千秋樂 (已結業)

由於我男朋友係VIP(好似有8折)，所以間唔中都會上去食下，千秋樂就成為左我地既飯堂。我覺得D野食味道唔錯，除左手打烏冬之外，其實個海鮮粥都好好味，仲有我至愛就係五串燒、千秋樂卷、煙豬肝，大家不妨可以試下。有時某D刺身做特價，都幾抵食，好似有吞拿魚、龍蝦、池魚(推介)咁啦，侍應會問你炸唔炸D殼呀、魚骨呀，或者用黎煲湯，都好好味架！

和友人星期一晚到這餐廳吃飯...可能四五六樓都係日本餐廳的關係...所以七時多到也完全不用等位...基本上就算八點幾走人都不用等...友人叫了冷稻庭麵....本人叫了牛肉手打烏冬...另外叫了燒多春魚和三文魚刺身...三文魚味道一般...多春魚也還可以...手打烏冬算是最好吃...湯不差而烏冬都幾煙韌...環境其實不差...侍應也勤力添茶...但茶則略嫌不夠熱....價錢同和民其實差不多..但勝在不用等...也算是一個和朋友聊天的好地方吧!

前兩晚同女友去食飯女友係銅鑼灣做野都推薦呢間要試下先得！入到去見到有卡位稔住坐點知原來要min charge $300 先得oh~~~~兩個人食三百難d 掛﹐算啦>_<我地叫左︰炸蝦唐揚﹐新幹線壽司﹐腸串燒﹐同埋天婦羅烏東腸串燒﹐要大食先好試﹐味道就唔錯﹐個份量好多炸蝦唐揚﹐最好食呢樣﹐d蝦炸到脆扑扑﹐殼都食埋﹐正呢到d 烏東都好彈牙﹐可以試下呢到幫客人倒茶都好勤力﹐加分

上次同朋友一同四人食晚飯...我自己就食左個咖啡炸雞拼鮭魚飯價錢60幾蚊...本人覺得可以...食埋環境...都算可以的食完飯後, 可以坐多陣飲下野..吹下水...由於可能平日, 唔洗等位...所以唔會有人吹你埋單...此店的格局有一d竹廉相隔...都不失為傾計好地方

銅鑼灣區LUNCH佢算抵食,雜錦魚生飯套餐,內有三文魚,吞拿魚,生蝦,魚同墨魚,魚生也算新鮮,有湯有前菜有綠茶.很不錯呢!除0左魚生飯,佢D烏冬都幾好味嫁,又滑又煙韌.佢每日仲會有派COUPON(商場門口),可當HK$5使用,圍起每人約45蚊咋!

幫襯左都有一排~因為成日諗唔到食咩~一行過銅鑼灣咪上去食~以前黎食佢o的天婦羅~蝦夠大,又炸得夠而家就差左o的~唔係o的蝦~而係炸唔夠~上到台林哂~仲有銀雪魚~以前煎得好好食~又會有少少汁甜甜地而家就無乜味~唔知係唔係轉左師父~不過我都會再去o既~^^

(17/4/06)生日朋友話呢間野好食,又好坐。記得雜誌時常有廣告,版面感覺像"大久保",心諗:真係好麼?果然環境唔錯,沙發卡位,朋友話有min chg$200;另一邊,一條條木,間著半開放式的獨立台,好似要特別book咕喎。我地乜都唔係,就會安排d普通位既啫,不過都舒服架喇!推介烏冬:冷稻庭麵,是白扁麵,我認為如果再煮多陣會更好,因為煙un得來,太o趙口了。三文魚沙律:size比想像中大,有四五片三文魚,最好味係個酸酸地既蘿蔔汁,撈埋青瓜絲,好醒胃。油甘魚手卷:普通啫,賣相唔靚,無其他野裝飾(如,青瓜,蟹柳之類o麻),而油甘魚切成一條條,魚味唔出。新幹線什錦壽司:幾得意,用新幹線形既盒,裝著8件壽司(兩件花之戀,其他壽司有,中華沙律,龍蝦沙律,北寄貝沙律,蟹籽,八爪魚仔,螺肉)幾抵食,花之戀又唔多沙律醬。p.s.我拿番張上菜紙一計,原來佢地會round-up。total應是$189.2,會收$190咯o羅....。好彩有coupon平番。

食過一門一次, 笑笑無數次(最近冇食,因為質素差左),原來呢間響黃金上面最好wo牛肉手打udon好正~udon就冇咁好食,冷面好過癮~好有口感~串燒都幾好~sushi星期日-四9點後~半價~不過d sushi飯唔夠凍同埋有個waitress太take care我地~攪到有少少煩............

我去過三次, 總括來講,我覺得都ok呀;如果正價的價錢可比和民貴了少少,但我覺得食物質素一定好過和民好多。如果在9:00後去,壽司做特價仲抵,如果淨食壽司仲抵過元綠。我最終意燒雞翼和牛舌,和龍蝦sushmi, 超級好味。可以值得一試。

服務ok. 地方ok. 但食物就唔ok. 成個menu都無特色. 叫了一口黑豚肉= 普通炸豬扒, 炸魚豆腐同前芝士魚波都係行貨. 軟殼蟹是淋的. 沙津都係好普通.. 下面一門和笑笑都食過. 千秋樂係最差, 無謂去啦, 去一門食蛋厚燒同凍番茄好過

好野~~第一次出job，上司請食飯，萬歲!!貪心的我要了個定食：冷烏冬+燒雞翼+6件壽司+麵豉湯烏冬：一般，唔知係咪叫彈牙，但我係覺得有d “un”燒雞翼：煎的，ok6件壽司：有三文魚、蟹柳，蟹子等6款，幾好食，係d飯有d鬆(不過我喜歡)麵豉湯：咸了一點坐位較窄，服務算是不錯，經常潻茶，唯枱面有水漬

新開張期間, 我在樓下接到宣樓單張, 試過上去探路, 因差不多到男朋友生日, 正找地方慶祝, 一出life門見個待應望一望我就算, 全無打算招呼, 起初我仲以為未開張添, 後尾行入小小望望環境, 見有獨立個室, 諗住可以有個私人空間, 想找侍應查詢, 點知方原百里都無人, 後尾見到個好似經理既人, 於是問佢閑日可唔可以訂個室, 點知佢話就算訂左都要等到時安排, 又話要最低消費數百元, 又要限時交檯, 於是無再考慮, 直至現在亦沒打算再去試試。

八點幾做完野放工遇上訊號故障, 九時多才到銅鑼灣.幾乎買唔到urgent野幸好也急急的買下了.十時有多都唔想再行得老遠, 本來諗住去笑笑, 點知上錯左黎返炒.和友人快速看過餐牌, 點了天婦羅蕎麥麵, 蟹籽沙律和照燒雞扒拉麵.入到去還有數檯客, 仲以為水準keep 得返.食物不消一會也到, 先來蟹籽沙律, 賣相ok, 吃一啖還可以.天婦羅蕎麥麵之後也來到, 噫? 點解係熱的仲要係放湯?蕎麥麵放湯不會好食得去邊, 仲要天婦羅冇醬油點. 有冇搞錯?我個照燒雞扒拉麵雞扒還可以, 皮脆脆地, 也腍身.拉麵就一定不是日式拉麵, 不夠爽不夠彈, 配料也少, 求其幾粒蔥花粟米, 筍都冇, 唔掂.連拉麵的兩件壽司飯比西式壽司更散, wasabi也不見"攻鼻".友人失望, 不過好彩是趕時間三扒兩潑吃下, 否則真係慘.仲要舖頭趕住收工埋單, tips都有俾但都冇再反轉頭既機會.

因為板前實在太多人所以就試吓這間...首先SVC~好差,D野食完又唔執,有新食物到,見到唔夠位就只會收夠位放新食物,再有其他吉楪都唔會理.隔離枱重慘!明明個SET BOX未食完就想成個收起,最後要客人叫住~留返舊魚,先留意到..唉!!食物的味道不好,簡單的蟹籽沙律重差過自己做.炸軟殼蟹-D粉似乎多過蟹...兩個人食咗二百多元,雖然唔係好貴,但咁難食,覺得真係好唔底.

尋日同同事去呢間餐廳食lunch,今次亦唔係第一次去，但著住黑衫個侍應同收銀個女人的態度真係一次比一次差，個女人問親佢野都唔會答，仲以為佢... 而呢間餐廳有個特色就係每日lunch time 都會派人去街度派傳單，上幾次我地一行四人以上，只要令住一張傳單，都可以得到每set減$5的優惠，之前每一次去，D侍應都話只要令住一張就可以，咁我地諗住既然係咁就無謂令咁多張啦。但係尋日再光顧既時候，黑衫個侍應又話唔可以喎，仲一支箭咁走左去找錢，完全唔理我地仍然問緊佢問題，完全唔理我地滿腦既問號，我地問佢點解每次既標準都唔同，佢就只係呼顯我地話唔係唔係，公司會睇coupon架，已經入左電腦啦，無得改啦，但其實佢只係用鉛子筆係張單度改，咁既態度同服務實在差到嘔，我會叫所有同事都唔好去，無謂食完都一肚氣!!!