影片
更多
2009-02-05
15 浏览
其實我之前都試過IFC間千両兩次, 印象不錯, 但問題係要排好長龍等位~~~ 排足1.5小時後來知道千両係太陽廣場呢個隠敝位開左間舖, 正.... 經常唔洗等位(或者唔洗等太耐), 所以造就我可以成日食, 全盛期係12月份為儲VIP卡, 每個星期食兩次添... 講番食物質素, 千両係perfect既, 用料新鮮, 坐得舒服, 唯一問題係貴左d (因為我地兩人每次都食最少350, lunch除外, 有時更達500蚊添), 不過以食物質素計係合理既, 亦唔算貴最鍾意既, 必點食物有 大吞拿魚sushi 或 刺身, 好滑, 好甜, 好似係日本築地魚市場食既咁新鮮咁甜, 所以雖然貴d (sushi 50/件) 都值得既~~~ 軟殼蟹手卷, 即叫即整, 係要等一等(5-10分鐘左近), 熱辣辣, 最好味係佢加左牛油果, 其實好多壽司店都有, 但千両最好味係因為佢有牛油果, 中和左炸軟殼蟹既熱氣 玉子, 因為剛剛整好, 熱辣辣, 少少甜, 加埋蘿蔔蓉, 好好味 鮮東菇壽司, 其實冇咩邊到有, 但千両有, 又平又好食 (12/碟) 燒鰻魚壽司, 個人喜好必食, 千両做得恰到好處, 鰻魚係熱既, 新
後來知道千両係太陽廣場呢個隠敝位開左間舖, 正.... 經常唔洗等位(或者唔洗等太耐), 所以造就我可以成日食, 全盛期係12月份為儲VIP卡, 每個星期食兩次添...
講番食物質素, 千両係perfect既, 用料新鮮, 坐得舒服, 唯一問題係貴左d (因為我地兩人每次都食最少350, lunch除外, 有時更達500蚊添), 不過以食物質素計係合理既, 亦唔算貴
最鍾意既, 必點食物有
大吞拿魚sushi 或 刺身, 好滑, 好甜, 好似係日本築地魚市場食既咁新鮮咁甜, 所以雖然貴d (sushi 50/件) 都值得既~~~
軟殼蟹手卷, 即叫即整, 係要等一等(5-10分鐘左近), 熱辣辣, 最好味係佢加左牛油果, 其實好多壽司店都有, 但千両最好味係因為佢有牛油果, 中和左炸軟殼蟹既熱氣
玉子, 因為剛剛整好, 熱辣辣, 少少甜, 加埋蘿蔔蓉, 好好味
鮮東菇壽司, 其實冇咩邊到有, 但千両有, 又平又好食 (12/碟)
燒鰻魚壽司, 個人喜好必食, 千両做得恰到好處, 鰻魚係熱既, 新鮮冇腥味, 唔似其他連鎖店係暖既, 仲有腥味附送添
前菜茄子, 甜甜地好味
椒麻豆腐 (好滑好味, 又帶芝麻味, 面頭好似星星既好似係山椒好好味)
其實仲有其他魚壽司, 如鯖魚等, 都好新鮮, 壽司最好味係用料夠新鮮, 壽司飯好味
而最喜歡千両既原因係~~~ 我真係可以enjoy迴轉壽司, 因為可以係迴轉帶上取食物, 千両會定時攞走放得耐既食物 (約重覆轉4-5次), 換上新鮮既, 咁我地可以邊食邊試d特別野~~~ 食飽再係商場買gelato食, 好滿足~~~
张贴