影片
更多
2017-05-12
150 浏览
難得另一半主動話放假去南生圍踩單車，我就梗係捨命陪淑女啦，並且安排左呢間放題作為整日嘅總結，美其名係要補充夫人消耗咗嘅能量，實為滿足自己想試新野嘅慾望 。呢度有別於之前食過其他放題嘅，就係主打提供任食任燒海鮮！Book左7:30 準時入座，剛一坐底，店員小妹就已經預先幫我地安排定一份磯燒海鮮併盤。之後我地就再慢慢既睇下其他嘅食物選擇。餐紙種類都夠多，第一輪我地都隨意地點左刺身、壽司 同少量熟食。二人份量嘅磯燒海鮮盤。分別有大蝦、生蠔、扇貝、大蜆、鮑魚同甲羅燒，感覺上食物都好新鮮，望見已經流晒口水 。鮮海蝦成雙手掌咁長，燒完色澤鮮豔呈橙紅色，食落彈牙鮮度十足。生蠔同扇貝都肥大肉厚，燒烤既過程中更有滿滿嘅肉汁溢出。甲羅燒更加吸引，當蛋黃遇上蟹肉蟹膏，好味程度絕對唔止係一加一咁簡單。但可惜嘅係只有一份，兩口子分享都只可以淺嘗一兩口。之後我地都追加左芝士蠔肉、清酒蜆、海蜆 同埋松葉蟹肩。整體上食材都算新鮮，蜆類都唔見有死壞嘅情況，但係大家係火候控制上就要識得拿捏，我地有時掛住傾計都會將海鮮燒過龍，白白浪費左個食材 。同埋燒燒下嘅時候，店員小妹都走過黎提醒我地要先剪左海蝦嘅觸鬚同腳，咁樣燒嘅就可
呢度有別於之前食過其他放題嘅，就係主打提供任食任燒海鮮！Book左7:30 準時入座，剛一坐底，店員小妹就已經預先幫我地安排定一份磯燒海鮮併盤。之後我地就再慢慢既睇下其他嘅食物選擇。餐紙種類都夠多，第一輪我地都隨意地點左刺身、壽司 同少量熟食。
二人份量嘅磯燒海鮮盤。分別有大蝦、生蠔、扇貝、大蜆、鮑魚同甲羅燒，感覺上食物都好新鮮，望見已經流晒口水 。
鮮海蝦成雙手掌咁長，燒完色澤鮮豔呈橙紅色，食落彈牙鮮度十足。生蠔同扇貝都肥大肉厚，燒烤既過程中更有滿滿嘅肉汁溢出。
甲羅燒更加吸引，當蛋黃遇上蟹肉蟹膏，好味程度絕對唔止係一加一咁簡單。但可惜嘅係只有一份，兩口子分享都只可以淺嘗一兩口。
之後我地都追加左芝士蠔肉、清酒蜆、海蜆 同埋松葉蟹肩。整體上食材都算新鮮，蜆類都唔見有死壞嘅情況，但係大家係火候控制上就要識得拿捏，我地有時掛住傾計都會將海鮮燒過龍，白白浪費左個食材 。
同埋燒燒下嘅時候，店員小妹都走過黎提醒我地要先剪左海蝦嘅觸鬚同腳，咁樣燒嘅就可以避免着火同產生大量燶煙。
黎到放題點可以唔試一試d刺身？我地首輪都分別將唔同嘅刺身點晒，當中三文魚同甜蝦最為突出，肥美鮮甜，值得encore，其他則略為遜色。同埋佢用個碗仔裝住，唔會搞到成枱冰。幾好。
壽司方面就的的骰骰，醋飯粒粒分明，一啖就可以擺入口。首推帶子壽司，因為帶子鮮甜配上細膩飯粒，平衡度唔錯。其次係鰻魚壽司。
大推露筍牛肉卷！肥牛嘅油香夾住露筍，同樣size細細份，一口就可以吞下，可惜係每次落單淨係可以每人點一份，我地唯有無奈又唔環保地遞多幾張紙。
天婦羅黎講就不過不失咁啦，唔會出現太厚粉嘅情況，合格過關！同埋個炸紫薯波一定要試，外皮脆口，內裡軟糯得黎甘甜。抵讚。
滿足一餐後，當然黎個飯後甜品。呢度甜品同雪糕都有唔少既選擇，但由於食得太飽嘅關係，就簡簡單單以一個綠茶雪糕球作結吧 。
香港地黎講，磯燒海鮮放題真係比較少見，雖然位處元朗有少少偏，但價錢合宜，店員服務態度都值得一讚 。
张贴
