千秋樂 (已結業)

2/3星期三晚，可能不是太夜，七點半去到仲有好多位，我們坐梳化位打對面坐，樓下有侍應派coupon，當然有擰啦。叫左三文魚蟹子海膽花之戀，兩舊$32，都幾好食，仲有燒油甘魚頭半個$55，一坐低叫，個侍應係咁話要等成45分鐘好耐喎，好似唔想我地叫咁，最後果然係45分鐘，不太好食，o炎o炎肉!劍魚腩，章紅魚，金鎗魚邊，蟹子沙律壽司($15menu冇的，但個侍應都返轉頭講清楚問$15有冇問題先落order，幾好)牛肉手打烏冬$48好食，好彈牙。不過侍應擰左碟吞拿魚壽司黎，我地話冇叫，佢就話li個係章紅魚，下，章紅魚唔係咁樣o家喎，唔理照食，menu都冇吞拿魚li樣野，個金鎗魚邊好耐都冇黎就催佢，點知另一個侍應又擰碟吞拿魚黎，我地話頭先食左，佢話li個係金鎗魚邊喎，咁咪問佢頭先果個章紅魚又話係，咁邊個先係，最後終於正確咁擰返碟章紅魚黎。南瓜野菜天婦羅好油，滲到成張紙都係。侍應對食物好似唔係好熟識，但就好在叫佢跟野佢真係會跟並覆返幾耐會到。埋單$284，用左四十蚊coupon, ok 吧

我都去過好幾次食lunch,佢地service都算可以啦,食物都ok 既,set lunch幾抵食,侍應哥哥又介紹有咩特價或者新鮮來貨食品...但前兩日同幾個朋友去果度dinner就....唉~~ 佢地有個高級女侍應(我睇佢d制服,同其他服務生唔同,估佢點都高級小小掛),佢就勁唔得啦,我地5 個人去食野,佢指住個籠話:你地去雀籠位坐低先(係叫架,完全冇帶位服務)咁我地5個都坐低哂之後又話,唔係坐呢度呀,叫我地去第二張(木台) 坐,我地咪話已經坐低左,唔轉得唔得呀? 個女人好睇唔起人咁話,「可以!但係呢度有$800 minimum charge既,你地得5個人,但都要食夠$800先可以坐架,你地坐唔坐?」我個朋友咪話囉,「有冇搞錯呀,坐呢度係你地叫既,而家係咪睇唔起人先?使唔使入坐前點好菜,過左$800先比我地坐呀?」另一個朋友見咁就即刻問咁我地而家坐邊呀?(因佢唔想就咁嘈落去)坐低之後我地叫左好多野食,刺身船x2、雜錦壽司(春)、炒雜菜、天婦羅(蝦+雜菜)、串燒、燒銀雪魚、秋刀魚、蟹子沙律x2、海鮮炒烏冬,最後叫左幾個甜品,我地食野既時候,覺得將table細左小小,d野都唔夠位放,食哂

eat 3 times, my comment is 套餐no good, set no good, items other than set quite good.beef tonque is good and cheap, $20 for 2.Sushi(2 pc,not set) is good and cheap, uni $28, scallop $25, sword fish $28, all delicious.Botan Ebi sashimi good and cheap, $65 for 3.Udon is very good, I pick 花膠pot udon, both soup and udon very delicious.Don't try goose liver, no good.With coupon ($20 off for over $100 spending, can use many coupon at the same time) very 抵食. Coupon can be obtained downstairs near escalat

連續兩日食晏都係千秋樂,第一日我食天婦羅烏東set($45),實在太好食,烏東十二分彈牙,跟花之戀一件及餃子,非常好吃,天婦羅炸得剛好,不油,材料新鮮。朋友吃魚生飯($45),不太差,但沒有期望中好,普普通通啦! 今天吃了金菇牛肉飯($40)及銀雪魚飯($50), 銀雪魚非常滑, 很香很好吃, 牛肉味道OK, 但肉質很雪藏feel, 唔係覺得太好。整體來說,算幾好啦,四十幾蚊想點喎,我會再成日去食lunch 架!!.

服務水準一流，食物普通，價錢貴，似食名氣多些．甜點不錯．裝修後，坐大廳坐訂位．坐cafe, 則無lobster 供應．

魚生飯定食-除左海膽同三文魚籽之外,其他魚生算新鮮,好大碗鰻魚定食-鰻魚夠大份無乜骨,唔錯螺肉-少左D, 好多青瓜鋪底軟殼蟹手卷-完全唔得,粉厚無味又唔脆兩人位(唔係卡位)好迫,隔離講咩聽到晒.

禮拜五晚黎呢度開飯. 外觀係OK 的. 環境則略嫌窄. 不過一早己經話fully booked 喎. (當真?) 所以被安排到bar檯同男友並排而坐. 叫了下菜式:1. 海膽壽司. 大瓣海膽. OK. 新鮮但不算得是A貨. 2. 魚生飯. 最抵食之選. 有salmon. makuro. 油甘魚. 甜蝦. 魚子. 魷魚等. 幾大片. 連set 有豆府miso soup. 推介~3. 牛肉手打烏冬. 湯很美味. 烏冬亦十分彈牙. 唯牛肉唔夠腍. 但值得一試。

哇! 好正！生魚好新鮮！有些好特別又好味道的品种，好似劍魚腩同油甘魚, 又大片又肥美，正！

論食物質素當然唔算頂班，不過就勝在裝修夠骨子，價錢都算合理，份量又唔算少，作為良朋共聚總算係個好地方。

一心想去新開張的笑笑居樂屋，12點去到已經n 咁多人排隊，認真誇張，原本想去魚一丁，之後見到這間的單張，居得價錢ok,也想起openrice食評話ok,便上去一試，2個人要了天夫羅烏東定食和魚生飯，炸物不太脆，還好油，得幾件，連番薯都沒有，而魚生飯d魚生好薄，不新鮮，還是好似放左好久，暖gei !><飯就一大腕而且不是醋飯，wasabi都只是比少少，完全覺得被騙，4x一個餐完全唔值得。是我吃過咁多間日本野之中最差！！！！！吃完心情好差，馬上回來打食評！

lunch一個人上到去, 叫左個刺身定食$48, 等野食其間留意到間野非常多人, 所以好嘈好混亂, 地方又逼, d侍應走來走去又大聲講野, 睇到心都煩埋, 之後等左成15mins 先有野食來. 蜆肉湯-- 好普通, d蜆好韌唔好食蟹子沙律-- d青瓜絲同蟹柳絲切得好粗, 沙律醬放左面就算, 都未撈勻.刺身-- 三文魚3塊(算係好, 夠肥), 章紅魚, 油甘魚, 北寄貝各2塊(無味的) , 吞拿魚2塊(未解凍就比人食, 食到有雪的, 過份)食到尾有2位個樣好串既女仔坐埋來, 一坐底就拿包煙出來, 大口大口咁噴煙, 我即刻想走, 好心佢就設非吸煙區啦, 果2個人真係非常乞人憎.

某日行過銅鑼彎黃金商場地下接到份傳單，又遇正肚餓，便上了此餐廳一試。叫了碗牛肉烏冬，嘩，湯底好味非常，烏冬又特別彈牙，我一定會再試！

姊妹們同我o係度慶祝生日.當然開心啦. 推介有油甘魚刺身. 千秋樂卷.(似加洲反卷. 上面有一瓣海膽) 同手打烏冬.其他就叫了燒牛舌(我唔好所有"痢"狀物體的. 所以我冇食. 淨講賣相都ok; 麻辣牛骨髓牛肚鍋(真係幾辣的. 不過牛骨髓得三條. 搵多條都冇;魚肉豆府(似現成貨. 肉質可接受)服務方面. 人手多. 但係有d時候call services 幾難. 侍應態度一般. 唔多主動加茶給客人.卡坐成曲尺型. 所以感覺好怪.

同男朋友去咗 幾次都係dinner時間~~服務態度幾好~~我話凍~佢地就換位lu~ D魚生ok la~幾新鮮~以呢個價錢黎講都算唔錯gar la~ 環境都幾好~值得一試~

26/10/2004 去開銅鑼友又咁o岩睇完OPENRICE網友一致好評，所以就去試下啦~ 一睇餐牌並唔係網友所講到咁平喎~ 考慮左好耐，都係叫個兩人套餐($298)試下囉，包括:1.五色魚生-魷魚,三文魚,吞拿魚,油甘魚&蝦各三件...都算新鮮,但總係覺得唔夠香2.六件壽司-淡口壽司為主,並不是十分之出色3.炸蝦天婦羅-兩件炸蝦及南瓜,青椒,魚,茄子,粉葛?(唔肯定係咩,咬落爽爽地架)各一件...天婦羅味道唔錯,只係太油了~4.x汁牛扒-o岩上碟已經唔熱啦~ d汁又同牛不太配合,肉又韌5.煙肉炒飯兩碗-珍珠米炒架~ 好味但過油...不過個餐太多野,飯黎到已經好飽6.立魚湯兩碗-幾真材實料不加味精7.日本草餅兩個-ok啦~ 附送o既野係咁上架啦基本上佢d野不過不失，不是十分好味;而服務態度方面亦覺得麻麻，成日都見唔到人叫野&唔識主動倒茶。俾我揀情願去魚一丁or火間土啦。