千之味刺身壽司專門店 (雅都花園)

营业中

休息中

第一次幫襯，叫咗丼飯同便當套餐，估唔到咁大份！呢個鰻魚飯只係「迷你」，再加埋5件壽司、5片刺身、沙律、螺肉、汽水，堅飽！呢個5色丼飯，好新鮮，大大片刺身，飯都多！呢個炙燒丼飯，左口魚真係冇得輸，正！

打算同屋企人團年飯加餸，今日試試這間新開不久的外賣壽司店，試過好味，才在團年飯當日再買，試完真的不錯。舖位頗大的，立食空間很寬敞，環境佈置得有日式餐廳氣氛，晚上很多人等外賣呢！餐牌的分類清晰， 壽司、刺身、手捲、小食、沙律、冷麵都有。先選擇食物，填好餐單在收銀處付款取號，等叫號取外賣。滿$300以上可以外送到家，服務不錯。壽司拼盤十件$118, 有三文魚2件、油甘魚、白身魚、吞拿魚、鰻魚、玉子、熟蝦、赤蝦、蟹子壽司。特別提幾款最喜歡的壽司。赤蝦壽司，大隻厚肉，咬下爽口而且香甜，質素很高；三文魚壽司較多人都喜歡，有兩件在拼盤裏，三文魚油脂分佈均勻，吃著很有油香；蟹子壽司，蟹子多得幾乎滿瀉，咬下脆卜卜，雖然不是特別款式，但新鮮就是好吃。甜蝦刺身五件$58, 是我最喜歡吃的刺身，甜蝦新鮮，肉質滑又有香甜味。軟殼蟹反捲四件$48, 外面灑滿蟹子，裏面 有青瓜和軟殼蟹。軟殼蟹很香口，有青瓜增加爽口感覺，而且壽司飯煙韌，酸度適中，很不錯。炸餃子四件38, 餃子皮炸得脆卜卜，外賣回家時間大概20分鐘，仍然有香脆口感；裏面豬肉餡香甜新鮮，味道不錯！除了吃壽司，我們也喜歡香口小食呢！芝麻雞翼兩隻$38,

晚市沒有堂食，外賣回家吃成了理所當然，今晚想吃壽司，選了這間外賣店，在雅都花園向內街，也容易找到。order了之後十分鐘內拎到，適合分秒必爭的香港人。火炙壽司拼盤$118有火灸黑椒三文魚、火炙三文魚腩、火炙芝士帶子、火炙左口魚、火炙芝士鰻魚、火炙芝士熟蝦，火炙芝士三文魚、火炙三文魚，差不多一次試所有火炙壽司，一向都愛火炙，炙過後半溶的芝士，加上沙律和迫出的魚油香味，有入口即溶和感動的滋味。特大赤蝦壽司$35推介的特大赤蝦，透光帶有光澤，口感帶爽，味道新鮮，大大隻夠滿足。帶子壽司$35 質素同樣非常高，不會有雪味，夠厚身，口感一流，很鮮甜。中華沙律$25最近愛上中華沙律，海藻類夠健康，可補充纖維，爽口帶酸味很開胃。汁燒牛肉飯定食$78這定食的份量震撼了我，超多的牛肉和飯，牛肉甜中帶鹹，洋蔥加添層次，還有兩個小吃，送飲品，女生細食的話夠食兩餐，好抵呢！

千之味終於開到黎屯門，當然要多多支持，舖位係新墟雅都，係後面街近街市果邊。舖頭好闊落，又光鮮明亮。好，睇吓有咩好食先。外賣自取套餐好抵食，仲跟一包嘢飲，叫咗五色丼，赤蝦大隻肥美，魚生大大塊厚切，塞爆個飯碗，赤身顏色夠紅潤，非常新鮮，食落有魚味，三文魚同油甘魚，就好油潤。壽司餐，有十件壽司，每一粒都係比魚生完美地遮蓋舊飯，脹卜卜。劍魚腩壽司個魚油脂感好重，火炙黑椒三文魚壽司，好香黑椒味道，燒過嘅三文魚食落冇咁漏。七味雞翼，炸到金黃色香脆嘅雞翼，上面係惹味七味粉，外脆內嫩，啱啱好，雞翼有油唔會乾。

千之味，優質日本食品店，主打刺身同各類型壽司，見到落單後佢哋係即叫即整，壽司飯醋味啱啱好，略帶酸甜，而且大細適中，正常男人可以一啖食曬入口，壽司飯唔會握得過實，飯粒尚算粒粒分明，食落口感唔錯。壽司2件 $12-$40整體嚟講壽司上面嘅配料都夠大，完全覆蓋成嚿飯，一啲都唔寒酸。魚生新鮮有光澤，三文魚略帶粉紅，顏色好靚，厚度適中，唔會話太薄身，入口會食到鮮甜味。我仲嗌咗左口魚、油甘魚同鰻魚，全部都好好食，鰻魚汁夠濃，同啲壽司飯真係好夾。吉列炸蝦大大條，炸得夠香脆，表面唔會太厚粉，炸配埋蛋黃醬，真係好食到停唔到口。蟹子軍艦2件 $16軍艦大細適中，蟹子分量多到瀉，顏色夠紅夠亮麗通透，賣相吸引，一啖放落口 滿嘴蟹子，好味過癮。花之卷3件 $48高質三文魚配上滿到瀉嘅蟹子，想同時享受兩種滿足嘅話一定要試呢個，當然你想嘅話可以分開食三文魚壽司同埋蟹子軍艦，其實都差唔多。軟殼蟹反捲4件 $48軟殼蟹炸得香酥宜咬，炸物配蛋黃醬根本就係王道，味道十分之好，隔離仲會附送一啲青瓜絲畀我哋解下膩，好貼心。

係屋企叫咩外賣好？茶記食到厭 試下屯門新開御品-千之味仲要滿$300就送貨🚙阿爸阿媽都滿意😆🍣藍鰭吞拿魚赤身壽司（2件）$40魚背位稱為赤身 油脂分布平均 入口即化 好新鮮火灸壽司餐$105(10件）三文魚 |吞拿魚 |玉子 |北寄貝 |鰻魚 經火炙灼後 芝士的焦香更加濃郁三文魚大塊到可包住飯團不想食生刺身 生冷野的好選擇👍🏻蟹柳玉子燒（4件）$38即叫即整 仲有好多蟹籽蟹柳Tin 玉子燒好厚身 充滿蛋香炸物：吉烈炸蠔 （4件）$58細細件 好惹味 拎到返屋企仲係熱幫爸爸叫👨🏻🐂燒汁牛肉定食 有沙律同 螺肉小食$78肥牛份量驚人 同飯既份量差唔多飲底有濃郁牛肉汁 加上冷盤 好豐富係同朋友聚會既好選擇😆📌千之味刺身壽司專門店 屯門雅都花園4號鋪

千之味係屯門開左分店🥳🥳呢間Cp 值極高的外賣壽司店🍣之前已經係其他分店試過，價錢平質素好👍🏻👍🏻疫情關係停咗堂食，俾個機會我試下屯門分店外賣🥡，即點即整，非常新鮮🤗特別推介佢既火炙左口魚壽司🍣左口魚燒左之後，油脂分布平均，入口即溶，好好食😋講緊都係$28海膽壽司$48🍣好厚好足料，鮮甜好味😋完全無腥味玉子壽司$15是自家制，甜甜地好鬆軟，好有驚喜🤩三文魚刺身，片片都好厚身，新鮮好味，$98呢個價錢cp值極高👍🏻

上次11月在荔枝角買了一次，想不到那麼快就在屯門開一間分店，能夠在疫情下逆市開分店，真是很厲害。而在政府禁晚市堂食後，第一餐就外賣壽司了。位置：在屯門新墟的雅都商場外圍，門口對面是新青街，是頗偏僻的。環境：灰色招牌配玻璃門，貼上了餐牌。室內空間挺大，有兩張圓桌，提供堂食服務，不過是站立吃。另一旁擺置了三個雪櫃，用來裝存貨。服務：只是等了七八分鐘就可以外賣自取了。晚市：火炙壽司拼盤 $118上次吃過一次，覺得好棒，所以再吃多一次，所有火炙系列都在此拼盤，除海膽外，一盒就可以試差不多所有口味，而且每件刺身都大過飯團，又有芝士帶來的甜香和火炙的焦香，價錢又不貴，值得推薦。厚燒玉子 $30身為玉子的愛好者，幾乎每次吃壽司都必點，連媽媽都覺得這款好吃，嫌份量太少了。三文魚刺身(10件) $98上次路途較遠，不敢買刺身，怕變壞。今次終於可以一試了，本來想吃三文魚腩，怎知賣完了，唯有吃三文魚。每塊三文魚厚度跟日式放題差不多，味道鮮甜，但魚味淡，質感亦滑溜軟身，媲美放題質素。吉烈炸蝦三件 $38經上網一查，原來炸物都有吉烈、天婦羅和唐揚三種，每一種的做法都不一樣。而吉烈出來的顏色較金黃深色，把食材蘸麵

屯門新開壽司外賣專門店，疫情下禁堂食，但外賣都可以食得開心豪氣！✨ 雙色三文魚丼有三件厚身刺身三文魚壽司及三件厚身火炙三文魚，加上滿滿的蟹籽。✨ 壽司餐（10件）包括三文魚2件、油甘魚、白身魚、赤蝦、吞拿魚、蟹籽、熟蝦、玉子及鰻魚特別想讚下赤蝦，好新鮮，肉質厚身，之前食過某連鎖外賣壽司的出品有點怪味，但呢間赤蝦好感度💯✨三文魚海膽卷（4件）反卷包住三文魚，上面放上一舊海膽，亦好新鮮一點臭味都沒有😋✨三文魚忌廉芝士卷（8件）反卷反住芝士和青瓜，上面佈有三文魚和好多蟹籽😚

餐牌上有單點或套餐，這次我主要選擇套餐，分別是火灸丼、壽司餐、火灸壽司餐，再點一份小食（吉列炸蠔）。火灸丼（火灸三文魚、火灸左口、赤蝦2件、玉子2件) HKD 85這個份量很足夠，每口飯再配以上刺身，味道很夾。玉子很香，蛋味十足；最愛就是赤蝦，大隻、新鮮、沒有怪味，而且彈牙爽口；火灸左口和三文魚，口感十足，左口亦沒有怪味或腥味，魚香十足。而且三文魚經火灸後，有些魚脂滲出，很香！壽司餐（三文魚2件、油甘魚、自身魚、赤蝦、吞拿魚、熟蝦、玉子、鰻魚）HKD 103這個份量同樣很足夠，吃後都非常飽！壽司餐有些刺身，同時也有熟的，壽司很完整，不會跟刺身或食材分離。熟蝦、玉子、鰻魚，味道很香，特別欣賞鰻魚，擁有魚香、口感細嫩，鰻魚汁很開胃。赤蝦彈牙爽口，三文魚、油甘魚、自身魚入口即融，解凍很好，而且味道新鮮。火灸壽司餐（北寄貝、八爪魚、龍蝦沙律、玉子、吞拿魚沙律、火灸三文魚、火灸三文魚魚腩、火灸左口、火灸鰻魚、火灸熟蝦）HKD 105北寄貝、八爪魚，口感鮮嫩，一咬就咬開了，而且味道夠鮮；火灸三文魚、火灸三文魚魚腩、火灸左口，經火灸後引出魚脂，令壽司更加香，更令胃口大開；當中最欣賞是龍蝦沙律同吞拿魚

屯門區食魚生壽司又多一新選擇喇，位於雅都商場後側，早幾日行過錦岩又想試新嘢，咪即刻入去買外賣反屋企食囉。入到去覺得店舖都幾大，有廚房工場又另設立食區，食品款式繁多，全部都係即叫即做架。。(平日下午五點前買，價格更便宜）不過最有興趣都是學生優惠餐，因為小朋友鐘意食壽司今日試左蟹籽沙律，帶子壽司，劍魚腩壽司，吞拿魚蓉壽司，油甘魚腩壽司，芥辣八爪魚壽司，海膽壽司，三文魚籽壽司，軟殼蟹反卷。用料上乘，勁新鮮，海膽超鮮甜，外賣反屋企都唔會腥同唔好食！勁推薦

今日同朋友仔兩個人慶祝生日，以前我都有食過千之味其他分店。。因為朋友仔住屯門。而且太鐘意食壽司嘅我哋上網搵到屯門有分店，於是黎左呢間分店買。。入到去見到鋪頭非常乾淨，設有立食嘅枱。原來仲可以有外送服務架👍🏼下次一大班人慶祝可以叫多啲，唔使自己拎啦😆今次試左佢個千之味壽司盛盒H($288)，滿滿嘅三文魚。。好正呀，勁新鮮，可以一次過食到唔同口味嘅三文魚，花之戀上上面啲蟹籽多到呢😍😍睇見都留哂口水。。三文魚腩肥美，火炙三文魚都好好味，燒一燒啲魚油出哂黎，入口就溶喇。。😋😋然後仲叫左火龍卷($78)有8件。。我自己好鐘意食炸蝦卷，加埋紫菜碎同超多蟹籽實在係好滿足仲有特大赤蝦刺身($88)一份有5件。真係又大隻，又甜。。一啲都唔腥最後試埋自家製玉子壽司($15/2件)，睇吓個蛋整得幾靚！我鐘意食自家製，唔似包裝個啲甜到漏又無蛋味，呢個好有蛋香👍🏼👍🏼豉油芥辣必定有嘅，但比埋豉油碟真係好貼心！總結，今日同朋友仔食得好開心🥳下次再有多啲朋友一齊慶祝生日，可以試吓訂佢個壽司蛋糕😎😍一定好過引！

星期日到表妹家探訪，發現附近商場開左間外賣壽司店，🍣千之味，門面乾淨衛生，價錢唔貴，仲有汽水送，一上到去就可以開餐啦～留意到原來屯門新店，已經係千之味開既第8店，長沙灣，荔枝角，深水埗等都有分店，難怪店內既壽司，望落都吸引又肥美。餐牌內有刺身，壽司，丼飯,，軍艦，小食，沙律，拼盤等應有盡有。點餐後等幾分鐘就出餐，超快手買夠$300 ，仲有免費送餐添，包裝內有乾冰, 保溫袋, 返到屋企都仲好新鮮。 🔻火炙壽司拼盤(8件) 🔻壽司餐 (10件)🔻三文魚腩壽司(2件)🔻墨魚壽司 (2件)🔻鰻魚壽司 (2件)🔻劍魚腩壽司(2件)點左甘多野食，都係$317 抵食夾大件，買得多都唔會心痛，賣相同味道，都好唔錯呀！！小妹最中意火炙壽司, 妹惹味, 入口即溶, 壽司飯握得夠實，好足料。尤其三文魚腩壽司厚切又新鮮, 飽滿油脂多，款款壽司都鮮甜好味，一定有下次。🎈千之味刺身壽司專門店 屯門屯門鄉事會路112-140號雅都花園商場地下G4號舖🌛月光太太

兩個人興致勃勃想食Sushi，屋企附近有間新開既壽司店，我地去外賣自取，我地啞左千之味壽司盛盒B，有25件，有三文魚，有甜蝦，有三文魚籽等等，我地仲加左芝士帶子。味道：可以媲美係日本地道食到既滋味，吾洗去日本都可以食到果種味道，好多都食完仲想繼續試，未夠喉，大部份都超越一般的味道。環境：舖面好乾淨，環境衛生，店員打理得好好。服務：店員好有禮貌，好有耐性，等候時間亦不長，外賣包裝亦好用心，還附有冰包保溫，拎返到去食都吾怕，值得點讚。今次試左一間超有水準的壽司！

屯門新開咗間千之味分店，今晚一於試下，價錢又唔貴，$10 ~$20就有2件，質素唔錯， 壽司幾新鮮，即叫即整，等10分鐘左右就有得拎。腐皮壽司 $12熟蝦壽司 $18鰻魚壽司 $18蟹子壽司 $16三文魚籽壽司 $48芥辣八爪魚壽司 $22火炙左口魚邊 $28吉列炸蝦卷 $38最鍾意係火炙左口魚，入口即溶，食完成個口腔充滿左口魚既油脂。估唔到個吉列炸蝦卷拎到返屋企仲脆脆地，好好味。 三文魚子大大粒，好新鮮。 腐皮壽司係我既必叫之選。粟米蟹子沙律$42蟹子沙律好足料，好多蟹子， 新鮮卜卜脆。 青瓜絲好爽脆，如果再多啲粟米就仲正。七味雞翼 (4件)$48雞翼唔算好大隻，但加左七味粉，有少少辣，好惹味，唔錯嘅小食。