千之味刺身壽司專門店 (雅都花園)

营业中

休息中

原來千之味 開到嚟屯門gogo mall😝😝真係後知後覺 二話不說 今晚 外賣就食你啦地方好大 廚房一目瞭然，超乾淨 五六位師傅不停做 ！全部即叫即做保持新鮮 滿300蚊仲好多地方都可以送貨添😎😎人氣壽司盛盒 14件 ＄108感覺好抵食 炸蝦卷、腐皮壽司、玉子 蟹柳 四件鰻魚🤩鰻魚好鲜肉質淋 汁調配得也相當不錯玉子、蟹柳大大件 要分兩啖先食得曬炸蝦卷最愛 😍😍所以額外再叫多一set八件 炸蝦脆卜卜熱辣辣 蟹籽沙律醬 好滿足呀🥳🥳芥末八爪魚每次食壽司都要點 好豐富 八爪魚好多 赤貝同樣超大件 切花，好有heart 火炙左口魚邊 火炙好香魚油溶曬落啲飯度 好鬼正😋😋芝麻雞翼外脆內嫩 夠曬入味熱辣辣每人百五蚊左右非常夠飽 😛😛食物質素好新鮮全部即叫即做 下次再試下其他先😝

作為常客既我，千之味回頭率十分高。佢既原因有各款嘅壽司刺身及足料套餐外，價錢又冇咩加過價。食左咁耐份量都系咁多。難怪深受街坊幫襯。店員好細心，將熟食同刺身分開兩袋裝。以免冷熱互傳，影響食物質素。吉烈炸蝦卷(4件)-$50細細件好足料，蟹子鋪滿飯團，食到索索性。炸蝦食落香口。三文魚忌廉芝士卷(4件)-$50成件放落口，忌廉同芝士唧曬出黎，口感滿溢。火炙壽司冷麵餐-$85壽司燒得好好食，加埋麻醬既冷麵，呢個配搭釨夾。照燒雞扒定食-$73飯底厚，雞扒肉質豐厚，多汁。好味道!七味雞翼(4隻)-$48味道：4/5CP值：4.5/5

發覺平日午餐或晚餐都會選擇屯門新墟的餐廳，今次在紅橋那邊食晚餐後，決定到屯門凱都戲院後面的御品千之味買些小食回家看劇集！ 這些小食用來佐酒都唔錯，食物品質還比超市買的還高級！今次選擇三文魚腩刺身、墨魚刺身、辣味螺肉、芝麻八爪魚、吉列炸蠔、軟殼蟹天婦羅。另外，我看到部份丼飯及冷麵自取價錢頗合理，假日再去試試！三文魚腩刺身 HKD 75＠5件每件色澤亮麗、厚切飽滿；脂肪比例較高，所以肉質更加軟滑、細嫩；味道濃郁、魚油豐富，回味無窮。墨魚刺身 HKD 48＠5件墨魚片刺身雖然薄身，但是肉質有嚼勁、十分彈牙，新鮮得輕易咬開；口感嫩中帶脆，鮮味十足。辣味螺肉 HKD 28每粒都是頗大粒，嚼勁一流，邊飲酒邊吃螺肉，十分寫意；而且醬汁濃稠度剛好，沒有出現一塊塊啫喱。芝麻八爪魚 HKD 32這麼多大隻的八爪魚真是值回票價，超市買的都是一兩隻較大而已；醬汁夠冰凍，而且味道很配合爽口彈牙八爪魚！吉列炸蠔 HKD 58＠4件20分鐘車程也沒有影響炸蠔的熱度，回家打開吃用仍是熱騰騰的；炸得鬆脆、香口，炸蠔亦很大隻、鮮味十足，必食！軟殼蟹天婦羅 HKD 68＠4件軟殼蟹同樣炸得出色，沒有多餘油份；炸得鬆脆、香口

今日上個朋友屋企玩貓貓，為咗爭取時間，決定買外賣，就食千之味啦，好耐冇食啦！好，睇下有咩好食先。壽司冷麵餐，天氣熱辣辣，食冷麵超開胃，上面舖滿蟹籽，又爽又涼快。燒鯖魚定食，鯖魚燒得唔錯，魚肉唔會dry，飯量都好足，抵食。日式豬軟骨定食，豬軟骨好腍好juicy，軟骨位爽脆，配菜仲有沙律菜同辣味螺肉。壽司粒粒都好飽滿，色澤光鮮，食落新鮮清甜。厚燒玉子，真係好厚，有好多層，食落有蛋味又有層次感。七味雞翼，雞翼夠入味，炸得好脆，加埋七味粉，好香！

最近真係食得太多好嘢唔經唔覺都肥咗好多開始實行我嘅減肥大計但減肥其實都一樣可以食好嘢就係食壽司！位於屯門嘅千之味相信屯門人都應該認識雖然係小店 但亦都好多街坊會幫襯餐牌想要嘅應有盡有特別要讚嘅地方係有得上網落單非常方便話明要減肥梗係要食健康嘢啦今次就叫咗特大三文魚蟹子沙律 $108要讚一讚餐廳外賣係會自動分醬所以可以就返自己嘅份量落沙律醬大大碟有青瓜蟹柳蟹子三文魚健康得來又飽肚非常滿足雖然話減肥但其實都一樣可以食壽司最緊要揀得岩 同埋唔好過量今次就揀咗比較健康嘅帶子 甜蝦 同海膽淡淡的鮮味放入口真係好滿足雖然真係好想食三文魚腩 但都係忍一忍口叫三文魚同樣都係好味同新鮮仲有唔少得鰻魚鮮甜好味咁多嘢加埋大約都只需要$300絕對係性價比高屯門人嘅小店值得多多去幫襯

原來嚟到大西北，屯門，都有千之味，係附近又突然想食刺身壽司，之前食開其他分店千之味都覺好正，就試下屯門既千之味啦!御品壽司拼盤(共15件) $258 ☆☆☆☆(三文魚、油甘魚、劍魚腩、甜蝦、赤蝦、吞拿魚、墨魚、左口魚、吞拿魚蓉、三文魚子、龍蝦沙律、辣味三文魚、海膽)即叫即製，材料新鮮，飯又香甜軟綿。正!!藍鯨吞拿魚赤身壽司(2件) $40☆☆☆☆其實上面個壽司餐都好夠飽，眼闊肚窄嗌多左呢個，不過都無揀錯，好鮮味，好好食呀！

御品壽司拼盤(15件) 最吸睛嘅海膽、帶子、赤蝦、三文魚子都係水準之作，睇賣相都知正，食落仲正，滿口鮮甜🤤一定要試帶子同海膽😙 比較特別想推介 辣味三文魚 ，輕輕火炙過嘅外皮令肉質軟化，抹上適量辣椒醬，香口又無蓋過鮮味，仲帶一點味蕾衝擊👌欣賞佢嘅 三文魚海膽卷 ，塊海膽求其得黎又幾好食。入口即溶嘅海膽突顯壽司飯煮得軟硬適中，配搭三文魚喺中間，成件事係perfect咖！蟹柳玉子燒 用「澎湃」黎形容一啲都唔誇張加洲卷本身唔錯，可惜太多沙律醬。都係比較推介生野，會再幫襯海膽同帶子🥢

下雨的晚餐由外賣解決這家外賣店有丼飯壽司刺身定食等五色丼由五款時令刺身組成牡丹蝦巨大鮮甜肉爽吞拿魚三文魚都十分新鮮三文魚籽有鹹香卜卜脆最容易被忽略的壽司飯亦出色酸度平和軟硬適中入口和順以一百元以下的定價實是超值另外點了十件的壽司套餐有大路的三文油甘玉子鰻魚等最緊要是食材新鮮和優質質素可以嫓美連鎖壽司店熟食方面點了日式豬軟骨定食豬軟骨份量頗多並配有前菜沙律肉質炆得軟嫩質素非常好每份晚餐配上罐裝飲品食厭了雙餸飯不如來吃日本料理

唔想母親節正日同人迫，再加上限聚令同唔想煮，所以今年都係提早係屋企慶祝算。之前試過千之味既外賣壽司，落單之後即叫即整，仲可以whatsapp預先落單，而且食物一路都保持到水準，所以今次再翻啅～千之人氣刺身盛合A ($198)有4件三文魚、4件油甘魚同4件吞拿魚 ，全部都厚切同大大件，而且仲好鮮甜千之人氣刺身盛合B($188)有甜蝦、赤蝦、三文魚、魷魚同帆立貝，都係好新鮮～蟹子沙律（$88）大大盒，好多蟹子同蟹柳，用黎扮健康岩哂～另外仲揀左幾款唔同既壽司充撐下場面

【Background】千之味刺身壽司專門店自2013至今，9年嘅漫長時間中，發展成8間分店！分別有堂食店同外賣店，分佈在深水埗，觀塘，大埔，大圍，荔枝角，元朗，長沙灣同屯門。滿足不同香港人嘅需要。特別係Covid呢段敏感時期，外賣店真係幫輕左好多想食壽司同時又要注意衛生嘅需要。────────────────【三文魚刺身 5件 $58】三文魚刺身紅白交替紋路清晰好吸引，色澤鮮美飽滿，口感軟綿清甜， 每啖都食到濃濃的魚油香【蟹柳壽司 $15。蟹籽軍艦 $16】蟹柳壽司：蟹柳好厚身，口感飽滿蟹籽軍艦：Q彈蟹籽配合香甜米飯，咬落去嘅瞬間，一粒粒蟹籽喺口中爆開【熟蝦壽司 $18。青瓜小卷 $20】熟蝦壽司：熟蝦係選用厚身嗰種嘅白蝦，味道鮮甜青瓜小卷：小小一卷，清清脆脆【火炙芝士三文魚壽司 $25。火炙芝士熟蝦壽司 $22】一向超愛火炙系列，無論邊一款都一樣好高質👍三文魚或熟蝦鋪咗一層芝士同沙律醬，再用火槍燒一陣，半溶嘅口感，濃密嘅沙律同芝士香融和再一齊，堅係超正！【芝士炸蝦卷 $48】呢款都係必食之一😎壽司飯卷住炸蝦，青瓜絲蘿蔔絲等，表面再鋪咗一層芝士再燒至半溶，濃密香脆集於一身，又有青瓜絲

最近行開屋企附近的雅都商場外圍嘅醫療用品店幫母親大人購買老人用的拐杖時先俾我發現開咗呢間刺身壽司專門店，今晚嘅晚餐就有着落啦受疫情困擾咁耐，莫講話自己煮到厭，就連食外賣都食到怕，今日好想食得清淡啲但又想食好啲一於買刺身返屋企再自己整返煲壽司飯，實行自製刺身丼買咗三款刺身，包括油甘魚刺身(5片/$88)、劍魚腩刺身(5片/$78)、三文魚腩刺身(10片/$118)油甘魚刺身肉厚肥嫩，魚肉細緻甘甜劍魚腩刺身肉色白裡透着淡粉紅色，肉質柔軟脂肪豐腴，鮮甜而不膩三文魚腩刺身肉色橙紅，肉質細嫩，油脂豐腴，入口鮮甜魚味濃郁另外再叫多兩件左右魚壽司，因為囡囡鍾意食，所以特登買俾佢，左口魚肥美爽口，魚油芳香，而壽司飯都做得唔錯，飯粒飽滿軟糯，口感Q彈有勁

呢間壽司店好似全港18區都開咗好多分店，今次一於就試下佢咩料先。🔻三文魚 ($18/2件) & 三文魚腩 ($20/2件) 好好食，我本身都好鍾意食三文魚，唔係好薄個種，係有少少咬口同厚度嘅三文魚，食落都好新鮮。所以就算定價貴過一般大型連鎖店，都係有原因，因為三文魚真係唔錯。無論紋理、色澤、油脂分佈都好清晰，一望就知道質素唔錯。🔻鰻魚 ($18/2件)肉質厚實，有鰻魚香，都幾抵食。🔻芥辣八爪魚 ($22/2件)唔知係咪啲八爪魚切得太散，口感好似無想像中好，但味道正常。🔻中華沙律 ($15/2件) 好足料，啲中華沙律多到差唔多瀉出嚟，好新鮮，完全唔腥。食中華沙律最驚就係腥。🔻吞拿魚蓉 ($30/2件)口感好滑，份量飽滿，食落有吞拿魚油香，很滿意。🔻特大赤蝦 ($32/2件) 真係要讚，蝦肉唔唔係散開、霉，係食得出新鮮嘅。即刻尺寸到舊大，食落好滿足。🔻蟹子 ($16/2件)正常味道。🔻火炙左口魚邊 ($28/2件)我都好鐘意食左口魚，而且唔係間間壽司舖都有。經火炙之後，魚肉一咬就散，入口即溶，魚香滿溢。🔻小食 - 玉子燒 ($30/4件)凍食， 味道唔錯，唔係好甜。不過其實我更加鍾意

疫情放緩，去朋友屋企相聚一番，但唔想系人地屋企煮，搞到污煙漳氣，最好就係叫外賣！喺OP入面碌碌下見到千之味壽司店，食物款式多之餘，滿3百仲有外送服務。壽司餐$103(仲有汽水送)味道：7/10 性價比：8/10胡麻和風冷麵爆醬，胡麻味濃，個底夠厚好滿意！味道：9/10 性價比：8/10七味雞翼好好味又入味味道：7/10 性價比：7/10軟殼蟹反卷，芝士炸蝦卷味道：8/10 性價比：8/10千之味 係一間超CP值高嘅壽司店，佢既網頁容易操作，睇哂所有食物，價錢方便一班人開party嗌嚟食又得  值得推薦呀 !

新年梗係要團拜啦 大家都係手足就揀咗呢間御品千之味日式料理叫個外賣啦 餐廳位於屯門嘅雅都花園 西鐵站行過去都好近 只係做外賣 食過其他分店都非常新鮮 我哋好鍾意食刺身叫咗三款唔同嘅刺身 赤蝦刺身 有五隻大大隻嘅新鮮赤蝦 肉質鮮甜非常彈牙 而且蝦頭嘅膏亦好鮮甜 帶子刺身 粒粒都夾幾厚肉 鮮甜到十足 一啲都唔會輸俾赤蝦刺身 而且卡路里極低啱曬怕肥嘅姊妹啦最愛嘅三文魚刺身呀 叫咗勁大盤嘅50片三文魚刺身 片片都好厚切而且肥美度同新鮮度都極高 魚油味香濃 點埋特色刺身甜豉油 非常絕配

上次食過之後返尋味，今次經過又買多次！今次嚟到屯門店，鋪面大個元朗，仲好有特色，仲有乾貨同埋濕貨買，最緊要係見到我嘅Anson Lo bb代言嘅OOHA宣傳，仲有好多櫻花嘅擺設，成個感覺都好舒服😌今次叫咗御品壽司拼盤，一共有15件，入面除咗三文魚有兩件，仲有油甘魚，劍魚腩，帶子，墨魚，甜蝦，赤蝦，吞拿魚，左口魚，海膽，三文魚子，吞拿魚茸，龍蝦沙律，辣味三文魚🍣而我最鍾意食當然係左口魚，然後竟然係墨魚，超爽口💓每一款我都好鍾意食，呢個組合竟然合我意。其他壽司都係好好食，我仲另外再嗌多兩件藍鯨吞拿魚去滿足自己嘅慾望，每次獎勵自己都要食呢間壽司，我相信不久我會再食。