十字冰室 (恆陞大樓)

营业中

休息中

十字牌牛奶開左主題冰室，可以瘋狂飲奶喇！下晝過哂食飯時間去到都幾多人，都等左半個鐘先入到去食，試業緊安排入座都幾混亂。而且原來係百無既，無冰鎮奶茶又無牛尾蕃茄粉仲瘋狂漏單要追單。用左Open Kitchen好多野都可以望到佢整，一隻隻杯放哂上架懷舊得黎又有格局。牆上既餐牌用左舊式茶餐龐既設計，仲用左以前人手寫字既方式去寫餐單，好似以前去茶餐廳食野要望牆上餐牌食咩既日子。行入去會見到好多十字牌箱，可以餐廳用之餘又可以當裝飾，襯哂十字冰室既主題。入面用左舊唐樓設計，牆上面貼哂招紙同傳單，連門都整到好似唐樓既信箱咁，好有舊屋村既感覺。叫左咸牛肉牛奶炒滑蛋三文治($22)，好鬼鍾意食咸牛蛋治，炒蛋加左牛奶勁滑，三文治烘底好似烘得一面，個底係淋既有啲美中不足。十字雲尼拿焦糖奶昔($34)，杯邊勁多焦糖，雲尼拿味好濃，飲落仲有餅碎添，上面仲有塊脆餅跟埋，飲落唔算太甜。店名: 十字冰室地址: 西營盤高街48-78號恆陞大樓地下12號餐牌:

價錢有D貴，咖啡不是即磨，抄蛋水份太多，通粉太少，面包口感麻麻…你可能話40元個早餐想點？但和同區另一間比較，有D失息。做食店，食物質量是首位。希望多多改善，否則好快唔記得你個十字。

今日中午12點去到見人龍 排不到十分鐘就到 本身想叫常餐 再加皇牌餐 再加一杯奶昔 但店員話皇牌餐賣晒。咁就叫左兩個常餐 最早到奶昔幾好飲。 但當常餐到時 快多士係淋同暖 炒旦一般 吉列豬扒好薄同冇味道 到佢個豬骨湯意粉拿來時我真的嚇一跳 因為佢份量係正常的1／3 根本係唔會飽。佢收48蚊一個常餐但份量比下午茶環要少。 之後再叫多個牛油沙糖多士 都係一般 唔夠厚 同澳牛。華星比 佢真係要加陪努力 食客只係會比一次機會 唔好食就一定冇下次

十字牌鮮奶係我最喜歡的鮮奶，講營養、味道及奶濃度口感，冇一隻及得上呢隻牌子。如果大家去七仔或者超市買，會見到最快賣完多數都係十字鮮奶！而我做的自家製甜品，例如鮮奶布丁、薑汁撞奶，也特別會選用十字排鮮奶，必定成功！的，今次在網上看見有十字餐廳，非常吸引吖，雖然不知道來龍去脈，但長假期的週末，一於去試下。一去到就見到排長龍，由於今日晏起身，去到已經非常肚餓，見到人龍有20人左右，所以都係決定買個外賣俾自己食。今次叫咗個「豐富早餐」有炒蛋多士，厚切火腿通粉配豬骨濃湯，再加一個熱檸茶＄39外賣。其實好想試牛肉通粉不過話要11點半後才有。今次試住少少，質素都算有水準，侍應服務有多少混亂，但希望下次去嘅時候，陸續有改善啦。

我:喂!十字奶開左間冰室係高街 媽:你未出世巳經飲十字奶 我:我知呀,你話你覺得呢胎係女,為了唔想好似 上一胎咁黑,所以日飲一枝十字奶嗎! 媽:所以你咪成隻白豬咁囉。。 十字牌,我細細個就听過你個名。。。。因為未出 世飲到大,都係買十字牌,然後曾經,我擔心你面對如此激烈的香港市場社會,我好驚你會被維他同維記等大集團打倒！我擔心過你嘅市場反應唔夠人哋快，形象唔夠後生吸引唔到後生仔，然後便利店嘅樽裝奶越來越少，然後到推出雪梨牛奶直情覺得震撼，然後都好多外國嘅香蕉奶草莓奶咖啡奶推出市面，競爭越見強勢，但從來無擔心過你嘅產品質素。到我發現你開咗間餐廳，你已經走在最前了，crossover 巳經係品牌活力的新趨勢。原來你已經默默地努力，將一個本地色彩感覺嘅品牌延續落去，我第一個撐你！冰室現在流行得很，今期流行。冰室成了另一種風格，事前先讀定文章，聽講呢度嘅火腿爆蛋菠蘿包同埋冰鎮奶茶咖啡最正最見使。要食就要食佢哋最精彩嘅嘢，中午12點，仍要還有外皮脆裏面鬆軟嘅菠蘿包，配上細細個食到而家的火腿扒，唯獨是如果可以變成炒滑蛋更加好食。普通煎蛋未能食得出牛奶炒蛋的滑動。對於眼闊肚窄俾我，即係要我再去食多次

牛奶炒滑蛋雞翼配牛油方包，牛奶豬骨湯意粉。加3蚊配冰鎮咖啡，全單$52!! 意粉較硬身，重牛奶味但沒有跟任何餸所以賣相會較一般。滑雞蛋同雞翼都好好食！冰鎮咖啡沒太大特別，只是有懷舊賣相感而已。

#十字冰室 試業中必試之選皇牌餐香濃蕃茄牛尾湯通粉（舊牛尾好大舊👍🏻）配黑松露炒滑蛋同牛油方包(好多黑松露個蛋好滑$53😳😳😳朱古力奶昔唔夠creamy似朱古力多啲＄34杯底有好多朱古力碎👍🏻如果能夠keep住水準又一排隊潮😋😋😋😋😋

今天又到西營盤做嘢，諗住行去高街睇下有咩醫肚，比佢個霓虹招牌吸引埋去睇，見舖面OK又想快食完就閃，於是坐低嗌咗個牛尾湯湯粉餐，驚喜在佢係「真心牛尾湯」，足料濃味而且唔係比牛尾「碎」你，係堅一嚿嚿可以𡁻嘅牛尾肉，好味到我當住家湯飲鬼哂。黑松露炒蛋夠特別，不過我本身唔太好松露、唔識評。又見佢有個gimmick 樽仔奶茶，我呢啲奶茶毒友點會唔試，對於「十字牌」我無乜集體回憶（我唔係果個年代嘛），不過個奶茶我就好like，可能茶味偏重啱哂我。而且店舖裝修幾有型、有幅類似graffti 嘅牆、廁所位扮後巷貼滿街招幾有心思，不過趕時間又一條友無影到相。唯一不足店面偏細好少位，想坐耐啲都唔好意思阻住人做生意。下次過開黎可以返兜，我見到隔離檯個燒春雞好似好正😝😝