千秋樂 (已結業)

千秋樂的魚生十分新鮮，而價錢卻又十分實惠，一句講哂，抵食！

其實以同類型食肆來講，呢間餐廳set lunch選擇都算幾多，刺身、炸物、拉麵、烏冬樣樣都有，叫你唔會揀唔倒食。至於食物水準就合理啦！始終40零蚊一個set，唔可以要求太高，但比起差唔多價錢別府、百一人一朱，不論質素同賣相都高一班。加上坐得舒適，午市爆場總有佢原因！

Lunch 同dinner 都試過.Lunch ~$40都食到刺身定食/壽司定食/魚生飯定食, 都幾抵. 而且lunch set 的選擇都好多. 魚生好新鮮. 我就嫌個魚生飯d魚生小d. 想食魚生就要叫刺身定食啦. 午市唔訂就有排等架啦. 晚市2個人食刺身定食($95): 有6點, 每樣3片, 成條船上, 份量足, 新鮮. 抵, 值得推介.叉燒拉麵連2件花之戀($57): 花之戀雖然跟餐, 但都唔”求其”. 個拉麵又係份量好足, 味道就中下啦炸豆腐($18/6件): 豆腐好滑, 好味炸生蠔($38/3件): 唔係3"隻"生蠔, 係3"粒", 蠔新鮮香檳提子雪糕($10): 無咩提子味, 但有怪怪的發達糖味.坐L 型卡位, 舒服, 有privacy, 服務幾好, 除了訂o個個. 晚市2位無得訂我早幾晚去的時候, 樓下有人派8折coupon 架. 記得喎.

一直都想到這座大廈新開的兩間日本野試下。昨日下晝終於有機會同太座去先試千秋樂。叫了:雜錦刺身定食—刺身算新鮮，款式都算多，包括三文魚、吞拿魚、蟹柳、八爪魚、魚、蟹子、還有兩三款都其他魚生等等。叉燒拉麵定食—叉燒不太肥，適合我倆的口味，拉麵亦夠彈牙。這個定食亦包括一個三文魚壽司卷及一小件的銀雪魚，都幾好食，唔錯。另外點了一個豆腐魚蛋，幾彈口喎，外層爽脆，軟硬度正好就是魚蛋同豆腐的中間。我們是座在近門口的一排廳位，覺得與之間密左d，有點坐得唔自然，如果坐卡位的會好d。試過呢間，下次再去埋樓下的「一門」先得。

千秋樂先前開奧海城商場，係當時住度一位朋友飯堂，因此朋友全家已經同老細及侍應們非常熟稔。朋友見佢搬去銅鑼灣，就拉我去幫襯。當晚去得早，所以好容易便有L型卡位坐，七點後開始多人，唔訂位恐怕有排等。後來同其他朋友過幾次，見佢都幾旺場，好彩有訂位。先講服務質素，第一次自然非常好，因為朋友係呢度熟客，後來同其他朋友就冇咁好服侍啦！只不過要求個海鮮粥最後至上都話唔得，因為用電腦落單喎，真係唔知咩邏輯。講番食物。感覺呢度魚生都幾新鮮，價錢亦幾平，$98可以有一客燒銀鱈魚加蝦天婦羅，活魚刺身一條只需用120，六款魚生拼盤﹝每款三片﹞亦係同價。不過平還平，質素只屬一般。銀鱈魚由於係特價，件頭較細，薄薄，但味道唔錯，主要係靠調味，魚身滑但唔太有鮮味，咁價錢算係交倒功課。蝦天婦羅就麻麻，隻蝦確係夠大件，而且有成四隻，可惜唔係咁有蝦味，層麵衣亦唔夠鬆化。活魚刺身老實講係唔及格，刺身唔夠薄，食落唔鮮甜，而且有D韌，師傅刀功實在有待改善。正常刺身反而幾好，夠新鮮而且幾大件頭，甜蝦、三文魚同墨魚都非常鮮甜，吞拿魚就麻麻，冇味。不嬲鍾意食壽司飯，所以叫一份千秋樂卷，有海膽面都只係$48﹝唔係好肯定價錢，可能係$60

今天約了幾個朋友來到千秋樂吃lunch, 因為見它的價錢都算合理...便不妨一試啦!! 我們大約1:30pm到達, 之後便點了三個午市定食, 當我們吃完食物後...便有待應主動走過來, 問我們食品是否已到齊。不久, 便和我們結帳..當時他們的解釋是因為有客在等緊位。我們在很不願意的情況下, 便埋單走了...但當時我看一看錶, 那時不過是2:15pm的。因此, 我個人認為這間食店這樣做法不正確...我一定不會再光顧。至於食品質素方面都是不過不失...

返工見人派傳單，發現lunch定食都唔係好貴，四五十蚊都已經有唔同類型0既SET，仲有coupon可以平五蚊，所以同同事決定一試。好彩一早訂左位，因為上到去都發現勁多人等緊位，訂左位係唔同D，佢地竟然留個卡位俾我地，我地三個女仔，坐個L 型0既卡位剛剛好。雜錦魚生飯($42)，有前菜同麵豉湯，仲要都好大碗，認真抵食。而魚生都有好多款，都OK新鮮，所以真係超值，有機會都會再黎﹗

今日經過見到有d set lunch價錢唔係貴, $38-$48, 就同朋友仔去試下啦, 一入到間野有陣裝修時的油漆臭味, 好彩d味唔太強烈.2個人叫左一個海膽三文魚飯定食($45)同一個雜錦魚生飯定食($42), 定食包括一個蟹子沙律同一個蜆肉味僧湯, 味僧湯冇咩特別, d蜆有點"un"...2個飯d魚生都普普通通, 唔覺特別新鮮好味但又唔覺唔新鮮, 但d魚生好薄, 唔似刺身果d厚度, 最驚喜係d海膽, 一碗飯有4大片, 好鮮甜, $45已經值回票價.圖中既係海膽三文魚飯.