千両 (已結業)

之前吃過吉光師傅 親手煮的蛋捲已經很喜歡，　知道有他的私房菜不可不試。據我所知吉光師傅 一星期有２天放假，所以食之前記住訂位，ＭＥＮＵ　應是每天不同的，會視乎當日新鮮的食材。 而私房菜就只有在此店。 ＭＥＮＵ　分為前菜，　主葉：魚生，燒物, 蒸物，　壽司，天婦羅，　湯及甜品。其實對於我來說份量真的太多了，　最後的湯及甜品基本上我是吃不下的。食物不逐樣講，　因為全部無投訴。食材生鮮，份量多，　價錢同食材，我覺得抵食。至於我食咗ＭＵＧ　就睇相。　當中蛋卷，　江戶壽司吉光師傅 會親自在你面前烹調，　氣氛感覺很好。更是因為吉光師傅 的熱誠，　連食客也十分感動，會更認真品嘗食物。題外話：最後吉光師傅 會同你合照，然後即刻ＰＲＩＮＴ　番俾你留念，仲有吉光師傅 的祝福及簽名。　因為upload相片有限，其餘的可到我的ＢＬＯＧ　看http://gelan-wander.blogspot.com/2009_08_01_archive.html

好耐無去過千両, 之前去的都係IFC間分店, 今次黎到尖沙咀呢間, 入到去打開個menu, 發現多咗款式, 仲可以見到即製燒玉子!我同個朋友叫咗火灸三文魚腩 同 鰻魚壽司 都好肥美!牛油果芝士鰻魚卷, 配搭唔錯, 芝士味濃. 蒸翡翠螺, 未試過, 新鮮美味!日本蒸蛋, 朋友話好味, 見到D料大十足.特大帶子壽司, 好鮮好味!蟹膏甜蝦軍艦, 蟹味濃, 蓋過甜蝦的味道.

今晚又同墨丸米搵嘢食, 途經這家餐廳唔駛排隊, 所以入去試試我們點了:三文魚壽司, 魚新鮮, 飯團唔會一夾就散日本帶子壽司, 帶子厚肉又鮮味炸蝦壽司, 好脆, 蝦夠大隻炸軟殼蟹手卷, 軟殼蟹加上牛油果和菜無咁熱氣, 唔錯唔錯厚燒甜蛋及日式燉蛋, 蛋滑, 好味

今日出左尖沙咀，順路去左千兩 - 高級版元氣，格司好靚，餐牌好靚，地方好大wasabi係粒粒狀據聞係即磨的，即係非牙膏版本同元氣一樣，綠茶粉沖出黎的茶好味道！我去元氣都係鍾意佢d綠茶多d4點幾去到食野，全店無人，可以獨店間餐廳！聽說夜晚會有吞拿魚刺身表演，當然無等到表演啦店員好好服務，個格局比較高級食物方面比元氣好一些，但我又覺得唔係十分值得成日去2個人食左幾碟野食，$317.9，每人$159

又係即興俾人叫左出去食日本野, 見落左幾日雨, 都係時候出去搵下野食, 同埋未試過... 最後仲要有人請, 真係開心啦!!值得一提, 真係要試下個甜品, 食到最後已經好飽, 食緊個甜品時竟然重想食多個, 真係魅力驚人呀!!雖然係人地請, 但都唔平呀, 值唔值得真係見人見智....

唔知點解沒有圓方的千兩給我揀, 只好揀最近那間的尖沙咀店來寫食評了, openrice要加把勁update新餐廳的資料了, 那兒的千兩都開了不短的時間呢門口的店員派了輪候號碼給我, 但問我搭唔搭枱, 我就問點搭法, 原來係面對面坐二人卡座, 唉喲, 現在怎可這樣搭枱, 大家都怕h1n1呀等了十張枱, 終於到我兩了, 迴轉帶上最吸引我的, 要算是和牛了, 雖然三十蚊一客, 都吃了兩客, 好好味的和牛軍艦 把和牛切成牛茸煮至半生熟, 想起又想食了帆立貝不知是否專登整到好大件, 差不多有兩吋半長, 噢, 食落好鮮甜! 池魚壽司都吃了一客, 味道都係鮮甜, 這兩款壽司給我的味覺印象都幾深刻, 因為都好新鮮呢吞拿魚有toro同普通吞拿魚都要了一客, 普通$18, 但魚味不是很重, 只係一般的品質, 要食好的可能都係要貴... $45的腩就真的很不同, 脂肪豐富, 不得了, 很想吃多一碟, 但有點不捨得燉蛋跟同系的元氣味道差不多, 都不錯, 用來填肚最好不過品質整體上是比元氣好, 但價錢就貴20-40%左右, 要吃好一點, 不妨來千兩

去千兩食壽司, 唔好太大期望其實只係貴的元氣, 包裝做到好足, 例如牆上的木製水牌, 是元氣沒有的日本氣息, 店員比元氣更專業有禮餐牌做得好仔細, 有close up的相, 把toro等材料影得很有氣勢, 很吸引!但我最注重始終是食物, 芥辣同元氣好唔同, 千兩的是有芥辣微粒的那一種; 綠茶粉是一樣的! 自己畢, 自己沖!魚生選用了貴一點的貨, 像帆立貝, 真係好大隻, 當然價錢都唔平! 不過, 味道太有元氣的影子了, 但要推介那個赤貝, 一件是赤身的, 很大塊鮮甜肉, 另一件是軍艦的, 其他部份包含其中, 三十蚊一碟, 但這個做得幾認真九點鐘, 人龍長排長有, 心想, 香港人的消費力依然強勁!

本來想book buffet 但full晒,見呢間book到，阿媽又鍾意食壽司，咁未去囉。去到７點，門口完全冇人等，入到去都唔full。我地唔知有迴轉卡位，所以book左order枱。 之後落order，個燒牛刺身同三文魚刺身好快就黎。但個燒牛刺身好＂韌＂，好多筋，完全咬唔到。而個三文魚刺身好薄，同三文魚壽司個片差唔多。但之後一直等左２５分鐘都冇任何野黎，連三文魚壽司咁基本都可以整咁耐？！但眼見好多都有係條迴轉帶度，咁做咩唔攞黎。d waiter成日好似好忙咁，但間野又一直都唔full既。仲要到左８點到我眼見已有３張迴轉卡位加２張４人order枱吉左。但個waiter都唔俾我地轉去卡位，佢話有客入緊黎喎，但佢個客到我地８：４５pm食完走都未入到黎囉我地吹佢d order，個waiter話師傅整緊，會整晒所有我地既order一碟上。但最後都係得２客三文魚壽司同１客油甘魚係一齊上，其他都只係攞迴轉帶上個d。食物品質都只係合格，但services真係唔得，個個好似發緊夢咁。成日拎住我地d食物遊花園，唔叫都唔識加水。

今晚約了同事去千兩dinner~入到店內,都見到有好多日本客人幫襯,我估食物水準都唔錯~同事點了北寄貝刺身,味道好鮮甜,真係再想食多兩件~至於高級吞拿魚腩,都好貴,$100 3件咬落去d油出晒黎,不過我食唔慣呢d高級野可能識食的人會覺得好好味其他的,點了馬刀貝壽司,都好新鮮,唔錯~最後講下服務員的態度:服務都唔錯,見我地隻杯無茶,都會不停地幫我地加水,都好好禮貌總括來說,呢度d野真係好新鮮~服務又唔差,環境都算ok~

千兩嘅迴轉壽司標榜碟底有晶片，有電子監控，避免壽司長時間放在迴轉帶上而變得唔新鮮，不過，今日星期六1:30pm去食，佢嘅做法比碟底有晶片更新鮮，就係直情無乜點放壽司上迴轉帶，只係得三幾碟咁大把，樣樣要叫落單，唔知係咪因為客少，所以費事放咁多壽司上迴轉帶度啩，都無所謂嘅，至緊要D嘢食夠新鮮啫！今日兩公婆好胃口，點咗幾多嘢：牛膀脆片、炙燒牛肉刺身、軟殼蟹手卷、炸蝦卷、加州卷、梅子紫蘇卷、吞拿魚醬油漬壽司、千兩特制厚燒甜蛋、南瓜同紅豆雪糕。魚生食得多，生牛肉就比較少，今次見個炙燒牛肉刺身都係捱介，一於試一試，雖然話係炙燒，個人覺得同食生牛肉分別唔太大，因為見佢都係將外層燒一燒，切開內裡都係「生勾勾」一片一片咁，加D蔥絲，點D醬油，放入口，感覺唔錯，D肉食落好嫩，又好夠肉味，只係唔會話好似「茹毛飲血」個種生法，唔會有血水滲出。唔怕食生嘢嘅人不妨試一試！其次值得一試仲有幾個有水準嘅嘢食，包括牛膀脆片、炸蝦卷、千兩特制厚燒甜蛋。牛膀脆片係植物個隻牛膀，切片脆炸，食落唔算油膩，又好脆口，幾有趣；炸蝦卷又係香口嘢，將壽司飯包住紫菜，再包住炸蝦，面面再放上蟹籽，賣相又靚仔，味道好正；千兩特制厚燒甜蛋，一

星期六中午到達,食客不太多, 聽說以前常排長龍.環境很寬闊,坐迴轉位都很舒適,面對夀司師傅不停熟練地製作,等待食物時都不會悶.厚燒玉子$12很香蛋味,size略細.三文魚壽司很新鮮,$14一客抵食軟殼蟹手卷$18, 炸得很香脆,不覺太油膩.炸蝦卷味道不錯.

其實我之前都試過IFC間千両兩次, 印象不錯, 但問題係要排好長龍等位~~~ 排足1.5小時後來知道千両係太陽廣場呢個隠敝位開左間舖, 正.... 經常唔洗等位(或者唔洗等太耐), 所以造就我可以成日食, 全盛期係12月份為儲VIP卡, 每個星期食兩次添... 講番食物質素, 千両係perfect既, 用料新鮮, 坐得舒服, 唯一問題係貴左d (因為我地兩人每次都食最少350, lunch除外, 有時更達500蚊添), 不過以食物質素計係合理既, 亦唔算貴最鍾意既, 必點食物有 大吞拿魚sushi 或 刺身, 好滑, 好甜, 好似係日本築地魚市場食既咁新鮮咁甜, 所以雖然貴d (sushi 50/件) 都值得既~~~ 軟殼蟹手卷, 即叫即整, 係要等一等(5-10分鐘左近), 熱辣辣, 最好味係佢加左牛油果, 其實好多壽司店都有, 但千両最好味係因為佢有牛油果, 中和左炸軟殼蟹既熱氣 玉子, 因為剛剛整好, 熱辣辣, 少少甜, 加埋蘿蔔蓉, 好好味 鮮東菇壽司, 其實冇咩邊到有, 但千両有, 又平又好食 (12/碟) 燒鰻魚壽司, 個人喜好必食, 千両做得恰到好處, 鰻魚係熱既, 新

同老友去尖沙咀食野，今日清清地食壽司啦～老友提議去食千兩，因為比較早，去到冇咩人，侍應好人地安排我地坐係師傳面前，好難得坐迴轉台都闊落到爆～茶碗蒸真係吾錯，冇膨錢壽司個間咁會出水。海鮮卷：呢個真係吾駛叫，因為裡面有吞拿魚，三文魚等，食既時候你係分吾到，覺得味道撈埋一齊，只係知道自己係食緊魚生囉，沒有特別的效果。吞拿魚＋火炙三文魚：有水準，魚生亦好新鮮。牛肉刺身：登登登登，主角出場啦，一上四件，八廿蚊又真係貴。我鋸扒不嬲叫三成熟，被視為「茹毛飲血」級，都不由得驚訝：「下，咁生既？」一擺入口......正呀！從來未食過咁好食既日式牛肉架！牛肉有一點醃過，又KEEP住左佢既鮮味，稍微一煎來提升它的香味，再加上洋蔥，點上醬汁（係清Ｄ既醬油，味道不重），牛味又濃又香，四塊好快清哂（好，我要懺悔，我食左三件，老友勁悲慘地食左一件同墊底Ｄ菜咋，陰公......）

星期六老板生日買左栗子蛋糕慶祝, 食左之後有d飽,原本一早約左同事一齊去千両食lunch, 大家都決定晏少少先去食下午茶,我地去到完全唔需要等位, 而且小猫三四隻, 坐得非常之舒適,首先我地order左灸燒三文魚、三文魚兩客、帶子,之後炸墨魚咀、厚燒玉子、炸蝦卷、吞拿魚、三文魚腩、軟殼蟹手卷、鰻魚手卷、日式燉蛋、芝麻豆腐等我慢慢講下先-- 「灸燒三文魚」面層熟("鞋"), 底層生(滑)入口既感覺好得, 都算肥美,「三文魚兩客」一客有根另一客好少少, 只係一般貨式, 「炸墨魚咀」我地係旋轉帶拎返黎, 原本以為佢好新鮮岩岩炸出黎, 點知一放入口=_=!!雖然凍左但都算好味, 下次有機會要再試,「帶子」肥美、新鮮、好甜、夠厚, 「炸蝦卷」熱騰騰的, 唔係太油, 蝦爽口「厚燒玉子」平時我絕對唔會叫, 但係我見到menu上既它好吸引, 好甜的蛋, 試過一次便夠了!!「吞拿魚 (一般咋)、三文魚腩 (好味入口即溶,好肥)相比三文魚好好多、軟殼蟹手卷 (同事食- 佢話好味, 熱騰騰的, 即造即食, 夠新鮮)」無幫佢地影相丫, 「鰻魚手卷」menu上無它既存在, 只係我想食, 直接問侍應有無, 佢答我

平常去千両雖然食得開心, 但埋單就覺得貴左D...尋日來到lee 間千両食lunch, 居然有set lunch!!! 最平gei $68 個...兩個人就叫左一個百両定食 ($68),定食包括5 件壽司, 仲有兩件有芝麻gei 卷...有碗烏冬, 仲有芝麻凍豆腐...另外叫軟腳蟹手卷2客, 帶子, 灸燒三文魚, 槍魷魚, 炸蝦卷壽司唔需要多講, 樣樣都好正!定食我真係覺得好抵...D 烏冬好煙韌...明顯係貴價貨...總之成餐都好滿足!!!