的更大隻，北海道帶子的鮮甜令太座津津樂道，三文魚及油甘魚也鮮味非常，如果厚切一點，相信口感一定會更加好。餐廳正進行 promotion，每兩位成人便送一個價值198元的海鮮拼盤，我們一行四人，海鮮拼盤便有如此的巨大， 計有八隻蝦，蠔，扇貝，大蜆及鮑魚各四隻，另外還有兩隻甲羅燒，大蝦鮮甜味美，蝦頭內的蝦膏多得沒話可說，整支的長度就幾乎跟那個爐面一樣長，肉質也是十分爽口彈牙，鮑魚十分新鮮，放上網烤的時候肉身還在蠕動，在剛熟的時候放入口，一點也不會靭。甲羅燒就是整個充滿着蟹膏與及海水的香味，差不多熟的時候把蛋混和，攪拌一下之後再烤一會便成，期間店員還會偶爾為我們掌握火候，監察著食物的質素，十分貼心。盡掃所有回本之物後便開始點些主食。露筍牛肉捲，露筍十分鮮嫩，整條也沒有半點多餘的渣宰，被薄切的牛肉捲著同吃，感覺美妙。芝麻雞翼佈滿芝麻，上桌時奇怪怎麼不是一

上個禮拜六，又去咗元朗，去到中午時肚餓，就諗住去一間日本放題度食啦，見到都有唔少人推介咁所以就去試吓！經過門口嘅時候見到有磯燒海鮮，嘩，好似好正喎，之前係得日本先由嘅原來依家都有喎！我哋呢個時間入去，因為星期六日，所以就應該＄178一個人，再加10 %嘅服務費，平均就＄198 一個人！坐低左就即刻睇到枱面有一畳order 紙，都算放得整齊，分咗類別，有刺身、壽司、蔬菜等。最令我關心嘅梗係磯燒海鮮啦！見到枱面都有一Gas爐已經準備好！GO!GO!我填緊order紙，店員已經同我地講會有盤海鮮拼盤備俾我哋，正！呢個海鮮拼盤，我最欣賞嘅就係佢個隻大蝦！足足用咗一隻手掌咁長，知道亦都其實鮮甜我諗大概烤到佢兩邊都係紅色就食得啦！另外個拼盤亦都有帶子同埋蜆，都係10分鮮味，海鮮真係我嘅最愛！中間蟹殼要你自己親自動手去下廚，店員同我講話要將蛋打開，然之後撈勻嗰啲蟹肉！味道好得意，有蟹肉的鮮甜再加蛋的香味！當然除咗學下燒烤嘅海鮮，亦都不能少了我最喜愛的刺身，刺身嘅種類亦都有不少，不過我最愛的，就是大蝦、三文魚、和八爪魚，這幾款都是重複點了不少次！最後，其實都食得七七八八，見到有一張單，寫着磯燒煮食，上

元朗出晒名多野食，林林總總咩種類都有，今次試下呢間新開既，都有不小人幫襯，咁應該唔會太差既，果然食物種類都多，燒海鮮，最緊係要夠新鮮，先會食出彈口爽口感覺，特別係要推介下竟然可以燒飽魚食，仲要彈口到不得了，食完海鮮再食刺身，一次過滿足晒，刺身同樣都新鮮，沒有梅林既感覺甜品亦有好款比人客選擇，滿足我地一班甜品怪，基本上我每款都試過晒，大部份出面都冇得買，都係d日本或韓國甜品另一個特別推介，出面放題，任食，好小會有Apple ciper任飲，呢到竟然有，又唔使加錢，超正

住新界區，就不停發掘有咩好西可以試。元朗都好多選擇，今次同男朋友試元朗新開呢間磯燒海鮮每臺都有個磯燒爐，唔算太大。見到隔離檯燒緊海鮮，好吸引！即刻order 海鮮😍一定要order最愛既聖子同蝦！果然係珍寶size。跟住張manu 既時間燒蝦，減蝦蘇同落海鹽已經足夠！成個手掌咁大，好鮮甜聖子都好新鮮，擺上爐果時還會動🙈好殘忍，但好好食，好矛盾。另外壽司方便就好普通，刺身都唔太新鮮，所以我見其他人都係燒海鮮多。呢個天婦羅就可以一試。炸粉唔厚，卜卜脆幾好。餃子反而足料，炸得好香口。可惜無放題必食既燒羽亦，呢個魯水雞亦賣相一般，味道一般。總括呢間磯燒放題，價錢中等，店員服務態度幾好，會幫我地燒下海鮮，出食物效率都高，無漏單。主打海產係新鮮既，其他食物就有改善空間。

迫港島人入元朗陪我試新放題∠( ᐛ 」∠)＿對磯燒有興趣，又唔食得乜生冷野，就揀左午市黎食，抵啲。午市同晚市一樣，有得點依堆野，晚市就多埋刺身。我覺得晚市黎講選擇就有啲少，但午市就算多。主打磯燒就梗係要特別留意下，上面任點，下面就加錢，上面寫哂你要點燒，幾貼心。二人同行就送依盤二人享用既海鮮拼盤，個蝦好大隻，扇貝同甲羅燒都係加錢先有既，幾抵喎又。啲姐姐會同你講點放啲野好，一口氣放哂上去，好豐富阿😼加點左依兩樣野，芝士蠔算大粒，魷魚就有少少難handle。燒完嚕，個蝦真係好大，蝦頭仲有膏，仲有海水味，不過個蝦腸都好大條下，記得要挑走。扇貝反而覺得一般，鍾意蜆多啲，新鮮啲∠( ᐛ 」∠)＿嗌左菠蘿黎燒，ok甜架，牛舌係朋友點既😋最開心係apple cider任飲，真係好抵。壽司😼有帶子真係幾開心芝士焗蠔😼因為我唔食得炸野，所以嗌左個粥食，清清地，好甜，推薦😻其實個甜品櫃同野飲櫃仲有好多野架，不過我唔食得🤒🤒食程最暖心既就係個姐姐，提我地落單點燒點食又關心點解我食得唔多💕好有愛

今日同朋友又黎到元朗呢邊食好野啦. 聽朋友講呢間餐廳都幾有人氣咖, 每次假日經過都見有唔少人排隊等位, 睇黎野食質素應該都唔差嘅，中伏機應該會低Ｄ。 先黎個刺身併盤  有三文魚, 北海道帶子片, 油甘魚, 甜蝦, 希靈魚, 象拔蚌, 鮑片 等等… 材料都幾新鮮鮮甜, 值得再encore. 食完刺身就要食返啲熱野, 分別叫左:  芝士肉醬焗茄子 , 茄子挑選得好, 唔會老同硬身. 夠香夠香軟稔,   千賀焗天火蠔 – 雖然唔係好大隻, 但蠔肉仲保持有少少彈牙, 醬汁香濃.  韓風魷魚鬚 － 魷魚鬚都幾彈牙，味道辣辣地； 露筍牛肉卷 - 肥瘦適中的牛肉卷住中間新鮮爽脆的露筍, 再淋上外層香濃的醬汁, 非常惹味. 令我忍唔住再order左兩次  千賀麻辣煮花螺 － 花螺都算大粒，而且螺肉都幾飽滿。味道香中帶麻辣，非常刺激。 食完熱食就黎到重頭戲啦, 每枱限送一份的海鮮併盤: 有大蝦, 甲羅燒, 扇貝, 鮑魚 同 生蠔 ….  蟹蓋裝左蟹肉、蟹膏同雞蛋的甲羅燒, 味道甘香; 鮑魚肉質彈牙唔會老; 扇貝唔算大隻, 但都尚算彈牙; 蠔雖則唔係肥大肉厚, 但都幾新鮮, 肉質較爽口又鮮味; 海

細佬話成日見到朋友分享磯燒放題邪惡相，自己未試過，今日佢早收工，又比我搵到元朗新開左間磯燒水產，一於近近地同細佬妹去朝聖下 位置都好容易搵，就係舊b仔 隔離街，前身好像都係做放題。急不及待救入去坐低啦。。每張臺都擺左磯燒爐頭係度。食物都好多種類，店員特別提我地有一張係教我地燒每樣水產時間同方法既，店員有時間都會過來幫手燒我地既刻落order 叫野食啦，有細佬係度包底可以叫多d 種類！好野！未黎食物前，出去行個圈，有個好豐富既前食櫃，有中華沙律，芝麻八爪魚，沙拉配料。我好歡樂咁整左蟹籽salad可以自己中意幾多蟹籽就幾多！仲有唔同種類既飲品同啤酒任飲。話咁快就黎sushi啦，正常口味既壽司，芝士蟹柳可以翻單。燒牛肉好入味，d 汁配合得幾好。終於黎到戲肉啦！拼好左一大盆既水產，d 蝦同聖子好大隻，成隻手掌咁大！好吸引啊每個爐可以燒我地四個人既份量！正！實在太多種類，拼曬一起講，全部都好新鮮，餐廳配買海鹽同酒比客人燒。每樣幾分鐘就食得！蝦好新鮮爽口，可以任點架，食左兩round！另外聖子就$28隻，真係值得一試！好爽口好甜！我就咁唔加酒都好食！蠔方面都好鮮甜！放酒好滋味。最後，出動女人第二個

一年一度的母親節，當然要帶媽媽食好西，特意來到元朗，尋找磯燒海鮮的風味。晚上七時，餐廳已經高朋滿座，我們等了約10分鐘。步入餐廳，濃烈的燒海鮮味道攻佔嗅覺，燃燒著無比的肚餓感。在我們點餐時，店員已經依據人數，預先送上豐富的磯燒海鮮拼盤。拼盤有4隻大蝦，2隻珍寶蠔、大海蜆、大扇貝及鮑魚，和蟹甲羅燒。單是賣相，已叫我心醉! 我們都二話不說，趕緊開爐燒海鮮。不得不讚點餐紙上，清晰列明了每款海鮮的烹調手法和時間，讓食客們更準確拿捏燒製時間。大蝦整齊的放在爐端上，每邊燒約2分半鐘便可食用，看到慢慢變成焦啡的外殼，傳來陣陣鮮香。磯燒大蝦每隻如我前臂般長，剝下蝦殼，蝦肉嫰紅、潔白，入口彈牙，鮮香美味，大大啖的蝦肉令我大快朵頤! 我們陸續的把海鮮放上爐燒，扇貝、珍寶蠔及甲羅燒，慢慢燒至炙紅色的。蟹甲羅燒內有蟹膏、蛋黃及蟹肉，攪拌至均勻，慢慢燒至膏狀便可吃用。蟹膏及蛋黃混合起來，鮮甜、香郁，濃濃的蟹黃味道使我印象深刻! 珍寶蠔燒的時間較長，肉的兩邊各燒10分鐘，並需要加入清酒燒製，珍寶蠔由透明煮至奶白色，非常吸引。珍寶蠔入口如絲柔滑，肉質肥美，配上清酒的調味，鮮味大爆發! 磯燒鮑魚也需加入清酒煮製，磯燒

幫趁午市壽司放題，2點入場，可食到3點，最後截單2點45分但2點落左轉，壽司要2點半先到，卷物就3點先到，仲要千催萬催先有，其他上菜都慢。。。其間只可落多次壽司單，所以108蚊只食到2轉壽司，仲要店長態度惡劣，話已經過左落單時間，但其實系佢地3點先嚟到卷物。。。最後就施捨左2件我地一個鐘頭前點既芒果卷。幫吾幫襯，自己考慮。。依間見之前有介紹過，諗住幫襯下，佢地未轉名前既放題都系出名慢，點知轉左名，野食可能改善左但態度依舊，上菜慢，系超慢。。。

又係無無聊聊 等到收工 九點後 趁平 去食番個磯燒放題先， 呢個時間食放題 又舒服又抵食， 平時七點鐘食飯時間行過見佢排長龍一大堆人，淨係等都覺得辛苦。睇佢張宣傳單張 食物都幾多款式下第一次去食放題有apple cider任你飲， 有驚喜喎。呢 個牌子嘅 蘋果酒 平時去餐廳食，點一枝都要幾十蚊， 就算超市買都要十幾廿蚊一罐，正！約埋朋友仔兩個嚟仲有個海鮮 拼盤贈送。其實除咗蟹甲羅同生蠔呢兩款其他 嘅貝殼類同埋大蝦 都係可以任點任食嘅。點餐紙上面 都有註解每一款海鮮應該係點樣去燒法嘅， 既方便又細心。其實個燒蠔都幾肥美 ，大大隻又juice 個蟹甲羅正到不得了， 當啲蟹膏同埋鵪鶉蛋燒到咁上下嘅時候，香味撲鼻 實在令人 停不了口。如果呢兩樣都鍾意食嘅，其實都值得加錢 encore再食。燒大蝦 呢一個真係賣飛佛而且隻隻蝦 既 體積都有番咁上下，裏面仲要有膏嘅添。encore咗幾轉食返佢夠本。平時一隻都幾十蚊啦，今次我已經回曬本啦。食咗頭round佢個拼盤， 當然要再encore 多轉 啦～話哂主打磯燒海鮮放題任食，泥到點止食一轉呀！芝士珍珠蠔 燒完 散發著陣陣嘅芝士飄香，值得勁食！加油，決心

下星期就係母親節啦，提早同媽咪2個人慶祝， 好耐冇返黎元朗，好才朋友介紹左間新開張冇耐的日式磯燒放題餐廳， 當然要帶媽咪去啦! 因為週末中午時間，近乎九成滿座， 我地好才安排左張4人枱，環境乾淨~ 呢度食物選擇都好多，最特別係有磯燒，媽咪話第一次食好開心~ 首先上的係海鮮拼盤、有大大隻扇貝、大蝦、蜆、甲羅燒， 非常新鮮，扇貝鮮甜肥美、蜆爽口彈牙、大蝦啖啖肉、 甲羅燒多膏非常鮮味， 點餐紙上仲有說明教客人點去燒海鮮， 加埋清酒的蜆、扇貝更惹味， 大蝦、蜆、魷魚仲可以refill家~ 當中我最愛的係蟹皇海膽粥，集2者的精華， 粥煮到有粥花，鮮味十足! 除了磯燒海鮮之外，呢度食物都好多款，水準仲唔錯添~ 例如刺身我推介三文魚、鲍片、甜蝦、希靈魚~ 壽司飯的比例岩岩好，火灸皇帝蟹棒、韓風霜燒牛肉好正~ 天婦羅熱哄哄、新鮮炸，d少又唔會太厚， 南瓜同磨菇最好食~ 燒物都好正，有我最愛的雞軟骨、燒牛舌、台灣腸等~仲有好多其他美食，真係食唔晒禁多款~ 飲品同甜品係自助形式，有好多選擇 因為太飽所以食左好少甜品， 但呢度竟然有韓國果隻雪條，仲有3隻味道，一口氣食左2枝~ 見到

難得另一半主動話放假去南生圍踩單車，我就梗係捨命陪淑女啦，並且安排左呢間放題作為整日嘅總結，美其名係要補充夫人消耗咗嘅能量，實為滿足自己想試新野嘅慾望 。呢度有別於之前食過其他放題嘅，就係主打提供任食任燒海鮮！Book左7:30 準時入座，剛一坐底，店員小妹就已經預先幫我地安排定一份磯燒海鮮併盤。之後我地就再慢慢既睇下其他嘅食物選擇。餐紙種類都夠多，第一輪我地都隨意地點左刺身、壽司 同少量熟食。二人份量嘅磯燒海鮮盤。分別有大蝦、生蠔、扇貝、大蜆、鮑魚同甲羅燒，感覺上食物都好新鮮，望見已經流晒口水 。鮮海蝦成雙手掌咁長，燒完色澤鮮豔呈橙紅色，食落彈牙鮮度十足。生蠔同扇貝都肥大肉厚，燒烤既過程中更有滿滿嘅肉汁溢出。甲羅燒更加吸引，當蛋黃遇上蟹肉蟹膏，好味程度絕對唔止係一加一咁簡單。但可惜嘅係只有一份，兩口子分享都只可以淺嘗一兩口。之後我地都追加左芝士蠔肉、清酒蜆、海蜆 同埋松葉蟹肩。整體上食材都算新鮮，蜆類都唔見有死壞嘅情況，但係大家係火候控制上就要識得拿捏，我地有時掛住傾計都會將海鮮燒過龍，白白浪費左個食材 。同埋燒燒下嘅時候，店員小妹都走過黎提醒我地要先剪左海蝦嘅觸鬚同腳，咁樣燒嘅就可