千両 (九龍酒店) (已結業)

Sen-ryo has been one of the most popular sushi restaurants in Hong Kong, under Genki Sushi.For this season, it has prepared fresh horse mackerels and striped jacks from Nagasaki to pair with some specially selected sakes and summer drinks such as ume jelly soda and yuzu shochu.While horse mackerel is popularly known for its delicate texture, refreshing and sweet, the thin translucent cuts are enriched by the tangy yuzu jelly, spring onion and crispy garlic pieces.Striped jacks, the most superior

每個月都有來訪的關係, 已清楚定食A基本只改變壽司組合及炸物的種類. 定食B則一般不變. 之前從未嚐過定食C, 正好趁今天試一試. 如之前介紹一樣, 這裡備有生薑及磨好的芥茉. 餐盒的內容豐富, 按著自己的步調逐款吃. 關東煮: 看到有湯類的先嚐嚐, 湯汁味道不太豐富, 裡頭的魚卷粉太多, 普通. 燒鯖魚: 普通的鯖魚但燒得微焦的魚皮引起食欲. 先灑一點檸檬汁, 夾起一點魚肉, 這個魚烤得恰到好處, 而且平常鯖魚吃到的腥味這次感覺不到. 頗出色. 鰻魚箱押壽司: 鰻魚的份量較少, 魚肉跟飯的比例差距較大, 普通. 牛肉烏冬: 烏冬頗煙韌而湯汁味道配合, 牛嫩肉香及焯至僅僅熟, 全個便當最喜愛的食物. 什錦天婦羅: 矮瓜, 蕃薯及蝦各一件, 蝦的麵衣做得頗厚, 雖然炸得酥脆不油膩, 但略為減分. 整體味道配合價錢, 地點. 可以給70分水平. 

星期五晚難得放工去尖沙咀行下街食下嘢，本來想去間靚靚地日本餐廳，但周圍都要等位，見千兩少人啲去攞張飛，等差不多10分鐘就有位八瓜魚$22基本野普通牡丹蝦$45好新鮮而且蝦肉鮮甜夠爽身柚子胡椒左口魚裙邊$45完全唔得！原來冇燒過嘅左口魚係咁唔好食，又冇味又多根...柚子胡椒帶子$45幾清新，入口帶著輕微柚子香味同帶子夾牛油果松葉蟹$55配搭都ok但真係唔值，食唔出同普通蟹柳既分別牛油燒赤海蝦$68蝦入口夠彈牙，小小牛油為蝦額外加左油脂香味，燒得岩岩好，不過好細隻唔抵玩綠茶雪糕糯米糍$38特登留肚食我最愛綠茶雪糕，綠茶味濃郁，唔會太甜又有奶香，加上用糯米糍包住有口感，值得一試朱古力軟餅伴雲呢拿雪糕$48試左少少我覺得好普通 brownie冇想像中鬆軟，雪糕味道ok而且夠硬身千兩環境舒適，價錢唔算平而且服務一般，食物質數有好有壞，有好大改善空間...

睇完戲又想食日本野，係公司都買過幾次千両外賣（是自己拎的外賣）所以當想食sushi, 自然又醒起千両 呢盤係第2盤，第一盤都係叫三文魚為主 ，唔記得影相。科科帶子一如既往 超新鮮！ 食過唔新鮮既帶子 咬一啖就ler返出黎。會入唔到〇 ，口感好霉。千両既帶子每次必點至於甜蝦，都係好新鮮 甜甜的、爽爽的。唔會好似外街既偏油同淋patpat 好味的甜蝦腳留影 科科 軟殻蟹手卷都係每次必叫，牛油果同軟殻蟹呢個配搭真係好得而且軟殻蟹外脆內軟 ，配埋脆脆的紫菜即包即上 再即食 第一次叫玉子，原來仲會有千両兩粒字係上面 哈哈哈蛋味都重既，仲有微微既甜味。

又是下雨天，心情沉了一沉。今午食下壽司這些比較light的食物調劑下。今曰選的是萬両壽司拼盤。有面鼓湯，胡麻沙拉，壽司十件。整體壽司都很新鮮，有光澤，比較突出的是左口魚裙邊：鮮甜肥美,有口感；大蝦壽司爽甜有膠質，十分新鮮；碎蔥呑拿魚軍艦好惹味，鮮味之餘又帯甜酸味；八爪魚用上梅子末調味，味道清新但有點韌；三文魚雖然唔腥但沒有雪花紋，欠肥美口感；醋漬吞拿魚酸酸的，令味道單薄的呑拿魚有點味道；粉紅的魚生壽司：肉質爽，魚味吾突出；唯池魚有點腥味，即使用上香蔥也是腥腥的。甜旦：軟滑帶甜味。簡簡單單一餐sushi, 尚算不裕，壽司的口味同質感算多元化，整體食味中上，應該會再訪。

忙碌的早上工作, 令我想有一頓較好的午餐, 第一時間便想來於九龍酒店下的千両, 這家店的午飯時間一向較清靜, 適合不喜歡人多的我. 除了清靜外, 這家店的中午定食是頗吸引的, 最吸引是定食A內有: 壽司拼盤, 前菜, 烏冬, 吉列池魚(這部份是隨時更改, 較早時是吉列蝦, 早前是薯餅)枱面上有子薑自行取用. 另外有芥茉, 這個是磨出來而不是用芥茉粉調水, 芥茉的辣較清新及香. 壽司拼盤: 最突出是蟹膏蝦軍艦卷, 蟹膏的濃郁及甜味, 加上入口即化, 令人回味. (下次單點好了)另3件握壽司材料新鮮. (3件中較喜歡蝦)吉列池魚: 炸粉有一點點厚, 整體味道普通, 頗大件份量足. 但比之前的吉列蝦及薯餅稍遜色.清湯烏冬, 烏冬軟彈煙韌, 湯底清甜, 作為一頓午飯結尾很好. 整體來說, 我給5星"抵食", 因為這個價錢在名店林立的尖沙咀, 實是物有所值. 這也是我的飯堂之一. 

又到千兩 event 喇，清酒品味活動盛夏之食彩海鮮祭 ﹗都係要幾個星期 book 位，非常搶手呢。跟上次清酒品味活動既 menu 似乎大同小異，希望給我一點驚喜 ﹗跟凱程女神多月無見喇，經過重重困難、不斷嘗試，終於出到黎食餐便飯。撞啱仲夏時段，凱程 BB 去完旅行曬得一身健康膚色，跟以往一樣美麗動人。咁耐無見，大家黎幾杯餐前酒賀一賀佢啦 ﹗任飲越之白鳥純米吟釀、越之白鳥特別純 米酒、山間純米吟釀生原酒 14 號、山間特別純米酒生原酒 16 號，好快已有幾分醉意，清爽帶香甜，米酒香純，而且我今晚非常開心呢 ﹗澤姬吟釀，上第一道菜前，先黎杯清酒開開胃、醒醒腦先，清淡甜味，酒味芳香，酒精濃度 16 度，作為前菜配搭非常配合。千兩特色凍蛋，初時見到個外觀仲以為係普通既日式蒸蛋，原來係凍蛋，好采都有點新菜色試試，menu 上無的。牛奶味幾重，蒸蛋上配以 cream、海膽及 三文魚子，要一齊放入口先可以感受到依道菜既特別之處 ﹗甜蛋、咸三文魚子、鮮海膽，甜併咸撞出獨特既味道，神秘而誘人，好味 ﹗質感集彈性幼滑爽脆軟棉放一身，觸動每顆味蕾。太美味根本不能讓節奏慢下來，轉眼間全部消滅 ﹗澤姬大吟釀，

一直都好奉千両場講真，香港食寿司無乜中價野揀一係就貴，一係就食lunch千両算係中傭一啲啦但啲質素真係好飄忽一向好靚嘅牛油果，今日未夠熟...失望海膽同甜蝦蟹膏質素keep到，但無乜驚喜可言架啦葱拖羅，曾幾何時相當有heart，食親都係手剁但而家...都係手剁...但唔知擺左幾耐入口腥味爆發....但食落都好有魚油香嘅...好心，靚料就唔好pre咁耐，幾靚都變垃圾呢個我至愛，炙燒左口魚邊，嚟親都食，燒過入口魚油大爆發唔多地方有，有都無咁大塊，再唔係做唔到呢個價錢必食！今次季節料理係秋刀魚秋刀魚刺身其實好好味，我係唔食燒秋刀魚但刺身完全係兩件事嚟，魚味濃，配薑同葱食一流其實成日食千両，耐唔耐都會撞到質素不穩問題每次撞到就避開果間鋪唔食，食第二間分店希望今次只係個別事件，呢間食左幾次都好地地今日真係唔知搞乜連食個味醂魚乾都會燒到乾屍咁....

原本打算今晚享用會員生日月份一次性半價優惠，可惜乜都無食過就走咗 我地8:20 攞飛，9:20 入座，9:30 寫好落單紙俾侍應，叫咗十幾二十樣野，9:35 叫侍應加單，加咗個剌身拼盤同可樂，9:45 可樂黎咗，10:00 等咗半個鐘都無野食黎，追單，侍應話師傅整緊，10:05 再追單，另一個侍應都係話師傅整緊，10:10 眼見隔離枱遲過我地黎但已經好多野食，問侍應其實係咪漏咗單，叫佢幫我睇吓我張單有咩，點知原來淨係落咗後加嘅剌身同可樂，落單紙嗰十幾二十樣野無落到單！！ 成晚等咗接近兩個鐘，乜都無食過就走咗，以後唔會再去呢間分店！！

同同事慶祝，近近地就去左新太陽既千両。叫左個最平既定食，但已經好好食沙律草同蕃茄好新鮮好fresh多汁，加埋d酸酸地既汁好好味。牛肉薯餅同事推薦好食，食落去係熱既，即炸好香口，出面層粉整得薄👍。烏冬彈牙，個湯應該係木魚湯，清清地每次都會飲晒。壽司新鮮，元氣個d無得比。已經食左幾次，會再去！

凱程姐未到，我已經好肚餓喇，自己食住先，仲有免費 saka 招待。枝豆，餐前免費小食。枝豆正常地爽脆，味清新，無咩特別。 蠔杯三味配太平山天巧大吟釀，蠔杯三食，分別係日本髮菜、昆布、茄汁。佐賀生蠔勁鮮甜肥美，略帶爽口而多汁。我試第二杯既昆布時，奇怪地隻蠔有雪味既？應該隻蠔係新鮮即開架喎，唔通跌左粒碎冰入口？冰填蠔杯保持溫度，入口時非常涼快。茄汁蠔杯味道偏酸但會增強食慾，味道跟西餐生蠔汁有點相似。昆布杯帶昆布甜味，而髮菜杯就帶淡淡醬油香氣，我個人比較喜歡髮菜跟佐賀生蠔既配搭，清淡得黎又嘗到生蠔原味。太平山天巧大吟釀，今晚雖然係品酒會，我都鍾意飲 saka 既，不過唔多認識囉。Saka 名又長又複雜，唔記得邊隻打邊隻，總知全部都好飲啦。鱈場蟹、毛蟹、紅蟹三味刺生配天領純米吟釀生貯藏酒，第 2 道菜賣相非常吸引，好精緻奪目！跟第 3 道菜一齊出。我都非常鍾意食蟹，咁少份量我當然唔夠夠啦。三款蟹都十分鮮甜味美，主持應該介紹由淡食到濃架麻。毛蟹味道最清淡，但肉質最有彈性及咬口，而且蟹膏份量非常澎湃，味道甘香無比。跟住到紅蟹，鮮甜又彈彈的。最後都最濃味最鮮甜既鱈場蟹，超彈質地，特濃蟹香，無得輸！當

生日飯,一年一次,化個靚妝就同男朋友出左tst食飯.想quality好小小就揀左呢間食sushi.d人成日話女仔最鐘意就係食日本野.其實我對就無咩特別喜好!呢間餐廳值得一讚既係佢唔會好似其他平民壽司鋪(吉x/元x/板x..etc)咁.為賺錢放曬d客人入去!雖然只係坐回轉台.但客人與客人之間相隔有一段距離.留番d私人空間俾我地...同男朋友講肉麻野都唔洗驚! d壽司Size 唔算細，而且味道好新鮮。除左食生冷野,仲叫左個白酒煮蜆..白酒有好濃既酒香味,D蜆肉有海鮮味,因為一路食一路有個蠟燭仔燒住.所以唔驚食得慢..凍左腥曬!直得推介下三文魚肥瘦適中,唔會太瘦太肥,壽司飯唔會太硬,好新鮮,又夠實淨,但又唔會太硬!!

早前食過時令秋刀魚勁好味，專登帶凱程黎食好野。第一次約會食好！我最愛既大拖羅當然唔少得啦！ 朋友仔無飲過 saka，對 saka 印象亦唔多好，以為係燒酒類一定好辣，當然唔係啦。係我推介之下都肯試試，好野黎架。加賀之月，琥珀月，純米吟釀！淨係個名都殺晒呀，型！香醇清甜帶花香味，飲落幼滑而醇，淡淡米香，好味呀！第一次見依款盛酒器，好得意！凱程放工有點累了，一陣仲要去睇戲喎。鰍魚刺生，時令鰍魚勁肥美呀！第一次食，估唔到超甜又軟棉，油肪豐富甘香，滑溜溜，色澤鮮明非常吸引，order 半條差不多廿件，好抵食！推介，好食好食！原條秋刀刺生，好味到停不了手，又香又甜又肥美，質地滑而彈彈，最緊要同薑蓉一齊食，格外清新味美，必食！真係擺得好靚呀，一放低已聞到鮮魚既清香！特上吞拿魚腩，今晚 lucky 食到喇，經常沽清！S 級特上吞拿魚腩邊有得輸呀！魚脂澎湃，滑不留口，甘香滑溜。速速啪入口，即溶化係每個味蕾之上！香甜致極，油香久久不散呢！魚肉粉紅色，可遇不可求，必食。油甘魚刺生，經過幾道精采美味既刺生後，我最喜愛既油甘魚變得普通左，不過依然高質滿意鮮甜味美！鯛魚壽司，朋友仔表示最愛鯛魚，好！我會記住！

好啦,今次又去到不同分店食千兩,水準真係差好遠.其實個原因我諗就只有一個,就係不能做到貨如輪轉,令到食材無咁新鮮.如果我去人流旺既分店,味道絕對一流.但九龍酒店商場分店絕對唔係.我會好容易咁睇到剌身既光澤度好低.食得出連我最愛特大帶子既應有口感都不存在.應該係要有少少爽,加上少少彈牙,輕易感受到帶子既甜.但呢度既出品就係無.加上死灰色既他他牛,就知到今餐可以收工.剌身盤既魚肉除左北寄貝外,其他都無咩味道.我理解好多白身肉既味道都不濃,但絕對唔會係零味道.又愛又恨.愛既原因係食到新鮮北寄貝既地方真係唔多,千兩係個好選擇.

提起千兩，相信大家都會聯想到刺身、壽司等。原來近日開始，千兩的尖沙嘴九龍酒店、尖沙嘴美麗華酒店、旺角新世紀廣場和中環世紀廣場等4間分店特別增設了海鮮居酒屋menu，提供多款刺身，燒物，炸物和佐酒小吃。早前便應公關小姐邀請來到九龍酒店地庫的千兩店與一眾食友齊齊品嚐千兩新的居酒屋menu及新推出的「春の盛筵」春季料理，兼配搭了多款清酒。在此，要再次謝過邀請。先來3款前菜小食，分別有炙燒魷魚，千兩特製厚燒甜蛋和魚肉蓮藕餅。厚燒甜蛋做得軟嫩香甜，是3款小食中我最喜歡的。炙燒魷魚煙煙靭韌，味道亦頗鮮甜，很合適佐酒！魚肉蓮藕餅爽脆，不過味道偏淡。接著就是「春の盛筵」春季料理中的「朝捕晚嚐海の幸」和「築地朝捕鱈場蟹刺身盛」。「朝捕晚嚐海の幸」共有6款刺身，都是由師傅發板選出當日靚海鮮。我們這晚就有池魚，三文魚，吞拿魚，赤海蝦，金目鯛和魴鮄。各款刺身都清新又新鮮，當中那鮮甜嫩滑的赤海蝦就最得我歡心。而「築地朝捕鱈場蟹刺身盛」，除了主角雪場蟹腳，還有另外由師傅選配4款海產。我們這夜就有目張，帆立貝，鰹魚和伊左木，配雪場蟹腳。我的心水就是那來自北海道的雪場蟹腳，肉質肥厚鮮甜，美味呢！當食刺身時，清酒師推介