千葉鳥

营业中

休息中

天水圍嘅日本餐廳唔多, 好食嘅日本野好少, 好彩有間千葉鳥, 食到好味又抵食嘅日式菜~作為一個選擇困難症患者,我最鍾意就係提供set嘅餐廳,諗少好多'食咩好呢?"嘅煩惱! (雖然有時啲set伏伏地..)呢間餐廳嘅二人餐好好味, 等我逐樣介紹下啦!前菜嚟講..真係好多!好爽口同入味!話就話係小食, 又係一大碟咁上嘅喂? 仲要燒得好香,唔油膩!大大碗烏冬x2, 有圖有真相, 海帶多粟米多下面啲烏冬都多!壽司好新鮮~燒物又係大大件!唔會太肥,而且唔係一般嘅肉粒串燒, 夠曬特別!初初仲擔心唔夠飽,額外叫咗個飯, 其實都已經7-8成飽! 個飯勁~~~足料! 相同真實一樣㗎飯同餸一樣多! 蝦好大隻呀>v< 靜食飯都好好食, 啲飯珍珠感一粒粒~ 飽就飽, 因為好食嘅緣故, 清曬!有波子汽水飲,好滿足!餐廳個壁畫好靚~好食又唔太貴, 唔怪得咁多人等位同食啦~值得再encore~

有一個好朋友搬咗去天水圍某個屋苑，屋企附近有一間日本菜幾好食，今日去完朋友屋企打麻雀之後，朋友就帶我地去食嗰間日本菜。店內裝修好有特色風味，而且服務員好有禮貌，亦都可介紹好多不同菜式俾我哋，我哋揀咗以下幾款：網燒安格斯牛排牛排牛肉味好重，而且好多汁，肉質非常嫩滑，其實加小小鹽已經非常好食，仲配埋炸到好香脆嘅蒜片，口感同味道更加得以提升，如果鍾意食芥辣嘅朋友，仲可以點芥辣食，餐廳嘅師傅非常貼心，有多種選擇俾你揀蟹籽軍艦蟹籽粒粒晶瑩剔透，一望就知非常新鮮，紫菜好脆，蟹籽又多又有囗感，好喜歡呢道軍艦燒秋葵好鍾意食秋葵因為好爽口，而且有啲黏黏地嘅感覺，好特別牛油果軟殼蟹手卷軟殼蟹一咬落非常之香脆，仲熱辣辣，又一d都唔腥，加上蟹籽，好有口感，又香口，又鮮味，而食手卷塊紫菜都非常重要，要夠脆，呢個即叫即整既手卷紫菜好脆，呢間餐廳手卷既質素非常高，一定要點仲有蒜香湯底既拉麵，個湯底絕對係靈魂，不可不試，加上大量炸蒜粒，真係蒜上加蒜。餐廳食物整體質素非常高，而且服務很好，店員效率高，又有禮貌，環境又好舒服，非常推介，下次去朋友屋企都一定要再去！

心血來潮想食日本嘢， 又唔想淨係食壽司咁單調， 就去咗呢間位於天水圍天澤商場嘅《千葉鳥》開餐， 好多住天水圍嘅朋友都試過呢間日本餐廳， 大件夾抵食， 價錢又抵， 性價比超高， 食過嘅朋友都有口皆碑。夜晚嘅時段通常都會座無虛席， 不過今晚好好彩， 等咗一陣已經有位， 呢間餐廳嘅裝修非常有特色， 我最鍾意就係色彩繽紛嘅日式油畫啦， 感覺就似去咗日本嘅居酒屋。今晚除咗壽司之外， 仲叫咗拉麵同埋少少串燒。 《火炙鹽燒左口魚背壽司》， 呢款壽司絕對畀佢白雪雪嘅外型更加吸引， 左口魚，又稱比目魚，油脂十分豐富， 經高溫火槍燒過後， 表面變得焦香，而魚嘅油份亦都迫出來。《蟹籽沙律》 蟹籽沙律用上咗新鮮嘅青瓜絲， 夠新鮮爽脆， 蟹籽份量唔算少， 如果蟹柳絲可以再多啲咁就更加好啦， 不過呢道蟹籽沙律好大碗， 真係有抵食又健康。《絹豆腐櫻花蝦溫泉玉子野菜沙律》 絹豆腐一般嘅口感都會較滑豆腐粗糙， 但黃豆味卻比滑豆腐濃郁十倍， 櫻花蝦令絹豆腐提鮮， 加上我最鍾意嘅溫泉玉子， 流心嘅蛋黃撈埋沙律菜一齊食， 啱曬最近減緊肥嘅我。《特大赤海老海鮮丼》 檯面上嘅餐紙推介呢款海鮮丼， 海蝦超大隻， 蝦肉夠甜美， 味道

周末，一家三口來到天水圍，為什麼是一家三口？為什麼禮拜日來到天水圍？相信大家都沒有興趣知道，都係介紹畀大家知，今日我哋3人喺天水圍搵到D咩好嘢吃好過喇。喺天澤商場一樓行咗一圈，就決定咗吃呢一間，一路以來都幾鍾意日本菜，睇到嗰濃濃的日式風格就被吸引到。雖然係晚飯時間，但門口依然有個午餐的宣傳牌，似乎也唔錯，show畀大家睇睇，下次來試亦可以。晚飯時段坐满晒人，可想而知幾受歡迎3人商量後，點了以下的燒物，刺身及刺身飯，卷物……1. 特大海赤蝦海鮮飯2. 鹽燒厚切牛脷心3. 原板馬糞海膽刺身配紫菜4. 串燒鮮雞腎5. 串燒菠蘿6. 天婦羅三文魚反卷餐牌同食物比較，都差唔幾，唔同有D地方相差甚遠，其中蝦超大隻，爽口，彈牙，鮮味十足，還有鋪滿晒飯面的刺身其他食物呢個卷物好好味，最特别係上面脆脆飯，感覺特別有趣，我呢個大朋友都喜歡，相信小朋友更加鍾意。其實見到D蠔都好想吃，都係等下次先喇。

今日去天水圍探朋友，平時我好少黎到新界，但今日比我喺天澤商場搵到間好高質素既日式店-千葉鳥！佢既裝修好和風，入面有好多卡位，可以好有私穩咁同朋友食飯，而且店員既態度超級好！佢啲食物好多種類，黎食日本野，當然就一定要點魚生飯啦，另外，佢呢度既串燒亦都好值得推介。特大赤海老海鮮丼-$85佢既飯上面係有超多魚生，我最鐘意就係三文魚，好肥美，入口即化。原板馬糞海膽刺身-$135咁既價錢可以食到咁多海膽都算唔錯，值得一試。天婦羅三文魚反卷-$72呢個反卷總共有8件啊，份量幾多，中間既天婦羅亦都為反卷加添左口感。呢間店既燒物亦都好好，燒菠蘿好juicy,而雞腎同牛舌亦都好香口。呢餐飯連加一埋單$427，如果大家去開天水圍又想試下啲高水準既日本菜可以試一試。

星期日要去天水圍探親戚 勁過呢個天澤商場見到呢間日本嘢食門口好有特色估唔到天水圍都有裝修咁特別嘅日本餐廳入到去佢俾咗午餐餐牌俾我哋正呀！星期日都有lunch set！坐低見到餐廳有好多選擇丼飯 刺身 呢間日本野仲有生蠔食不過我哋都冇叫到下次有機會再試啦最後都有我哋就揀咗刺身丼飯食特大赤蝦海鮮飯啲蝦好大隻長過一隻手指又彈牙又爽口又鮮甜好正好好味吞拿魚四色丼配埋鵪鶉蛋好有風味啲呑拿魚蓉好香 帶子好鮮甜性價比好高！跟餐仲可以揀小食！我哋一個揀咗抹茶餅一個揀咗手卷手卷紫菜仲好脆好新鮮好好味！加多$5有餐飲總結天水圍有裝修咁特別嘅日本餐廳簡直係沙漠中嘅綠洲如果區內嘅街坊想食好少少不防去下呢間餐廳又唔使+1星期日都有午餐餐牌推介

蟹籽沙律，蟹籽沙律有好多醬汁，口感鮮嫩爽脆，啱哂重口味嘅朋友。牛油果軟殼蟹反卷，軟殼蟹上到枱都仲係熱辣辣脆卜卜，加埋牛油果豐腴嘅口感，真係一啲都唔會覺得油膩。九件壽司盛合(配手打烏冬)，呢個壽司盛盒有九件壽司，另外仲有一碗手打烏冬，手打烏冬湯底清甜，壽司用料上乘，比較出色嘅有三文魚腩壽司，火炙帆立貝同埋八爪魚軍艦，十分抵食。串燒多春魚，多春魚賣相完整，魚肚裏面飽滿嘅魚春，係唔食生嘢嘅daddy喺蟹籽以外一個唔錯嘅選擇。鹽燒開邊雞中翼，雞中翼嘅外皮燒到脆卜卜，連減緊肥嘅妹豬都忍唔住食埋雞皮。串燒免治雞肉，免治雞肉個味道好好，好想知道用乜嘢配料醃製。三色丼(火炙醬油漬三文魚腩左口魚背脆脆飯)，驟耳聽以為係一個魚生飯，細看之下原來係火炙過嘅三文魚腩同埋左口魚蓋飯，三文魚腩選料肥美，被火炙過後魚油四溢，魚油再滲番落個飯入面，滋味就係咁簡單。

較早前來品嚐過一次，猶記得其品質及性價比之高屬區內數一數二，今天再到附近工作，自然是不二之選。絹豆腐櫻花蝦溫泉玉子野菜沙律，豆腐用上了絹豆腐，絹豆腐含水量高，質地柔軟；沙律的醬汁是帶有點點甜味的麻醬，沙律菜新鮮，當中有我喜歡的牛油菜，櫻花蝦的鹹香味加上面頭恰到好處的流心蛋，好味。火炙左口魚背壽司(汁燒)，很喜歡左口魚被火炙過後油脂爆發的美味，油脂跟壽司飯的醋味是很要好的朋友，加上火炙後的焦香，是我每次必點的項目，沒有之一。炙燒三文魚拉麵豚骨湯，三文魚是肥美的三文魚腩，經過炙燒後的油香惹人唾涎，豚骨湯味道濃厚，跟専心只做拉麵的拉麵店不遑多讓。串燒厚切牛脷心，此道圃上桌便聞到陣陣牛香，牛脷心口感爽脆中帶點煙靭，牛味香濃，只放少許海鹽及黑胡椒調味便已經相當好吃。串燒拖羅雞肉，入口被那極其嫩滑的口感所震驚，由於此道為內子所點，我立即番看餐牌，發現此道名為拖羅雞肉，拖羅位為背部最嫰滑的部位，加上師傅精準的火侯控制，怪不得口感是如此的震憾。鹽燒鯖魚，鯖魚的外皮被燒得香脆，伴隨着魚肉同吃，口感更佳。特大赤海老海鮮丼，只見兩隻特大赤海老霸佔着整個飯面，赤海老的底下還有切成粒狀的三文魚，希靈魚，八爪魚及

今日帶阿媽去食日本嘢，老人家唔鍾意食日本嘢， 因為怕生冷。為咗幫阿媽遲啲去日本做下心理準備， 就特意帶佢黎天水圍天澤商場嘅呢間千葉鳥食日本嘢， 等佢知道除咗壽司刺身之外， 其他日本熱食都非常吸引。呢間千葉鳥嘅裝修勁似去咗日本， 牆身上面嘅日本壁畫， 加上一個個包廂雅座， 就如置身係日本居酒屋一樣。由於老媽子唔係咁鍾意食生嘢， 我哋就叫咗啲拉麵、串燒、同丼飯。燃燒多春魚， 有意想不到嘅驚喜。 多春魚燒得夠香脆， 肚裏面嘅魚卵脆卜卜，加少少檸檬汁食更係一流。芝士年糕外表平凡， 炸得金黃香脆，食落口感軟滑， 外面嘅年糕軟身， 裏面嘅芝士梗係流心，很是好吃。串燒拖羅雞肉，肉質比起雞腿肉還要嫩滑， 雞肉能夠保持juicy， 搽上咗日式醬油，好match。特別推介串燒厚切牛脷心， 牛脷心比一般嘅牛脷更加嫩滑， 食落又冇渣， 而且牛味好濃， 食落口感又煙韌， 非常值得推介。串燒粟米上面搽咗牛油，燒起黎更香口，粟米又大粒又甜，正。鹽燒開邊雞中翼， 雞皮燒得非常香脆， 咬落脆卜卜， 簡簡單單加上少少海鹽， 簡單就是完美。老媽子唔係咁鍾意食生嘅壽司， 我哋就叫咗呢個牛油果軟殼蟹反卷， 牛油果又健康，口感又

去左天澤商場買野順便就起度食埋個中午飯先返屋企啦行左一兩層商場，環觀都係呢個千葉鳥最多人食起門口望左陣餐牌，D價錢都合理....仲要種類多，拉麵、烏冬、咖哩飯......仲要裝修得超靚，有卡位既，仲要整到好似居酒屋既FEEL每一個座位都有調味料，唔使搵人拎俾我，自己想要咩就調咩~~帶子裙邊份量合符價格的帶子裙邊滿滿的前菜，個味道都唔錯，大愛佢用左D青瓜絲起底，因為帶子裙邊D汁都幾多下~~咁就可以撈埋個汁，帶子裙邊好有咬勁，而青瓜絲就好脆~D人成日都話食秋葵有益處叫我自己整就難啦~~咁就不如出去要人煮啦~~~燒到個皮脆卜卜，撈埋個木魚碎令到個味出D，配埋個秋葵LUM LUM地咁未食個正食都已經好滿足我就揀左個極上壽司盤魚味好濃，好有肉地既魚肉個元貝燒得好靚，個飯粒仲要撈埋個汁，成個好甜好濃的醬汁味個元貝無渣無筋，好軟綿綿個魷魚燒得好似個刺蝟咁~~好得意~~

難得放假又甘好天，去濕地公園黎個親子樂。玩完再去天澤覓食。見到有間企企理理嘅日本餐廳叫千葉鳥，俾左個卡位，坐得舒舒服服。 本身諗住散叫烏冬同魚生飯，經店員提醒原來有set lunch仲有免加一，一個主食可免費加小食或汽水。所以最終叫左一份特大海赤蝦海鮮飯配紫心薯餅，一份棒棒軟骨餃子手打烏冬配包皮薯條，再另外叫多左份炸雞軟骨同埋芝士年糕。 野食上枱上得好快，賣相都幾吸引，熱辣辣，最怕啲野食上枱唔熱。高度推介芝士年糕，煙煙韌韌，咬到中間，啲芝士嗶出黎，不過要小心辣咀。 個海鮮飯一上枱，不得了，流晒口水。兩隻蝦勁大隻，又鮮甜，其他刺身鋪滿個碗。一路食一路食，好似食極唔完甘，勁多飯。我相信一個女仔未必食得晒。至於餃子烏冬，啲餃子隻隻都好飽滿，一啲都無揸流灘。 餐晏食完真係飽到上喉嚨，夜晚都可以慳番。真心推介，價錢又相宜，我地兩大一細埋單$200鬆啲，攬住個肚走。

今日係天水圍行完山，好少入呢頭，係天澤商場見到呢間咁有日式氣氛，又有好多吾同款既野食簡，就決定試一試。7點幾已經好多人喇我地吾算好肚餓，無叫飯或麵，只係叫小食試下。佢個menu好好，每樣野食都有相睇，睇落好吸引呀！我地叫左沙律、幾款燒物同北寄貝。絹豆腐櫻花蝦溫泉玉子野菜沙律 （$39）本身諗住沙律應該細細份，點知呢個沙律份量絕對吾小，有5、6件豆腐，好多櫻花蝦同沙律菜，而沙律菜都好新鮮，配埋芝麻汁真係一流，整體味道真係相當吾錯！我本身吾鐘意食沙律，但都覺得可以自己食晒呢個沙律。點野食果陣吾係好知點咩野，幫我點野食既侍應好好，主動推介d菜式俾我地，佢話串燒波蘿 （$17）好受客人歡迎，我地就點左黎試下，仲另外叫左幾樣佢推介既，包括串燒拖羅雞肉（ $26）、鹽燒厚切牛舌心 （$46），呢三樣野都真係無介紹錯，我特別鍾意燒波蘿同牛舌，菠蘿超甜又juicy,牛舌都係juicy又吾硬，兩樣都非常高質！我地仲叫左懷舊戲院燒土魷 （$75）送清酒（$65）。另外我地叫埋燒活北寄貝 （$75），呢個又係好新鮮又吾腥。估吾到天水圍有間咁高質既日式餐廳，食物質素有驚喜，價錢又合理，如果咁岩入天水圍，真係要

之前同朋友講起天水圍究竟有咩好食，佢就提起呢間千葉鳥，咁岩男朋友嚟呢個商場配眼鏡，就順便入去試下啦。大約六點半去到，都幾多人食緊，亦有人等位。我地揀左極上自選二人套餐，睇落都幾豐富放左張大合照先，兩個人食份量岩岩好。沙律好大份，炸雞併野菜唔會油膩牛肉火鍋睇到個下好驚訝，鋪左滿滿嘅牛肉，一層又一層，店員話大約十分鐘就食得。八掛入面有咩料，撩開嚟睇，有韓式粉絲，菜同菇。呢個帶子牛油燒係我最中意嘅一道菜！帶子彈牙無腥味，好有鮮味，而且燒完好香，同溶左牛油係絕配，仲有幾條露荀balance返重頭戲當然係刺身啦，可以揀三款。三文魚係我地嘅最愛，加$15可以升級，有加厚嘅三文魚腩正呀！套餐可以揀四款壽司，每款兩件。推介玻璃蝦甜品揀左雪糕，無得揀味道，有綠茶，雲尼嗱連朱古力碎。食飽好滿足，朋友果然無介紹錯，天水圍區嚟講，呢間日本料理都幾高質。下次再嚟嘅話，想試下定食同燒物

就近試下呢間日本野一入到去，環境係居酒屋咁。有今日推薦個啲，但就無乜聽到有侍應推薦。好啦講下野食佢既三文魚有得按重量計我地就叫左黎試下，叫左三文魚腩。油脂比例都唔錯，但容量膩。分量都幾多下！ gooooood油甘魚都幾唔錯！！ 但今日個帶子有點腥味，檸檬🍋都搞唔太掂。呢個要小心點。火炙壽司都幾多種揀左口魚要試一試，幾唔錯！ 幾種選擇，有鹽燒 又有美乃至！！ 主食叫左個豚肉拉麵。個拉麵個湯好有豬肉味，而且面常有勁道，豬肉嘅份量都非常足夠所以好夠飽！呢度啲侍應服務都非常之好，唔需要提醒就會成日過嚟幫手加水。啲嘢飲都有買清酒燒酒米酒各種酒精選擇，所以鍾意食壽司飲清酒嘅朋友都可以唔使擔心！而且呢度有兒童餐如果帶小朋友過嚟食都可以好方便！

今日同朋友來到天水圍呢間日本野補祝生日，lunch time時間都好多人等。我有個想法係多人等既餐廳都唔會差得去邊，所以覺得揀呢間餐廳係冇錯既😆😆入到去坐就睇menu叫咩食，lunch特別有個menu，另外有主餐牌。Lunch menu都有好多選擇，仲配小食或飲品。我同朋友就叫左兩個lunch set再叫啲串燒。Lunch set Menu我地揀左慢煮雪花牛肋條咖哩溫泉蛋撈烏冬（$65）同埋吞拿魚四色丼（$95），配既小食揀左青瓜螺肉同紫心薯餅。特別想講下個紫心薯餅，有驚喜，幾好食😋😋好滑既薯餅，一開始點左沙律醬食，後來覺得唔點醬都得，本身好夠味。牛肋條烏冬，啲牛好lum，好入味，仲有啲牛筋，好正！另外我幾鍾意日式咖哩，因為唔辣😆，本身又鍾意撈麵，覺得濃味啲，仲要有埋溫泉蛋，篤穿佢撈埋一齊，係將我幾樣都鍾意食既野結合😝😝魚生飯有驚喜！通常好多話吞拿魚蓉都係得一小pat，但佢係舖滿左飯面，再擺魚生。呢個價錢，有舖滿既吞拿魚蓉，仲要有三文魚同帶子，會唔會太抵食？？😭😭可能大家都鍾意食魚，所以叫左鹽燒三文魚鮫（$58）同埋串燒鰻魚（$43），覺得要叫下蔬菜又叫左燒原條茄子（$35）。三文魚鮫