千秋樂 (已結業)

原本唔係諗住o黎哩度。但我太遲訂位，原本想去試下o既食日本野o既餐廳fully-booked。上次o黎過哩度覺得ok，故唔諗咁多就o黎左哩度。八點半上到o黎，都有唔少吉位剩，有d surprised。叫左- 三文魚親子卷：個餡有d青瓜同埋一d好crispy o既deep-fried food晌裡頭，食落口感特別。一客六件，好generous o既portion，兩個人吃，見到都有飽o既感覺。- 天婦羅炸蝦卷：又係一客六件。相對前者就無咁有驚喜。唔係唔好食，但硬係覺得元氣果隻好味d。- 一客雞翼。encore之作，必叫之作。一人兩隻，掂!- 花膠(？)鍋仔烏東。貪得意叫。成兜野貴在花膠(？)果度，食落無味，口感唔爽，有d sticky又有少小煙韌，玩野多於一切。其他配料有冬菇，日本魚蛋，一大隻炸蝦，金菇，生蛋，白菜，同埋烏東。哩度o既烏東係唔係好爽果隻，但滑潺潺同埋好煙韌，我好鐘意，朋友卻嫌"淋"。睇o黎我地對"淋"o既定義係唔同o既。。。仲有三文魚手卷同埋asahi兩支。埋單三百，比預期貴左d，但好飽，加上服務好好，哩餐都叫value for money o既。

久唔久都會幫襯下,有幾個原因的.耐不耐會轉下特價食品,唔會食到悶晒,最近多咗特價時段,好抵食,而且男友在這裡工作,探下班!!3個朋友上去開餐,叫左枝細清酒,銀雪魚,魚乾,冷稻庭烏冬……,因這幾樣食品都over $45,就可以以特價叫刺身!!冷稻庭烏冬是我必食的,因為麵質滑嫩,彈牙,加上醬汁,好味,好過好多地方架!特價刺身很抵食,北寄貝刺身$8,章紅魚刺身$16,八爪魚$18,唔會因為特價時段就給次一些的貨頂上.

昨晚8點CWB周圍都係人, 食飯到到都要等位, 諗起呢度食評都唔錯, 就上去撞下運氣, 點知仲有最後一張檯, 真好什錦串燒($32) - 雞翼(好香口), 香腸(有D乾), 冬菇(幾好), 蔥(香口), 雞軟骨(普通)各一串花之戀壽司($38) - 三文魚幾新鮮, 上面仲放左片海膽, 飯唔散, 唔錯芥末墨魚壽司($25) - 芥末味重, 唔腥, 好味椒鹽魷魚鬚($35) - 剛炸起, 好熱, 唔會炸到好韌, 送酒一流牛肉湯烏冬($58) - 烏冬好滑, 牛肉放耐左都唔韌SAPPORO($27x3) - 買一送一, 好抵飲我同朋友都覺得呢度同和民價錢差唔多, 而味道又好食過佢, 服務又唔錯, 食完又唔會趕人走, 下次真係食呢間好過

上星期五同男朋友揀咗千秋樂食飯, 工作一個星期, 最好食餐好味o既飯, 開心一下. 我哋叫咗刺身, 有三文魚, 帶子, 油甘魚同海膽. 樣樣都好新鮮, 帶子好甜, 海膽好鮮, 油甘魚好香好濃味, 三文魚好大舊. 仲叫咗照燒雞扒, 燒得唔錯, 份量亦都好足, 仲有一個牛肉湯烏冬, 個湯好好味. 我哋仲飲咗一支清酒... 好過和民好多!

好久沒有到銅鑼灣之黃金廣場,友人話11月出左好多不同優惠,所以星期三同舊同學共10人去試吓,發覺平日8時前刺身做特價,我地叫左兩客三文魚刺身非常新鮮，都只不過係$16，影真抵食.之後，我地叫左個4人餐及孖寶(炸蝦天婦羅及銀鱈魚西京燒)原來4人餐之份量可足6人以上食，炸蝦十分脆,西京燒之味道不會太鹹)服務不算太差，可能因為星期三，客人不太多，都有常來加茶及換碟。我地對那身穿黑衫個子大大之好像「經理」之男侍應感覺最好，在埋單時,還笑住口送一張VIP咭給我們，我們8人都只係食左近$900,因DBS信用咭有9折，以後再去,就可以用VIP咭，最少有85折，聽講仲有很多優惠會推出，那位黑衫經理仲講這次VIP咭只有500張，送完即止唔知真唔真，吹水。

之前聽過朋友講過，千秋樂抵食！所以，今天特別來試ㄧ試。果然似朋友講的一樣,四個人吃咗500蚊左右,食到攬住個肚，好耐都冇食得甘多了。D魚生好新鮮，尤其是三文魚魚腩刺身又肥又鮮甜，仲有軟殼蟹手卷，軟殼蟹好脆配上日本飯真係絕配，旦係掛住同朋友講野,食慢咗!所以,D紫菜有D軟。至於service都算過得去，會主動加茶。待應有笑容，可以讓一班朋友坐得舒服，吃點東西，談談天，都不錯！下次男朋友生日的時候，一定要同佢一齊去食。

三人晚飯.咩咩餐:花之戀(兩件):很大粒的蟹子.麵豉湯:我不好, 沒有喝沙律: 薯仔, 有一些炸洋荵碎, 幾好味忘了個餐還有甚麼...魶魚刺身: 我沒吃雜錦魚生飯: 我沒吃. 份量好大, 兩個女仔吃不完串燒雞翼: 廿五元有四隻, 很抵吃. 味道OK, 肉黐著竹簽, 好不容易把雞翼扯出來, 但已骨肉分離散晒. 且不夠香.三文魚軟殼蟹壽司: OK吉列豬扒湯烏冬: 吉列豬扒六小塊: 香口又入口不油膩, 讚! 烏冬非常滑非常煙韌, 從未吃過口感如此這般的烏冬, 再讚!!! 可惜份量較少.環境服務都不錯. PER HEAD一百塊有找, 抵! 有機會會再來.

星期五8點度去到要等不過好快就有位,坐bar枱位不過都好舒服~3個女仔一d都唔迫~傾計都唔錯~今次係第一次去~主打串燒~唔係太多款不過都樣樣都好味~牛月利最正~啤酒買一送一~侍應好招呼~下次一定會再黎~

(29/9/06)與以此作飯堂的朋友再來食。上次同其他朋友黎食,真係揀錯野,所以麻麻,今次o岩番口味。鰻魚雜菌湯烏冬,跟兩件花之卷。上次食冷烏冬,今次吃熱既,一樣咁好味,煙韌,豬骨湯底清淡,唔確喉。魚肉豆腐,即魚蛋,不過造成魚形狀,好得意,味道配埋清汁,都唔錯。火炙三文魚腩壽司,唔係好覺火炙,三文魚唔夠厚。繼續三文魚和風沙律,唔知點解,覺得第一次食,好味D,今次的三文魚弱勢左。我諗下次未必再黎,因為menu比較少炒飯,特色小食,主要係壽司,及燒物,所以揀野食,都左度右度。

客戶請食商務午餐, 挑了這家日菜. 午餐時間, 都幾多人. 但在尚有四人枱空出的情況下竟要我們三人擠坐在一張L形的所謂二人情侶枱. 真浪漫.一人選一個定食, 再加一條魚生船.天婦羅定食: 6分, 陣容非常豐富, 天婦羅+ 飯+ 湯+ 煎餃子, 天婦羅炸得普普通通, 幾多油, 又炸到好淋. 當然同稻菊比, 等於搵08同愉園比. 但跟一般的日菜比較, 這裡的天婦羅還是麻麻.煎餃子跟酒樓午市的一樣. 一陣油益味.魚生船: 7分, 明明叫魚生船, 但只係用普通碟上. 日本沈沒, 連魚生船都沒頂?魚生就幾新鮮, 油甘魚, 章紅魚, 同海膽都唔錯.食物整體尚可, 但服務其差, 基本無乜人服務我哋. 無哂茶十世都無人加茶. 一過兩點, 侍應一個都唔見. 埋單極度困難. 唔通兩點後優惠唔哂埋單?

今日聽朋友介紹話呢間日本野唔錯, 所以同gf上0黎試下, 其實價錢都唔平, 而且d0野食都唔算好正, ok啦, 環境同服務都幾好, 不過不失, 講唔上係好有特色, 如果想唔到去邊度食飯都可以考慮0黎呢度食0下!

為了同個老友補祝生日，已預先做定功課，又問o左意見。油甘魚同劍魚腩刺身-甘香、鮮味兼肥美，不似魚一丁的刺身，只會食到一陣雪味。三文魚和風沙律-我嫌日式醬汁唔夠，再加多少少會好D。三文魚軟殼蟹卷-等了30分鍾以上才上，不過都值得等的，因為餡料十足，而軟殼蟹又好夠脆。三文魚、章紅魚、針魚及鰻魚壽司，除了不太接受針魚有種鹹魚味外，其餘三種都不錯，只嫌鰻魚的汁醬唔夠多。比起其他的居酒屋，這間是較值得再去。p.s.多謝28個bf

(25/8/06)阿哥生日飯,上次食過幾好,四人黎食。千秋樂卷,海膽搭面,睇唔到下面卷左d咩加州卷,海膽都好新鮮。壽司類order左:北寄貝,赤貝,甜蝦,帶子。軟殼蟹手卷&帶子手卷,餡去到尾都有架。精選孖寶:銀鱈魚京燒,好味;另一"寶"是蝦天婦羅,真係唔掂,size係大,我指個炸槳咋,藏o係裡面既,可說是蝦...條!花膠鍋仔手打烏冬,烏冬質地一般,沒上次的冷麵好,而個鍋的份量比相片的細,整體都ok。我地食左個零鐘,已俾人催:請問野到齊未呢?或者埋左張單先喎。呢樣都係扣分原因。

上星期四去食晚飯，叫左：１）赤膽雙雄＝赤貝同海膽刺身：超級新鮮，海膽好甘甜，名不虛傳！２）雜錦壽司：都有十四件，選擇不錯！３）牛肉炒雜菜：鐵板上，夠熱，不過不失。４）特飲：＄４５兩杯，OKAY啦。 九時後部份壽司有優惠，所以叫多幾款食，平左又水準唔錯，幾抵。服務幾好，好肯水，有禮貌啦！換埋八折卡，以後去多ｄ先！

午餐定食$48~$52, 有多款選擇上一次來的時候, 已對冷烏冬留下深刻印象, 因此是次必選今次所選的lunch set 有:冷烏冬—夠涷, 煙煙韌韌, 好味六式壽司—六款不同壽司, 件件都很大件, 有蟹籽、三文魚、蝦等等, 味道不錯金菇牛柳卷—2件, 又係幾大份的, 金菇還是爽口, 醬汁也配撘得宜低糖綠茶—好多冰, 外來貨, ok另外的set 尚有天婦羅烏冬(熱/冷)+花之卷+煎蛟子牛肉飯定食, 拉面set等等環境很好, 服務也不錯對我來說, 以50元吃午餐是挻貴的, 但這次卻別具意義